Luˇkaꞈ 3:1 - Akha

¹ Gehˇsaˬ Deˬbeˬliˇ dzoeˬ dzaˬ-eu tseˇ ngaˬ kʼoꞈ byah laˇ ngeh, Yuˇdaˆ miˇ kʼahˬ-ahˇ BoˬtiˆPiˇlaˆ uˆ lahˇ-awˇ, Gaˬliˬlehˇ miˇ kʼahˬ-ahˇ Heˬloˆ uˆ lahˇ-awˇ, Iˇtuˬlehˇ miˇ kʼahˬ hawˇ-eu Daˬlaˬgawˇniˇ miˇ kʼahˬ-ahˇ Heˬloˆ-euˬ aˇ doˆ Piˇliˇpuˆ uˆ lahˇ-awˇ, Aˬbiˇleˬ miˇ kʼahˬ-ahˇ Luˇsaˬniˇ uˆ lahˇ luꞈ-eu meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹ Gaersaq Diqbeqlir sanqpaq uqdzan geuf-awr dzoeq-eu 15 khof byanlar ngae, Yurdav mirkhanq-anr Boqtiv Pirlav meuqsanr geufluf-awr, Gaqliqlaer mirkhanq-anr Heqlor uvlanr luf-awr, Irtuqlaer hawr-eu Daqlaqgawrnir-anr Heqlor-euq maernmr Pirlirpuv uvlanr luf-awr, Aqbirleq-anr Lursaqnir uvlanr luf-eu mae.

Luˇkaꞈ 3:1 Iomraidhean Croise

Aˇ dahˬ 49:10

Sahˬ paˬ-euˬ gawˬ yoeˬ-ahˇ aˬ yawꞈ tuˆ tehˬ taˬ-awˇ, Aˬ yawꞈ-euˬ zaˬ deuˬ tiˬ ziˇ saˇ-iˬ tiˬ ziˇ dzoeˬ dzaˬ oꞈ tehꞈ-a. Aˬ cawˬ tsawˇ jeuˬ deuˬ aˬ yawꞈ jawˇ gaˇ pyuˇ shuiˇ myawˬ gahˬ taꞈ ha laˇ-awˇ, Aˬ yawꞈ mehˬ shi awˆ byaˆ-eu laꞈ kʼoeˇ aˬ yawꞈ ehˇ dawˬ naˇ haˬ tehꞈ-a.

Maꞈtehˬ 14:1

Aˇ yamˬ kʼoeˇ yamˬ-ahˇ, Yeˬsuˇ tsawˇ myahˇ doˆ-eu gaˇ kawˆ, Gaˬliˬlehˇ miˇ kʼahˬ-ahˇ uˆ lahˇ-eu sahˬ paˬ Heˬloˆ ya gaˬ-awˇ,

Maꞈtehˬ 14:3

Heˬloˆ-aˬ, Yoˇhaˬ-ahˇ nyehꞈ-eu gʼaˇ duˬ dawˬ biꞈ-awˇ, tawˬ-ahˇ bi dawˆ taˬ-euˬ meh. Aˬ yawꞈ-euˬ mehˇ nmˇ Piˇliˇpuˆ-euˬ miˬ zaˬ Heˬloˇdiˇ baˬ da neh, aˬ yawꞈ kʼoeˇ loꞈ-ehˇ jahˇ-euˬ meh.

Maꞈtehˬ 14:6

Heˬloˆ dehꞈ le-euˬ aˇ nah-ahˇ noeˬ keuˆ-eu bawˬ-iˬ gʼeh luꞈ ngeh, tsawˇ haˬ dawˬ tawˆ luꞈ-euˬ mehˬ shi Heˬloˇdiˇ-euˬ aˬ buˇ gaˇ nyeh nyeh mehˬ gaˇ, Heˬloˆ nui ma tsaˬ dui dui-euˬ meh.

Maꞈtehˬ 22:17

Teu miˇ neh, nawˇ aˬ joˆ-ehˇ noeˬ-eu gaˇ kawˆ nga maꞈ-ahˇ tiˬ poˆ ehˇ nehˬ laꞈ sheˇ. Loˇmaˆ sahˬ paˬ-ahˇ kawˬ doˆ nehˬ-eu kʼoeˇ, aˬ dui-euˬ Zahˇ dawˬ kʼoꞈ dawˬ-ahˇ bahˬ meh loˇ, maˬ bahˬ-a loˇ.”

Maꞈtehˬ 27:2

Aˬ yawꞈ maꞈ aˬ yawꞈ-ahˇ shmˇ caˆ paꞈ-awˇ tsahˇ doˆ gʼeh-awˇ, Loˇmaˆ tsawˇ haˬ sahˬ paˬ Piˇlaˆ jawˇ gaˇ tsahˇ gʼeh-euˬ meh.

Maˬkuˆ 6:17

Heˬloˆ-aˬ, yawˬ ha-euˬ mehˇ nmˇ tsi tsi ni gʼeh-eu Piˇliˇpuˆ-euˬ miˬ zaˬ Heˬloˇdiˇ-ahˇ sheuˬ-euˬ meh. Zaˬ miˬ zaˬ kʼoeˇ gʼaˬ baˬ da neh, Yoˇhaˬ-ahˇ paꞈ-awˇ tawˬ-ahˇ bi dawˆ-eu gʼaˇ duˬ, Heˬloˆ neh dawˬ biꞈ-euˬ meh.

Maˬkuˆ 6:21

Aˇ saˬ saˬ laˇ ngeh, Heˬloˇdiˇ Yoˇhaˬ-ahˇ sehꞈ-eu yehꞈ laˇ-euˬ meh. Kʼoeˇ-aˬ, Heˬloˆ dehꞈ le-euˬ aˇ nah-ahˇ noeˬ keuˆ-eu bawˬ-iˬ jahˇ ngeh nah meh. Kʼoeˇ ngeh nah, sahˬ paˬ sahˬ ma geuꞈ luꞈ-eu yaw huiˬ yaw mahˇ deuˬ, guiˇ guiˇ maꞈ kʼoeˇ taˆ uˆ lahˇ-eu yaw huiˬ yaw mahˇ deuˬ hawˇ-eu, Gaˬliˬlehˇ miˇ kʼahˬ laꞈ kʼoeˇ myaˆ pyawˬ naˇ mehˇ jaˆ-eu aˬ yuiꞈ aˬ tsu deuˬ-ahˇ hawˬ byawˇ lawˇ nehˬ-euˬ meh.

Luˇkaꞈ 13:31

Kʼoeˇ ngeh, Paˬliˬsehˇ tiˬ paˆ na deuˬ Yeˬsuˇ jawˇ gaˇ laˇ-awˇ, “Heu gaˇ taˬ paˇ jawˇ. Sahˬ paˬ Heˬloˆ nawˬ-ahˇ sehꞈ mawꞈ-eu meh” lehˇ ehˇ-eu meh.

Luˇkaꞈ 2:1

Kʼoeˇ ngeh, Loˇmaˆ miˇ kʼahˬ laꞈ oˆ kʼaˇ jawˇ-eu miˇ kʼahˬ zaˬ dawˬ tawˆ luꞈ tsawˇ myahˇ ya dawˆ meh lehˇ, sahˬ paˬ Gehˇsaˬ Awˇguˇtuˆ dawˬ biꞈ-euˬ meh.

Luˇkaꞈ 23:24

Kʼoeˇ miˇ neh, aˬ yawꞈ maꞈ geuꞈ mawꞈ-eu loꞈ-ehˇ sahˬ paˬ Piˇlaˆ yaˇ kʼaˬ daˇ tsehˆ nehˬ-euˬ meh.

Luˇkaꞈ 3:19

Ehˇ kʼawꞈ, sahˬ paˬ Heˬloˆ-aˬ, aˬ yawꞈ-euˬ aˇ doˆ-euˬ miˬ zaˬ pyeuꞈ-eu Heˬlawˇdiˇ-ahˇ sheuˬ-euˬ uˬ taꞈ, yaw haiˬ gʼawˬ mya jeˬ mˇ-euˬ miˇ neh, lehˬ dui dui meh lehˇ Yoˇhaˬ ehˇ-euˬ meh.

Luˇkaꞈ 9:7

Gaˇ kawˆ kʼoeˇ deuˬ-ahˇ Gaˬliˬlehˇ miˇ kʼahˬ-ahˇ uˆ lahˇ luꞈ-eu Heˬloˆ ya gaˬ ngeh, zahˬ leˇ-euˬ meh. Aˬ jeˬ miˇ neh ehˇ naˇ, “Iˇ cuꞈ shawˇ-eu Yoˇhaˬ gʼoꞈ dehꞈ laˇ-euˬ ngaˇ” lehˇ, tsawˇ haˬ tiˬ paˆ na deuˬ ja luꞈ-eu meh.

Gʼaˬkʼehˇ 23:26

“Huiˬ-eu mahˇ-eu sahˬ paˬ Peˬliˇ jawˇ gaˇ, ngaˇ Gaˬlawˇdiˇ Luˇsiˆ sahˬ boꞈ boꞈ-awˇ dawˬ cawˬ puˬ ahˇ leꞈ-eu ma.

Gʼaˬkʼehˇ 24:27

Nyiˬ kʼoꞈ byah laˇ ngeh, Peˬliˇ-euˬ jawˇ duˬ-ahˇ Bawˇgiˇ Beˬtuˇ sahˬ paˬ paˇ geuꞈ le-euˬ meh. Peˬliˇ-aˬ, Yuˇdaˆ tsawˇ haˬ mehˬ shi tsawˇ myahˇ za mawꞈ-eu miˇneh Pawˇluˆ-ahˇ tawˬ-ahˇ bi uˇ yaꞈ-euˬ meh.

Gʼaˬkʼehˇ 26:30

Kʼoeˇ naˇ, sahˬ paˬ Aˬgiˇpaˆ maˬ ehˇ, sahˬ paˬ Beˬtuˇ maˬ mehˇ, Beˬlaˬniˇ maˬ ehˇ, aˬ yawꞈ maꞈ nehˬ-ehˇ kʼaˇ nuiˇ luꞈ-eu deuˬ maˬ ehˇ, gʼoꞈ-iˇ-eu lehˇ tuˇ laˇ jiˇ-euˬ meh.

Gʼaˬkʼehˇ 4:27

Nawˬ neh Ka li bi geuꞈ-euˬ nawˬ-euˬ muiˬ-eu shawˇ-eu Zaˬ kʼaˆ pyeuꞈ-eu Yeˬsuˇ-ahˇ muiˇ-eu gʼaˇ duˬ, Heˬloˆ hawˇ-eu Boˬtiˇ Piˇlaˆ aˬ nyaꞈ, lawˇ ciꞈ zaˬ deuˬ hawˇ-eu Iˇsaˬleˬlaˇ tsawˇ haˬ deuˬ nehˬ-ehˇ meuˬ heu meuˬ laꞈ kʼoeˇ aˬ diˇ aˬ maˇ mehˬ bawˬ mˇ-euˬ meh.