Luˇkaꞈ 2:7 - Akha

⁷ Kʼoeˇ ngeh, aˬ yawꞈ zaˬ ciˬ-awˇ, dehꞈ le beh beh-euˬ aˬ li-ahˇ bui loˬ loˬ-awˇ, mawˇ neˇ kʼawˇ lawˬ laꞈ kʼoeˇ ciˬ yuꞈ taˬ-euˬ meh. Aˬ jeˬ miˇ neh ehˇ naˇ, daˬ yah yaꞈ-eu nymˇ laꞈ kʼoeˇ, aˬ yawꞈ nyaꞈ yaꞈ kʼaˇ maˬ za-a.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁷ huqbaw zaqyo baw-awr, builoq loq-awr nae jeqdzar khawrlawq-euq lafkhoer ciqyuf taq-euq mae. Aqjeq mirnae aernar-aq, daqyan yafduq-anr yafkhar maqza-a.

Luˇkaꞈ 2:7 Iomraidhean Croise

Aˇ dahˬ 42:27

Uˬ ciꞈ paw gaˇ pehˇ yaꞈ luꞈ ngeh, aˬ yawꞈ maꞈ laꞈ kʼoeˇ tiˬ gʼaˬ mahˬ tahˬ laˆ-ahˇ cehˇ bi dzaˬ-eu lehˇ cehˇ pehˇ zeuˇ puiˇ-euˬ meh. Kʼoeˇ ngeh, cehˇ kʼoeˇ taˆ pyuˇ dawˆ ahˇ kʼoꞈ taˬ-euˬ gaˇ aˬ yawꞈ ya mawˇ-euˬ meh.

Aˇ dahˬ 43:21

Nga maꞈ cehˇ zeuˇ-awˇ gʼoꞈ leˇ ngeh, uˬ ciꞈ paw gaˇ pehˇ yaꞈ-euˬ ma. Nga maꞈ-euˬ cehˇ pehˇ zeuˇ puiˇ haw ngeh, aˬ yawꞈ gʼaˬ yawꞈ-euˬ cehˇ pehˇ zeuˇ laꞈ kʼoeˇ, cehˇ aˇ poeˬ biꞈ-euˬ pyuˇ kʼoeˇ deuˬ tiˬ pehˆ-iˬ maˬ teˬ-iˇ ni ahˇ jiˇ gaˇ ya mawˇ-euˬ ma. Pyuˇ kʼoeˇ deuˬ nymˬ-mˇ poˆ nga maꞈ paˇ pi leꞈ-euˬ ma.

Jaceuq 22:6

Ehˇkʼawꞈngaˇtsawˇhaˬmaˬhaˬ-ehˇ, buˬjoe tiˬmawˇmaˬtawˬmiˇ-a. Tsawˇhaˬyawˬgʼaˬna luꞈ ngaˬ-ahˇ, yehˬbawˬsehˇlu-ehˇgʼeh-eu meh.

Doˆ-iˇ 4:24

Gaˇ pehˇ-ahˇ sehˬ gʼawˆ gʼawˆ-awˇ yaꞈ luꞈ ngeh, Sahˬpaˬ Miˬyehˇ Moˇseˬ-ahˇ tahˬ puˬ-awˇ sehꞈ-eu lehˇ leh jeh-euˬ meh.

Iˇsaˬyaˇ 7:14

Toˆ-ehˇ jeˬ maˇ-iˬ, Sahˬpaˬ Miˬyehˇ aˬ yawꞈ-euˬ mawˇ do, nawˬ-euˬ kʼoeˇ taˆ bi siˬ bi mawˇ-eu jeˬ bi keuˆ le tehꞈ-a. Shawˇ jehˆ ni gʼeh-eu zaˬ miˬ zaˬ zaˬ guˬ tiˬ gʼaˬ aˬ nyiˇ pi leˇ-awˇ, aˬ li tiˬ li ciˬ-awˇ, Eˇmaˬnoeˬlaˇ, lehˇ myahˇ nehˬ tehꞈ-a.

Maꞈtehˬ 1:25

Ehˇ kʼawꞈ, aˬ li kʼoeˇ li maˬ dehꞈ le kʼoeˇ keuˆ ni, aˬ yawꞈ Maˬliˇ nehˬ-ehˇ maˬ yuꞈ taꞈ ni jawˇ-euˬ meh. Aˬ li kʼoeˇ li-ahˇ Yeˬsuˇ lehˇ aˬ yawꞈ myahˇ nehˬ-euˬ meh.

Maꞈtehˬ 13:55

Aˬ yawꞈ laꞈ saˇ maˇ-euˬ aˬ li maˬ ngeuˇ-a loˇ. Maˬliˇ-euˬ aˬ li kʼoeˇ gʼaˬ maˬ ngeuˇ-a loˇ. Yaˬkoˆ, Yoˇsehˆ, Siˇmoˬ, Yuˇdaˆ, aˬ ha mehˇ nmˇ-euˬ aˇ doˆ kʼoeˇ gʼaˬ maˬ ngeuˇ-a loˇ.

Maꞈtehˬ 8:20

Tsawˇ haˬ kʼoeˇ gʼaˬ-ahˇ Yeˬsuˇ ehˇ nehˬ-eu, “Byaˬ hiˇ-aˬ bahˬ baw meh. Aˇ jiˇ kʼawꞈ bahˬ baw meh. Ehˇ kʼawꞈ, Tsawˇ haˬ-euˬ Zaˬmaˇ -aˬ, uˬ duˬ baꞈ daˇ-awˇ naˬ kʼaˇ tiˬ gaˇ-iˬ maˬ za-a.”

Luˇkaꞈ 10:34

Tsawˇ haˬ kʼoeˇ gʼaˬ ga gaˇ aˬ yawꞈ iˇ-awˇ, diˬ leuꞈ diˬ kʼaw taˬ-euˬ maˇ kʼehˬ maˇ naˇ-ahˇ aˬ gaꞈ dzaˇ uiˇ hawˇ-eu tsiˇ shehˆ lehꞈ nehˬ-awˇ, saˬ paˇ neh lahˇ cuꞈ nehˬ-euˬ meh. Kʼoeˇ naˇ, aˬ yawꞈ neh dziˬ leꞈ-euˬ mahˬ tahˬ laˆ kʼoeˇ taˆ ciˬ dziˬ-awˇ, daˬ yah yaꞈ duˬ nymˇ laꞈ kʼoeˇ ciˬ ahˇ-awˇ, yaw muiˬ paˬ-ehˇ bo saˆ nehˬ-euˬ meh.

Luˇkaꞈ 2:6

Aˬ yawꞈ nyaꞈ Behˬlehˬhehˬ meuˬ-ahˇ jawˇ luꞈ ngeh, aˬ yawꞈ zaˬ ciˬ deˇ le-euˬ meh.

Luˇkaꞈ 2:8

Miˇ kʼahˬ kʼoeˇ kʼahˬ-ahˇ jawˇ-eu yawˇ bo-eu tsawˇ haˬ tiˬ deuˬ, yaˇ peuˬ-ahˇ yawˇ bo yaꞈ-euˬ meh.

Yoˇhaˬ 1:14

Dawˬ kʼoeˇ tsawˇ haˬ zaˬ pyeuꞈ le-awˇ, gʼawˬ shaˬ gaˬ-eu jeˬ hawˇ-eu saˇ jaˇ ziꞈ-eu jeˬ tiˬ byah ni ahˇ-eu laꞈ kʼoeˇ, aˬ dui nehˬ-ehˇ jawˇ-euˬ meh. Aˬda-euˬ Zaˬmaˇ tiˬ gʼaˬ tehꞈ-euˬ yaw shehꞈ kʼahˬ sehˇ-ahˇ aˬ dui mawˇ-euˬ ma.

2 Gawˇliˬtu 8:9

Aˬ dui-euˬ Sahˬpaˬ Yeˬsuˇ Ka li neh mˇ nehˬ laꞈ-euˬ guiˬ lahˬ-ahˇ naw maꞈ siˬ nya luꞈ meh. Aˬ yawꞈ smˇ muiˬ muiˬ dui dui-eu kʼawꞈ, naw maꞈ gʼaˇ duˬ iˇ shaˬ zaˬ pyeuꞈ le-euˬ meh. Aˬ yawꞈ iˇ shaˬ shaˬ-euˬ baˬ da neh naw maꞈ smˇ muiˬ bi muiˬ laˇ-eu gʼaˇ duˬ, kʼoeˇ loꞈ-ehˇ mˇ le-euˬ meh.

Gaˬlaˬtiˆ 4:4

Ehˇ kʼawꞈ, aˇ yamˬ tsaˬ laˇ ngeh jawˇ, Miˬyehˇ neh aˬ yawꞈ-euˬ Zaˬmaˇ-ahˇ bi oe-euˬ meh. Zaˬ miˬ zaˬ-euˬ uˬ maˆ laꞈ kʼoeˇ neh dehꞈ doˆ le-awˇ, Yuˇdaˆ tsawˇ haˬ-euˬ Zahˇ dawˬ kʼoꞈ dawˬ uˬ moˆ jawˇ-euˬ meh.