Luˇkaꞈ 20:11 - Akha

¹¹ Zaˬ kʼaˆ yawˬ gʼaˬ yawˬ paˇ pyehˬ gʼeh-euˬ meh. Kʼoeˇ gʼaˬ-ahˇ kʼawꞈ, aˬ yawꞈ maꞈ diˬ-awˇ, shaꞈ dawˇ dui dui paˬ-ehˇ jahˇ nehˬ-awˇ, yawꞈ ngehꞈ-ehˇ bi gʼoꞈ leˇ-euˬ meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹¹ “Khoernar-aq, kuirlaf zaqkhav yawqghaq yawq-anr parbi le-euq mae. Aqyawfmaf khoerghaq-anr khawf diq-euq uqtaf, shafdawrlar paq-aer janrnaeq-awr, yawqngaef-aer bighof-ir-euq mae.

Luˇkaꞈ 20:11 Iomraidhean Croise

Hawˇseˬ 10:1

Iˇsaˬleˬlaˆ tsawˇ haˬ deuˬ-aˬ, aˇ siˬ tiˬ byah ni siˬ luꞈ-eu, aˬ gaꞈ baw duˆ-ahˇ duˇ-eu meh. Ngehˬ-ehˇ dehꞈ dzaˬ laˇ naˇ ngehˬ-ehˇ, lawˇ duˬ gʼawˬ mya ni tsoˆ lahˬ-awˇ, ngehˬ-ehˇ jaˆ laˇ naˇ ngehˬ-ehˇ, uˬ duˬ tahˬ-eu kʼaˬ lo kʼawˇ zeuˇ, muiˬ dui dui ni laˆ saˆ-eu meh.

Maˬkuˆ 12:4

Kʼoeˇ naˇ, yaˇ kmˇ-euˬ yaw sahˇ kʼoeˇ gʼaˬ zaˬ kʼaˆ yawˬ gʼaˬ yawˬ paˇ kʼehˇ gʼeh-euˬ meh. Zaˬ kʼaˆ kʼoeˇ gʼaˬ-ahˇ kʼawꞈ, aˬ yawꞈ maꞈ neh uˬ duˬ-ahˇ diˬ-awˇ, shaꞈ dawˇ dui dui-eu jeˬ jahˇ nehˬ-euˬ meh.

Luˇkaꞈ 20:10

Aˬ gaꞈ aˇ siˬ pyaˆ yamˬ tsaˬ laˇ ngeh, yaˇ kmˇ mˇ paˆ paˆ-eu deuˬ jawˇ gaˇ aˬ yawꞈ-euˬ zaˬ kʼaˆ tiˬ gʼaˬ kʼehˇ gʼeh-awˇ, aˬ yawꞈ-ahˇ oꞈ-eu aˬ gaꞈ aˇ siˬ bi pi laˬ-iˇ-euˬ meh. Ehˇ kʼawꞈ, yaˇ kmˇ mˇ paˆ paˆ-eu tsawˇ haˬ kʼoeˇ deuˬ zaˬ kʼaˆ kʼoeˇ gʼaˬ-ahˇ diˬ-awˇ, tiˬ jeˬ-iˬ maˬ biꞈ ni bi gʼoꞈ leˇ-euˬ meh.

Luˇkaꞈ 20:12

Zaˬ kʼaˆ smˇ gʼaˬ tiˬ gʼaˬ paˇ pyehˬ gʼeh-euˬ meh. Kʼoeˇ gʼaˬ-ahˇ kʼawꞈ diˬ-awˇ, yaˇ kmˇ laꞈ nyiˇ baꞈ dzeh-euˬ meh.

Gʼaˬkʼehˇ 7:52

Naw maꞈ-euˬ aˬ poeˬ aˬ bawˇ deuˬ neh maˬ bi kʼehˬ maˬ bi kʼaˆ haw-euˬ Miˬyehˇ gʼaˇ duˬ ngehˬ dah-eu tsawˇ haˬ tiˬ gʼaˬ-iˬ maˬ jawˇ-a. Miˬyehˇ-euˬ tsaˬ-eu dawˇ-eu Zaˬkʼaˆ oe tehꞈ-a lehˇ aˇ hu ngehˬ dah-euˬ deuˬ-ahˇ aˬ yawꞈ maꞈ sehꞈ-euˬ meh. Nymˬ-mˇ poˆ jawˇ-aˬ, naw maꞈ yaw tsaˬ yaw dawˇ kʼoeˇ gʼaˬ-ahˇ aˬ cawˬ-euˬ aˬ laꞈ laꞈ kʼoeˇ a nehˬ-awˇ sehꞈ-euˬ meh.

1 Teˇsaˬloˇni 2:2

Naw maꞈ jawˇ-eu Teˇsaˬloˇni meuˬ-ahˇ nga maꞈ maˬ oe mi naˆ-ehˇ, Piˇliˇpiˆ meuˬ laꞈ kʼoeˇ aˬ cawˬ nga maꞈ-ahˇ kʼehˬ nehˬ kʼaˆ nehˬ laꞈ-awˇ yehˬ bawˬ sehˇ lu-ehˇ ehˇ nehˬ laꞈ gaˇ ya daˬ-euˬ naw maꞈ siˬ nya meh. Laˆ tsoeˬ-eu gʼawˬ mya jeˬ jaˆ kʼawꞈ, Miˬyehˇ-euˬ Laˬ kʼaˬ cehˇ-eu Guiˬ lahˬ dawˬ naw maꞈ-ahˇ mehˬ nehˬ nya ni, aˬ dui-euˬ Miˬyehˇ nga maꞈ-ahˇ gʼaˬ biꞈ laꞈ-euˬ meh.