Luˇkaꞈ 21:7 - Akha

⁷ Aˬ yawꞈ maꞈ Yeˬsuˇ-ahˇ naˇ haˬ-eu, “Saˬ laˬ-oˇ, kʼoeˇ loꞈ-ehˇ gʼeh-eu jeˬ aˬ myah keuˆ le ta. Kʼoeˇ loꞈ-ehˇ keuˆ le-eu lehˇ gʼeh ngeh, aˬ joˆ-ehˇ pyeuꞈ laˇ gaˇ haw-awˇ ya siˬ ta.”

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁷ Khoerngae, aqyawfmaf, Yeqsur-anr narhaq-eu, “Saqlaq-or, heudeuq aqmyan pyeuflar-eu la? Heudeuq pyeuflar-eu laer ghae ngae, bisiq bimawr-eu jeq, aqgeu jeq ya’mawr-eu la?”

Luˇkaꞈ 21:7 Iomraidhean Croise

Daˬyeˬlaˇ 12:6

“Zahˬ leˇ paˬ-ehˇ gʼeh-eu gaˇ kawˆ heu deuˬ aˇ saˬ saˬ-eu aˇ yamˬ aˇ myah ni jaˆ ta” lehˇ, lawˇ baˬ gawˆ mehˇ paw ui cuiˆ gaˇ mahˇ kaˬ gaˇ yawꞈ luꞈ-eu mˬ taˆ gʼaˬ kʼehˇ kʼoeˇ gʼaˬ-ahˇ, aˬ yawꞈ nyaꞈ tiˬ gʼaˬ naˇ haˬ-euˬ meh.

Daˬyeˬlaˇ 12:8

Aˬ yawꞈ ehˇ gaˇ ngaˇ gaˬ-euˬ kʼawꞈ, maˬ gʼoˆ shaw nya-eu miˇ neh, “Gaˇ kawˆ heu deuˬ aˬ joˆ-ehˇ jahˇ-awˇ aˇ saˬ saˬ le nmˇ” lehˇ naˇ haˬ-euˬ ma.

Maꞈtehˬ 24:3

Saˬloˬ gawˬ jawˬ-ahˇ Yeˬsuˇ nuiˇ luꞈ ngeh, zaˬ lahˇ deuˬ tehꞈ-ehˇ aˬ yawꞈ jawˇ gaˇ laˇ-awˇ ehˇ-eu, “Uˬ duˬ tahˬ nymˇ nymˇ ma cawˆ-iˇ-eu aˇ yamˬ kʼoeˇ aˬ myah keuˆ le ta lehˇ ehˇ nehˬ laꞈ sheˇ. Miˇ tsaˬ heu aˇ saˬ saˬ-eu dawˬ peh peh laˇ-awˇ, nawˇ zaꞈ le-eu aˇ yamˬ keuˆ le-euˬ nga lehˇ, aˬ jeˬ-ahˇ haw-awˇ ya siˬ nmˇ.”

Maˬkuˆ 13:14

“‘Guˆ dui dui laˇ paˬ-ehˇ gʼeh-eu yaw jawꞈ jeˬ’ kʼoeˇ, maˬ bi jaˆ kʼmˬ-eu jawˇ duˬ-ahˇ jaˆ laˇ taˬ-euˬ gaˇ naw maꞈ ya mawˇ tehꞈ-a.” (Jaˇliꞈ gui-eu deuˬ dawˬ heu dawˬ-euˬ dawˬ tsuiꞈ gʼoˆ shaw-awˬ.) “Kʼoeˇ ngeh, Yuˇdaˆ miˇ kʼahˬ-ahˇ jawˇ-eu tsawˇ haˬ deuˬ gawˬ jawˬ paw ya cehˆ daˆ meh.

Luˇkaꞈ 21:32

“Nymˬ-mˇ dehꞈ luꞈ-eu tsawˇ haˬ heu deuˬ maˬ shiˇ jiˇ mi naˆ-ehˇ, gaˇ kawˆ heu deuˬ dawˬ tawˆ luꞈ pyeuꞈ laˇ tehꞈ-a lehˇ, naw maꞈ-ahˇngaˇ maˇ jawˆ ni ehˇ-eu ma.

Luˇkaꞈ 21:6

“Nymˬ-mˇ naw maꞈ heu deuˬ dawˬ tawˆ luꞈ ya mawˇ luꞈ meh. Heu gaˇ kʼaˇ gawˬ taˬ-euˬ kʼaˬ lo heu deuˬ tiˬ siˬ kʼoeˇ taˆ tiˬ siˬ maˬ jaˆ ziꞈ nya ni byaˆ-iˇ jiˇ-eu aˇ nah keuˆ le tehꞈ-a.”

Luˇkaꞈ 21:8

Yeˬsuˇ ehˇ-eu, “Aˬ cawˬ neh gaˇ ma maˬ bi sheuˬ bahˬ ni yaw gahˇ gahˇ-ehˇ dehꞈ-awˬ. Aˬ jeˬ miˇ neh ehˇ naˇ, ngaˬ-euˬ gʼaˇ duˬ ngehˬ dah le-euˬ ma lehˇ ehˇ-eu tsawˇ haˬ gʼawˬ mya gʼaˬ doˆ le-awˇ, ‘Ngaˇ aˬ yawꞈ ma. Aˇ nah aˇ yamˬ kʼoeˇ yamˬ keuˆ le-euˬ meh’ lehˇ ehˇ tehꞈ-a. Aˬ yawꞈ maꞈ-euˬ mehˬ nah naw maꞈ taˬ caw teh.