Luˇkaꞈ 2:4 - Akha

⁴ Yoˇsehˆ-aˬ, sahˬ paˬ Daˬbiˇ-euˬ tsuiꞈ-ahˇ taꞈ-eu miˇ neh, Gaˬliˬlehˇ miˇ kʼahˬ Naˬzaˬlehˇ meuˬ-ahˇ neh Sahˬpaˬ Daˬbiˇ dehꞈ le-euˬ meuˬ pyeuꞈ-eu Yuˇdaˆ miˇ kʼahˬ Behˬlehˬhehˬ meuˬ-ahˇ iˇ-euˬ meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁴ Yorsaev khawf, Daqbir-anr tsuif taf-eu arjeuq arca mirnae, Gaqliqlaer mirkhanq-anr jav-eu Naqzaqlaer-anr nae Yurdav mirkhanq-anr jav-eu Baeqlaeqhaeq laer kur-eu Daqbir-euq meuq-anr,

Luˇkaꞈ 2:4 Iomraidhean Croise

Aˇ dahˬ 35:19

Laˬkeˬlaˇ-ahˇ, nymˬ-mˇ Behˬlehˬhehˬ meuˬ lehˇ kuˇ luꞈ-eu Eˇpaˬlaˇ meuˬ-ahˇ le-eu gaˇ ma gaˇ dzeˇ duˬ pahˬ nehˬ-euˬ meh.

Aˇ dahˬ 48:7

Nawˬ ma Laˬkeˬlaˇ baˬ da neh ngaˇ heu loꞈ-ehˇ jahˇ ma. Maˬsoˬpoˬtaˬmiˇ miˇ kʼahˬ-ahˇ neh gʼoꞈ le-awˇ, Kaˬnaˬ miˇ kʼahˬ Eˇpaˬlaˇ meuˬ-ahˇ yaw kʼaˆ-ehˇ maˬ kaˬ gaˇ oe keuˆ ngeh, nawˬ ma shiˇ-euˬ miˇ neh ngaˇ noeˬ shaˬ dui dui-euˬ ma. Eˇpaˬlaˇ meuˬ-ahˇ iˇ-eu gaˇ ma gaˇ dzeˇ aˬ yawꞈ-ahˇ ngaˇ baꞈ pahˬ yaꞈ-euˬ ma.” (Eˇpaˬlaˇ meuˬ-ahˇ, nymˬ-mˇ Behˬlehˬhehˬ meuˬ lehˇ kuˇ-eu meh.)

Miˇkaˬ 5:2

Sahˬpaˬ Miˬyehˇ ehˇ-eu, “Eˇpaˬlaˬdaˬ miˇ kʼahˬ-ahˇ jaˆ-eu Behˬlehˬhehˬ meuˬ-oˇ, nawˇ-aˬ Yuˇdaˆ miˇ kʼahˬ laꞈ kʼoeˇ jaˆ-eu nyiˇ dui teˬ dui dui-eu meuˬ tiˬ meuˬ pyeuꞈ-eu meh. Ehˇ kʼawꞈ, nawˬ-euˬ laꞈ kʼoeˇ, Iˇsaˬleˬlaˆ miˇ kʼahˬ-ahˇ uˆ lahˇ-eu sahˬ paˬ tiˬ gʼaˬ ngaˇ bi doˆ laˇ ma. Aˬ yawꞈ-euˬ tsuiꞈ-aˬ, aˇ hu ba-euˬ ziˇ-ahˇ keuˆ ni jaˆ luꞈ-eu meh.”

Maꞈtehˬ 1:20

Kʼoeˇ loꞈ-ehˇ shaˇ noeˬ luꞈ-eu aˇ yamˬ-ahˇ, aˬ yawꞈ yuꞈ maˆ maˆ-eu laꞈ kʼoeˇ, Sahˬpaˬ Miˬyehˇ-euˬ mˬ taˆ gʼaˬ kʼehˇ tiˬ gʼaˬ aˬ yawꞈ jawˇ gaˇ doˆ le-awˇ, heu loꞈ-ehˇ ehˇ-eu meh. “Daˬbiˇ-euˬ aˬ li Yoˇsehˆ-oˇ, Maˬliˇ-ahˇ sheuˬ-eu gaˇ kawˆ taˬ noeˬ shaˬ. Aˬ yawꞈ zaˬ tsehˆ leˇ-euˬ-aˬ, Muiˬ-eu shawˇ-eu Yaw sahˇ Miˬyehˇ baˬ da neh meh.

Maꞈtehˬ 2:23

Kʼoeˇ naˇ, Naˬzaˬlehˇ meuˬ-ahˇ aˬ yawꞈ jawˇ-euˬ meh. Miˬyehˇ gʼaˇ duˬ ngehˬ dah-eu tsawˇ haˬ deuˬ neh, Yeˬsuˇ-euˬ gaˇ kawˆ-ahˇ taꞈ leˇ-awˇ, “Aˬ yawꞈ-ahˇ Naˬzaˬlehˇ tsawˇ haˬ lehˇ kuˇ tehꞈ-a” lehˇ ehˇ taˬ-euˬ dawˬ kʼoeˇ dawˬ, kʼoeˇ loꞈ-ehˇ byah laˇ-euˬ meh.

Luˇkaꞈ 2:3

Tsawˇ haˬ yawˬ gʼaˬ na luꞈ yawˬ ha-euˬ meuˬ-ahˇ gʼoꞈ-iˇ-awˇ tsawˇ myahˇ ya dawˆ-iˇ-eu meh.

Luˇkaꞈ 2:5

Aˬ yawꞈ-ahˇ dahˬ dzaˬ laˇ-eu lehˇ saˇ jaˇ dzaˬ taˬ-euˬ Maˬliˇ nehˬ-ehˇ tiˬ kawˆ loꞈ-ehˇ tsawˇ myahˇ dawˆ leˇ-eu lehˇ le-euˬ meh. Kʼoeˇ ngeh, Maˬliˇ aˬ nyiˇ pi luꞈ-eu meh.

Luˇkaꞈ 4:16

Kʼoeˇ naˇ, Yeˬsuˇ-aˬ, aˬ yawꞈ huiˬ laˇ-euˬ jawˇ duˬ pyeuꞈ-eu Naˬzaˬlehˇ meuˬ-ahˇ iˇ-awˇ, Jawˇ nah keuˆ laˇ ngeh, aˬ myah myah kʼaˇ daˆ leˇ-euˬ loꞈ-ehˇ, uˬ duˬ tahˬ nymˇ-ahˇ daˆ leˇ-euˬ meh. Aˬ yawꞈ Jaˇliꞈ gui-eu lehˇ tuˇ laˇ ngeh,

Yoˇhaˬ 1:46

Naˬdaˬneˬlaˇ ehˇ-eu, “Naˬzaˬlehˇ meuˬ-ahˇ gaˇ dahˇ tsoeˬ-eu jeˬ mˇ doˆ laꞈ nya-eu tsawˇ haˬ jawˇ tehꞈ-a loˇ.” Piˇliˇpuˆ ehˇ-eu, “Haw laˇ-awˬ tawˇ.”

Yoˇhaˬ 7:42

Meˬsiˇya-aˬ, Daˬbiˇ-euˬ zaˬ deuˬ uˆ deuˬ laꞈ kʼoeˇ doˆ le-ꞈ awˇ, Daˬbiˇ-euˬ meuˬ pyeuꞈ-eu Behˬlehˬhehˬ meuˬ-ahˇ dehꞈ le tehꞈ-a lehˇ, Jaˇliꞈ laꞈ kʼoeˇ ehˇ taˬ-euˬ maˬ ngeuˇ-a loˇ.”

Luˇta 1:19

Kʼoeˇ naˇ, Behˬlehˬhehˬ meuˬ-ahˇ keuˆ ni, aˬ yawꞈ nyaꞈ le gʼeh leꞈ-euˬ meh. Aˬ yawꞈ nyaꞈ kʼoeˇ gaˇ le keuˆ ngeh, meuˬ meuˬ lah ni luiˬ gʼa laˇ-awˇ, “Tsawˇ haˬ heu gʼaˬ Nawˇmi maˬ ngeuˇ nga loˇ” lehˇ zaˬ miˬ zaˬ deuˬ ehˇ-eu meh.

Luˇta 2:4

Tiˬ kʼehˬ keuˆ laˇ naˇ, Behˬlehˬhehˬ meuˬ-ahˇ neh deh yaˇ-ahˇ Bawˇza oe keuˆ-awˇ, “Sahˬpaˬ Miˬyehˇ naw maꞈ nehˬ-ehˇ jawˇ luꞈ-uˇ” lehˇ cehˇ yehˬ-eu deuˬ-ahˇ aˬ yawꞈ dawˬ cawˬ puˬ nehˬ ngeh, “Miˬyehˇ nawˬ-ahˇ guiˬ lahˬ biꞈ luꞈ-uˇ” lehˇ aˬ yawꞈ maꞈ aˬ yawꞈ-ahˇ paˇ ehˇ kʼoˬ nehˬ-euˬ meh.

Luˇta 4:11

Aˬ yuiꞈ aˬ tsu kʼoeˇ deuˬ hawˇ-eu, kʼoeˇ gaˇ jawˇ luꞈ-eu tsawˇ haˬ deuˬ ehˇ-eu, “Ngeuˇ ma. Nga maꞈ saˇ kiˇ pyeuꞈ-eu ma. Nawˬ-euˬ nymˇ-ahˇ jawˇ uˇ le-euˬ zaˬ miˬ zaˬ heu gʼaˬ-ahˇ, Sahˬpaˬ Miˬyehˇ gʼawˬ shaˬ gaˬ nehˬ-awˇ, Yaˬkoˆ gʼaˇ duˬ zaˬ gʼawˬ mya ni bi jawˇ le-euˬ Laˬkeˬlaˇ hawˇ-eu Leˇaˬ loꞈ-ehˇ bi pyeuꞈ laˇ luꞈ-uˇ. Eˇpaˬlaˇ aˇ jeuˬ aˇ ca deuˬ laꞈ kʼoeˇ, nawˇ-aˬ, smˇ muiˬ muiˬ dui dui laˇ-awˇ, Behˬlehˬhehˬ meuˬ laꞈ kʼoeˇ tsawˇ myahˇ doˆ luꞈ-uˇ.

Luˇta 4:17

Dawˬ peh jawˇ-eu zaˬ miˬ zaˬ deuˬ aˬ li kʼoeˇ li-ahˇ, Awˇbehˆ lehˇ myahˇ nehˬ-euˬ meh. “Nawˇmi gʼaˇ duˬ aˬ li tiˬ gʼaˬ dehꞈ le gʼaˬ meh” lehˇ tsawˇ haˬ yawˬ gʼaˬ na luꞈ-ahˇ aˬ yawꞈ maꞈ ja gaˬ-euˬ meh. Awˇbehˆ-aˬ, Yeˬshehˇ-euˬ aˬ da pyeuꞈ-awˇ, Yeˬshehˇ-aˬ, sahˬ paˬ Daˬbiˇ-euˬ aˬ da pyeuꞈ-eu meh.

1 Saˬmeuˬlaˆ 16:1

Saˬmeuˬlaˆ-ahˇ Sahˬpaˬ Miˬyehˇ heu loꞈ-ehˇ ehˇ nehˬ-euˬ meh. “Sawˇluˆ gʼaˇ duˬ nawˇ nui ma maˬ saˇ-ehˇ, aˬ myah keuˆ ni toˇ toˇ-ehˇ jawˇ-eu gʼeh te. Iˇsaˬleˬlaˆ miˇ kʼahˬ kʼoeˇ taˆ sahˬ paˬ maˬ paˇ bi geuꞈ-eu gʼaˇ duˬ, aˬ yawꞈ-ahˇ ngaˇ byehˇ dzeh gʼaˬ-euˬ ma. Ehˇ kʼawꞈ, nawˇ saˬ loˬ tsiˇ ui cuiˆ yuˇ-awˇ, Behˬlehˬhehˬ meuˬ-ahˇ Yeˬshehˇ lehˇ myahˇ-euˬ tsawˇ haˬ kʼoeˇ gʼaˬ jawˇ gaˇ nymˬ-mˇ iˇ-awˬ. Aˬ jeˬ miˇ neh ehˇ naˇ, sahˬ paˬ bi geuꞈ-eu gʼaˇ duˬ, aˬ yawꞈ-euˬ aˬ li tiˬ li-ahˇ ngaˇ tseˇ doˆ gʼaˬ-euˬ ma.”

1 Saˬmeuˬlaˆ 16:4

Saˬmeuˬlaˆ-aˬ. Sahˬpaˬ Miˬyehˇ neh kʼaˇ ehˇ nehˬ-euˬ loꞈ-ehˇ jahˇ-awˇ, Behˬlehˬhehˬ meuˬ-ahˇ iˇ-euˬ meh. Kʼoeˇ gaˇ jawˇ-eu meuˬ-euˬ aˬ yuiꞈ aˬ tsu geuꞈ luꞈ-eu deuˬ aˬ yawꞈ jawˇ gaˇ laˇ-awˇ, yaw dzuˬ dzuˬ-eu laꞈ kʼoeˇ, “Shaˆ ma-oˇ, yaw lehˬ aˬ geu jeˬ paˇ doˆ laˇ-euˬ miˇ neh heu gaˇ oe teˬ” lehˇ naˇ haˬ-euˬ meh.

1 Saˬmeuˬlaˆ 17:12

Daˬbiˇ-aˬ, Yuˇdaˆ miˇ kʼahˬ Behˬlehˬ hehˬ meuˬ-ahˇ jawˇ-eu Eˇpaˬleˬ tsawˇ jeuˬ Yeˬshehˇ-euˬ aˬ li pyeuꞈ-eu meh. Yeˬshehˇ-aˬ, aˬ li yehꞈ li jawˇ-eu meh. Sawˇluˆ sahˬ paˬ geuꞈ luꞈ ngeh, aˬ yawꞈ tsawˇ mawˬ mawˬ dui dui laˇ-euˬ meh.

1 Saˬmeuˬlaˆ 17:58

“Aˬ li zaˬ guˬ-oˇ, nawˇ aˬ suˇ gʼaˬ-euˬ aˬ li te” lehˇ Sawˇluˆ naˇ haˬ ngeh. “Ngaˇ-aˬ, Behˬlehˬhehˬ meuˬ-ahˇ jawˇ-eu nawˬ-euˬ zaˬ kʼaˆ Yeˬshehˇ-euˬ aˬ li ma” lehˇ, Daˬbiˇ ehˇ kʼoꞈ nehˬ-euˬ meh.

1 Saˬmeuˬlaˆ 20:6

Dzaˬ taꞈ dawˇ taꞈ-eu hawˬ jeh-ahˇ ngaˇ hawˬ jawˬ maˬ jawˬ luꞈ nga lehˇ nawˬ da haw siˬ naˇ, ngaˬ-euˬ aˇ jeuˬ tiˬ jeuˬ jeuˬ lah ni tiˬ kʼoꞈ tiˬ poˆ ya lawˇ ya shehˇ-eu aˇ yamˬ tsaˬ laˇ-euˬ miˇ neh, nawˬ-ahˇ shaˇ-awˇ tehˬ law baw law-ehˇ Behˬlehˬhehˬ meuˬ-ahˇ gʼoꞈ-iˇ-euˬ meh lehˇ ehˇ nehˬ-awˬ.