Luˇkaꞈ 23:5 - Akha

⁵ Ehˇ kʼawꞈ, Yeˬsuˇ-ahˇ yaw lehˬ poˆ-eu tsawˇ haˬ kʼoeˇ deuˬ yaw kʼaˆ-ehˇ paˇ leh jeh laˇ-awˇ ehˇ-eu, “Yuˇdaˆ miˇ kʼahˬ kʼahˬ lah ni miˇ kʼahˬ zaˬ deuˬ luiˬ gʼa laˇ ni aˬ yawꞈ mehˬ luꞈ tsoˆ luꞈ-eu meh. Gaˬliˬlehˇ miˇ kʼahˬ-ahˇ mehˬ dahˬ beh-awˇ, nymˬ-mˇ heu gaˇ mehˬ keuˆ laˇ-euˬ meh.”

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁵ Aerkhawf, aqyawfmaf ngaeq-aer nar-aq ngaeq-aer yawkhav-aer aer-eu, “Tsawrhaq heughaq-aq, Yurdav mirkhanq doeni maeqmaeq-aer, tsawrhaq baqmaf deuq bi luiqgha lar-euq mae. Gaqliqlaer mirkhanq-anr nae maeqdanq bae-awr, heugar keuvni maeqkeuv lef-euq mae.”

Luˇkaꞈ 23:5 Iomraidhean Croise

Jaceuq 22:16

Aˬkuiˬ ga jawˬle-eu loꞈ-ehˇ, haiˬ-eu tsawˇhaˬ tiˬjawˬoe-awˇ, ngaˬ-euˬ aˬkuiˇaˬlaꞈdawˬtawˆ, cehˬpyaˬcehˬshaˇjiˇ-euˬmiˇ-a.

Jaceuq 57:4

Tsawˇ haˬ shaˬ jiˇ dzaˬ-eu aˇ laˬ jaˬ shiˇ-ahˇ duˇ-eu muiˇ-eu deuˬ, ngaˬ-ahˇ jawˬ lahˇ taˬ-euˬ meh. Aˬ yawꞈ maꞈ-euˬ seuˬ, gahˬ hawˇ-eu kaˆ myaˬ-ahˇ duˇ-awˇ, aˬ yawꞈ maꞈ-euˬ mehˬ laˇ, taˆ dui dui-eu mi cehˇ-ahˇ duˇ-eu meh.

Jaceuq 69:4

Gaˇ kawˆ maˬ jaˆ gaˇ ngaˬ-ahˇ bye-eu tsawˇ haˬ deuˬ, ngaˬ-euˬ uˬ duˬ tsehˇ kahˇ myaˆ maˬ tseˇ myaˬ-eu meh. Ngaˬ-ahˇ muiˇ-eu deuˬ ngaˬ-euˬ gaˇ kawˆ jaˬ myawꞈ myawꞈ-awˇ, aˬ yawꞈ maꞈ gʼaˬ kʼaˆ-eu miˇ neh ngaˬ-ahˇ sehꞈ mawꞈ-eu meh. Ngaˬ neh maˬ kʼoeˬ-euˬ jeˬ, ngaˬ-ahˇ bi tsoeˬ laꞈ-euˬ meh.

Maꞈtehˬ 11:1

Yeˬsuˇ-aˬ, aˬ yawꞈ-euˬ zaˬ lahˇ tseˇ nyiꞈ gʼaˬ-ahˇ gaˇ kawˆ kʼoeˇ deuˬ mehˬ nehˬ gʼaˬ ngeh, dawˬ peh jaˆ-eu meuˬ deuˬ-ahˇ dawˬ mehˬ mehˬ-awˇ mehˬ nehˬ tsoˆ nehˬ-eu gʼaˇ duˬ, kʼoeˇ gaˇ neh doˆ-iˇ-euˬ meh.

Maꞈtehˬ 2:1

Sahˬ paˬ Heˬloˆ uˆ lahˇ luꞈ-eu aˇ yamˬ laꞈ kʼoeˇ, Yuˇdaˆ miˇ kʼahˬ Behˬlehˬhehˬ meuˬ-ahˇ Yeˬsuˇ dehꞈ le-euˬ meh. Kʼoeˇ ngeh, aˬ guiˇ gaˇ kawˆ siˬ nya-eu zaˬ siˬ tsawˇ gahˇ ahˇ-eu deuˬ, nahˇ ma doˆ kʼehˬ paw neh Yeˬluˇsaˬlehˬ meuˬ-ahˇ laˇ-euˬ meh.

Maꞈtehˬ 27:24

Aˬ yawꞈ neh ehˇ-euˬ dawˬ-ahˇ aˬ yawꞈ maꞈ maˬ naˇ haˬ geuꞈ-eu uꞈ taꞈ, miˇ kʼahˬ zaˬ deuˬ luiˬ gʼa laˇ-awˇ suˬ saˬ laˇ-eu gaˇ ma dahˇ gaˇ sahˬ paˬ Piˇlaˆ haw mawˇ ngeh, iˇ cuꞈ ciˬ-awˇ tsawˇ haˬ aˇ maꞈ maꞈ ma mehˬ shi aˬ laꞈ dzuiˬ dzeh-awˇ ehˇ-eu, “Tsawˇ haˬ heu gʼaˬ ya shiˇ-eu gaˇ kawˆ heu ngaˬ-ahˇ tiˬ jeˬ-iˬ maˬ taꞈ. Naw maꞈ neh mˇ-euˬ gaˇ meh.”

Maꞈtehˬ 4:23

Gaˬliˬlehˇ miˇ kʼahˬ doe ni Yeˬsuˇ cah-awˇ, aˬ yawꞈ maꞈ-euˬ uˬ duˬ tahˬ nymˇ laꞈ kʼoeˇ mehˬ-eu tsoˆ-eu jeˬ mˇ-awˇ, Miˬyehˇ Miˇ kʼahˬ-ahˇ taꞈ leˇ-eu laˬ kʼaˬ cehˇ-eu guiˬ lahˬ dawˬ mehˬ-eu uˬ taꞈ, naˇ gawˇ gʼawˬ mya jeˬ pi luꞈ-eu tsawˇ haˬ deuˬ-ahˇ kʼawꞈ, laˆ taˬ nehˬ-euˬ meh.

Maˬkuˆ 1:14

Yoˇhaˬ-ahˇ aˬ cawˬ neh tawˬ laꞈ kʼoeˇ bi nyehꞈ uˇ gʼaˬ ngeh, Gaˬliˬlehˇ miˇ kʼahˬ-ahˇ Yeˬsuˇ iˇ-awˇ, Miˬyehˇ-euˬ Laˬ kʼaˬ cehˇ-eu Guiˬ lahˬ dawˬ mehˬ-iˇ-euˬ meh.

Luˇkaꞈ 11:53

Jawˇ duˬ kʼoeˇ tsahˇ-ahˇ neh Yeˬsuˇ doˆ-iˇ ngeh, Zahˇ dawˬ kʼoꞈ dawˬ mehˬ-eu saˬ laˬ deuˬ hawˇ-eu Paˬliˬsehˇ deuˬ aˬ yawꞈ-ahˇ yaw kʼaˆ-ehˇ ja haw ja haw-ehˇ, gʼawˬ mya jeˬ naˇ haˬ-eu laꞈ kʼoeˇ,

Luˇkaꞈ 23:23

Ehˇ kʼawꞈ, Yeˬsuˇ-ahˇ laꞈ yaꞈ kʼoeˇ taˆ bi taꞈ sehꞈ-eu gʼaˇ duˬ, aˬ yawꞈ maꞈ gʼaˬ kʼaˇ jaˆ-eu shaˇ shaˇ-ehˇ guˇ-eu miˇ neh, aˇ saˬ saˬ laˇ ngeh aˬ yawꞈ maꞈ neh guˇ gʼaˬ-euˬ meh.

Luˇkaꞈ 23:6

Dawˬ kʼoeˇ dawˬ-ahˇ sahˬ paˬ Piˇlaˆ ya gaˬ ngeh, “Tsawˇ haˬ heu gʼaˬ Gaˬliˬlehˇ tsawˇ haˬ-a loˇ” lehˇ naˇ haˬ-euˬ meh.

Yoˇhaˬ 1:43

Yawˬ nah yawˬ Gaˬliˬlehˇ miˇ kʼahˬ-ahˇ iˇ-eu lehˇ Yeˬsuˇ noeˬ tsehˆ-euˬ meh. Piˇliˇpuˆ-ahˇ aˬ yawꞈ mawˇ-awˇ,“Ngaˬ nehˬ-ehˇ oe-awˬ” lehˇ ehˇ nehˬ-euˬ meh.

Yoˇhaˬ 19:15

Aˬ yawꞈ maꞈ guˇ-eu, “Aˬ yawꞈ-ahˇ sehꞈ-awˬ. Aˬ yawˬ-ahˇ sehˬ-awˬ. Laꞈ yaꞈ kʼoeˇ taˆ taꞈ sehꞈ-awˬ.” Sahˬ paˬ Piˇlaꞈ aˬ yawꞈ maꞈ-ahˇ ehˇ nehˬ-eu, “Naw maꞈ-euˬ sahˬ paˬ-ahˇ laꞈ yaꞈ kʼoeˇ taˆ taꞈ sehꞈ-awˬ loˇ.” Piˇ ma aˬ yuiꞈ deuˬ ehˇ-eu, “Nga maꞈ-euˬ sahˬ paˬ-aˬ sahˬ paˬ Gehˇsaˬ tiˬ gʼaˬ tehꞈ ma.”

Yoˇhaˬ 2:11

Yeˬsuˇ-aˬ, Gaˬliˬlehˇ miˇ kʼahˬ Gaˬnaˬ meuˬ-ahˇ kʼaˆ jeˬ-ehˇ gʼeh-eu yaw beh hmˬ kʼoeˇ loꞈ-ehˇ mˇ mehˬ nehˬ-eu laꞈ kʼoeˇ, aˬ yawꞈ-euˬ yaw shehꞈ kʼahˬ sehˇ pah mehˬ nehˬ-awˇ, aˬ yawꞈ-euˬ zaˬ lahˇ deuˬ aˬ yawꞈ-ahˇ jah laˇ-euˬ meh.

Yoˇhaˬ 7:41

Yawˬ deuˬ yawˬ ehˇ-eu, “Aˬ yawꞈ Meˬsiˇya ngaˇ.” Ehˇ kʼawꞈ, tiˬ deuˬ paˇ ehˇ-eu, “Meˬsiˇya Gaˬliˬlehˇ miˇ kʼahˬ-ahˇ neh maˬ oe-aˇ.

Yoˇhaˬ 7:52

Aˬ yawꞈ maꞈ aˬ yawꞈ-ahˇ ehˇ-eu, “Nawˇ gʼeh Gaˬliˬlehˇ miˇ kʼahˬ-ahˇ neh oe-euˬ tsawˇ haˬ te loˇ. Jaˇliꞈ-ahˇ gui duˬ haw sheˇ. Miˬyehˇ gʼaˇ duˬ ngehˬ dah-eu tsawˇ haˬ tiˬ gʼaˬ-iˬ Gaˬliˬlehˇ miˇ kʼahˬ-ahˇ neh maˬ doˆ le haw-euˬ nawˇ ya siˬ duˬ tehꞈ-a.”

Gʼaˬkʼehˇ 10:37

Yoˇhaˬ iˇ cuꞈ shawˇ-eu gaˇ kawˆ dawˬ mehˬ mehˬ-euˬ kʼoeˇ dzeuˇ naˇ, Gaˬliˬlehˇ miˇ kʼahˬ-ahˇ neh dahˬ beh-awˇ, Iˇsaˬleˬlaˆ miˇ kʼahˬ doe ni Laˬ kʼaˬ cehˇ-eu Guiˬ lahˬ dawˬ gaˬ byah-iˇ-euˬ naw maꞈ siˬ luꞈ meh.

Gʼaˬkʼehˇ 23:10

Aˬ yawꞈ maꞈ yaw kaˬ ja dzaˬ-eu kʼoeˇ aˇ dzehˬ dzeuˇ-awˇ, Pawˇluˆ-ahˇ gʼeu paˆ gʼeu shaˆ paˬ-ehˇ pyeuꞈ laˇ taˬ-euˬ miˇ neh, Loˇmaˆ guiˇ maꞈ-ahˇ uˆ lahˇ-eu yaw huiˬ yaw mahˇ kʼoeˇ gʼaˬ kʼahˬ lahˇ laˇ-euˬ meh. Kʼoeˇ miˇ neh, tsawˇ haˬ aˇ maꞈ jawˇ gaˇ iˇ ka-awˇ, Pawˇluˆ-ahˇ gʼeu doˆ laˬ-iˇ-awˇ taˆ-ahˇ sheuˬ kʼoꞈ gʼeh-eu gʼaˇ duˬ aˬ yawꞈ-euˬ yehˇ deuˬ-ahˇ dawˬ biꞈ-euˬ meh.

Gʼaˬkʼehˇ 5:33

Baꞈ dzah-ahˇ uˇ-eu tsawˇ haˬ deuˬ dawˬ kʼoeˇ dawˬ-ahˇ ya gaˬ ngeh, nui ma pehˇ dui dui laˇ-awˇ, gʼaˬ kʼehˇ deuˬ-ahˇ sehꞈ mawꞈ-eu meh.

Gʼaˬkʼehˇ 7:54

Saˬteˬpaˬ kʼoeˇ loꞈ-ehˇ ehˇ gaˇ ya gaˬ ngeh, Bahꞈdzah laꞈ kʼoeˇ uˇ-eu tsawˇ haˬ deuˬ aˬ yawꞈ-ahˇ nui ma pehˇ dui dui laˇ-awˇ, seuˬ teuꞈ-eu meh.

Gʼaˬkʼehˇ 7:57

Kʼoeˇ ngeh, tsawˇ haˬ kʼoeˇ deuˬ guˇ kʼaˆ leꞈ-awˇ, naˬ bawˇ dehˬ tsoeˬ-awˇ Saˬteˬpaˬ jawˇ gaˇ coeˬ gʼeh-euˬ meh.