Luˇkaꞈ 3:10 - Akha

¹⁰ Tsawˇ haˬ kʼoeˇ deuˬ aˬ yawꞈ-ahˇ naˇ haˬ-eu, “Toˆ-ehˇ ngeuˇ naˇ, nga maꞈ aˬ joˆ-ehˇ ya jahˇ nmˇ.”

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹⁰ Khoerngae, tsawrhaq armaf mafma deuq, Yorhaq-anr narhaq-eu, “Tox-aer mar-iq, nga’maf aqjox-aer yajanr-eu la?”

Luˇkaꞈ 3:10 Iomraidhean Croise

Luˇkaꞈ 3:12

Kawˬ taꞈ-eu tsawˇ haˬ deuˬ kʼawꞈ, aˬ yawꞈ neh iˇ cuꞈ bi shawˇ nehˬ-eu lehˇ, aˬ yawꞈ jawˇ gaˇ oe-awˇ ehˇ-eu, “Saˬ laˬ-oˇ, nga maꞈ aˬ joˆ-ehˇ ya jahˇ ta.”

Luˇkaꞈ 3:14

Yehˇdeuˬ kʼawꞈ aˬ yawꞈ-ahˇ naˇ haˬ-eu, “Nga maꞈ toe. Aˬ joˆ-ehˇ ya jahˇ nmˇ.” Aˬ yawꞈ ehˇ-eu, “Aˬ cawˬ-ahˇ nawˬ dzaˬ kʼaˆ dzaˬ-eu jeˬ hawˇ-eu, laˆ dzaˬ gahˇ dzaˬ-eu jeˬ taˬ mˇ. Yawˬ ha za luꞈ-eu ba la aˇ poeˬ-ahˇ nui kʼahˇ shiˇ-awˬ.”

Luˇkaꞈ 3:8

Naw maꞈ iˬ baˇ noeˬ poˆ gʼaˬ-euˬ ngaˇ lehˇ yaw muiˬ paˬ-ehˇ siˬ duˬ mawˇ duˬ laˇ ni dehꞈ-awˬ. Aˬbyaˬhaˬ-aˬ, nga maꞈ-euˬ aˬ da yaw dzahˇ ma lehˇ, naw maꞈ-euˬ nui ma laꞈ kʼoeˇ yawˬ haˇ yawˬ ha ehˇ ehˇ-ehˇ taˬ jawˇ. Ngaˇ naw maꞈ-ahˇ ehˇ nehˬ nyaˇ. Miˬyehˇ-aˬ, kʼaˬ lo heu deuˬ yuˇ-awˇ, Aˬbyaˬhaˬ-euˬ oeˬ paˬ oeˬ ma jahˇ doˆ nya meh.

Gʼaˬkʼehˇ 16:30

Kʼoeˇ naˇ, aˬ yawꞈ nyaꞈ-ahˇ laꞈ nyiˇ sheuˬ doˆ gʼeh-awˇ ehˇ-eu, “Saˬlaˬ-oˇ, ka kʼoꞈ-eu jeˬ za nya ni ngaˇ aˬ joˆ-ehˇ ya jahˇ ta.”

Gʼaˬkʼehˇ 2:37

Beˬtuˆluˆ kʼoeˇ loꞈ-ehˇ ehˇ gaˇ tsawˇ haˬ kʼoeˇ deuˬ ya gaˬ ngeh, aˬ yawꞈ maꞈ-euˬ nui ma-ahˇ zaw dui dui leˇ-awˇ, Beˬtuˆluˆ hawˇ-eu gʼaˬ kʼehˇ kʼoeˇ deuˬ-ahˇ ehˇ-eu, “Aˬ yuiꞈ aˬ nyiˇ deuˬ-oˇ, nga maꞈ aˬ joˆ-ehˇ jahˇ paˬ nga.”

Gʼaˬkʼehˇ 2:38

Aˬ yawꞈ maꞈ-ahˇ Beˬtuˆluˆ ehˇ nehˬ-eu, “Naw maꞈ yawˬ gʼaˬ na luꞈ yawˬ ha-euˬ iˬ baˇ noeˬ poˆ-awˇ, Yeˬsuˇ Ka li-euˬ tsawˇ myahˇ uˬ moˆ iˇ cuꞈ shawˇ-awˬ. Kʼoeˇ loꞈ-ehˇ jahˇ naˇ, Miˬyehˇ naw maꞈ-ahˇ iˬ baˇ pyehˬ nehˬ laꞈ-awˇ, Miˬyehˇ neh biꞈ leꞈ-euˬ Muiˬ-eu shawˇ-eu Yaw sahˇ Miˬyehˇ-ahˇ naw maꞈ za tehꞈ-a.

Gʼaˬkʼehˇ 9:6

Teˇ saˇ kʼoeˇ saˇ aˬ yawꞈ-ahˇ ehˇ-eu, “Ngaˇ-aˬ, nawˇ kʼehˬ luꞈ-eu Yeˬsuˇ ma. Tuˇ-awˇ meuˬ-ahˇ le uˇ-awˬ. Nawˇ aˬ joˆ-ehˇ ya jahˇ-eu gaˇ kawˆ kʼoeˇ gaˇ ehˇ nehˬ laꞈ tehꞈ-a.”