Luˇkaꞈ 2:2 - Akha

² Kʼoeˇ-aˬ, miˇ kʼahˬ zaˬ tsawˇ myahˇ dawˆ beh beh-euˬ poˆ pyeuꞈ-awˇ, Suˇliˆ miˇ kʼahˬ-ahˇ Guˇleˬniˇ uˆ lahˇ luꞈ ngeh yamˬ-ahˇ tsaˬ-eu meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

² Heupov-aq, Surliv-anr Gurleqnir meuqsanr geufluf ngae, tsawrmyanr dawvbae bae-euq pov mae.

Luˇkaꞈ 2:2 Iomraidhean Croise

Maꞈtehˬ 4:24

Yeˬsuˇ-euˬ gaˇ kawˆ Suˇliˆ miˇ kʼahˬ kʼahˬ lah ni gaˬ doe-iˇ-awˇ, pyaˬ-eu tsawˇ haˬ deuˬ, naˇ gawˇ gʼawˬ mya jeˬ pi luꞈ-eu tsawˇ haˬ deuˬ, nehꞈ uˇ-eu tsawˇ haˬ deuˬ, mawˇ bawˬ seu-eu tsawˇ haˬ deuˬ hawˇ-eu, kuiˇ shiˇ laꞈ shiˇ shiˇ-eu tsawˇ haˬ deuˬ-ahˇ aˬ yawꞈ jawˇ gaˇ sheuˬ uiˬ laꞈ-awˇ, aˬ yawꞈ laˆ taˬ-euˬ meh.

Luˇkaꞈ 2:1

Kʼoeˇ ngeh, Loˇmaˆ miˇ kʼahˬ laꞈ oˆ kʼaˇ jawˇ-eu miˇ kʼahˬ zaˬ dawˬ tawˆ luꞈ tsawˇ myahˇ ya dawˆ meh lehˇ, sahˬ paˬ Gehˇsaˬ Awˇguˇtuˆ dawˬ biꞈ-euˬ meh.

Luˇkaꞈ 2:3

Tsawˇ haˬ yawˬ gʼaˬ na luꞈ yawˬ ha-euˬ meuˬ-ahˇ gʼoꞈ-iˇ-awˇ tsawˇ myahˇ ya dawˆ-iˇ-eu meh.

Luˇkaꞈ 3:1

Gehˇsaˬ Deˬbeˬliˇ dzoeˬ dzaˬ-eu tseˇ ngaˬ kʼoꞈ byah laˇ ngeh, Yuˇdaˆ miˇ kʼahˬ-ahˇ BoˬtiˆPiˇlaˆ uˆ lahˇ-awˇ, Gaˬliˬlehˇ miˇ kʼahˬ-ahˇ Heˬloˆ uˆ lahˇ-awˇ, Iˇtuˬlehˇ miˇ kʼahˬ hawˇ-eu Daˬlaˬgawˇniˇ miˇ kʼahˬ-ahˇ Heˬloˆ-euˬ aˇ doˆ Piˇliˇpuˆ uˆ lahˇ-awˇ, Aˬbiˇleˬ miˇ kʼahˬ-ahˇ Luˇsaˬniˇ uˆ lahˇ luꞈ-eu meh.

Gʼaˬkʼehˇ 13:7

Seˬlaˬgiˇ Pawˇluˆ lehˇ myahˇ-euˬ iˇ jaw lahˇ miˇkʼahˬ kʼoeˇ kʼahˬ-ahˇ uˆ lahˇ-eu sahˬ paˬ pyeuꞈ-eu tsawˇ gahˇ ahˇ-eu tsawˇ haˬ kʼoeˇ gʼaˬ-ahˇ aˬ yawꞈ gʼoeˇ-eu meh. Sahˬ paˬ kʼoeˇ gʼaˬ Miˬyehˇ dawˬ kawˬ gaˬ mawꞈ-eu miˇ neh, Baˬnaˬbaˇ hawˇ-eu Sawˇluˆ-ahˇ kuˇ-euˬ meh.

Gʼaˬkʼehˇ 18:12

Gaˬliˬoˬ lehˇ kuˇ-eu gʼaˬ, Aˬgaˬyaˇ miˇ kʼahˬ-ahˇ uˆ lahˇ luꞈ ngeh, Yuˇdaˆ tsawˇ haˬ deuˬ gm leˇ-awˇ Pawˇluˆ-ahˇ nyehꞈ-awˇ, yaˇ kʼaˬ daˇ-eu saˇ naˇ-ahˇ sheuˬ gʼeh-euˬ meh.

Gʼaˬkʼehˇ 23:26

“Huiˬ-eu mahˇ-eu sahˬ paˬ Peˬliˇ jawˇ gaˇ, ngaˇ Gaˬlawˇdiˇ Luˇsiˆ sahˬ boꞈ boꞈ-awˇ dawˬ cawˬ puˬ ahˇ leꞈ-eu ma.

Gʼaˬkʼehˇ 26:30

Kʼoeˇ naˇ, sahˬ paˬ Aˬgiˇpaˆ maˬ ehˇ, sahˬ paˬ Beˬtuˇ maˬ mehˇ, Beˬlaˬniˇ maˬ ehˇ, aˬ yawꞈ maꞈ nehˬ-ehˇ kʼaˇ nuiˇ luꞈ-eu deuˬ maˬ ehˇ, gʼoꞈ-iˇ-eu lehˇ tuˇ laˇ jiˇ-euˬ meh.

Gʼaˬkʼehˇ 5:37

Kʼoeˇ naˇ, miˇ kʼahˬ zaˬ-euˬ tsawˇ myahˇ yuˇ ngeh, Gaˬliˬlehˇ miˇ kʼahˬ-ahˇ jawˇ-eu Yuˇdaˆ lehˇ kuˇ-eu tsawˇ haˬ tiˬ gʼaˬ paˇ doˆ le-euˬ meh. Aˬ yawꞈ-euˬ mehˬ nah caw teh-eu tsawˇ haˬ kʼawꞈ tiˬ maꞈ jawˇ-eu meh. Ehˇ kʼawꞈ, aˬ yawꞈ gʼeh bi sehꞈ-awˇ, aˬ yawꞈ mehˬ nah caw tehˬ-euˬ tsawˇ haˬ deuˬ cehˆ piˬ cehˆ byoˆ jiˇ-euˬ meh.