Luˇkaꞈ 2:16 - Akha

¹⁶ Kʼoeˇ naˇ, aˬ yawꞈ maꞈ yaw kawˇ-ehˇ iˇ-awˇ, Maˬliˇ hawˇ-eu Yoˇsehˆ aˬ nyaꞈ-ahˇ mawˇ-awˇ, zaˬ nahˬ-ahˇ mawˇ neˇ kʼawˇ lawˬ laꞈ kʼoeˇ ciˬ yuꞈ taˬ-euˬ gaˇ ya mawˇ-euˬ meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹⁶ Khoernar-aq, aqyawfmaf yawkawr-aer ir-awr, Maqliv hawr-eu Yorsaev-anr khawf, jeqdzar khawrlawq-euq lafkhoer ciqyuf taq-euq zaqnanq-anr khawf, povmawr-euq mae.

Luˇkaꞈ 2:16 Iomraidhean Croise

Dawˬ tsoˆ 9:10

Nawˇ kʼaˇ mˇ kʼaˇ shaˇ-eu jeˬ laꞈ kʼoeˇ, leh jeh dui dui-awˬ. Aˬ jeˬ miˇ neh ehˇ naˇ, nawˇ le luꞈ-eu shiˇ-eu miˇ kʼahˬ-ahˇ, mˇ myawˬ mˇ-eu, nui noeˬ noeˬ-eu hawˇ-eu, zaˬ siˬ tsawˇ gahˇ heu deuˬ maˬ jaˆ-a.

Luˇkaꞈ 1:39

Kʼoeˇ naˇ, Maˬliˇ lehˬ hmˬ-awˇ, Yuˇdaˆ miˇ kʼahˬ daˇ taˆ paw jaˆ-eu meuˬ tiˬ meuˬ-ahˇ yaw kawˇ-ehˇ le-euˬ meh.

Luˇkaꞈ 19:32

Aˬ yawꞈ nyaꞈ le ngeh, yawˬ jeˬ na luꞈ Yeˬsuˇ neh kʼaˇ ehˇ-euˬ loꞈ-ehˇ jaˆ gaˇ ya mawˇ-euˬ meh.

Luˇkaꞈ 2:12

Aˬ yawꞈ dehꞈ le-euˬ saˇ kiˇ heu loꞈ-ehˇ jaˆ tehꞈ-a. Zaˬ nahˬ-ahˇ bui loˬ loˬ-awˇ, mawˇ neˇ kʼawˇ lawˬ laꞈ kʼoeˇ ciˬ yuꞈ taˬ-euˬ gaˇ naw maꞈ ya mawˇ tehꞈ-a.”

Luˇkaꞈ 2:15

Mˬ taˆ gʼaˬ kʼehˇ deuˬ mˬ-ahˇ daˆ gʼoꞈ leˇ dzeuˇ ngeh, yawˇ bo-eu deuˬ tiˬ gʼaˬ tiˇ gʼaˬ ehˇ-eu, “Aˬ dui maꞈ Behˬlehˬhehˬ meuˬ-ahˇ le-awˇ, Sahˬpaˬ Miˬyehˇ neh aˬ dui-ahˇ ehˇ nehˬ laꞈ-euˬ jeˬ-ahˇ haw-iˇ kaˇ-euˇ.”

Luˇkaꞈ 2:17

Aˬ yawꞈ maꞈ kʼoeˇ gaˇ ya mawˇ ngeh, zaˬ nahˬ kʼoeˇ gʼaˬ gaˇ kawˆ mˬ taˆ gʼaˬ kʼehˇ neh aˬ yawꞈ maꞈ-ahˇ kʼaˇ ehˇ nehˬ-euˬ jeˬ dzawˇ mehˬ nehˬ-euˬ meh.

Luˇkaꞈ 2:7

Kʼoeˇ ngeh, aˬ yawꞈ zaˬ ciˬ-awˇ, dehꞈ le beh beh-euˬ aˬ li-ahˇ bui loˬ loˬ-awˇ, mawˇ neˇ kʼawˇ lawˬ laꞈ kʼoeˇ ciˬ yuꞈ taˬ-euˬ meh. Aˬ jeˬ miˇ neh ehˇ naˇ, daˬ yah yaꞈ-eu nymˇ laꞈ kʼoeˇ, aˬ yawꞈ nyaꞈ yaꞈ kʼaˇ maˬ za-a.

Luˇkaꞈ 22:13

Aˬ yawꞈ nyaꞈ iˇ haw ngeh, yawˬ jeˬ na luꞈ Yeˬsuˇ neh ehˇ-euˬ loꞈ-ehˇ jaˆ gaˇ ya mawˇ-awˇ, Baˬsaˬkaˬ dzaˬ byawˇ Lehˬ hmˬ laˆ dawˆ-euˬ meh.