Luˇkaꞈ 2:43 - Akha

⁴³ Bawˬ-iˬ gʼeh gʼaˬ-awˇ gʼoꞈ le luꞈ ngeh, Yeˬsuˇ Yeˬluˇsaˬlehˬ meuˬ-ahˇ jawˇ yaꞈ-euˬ meh. Gaˇ kawˆ kʼoeˇ awˬ yawꞈ-euˬ aˬ ma aˬ da maˬ siˬ nya-a.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁴³ Yawbui bui-eu arnan jir-awr aqyawfmaf ghof-ir ngae, zaqguq Yeqsur-aq, Yeqlursaqlaeq-anr jawryaf-euq mae. Aerkhawf, Yorsaev hawr-eu aqyawf-euq aqma maq siqnya-aq.

Luˇkaꞈ 2:43 Iomraidhean Croise

2 Laˬsaˬbaˬ 25:17

Yuˇdaˆ sahˬ paˬ Aˬmaˬziˇ-aˬ, aˬ yawꞈ-ahˇ nui noeˬ nui duˇ biꞈ-eu deuˬ nehˬ-ehˇ bawˬ dzaˬ-awˇ, Yeˬhuˇ-euˬ oeˬ paˬ pyeuꞈ-awˇ Yeˬhawˇhaˆ-euˬ aˬ li pyeuꞈ-eu Iˇsaˬleˬlaˆ sahˬ paˬ Yeˬhawˇshaˆ jawˇ gaˇ tsawˇ haˬ pyehˬ gʼeh-awˇ, “Guiˇ deuˆ ceh ceh ma” lehˇ bi tsaꞈ gaˬ leˇ-euˬ meh.

Doˆ-iˇ 12:15

Sahˬpaˬ Miˬyehˇ ehˇ-eu, “Shiꞈ nah keuˆ ni dehˬ tseˬ ahˇ-eu kaˬ muˇ naw maꞈ maˬ dzaˬ ni, dehˬ tseˬ maˬ ahˇ-eu kaˬ muˇ tehꞈ-ehˇ ya dzaˬ meh. Yaw beh nah laꞈ kʼoeˇ, naw maꞈ-euˬ nymˇ-ahˇ jaˆ-eu dehˬ tseˬ naw maꞈ ya biˬ dzeh jiˇ meh. Aˬ jeˬ miˇ neh ehˇ naˇ, kʼoeˇ shiꞈ nah laꞈ kʼoeˇ, tsawˇ haˬ tiˬ gʼaˬ na, dehˬ tseˬ ahˇ-eu kaˬ muˇ dzaˬ naˇ, tsawˇ haˬ kʼoeˇ gʼaˬ-ahˇ ngaˬ-euˬ tsawˇ haˬ lehˇ maˬ paˇ sawˇ nya meh.

Luˇkaꞈ 2:42

Yeˬsuˇ tseˇ nyiꞈ kʼoꞈ byah laˇ ngeh kʼoꞈ kʼawꞈ, aˬ ziˇ aˬ law kʼaˇ le-euˬ loꞈ-ehˇ, bawˬ-iˬ gʼeh gaˇ le-euˬ meh.

Luˇkaꞈ 2:44

Aˬ cawˬ nehˬ-ehˇ gʼoꞈ-iˇ luꞈ tehꞈ-a lehˇ noeˬ-awˇ, tiˬ nah gaˇ ma iˇ gʼaˬ miˇ tsa, aˬ yuiꞈ aˬ nyiˇ deuˬ hawˇ-eu cawˬ deuˬ jawˇ gaˇ poˆ haw-euˬ meh.