Luˇkaꞈ 21:37 - Akha

³⁷ Yeˬsuˇ-aˬ, yawˬ nah na luꞈ nah gʼahˇ paw Uˬ duˬ tahˬ nymˇ nymˇ ma laꞈ kʼoeˇ mehˬ nehˬ-euˬ meh. Ehˇ kʼawꞈ, uˬ ciꞈ ciꞈ le ngeh, Saˬloˬ gawˬ jawˬ-ahˇ yaꞈ leˇ-eu meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

³⁷ Yeqsur nan’ghanr paw uqduq tanqnymr nymrma-euq lafkhoer maeqnaeq tsovnaeq-awr, uqcif paw meuq-anr nae dov-ir-awr, Saqloq laer kur-eu gawqjawq-anr jawr-ir-eu mae.

Luˇkaꞈ 21:37 Iomraidhean Croise

Zaˬkaˬliˇ 14:4

Kʼoeˇ ngeh jawˇ, Yeˬluˇsaˬlehˬ meuˬ-euˬ nahˇ ma doˆ kʼehˬ paw jaˆ-eu Saˬloˬ gawˬ jawˬ-ahˇ aˬ yawꞈ yawꞈ tehꞈ-a. Kʼoeˇ naˇ, Saˬloˬ gawˬ jawˬ kʼoeˇ nahˇ ma doˆ kʼehˬ ga kʼehˬ-ehˇ nyiˬ paˆ paˆ-iˇ-awˇ, yaw kaˬ-ahˇ gʼaˬ lawˬ lawˬ ma jaˆ le tehꞈ-a. Gawˬ jawˬ tiˬ paˆ laꞈ taˆ paw pyawˬ-ahˇ jiˆ daˆ leˇ-awˇ, tiˬ paˆ laꞈ oˆ paw pyawˬ-ahˇ jiˆ ka-iˇ tehꞈ-a.

Maꞈtehˬ 21:1

Yeˬsuˇ hawˇ-eu aˬ yawꞈ-euˬ zaˬ lahˇ deuˬ Yeˬluˇsaˬlehˬ meuˬ dawˬ peh cah keuˆ laꞈ-awˇ, Saˬloˬ gawˬ jawˬ-ahˇ jaˆ-eu Behˬpaˇgeˬ pu-ahˇ laˇ keuˆ luꞈ ngeh, zaˬ lahˇ nyiˬ gʼaˬ-ahˇ Yeˬsuˇ kʼehˇ-awˇ, mehˬ hu paw bi le-euˬ meh.

Maꞈtehˬ 21:17

Kʼoeˇ naˇ, aˬ yawꞈ maꞈ jawˇ gaˇ neh Yeˬsuˇ doˆ-iˇ-awˇ, Yeˬluˇsaˬlehˬ meuˬ-ahˇ neh Beˬtaˬniˇ pu-ahˇ iˇ-awˇ, kʼoeˇ gaˇ uˬ ciꞈ yaꞈ-euˬ meh.

Maꞈtehˬ 26:30

Kʼoeˇ naˇ, aˬ yawꞈ maꞈ ja ceuˬ-eu caˇ dawˬ tiˬ bymˇ caˇ gʼaˬ-awˇ, Saˬloˬ gawˬ jawˬ-ahˇ le-euˬ meh.

Maꞈtehˬ 26:55

Kʼoeˇ naˇ, tsawˇ haˬ aˇ maꞈ kʼoeˇ maꞈ-ahˇ Yeˬsuˇ heu loꞈ-ehˇ ehˇ nehˬ-euˬ meh. “Smˇ kʼoeˬ tahˇ joe-ahˇ nyehꞈ-eu loꞈ-ehˇ, naw maꞈ mi cehˇ hawˇ-eu daˇ kawˬ baꞈ-awˇ ngaˬ-ahˇ ya nyehꞈ le ta loˇ. Uˬ duˬ tahˬ nymˇ nymˇ ma laꞈ kʼoeˇ ngaˇ yawˬ nah na luꞈ nuiˇ-awˇ mehˬ nehˬ tsoˆ nehˬ luꞈ kʼawꞈ, naw maꞈ ngaˬ-ahˇ maˬ nyehꞈ le-a.

Maˬkuˆ 11:12

Yawˬ nah yawˬ, Beˬtaˬniˇpu-ahˇ neh aˬ yawꞈ maꞈ gʼoꞈ laˇ luꞈ ngeh, Yeˬsuˇ hawˬ mehꞈ mehꞈ laˇ-euˬ meh.

Maˬkuˆ 11:19

Uˬ ciꞈ ciꞈ le ngeh, Yeˬsuˇ hawˇ-eu aˬ yawꞈ-euˬ zaˬ lahˇ deuˬ meuˬ-ahˇ neh doˆ-iˇ-euˬ meh.

Maˬkuˆ 14:49

Aˬ yawꞈ nah yawꞈ Uˬ duˬ tahˬ nymˇ nymˇ ma-ahˇ mehˬ-eu tsoˆ-eu laꞈ kʼoeˇ, naw maꞈ nehˬ-ehˇ ngaˇ jawˇ luꞈ kʼawꞈ, naw maꞈ ngaˬ-ahˇ maˬ nyehꞈ le-a. Ehˇ kʼawꞈ, Jaˇliꞈ laꞈ kʼoeˇ ehˇ taˬ-euˬ jeˬ ya bi byah laˇ tehꞈ-a.”

Luˇkaꞈ 19:29

Saˬloˬ gawˬ jawˬ-ahˇ jaˆ-eu Behˬpaˇgeˬ pu hawˇ-eu Beˬtaˬniˇ pu dawˬ peh aˬ yawꞈ le keuˆ ngeh, aˬ yawꞈ-euˬ zaˬ lahˇ nyiˬ gʼaˬ-ahˇ mehˬ hu paw pyehˬ gʼeh-euˬ meh.

Luˇkaꞈ 19:37

Yeˬluˇsaˬlehˬ meuˬ dawˬ peh le keuˆ-awˇ, Saˬloˬ gawˬ jawˬ iˇ ka ngeh, zaˬ lahˇ deuˬ baˬ maꞈ maꞈ lah-ehˇ laˬ kʼaˬ cehˇ dui dui-awˇ, aˬ yawꞈ maꞈ neh ya mawˇ-euˬ huiˬ dui dui-eu gaˇ kʼoeˇ deuˬ gʼaˇ duˬ, yaw kʼaˆ-ehˇ guˇ guˇ-ehˇ Miˬyehˇ-ahˇ ja ceuˬ-euˬ meh.

Luˇkaꞈ 19:47

Yawˬ nah na luꞈ, Uˬ duˬ tahˬ nymˇ nymˇ ma laꞈ kʼoeˇ Yeˬsuˇ mehˬ nehˬ tsoˆ nehˬ-euˬ meh. Piˇ ma aˬ yuiꞈ deuˬ, Zahˇ dawˬ kʼoꞈ dawˬ mehˬ-eu saˬ laˬ deuˬ hawˇ-eu, miˇ kʼahˬ zaˬ-euˬ aˬ yuiꞈ aˬ tsu deuˬ, aˬ yawꞈ-ahˇ sehꞈ mawꞈ-eu meh.

Luˇkaꞈ 22:39

Yeˬsuˇ-aˬ, aˬ myah myah aˬ yawꞈ kʼaˇ jahˇ-eu loꞈ-ehˇ, meuˬ-ahˇ neh doˆ-iˇ-awˇ, saˬ loˬ gawˬ jawˬ-ahˇ le-euˬ meh. Zaˬ lahˇ deuˬ kʼawꞈ, aˬ yawꞈ nehˬ-ehˇ le-euˬ meh.

Yoˇhaˬ 12:1

Baˬsaˬkaˬ Bawˬ-iˬ gʼeh-eu mehˬ hu koꞈ nah huˬ-ehˇ, aˬ yawꞈ neh bi gʼoꞈ dehꞈ laˇ-euˬ Laˬzaˬluˇ kʼoeˇ gʼaˬ jawˇ-eu Beˬtaˬniˇ meuˬ-ahˇ Yeˬsuˇ iˇ-euˬ meh.

Yoˇhaˬ 18:2

Yeˬsuˇ-ahˇ ahˬ dzaˬ-euˬ Yuˇdaˆ kʼoeˇ gʼaˬ kʼawꞈ, yaˇ kmˇ kʼoeˇ kmˇ jaˆ-eu jawˇ duˬ siˬ nya-eu meh. Aˬ jeˬ miˇ neh ehˇ naˇ, Yeˬsuˇ aˬ yawꞈ-euˬ zaˬ lahˇ deuˬ-ahˇ yaˇ kmˇ kʼoeˇ kmˇ laꞈ kʼoeˇ gʼawˬ mya poˆ mawˇ dzoeˇ haw-euˬ meh.

Gʼaˬkʼehˇ 1:12

Kʼoeˇ naˇ, gʼaˬ kʼehˇ kʼoeˇ deuˬ Saˬloˬ Gawˬ jawˬ-ahˇ neh Yeˬluˇsaˬlehˬ meuˬ-ahˇ gʼoꞈ-iˇ-euˬ meh. Gawˬ jawˬ kʼoeˇ jawˬ-aˬ, Yeˬluˇsaˬlehˬ meuˬ-ahˇ neh oeˬ yaˇ oeˬ tseˇ lmˇ kaˬ-eu tehꞈ meh.