Luˇkaꞈ 2:27 - Akha

²⁷ Yaw sahˇ Miˬyehˇ sheuˬ gʼeh-eu mehˬ nah, Uˬ duˬ tahˬ nymˇ nymˇ ma laꞈ kʼoeˇ Suˇmoˬ uˇ leˇ-euˬ meh. Zahˇ dawˬ kʼoꞈ dawˬ laꞈ kʼoeˇ ehˇ taˬ-euˬ loꞈ-ehˇ zahˇ jahˇ nehˬ-eu gʼaˇ duˬ, zaˬ nahˬ Yeˬsuˇ-ahˇ Uˬ duˬ tahˬ nymˇ nymˇ ma laꞈ kʼoeˇ ciˬ uˇ laꞈ ngeh,

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

²⁷ Muiq-eu Saflar nae aqyawf-anr bi noeqdov lar-euq mirnae, aqyawf, uqduq tanqnymr nymrma-euq lafkhoer urler-euq mae. Khoerngae nyiqpav-aer, zanrdawq-euq zanrsanrkhof jav-eu lof-aer janrnaeq-eu laer Yeqsur-euq aqma aqda, zaqnanq ciq-awr urlar luf-eu gar tanqpuq-euq mae.

Luˇkaꞈ 2:27 Iomraidhean Croise

Yeˬlaˬmiˇ 32:11

Kʼoeˇ naˇ, zeuˇ laꞈ mˇ-euˬ gaˇ kawˆ jahˇ tsehˆ gʼaˬ-awˇ jmˬ diˬ taˬ-euˬ seuˬ gʼaˬ kʼoeˇ taꞈ hawˇ-eu, jmˬ maˬ diˬ-euˬ seuˬ gʼaˬ kʼoeˇ nyiˬ taꞈ luꞈ-ahˇ,

Maꞈtehˬ 4:1

Kʼoeˇ naˇ, Nehꞈ sahˬ paˬ neh Yeˬsuˇ-ahˇ muˇ juˇ bi juˇ-eu gʼaˇ duˬ, Yaw sahˇ Miˬyehˇ neh Yeˬsuˇ-ahˇ bawˇ tsahˬ bawˇ dahˇ-ahˇ sheuˬ gʼeh-euˬ meh.

Luˇkaꞈ 2:22

Moˇseˬ-euˬ Zahˇ dawˬ kʼoꞈ dawˬ laꞈ kʼoeˇ ehˇ taˬ-euˬ jaˆ-eu loꞈ-ehˇ, Yoˇsehˆ hawˇ-eu Maˬliˇ aˬ nyaꞈ dzeˇ zaˬ gʼawˇ mawˇ shawˇ-eu zahˇ jahˇ yamˬ tsaˬ laˇ-euˬ meh. Kʼoeˇ miˇ neh, aˬ li kʼoeˇ li-ahˇ Sahˬpaˬ Miˬyehˇ mehˬ shi ciˬ sha leˇ-eu gʼaˇ duˬ, Yeˬluˇsaˬlehˬ meuˬ-ahˇ sheuˬ gʼeh-euˬ meh.

Luˇkaꞈ 2:28

Suˇmoˬ zaˬ nahˬ-ahˇ ciˬ-awˇ, Miˬyehˇ-ahˇ ja ceuˬ-awˇ heu loꞈ-ehˇ ehˇ-eu meh.

Luˇkaꞈ 2:41

Yeˬsuˇ-euˬ aˬ ma aˬ da-aˬ, aˬ yawꞈ kʼoꞈ yawꞈ Yeˬluˇsaˬlehˬ meuˬ-ahˇ Baˬsaˬkaˬ Bawˬ-iˬ gʼeh ngeh le-eu meh.

Luˇkaꞈ 2:48

Aˬ yawꞈ-euˬ aˬ ma aˬ da aˬ yawꞈ-ahˇ poˆ mawˇ ngeh, zahˬ leˇ-awˇ, aˬ yawꞈ-euˬ aˬ ma ehˇ-eu, “Aˬ li-oˇ, aˬ jeˬ miˇ neh heu loꞈ-ehˇ bi shaˬ laꞈ te. Nawˬ da nga nyaꞈ nawˬ-ahˇ kʼahˬ lahˇ-awˇ poˆ luꞈ-eu shiˇ-iˬ law miˇ-a tawˇ.”

Luˇkaꞈ 2:51

Kʼoeˇ naˇ, aˬ yawꞈ nyaꞈ nehˬ-ehˇ Naˬzaˬlehˇ meuˬ-ahˇ Yeˬsuˇ gʼoꞈ-iˇ-awˇ, ehˇ dawˬ naˇ haˬ naˇ haˬ-ehˇ jawˇ-euˬ meh. Aˬ yawꞈ-euˬ aˬ ma-aˬ, gaˇ kawˆ kʼoeˇ deuˬ dawˬ tawˆ luꞈ, nui ma laꞈ kʼoeˇ juiˇ taˬ-euˬ meh.

Luˇkaꞈ 4:1

Yeˬsuˇ-aˬ, Muiˬ-eu shawˇ-eu Yaw sahˇ Miˬyehˇ tiˬ byah ni ahˇ-eu laꞈ kʼoeˇ Yawˇdaˬ lawˇ baˬ-ahˇ neh gʼoꞈ laˇ-awˇ, Yaw sahˇ Miˬyehˇ neh aˬ yawꞈ-ahˇ bawˇ tsahˬ bawˇ dahˇ-ahˇ sheuˬ gʼeh-euˬ meh.

Gʼaˬkʼehˇ 10:19

Yaw sahˇ laꞈ kʼoeˇ ya mawˇ-euˬ gaˇ kawˆ kʼoeˇ-euˬ dawˬ tsuiꞈ-ahˇ Beˬtuˆluˆ shaˇ sawˇ haw luꞈ ngeh, Yaw sahˇ Miˬyehˇ aˬ yawꞈ-ahˇ ehˇ-eu, “Naˇhaˬ sheˇ. Tsawˇ haˬ smˇ gʼaˬ nawˬ-ahˇ poˆ le-euˬ meh.

Gʼaˬkʼehˇ 11:12

Maˬ nyi naˬ ni aˬ yawꞈ maꞈ nehˬ-ehˇ le-awˬ lehˇ, Yaw sahˇ Miˬyehˇ ngaˬ-ahˇ ehˇ-eu meh. Yuˇbeˬ meuˬ-ahˇ jawˇ-eu jah-eu tsawˇ haˬ aˬ yuiꞈ aˬ nyiˇ heu koꞈ gʼaˬ kʼawꞈ, ngaˬ-euˬ mehˬ nah caw teh laˇ-awˇ, nga maꞈ dawˬ tawˆ luꞈ Gawˬneˬliˇ-euˬ nymˇ-ahˇ uˇ leˇ-euˬ ma.

Gʼaˬkʼehˇ 16:7

Muˇsiˇ miˇ kʼahˬ-euˬ miˇ kaˬ-ahˇ le keuˆ ngeh, Beˬtuˇniˇ miˇ kʼahˬ-ahˇ uˇ leˇ-eu lehˇ tiˬ poˆ gʼeh-euˬ meh. Ehˇ kʼawꞈ, Yeˬsuˇ-euˬ Yaw sahˇ aˬ yawꞈ maꞈ-ahˇ aˬ kawˬ-aˬ maˬ biꞈ-a.

Gʼaˬkʼehˇ 8:29

“Mahˬ laˆ lawˬ kʼoeˇ laˇ-euˬ dawˬ peh tehˬ ni iˇ-awˬ” lehˇ, Muiˬ-eu shawˇ-eu Yaw sahˇ Miˬyehˇ Piˇliˇpuˆ-ahˇ ehˇ nehˬ-euˬ meh.

Gaˬlaˬtiˆ 4:4

Ehˇ kʼawꞈ, aˇ yamˬ tsaˬ laˇ ngeh jawˇ, Miˬyehˇ neh aˬ yawꞈ-euˬ Zaˬmaˇ-ahˇ bi oe-euˬ meh. Zaˬ miˬ zaˬ-euˬ uˬ maˆ laꞈ kʼoeˇ neh dehꞈ doˆ le-awˇ, Yuˇdaˆ tsawˇ haˬ-euˬ Zahˇ dawˬ kʼoꞈ dawˬ uˬ moˆ jawˇ-euˬ meh.

Panmaeq 1:10

Sahˬpaˬ Miˬyehˇ-euˬ aˇ nah -ahˇ, Yaw sahˇ Miˬyehˇ ngaˬ-ahˇ uˆ lahˇ le-awˇ, kʼaˆ dui dui-eu teˇ saˇ tiˬ saˇ-ahˇ ngaˇ ya gaˬ-euˬ ma. Teˇ saˇ kʼoeˇ-aˬ, daˇ heh baw-eu teˇ saˇ-ahˇ duˇ-awˇ, ngaˬ-euˬ naˇ kʼah paw dawˬ ngehˬ luꞈ-eu meh.

Panmaeq 17:3

Yaw sahˇ Miˬyehˇ ngaˬ-ahˇ uˆ lahˇ le-awˇ, mˬ taˆ gʼaˬ kʼehˇ kʼoeˇ gʼaˬ ngaˬ-ahˇ bawˇ tsahˬ-ahˇ sheuˬ gʼeh-euˬ meh. Kʼoeˇ gaˇ, neˇ tseuˆ ni gʼeh-eu jeˬ zaˬ yaw haiˬ tiˬ mawˇ-ahˇ dziˬ luꞈ-eu zaˬ miˬ zaˬ tiˬ gʼaˬ-ahˇ ngaˇ mawˇ-euˬ ma. Jeˬ zaˬ kʼoeˇ mawˇ-aˬ, gʼawˇ mawˇ mawˇ lah-ehˇ Miˬyehˇ-ahˇ yehˬ bawˬ sehˇ lu-ehˇ ehˇ-eu tsawˇ myahˇ deuˬ boꞈ taˬ-euˬ meh. Uˬ duˬ shiꞈ siˬ tsoꞈ-awˇ, uˬ coeˇ tseˇ coeˇ tsoꞈ-eu meh.