Luˇkaꞈ 2:12 - Akha

¹² Aˬ yawꞈ dehꞈ le-euˬ saˇ kiˇ heu loꞈ-ehˇ jaˆ tehꞈ-a. Zaˬ nahˬ-ahˇ bui loˬ loˬ-awˇ, mawˇ neˇ kʼawˇ lawˬ laꞈ kʼoeˇ ciˬ yuꞈ taˬ-euˬ gaˇ naw maꞈ ya mawˇ tehꞈ-a.”

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹² Nawmaf-anr bisiq bimawr paq-aer zaqnanq tiq ghaq-anr builoq loq-awr jeqdzar khawrlawq-euq lafkhoer ciqyuf taq-euq gar ya’mawr taef-a.”

Luˇkaꞈ 2:12 Iomraidhean Croise

2 Sahˬpaˬ 19:29

Kʼoeˇ naˇ, sahˬ paˬ Heˬsaˬgiˇ-ahˇ Iˇsaˬyaˇ heu loꞈ-ehˇ ehˇ nehˬ-euˬ meh. “Aˬ joˆ-ehˇ pyeuꞈ laˇ-eu gaˇ kawˆ-ahˇ taꞈ leˇ-awˇ, bi siˬ bi mawˇ-eu jeˬ heu loꞈ-ehˇ jaˆ tehꞈ-a. Tsuiꞈ nui kʼoꞈ hawˇ-eu naꞈ yaꞈ kʼoꞈ laꞈ kʼoeˇ, aˬ yawˆ yawꞈ dehꞈ laˇ-euˬ cehˇ aˇ shehꞈ deuˬ tehꞈ-ehˇ nawˇ ya yehˬ dzaˬ tehꞈ-a. Ehˇ kʼawꞈ, na nui kʼoꞈ keuˆ laˇ ngeh, nawˇ cehˇ ka dzaˬ nya-awˇ aˬ gaꞈ yaˇ kmˇ kʼawꞈ mˇ dzaˬ nya tehꞈ-a.

2 Sahˬpaˬ 20:8

Kʼoeˇ ngeh, Iˇsaˬyaˇ-ahˇ Heˬsaˬgiˇ ehˇ-eu, “Sahˬpaˬ Miˬyehˇ ngaˬ-ahˇ bi taˬ leˇ-awˇ, smˬ nah keuˆ laˇ ngeh Uˬ duˬ tahˬ nymˇ nymˇ ma-ahˇ ngaˇ ya le tehꞈ-a lehˇ ehˇ-eu gaˇ kawˆ heu, aˬ diˇ aˬ maˇ pyeuꞈ laˇ meh lehˇ nawˇ ngaˬ-ahˇ saˇ kiˇ aˬ joˆ-ehˇ mehˬ nehˬ laꞈ nmˇ.”

Jaceuq 22:6

Ehˇkʼawꞈngaˇtsawˇhaˬmaˬhaˬ-ehˇ, buˬjoe tiˬmawˇmaˬtawˬmiˇ-a. Tsawˇhaˬyawˬgʼaˬna luꞈ ngaˬ-ahˇ, yehˬbawˬsehˇlu-ehˇgʼeh-eu meh.

Doˆ-iˇ 3:12

Miˬyehˇ ehˇ-eu, “Ngaˇ nawˬ nehˬ-ehˇ jawˇ ma. Iˇsaˬleˬlaˆ tsawˇ haˬ deuˬ-ahˇ, Iˇjiˇtuˆ miˇ kʼahˬ laꞈ kʼoeˇ neh nawˇ sheuˬ doˆ laꞈ ngeh, gawˬ jawˬ heu jawˬ kʼoeˇ taˆ, ngaˬ-ahˇ uˬ duˬ ya tahˬ tehꞈ-a. Heu-aˬ, ngaˬ neh nawˬ-ahˇ kʼehˇ gʼeh-euˬ gaˇ kawˆ, bi siˬ bi mawˇ-eu jeˬ pyeuꞈ tehꞈ-a.”

Iˇsaˬyaˇ 7:11

“Bi siˬ bi mawˇ-eu jeˬ bi keuˆ le ni, nawˬ-euˬ Miˬyehˇ pyeuꞈ-eu Sahˬpaˬ Miˬyehˇ-ahˇ shaˇ-awˬ. Shiˇ-eu miˇ kʼahˬ-ahˇ keuˆ ni naꞈ-euˬ miˇ oˆ paw neh laˇ-euˬ bi siˬ bi mawˇ-euˬ jeˬ maˬ ehˇ, mˬ naˆ maˬ tseˇ goˇ-eu miˇ taˆ paw-euˬ bi siˬ bi mawˇ-eu jeˬ maˬ ehˇ, tiˬ jeˬ bi keuˆ le ni shaˇ-awˬ.”

Iˇsaˬyaˇ 7:14

Toˆ-ehˇ jeˬ maˇ-iˬ, Sahˬpaˬ Miˬyehˇ aˬ yawꞈ-euˬ mawˇ do, nawˬ-euˬ kʼoeˇ taˆ bi siˬ bi mawˇ-eu jeˬ bi keuˆ le tehꞈ-a. Shawˇ jehˆ ni gʼeh-eu zaˬ miˬ zaˬ zaˬ guˬ tiˬ gʼaˬ aˬ nyiˇ pi leˇ-awˇ, aˬ li tiˬ li ciˬ-awˇ, Eˇmaˬnoeˬlaˇ, lehˇ myahˇ nehˬ tehꞈ-a.

Luˇkaꞈ 2:13

Jaˬ pyuˬ ni mˬ taˆ gʼaˬ kʼehˇ kʼoeˇ gʼaˬ nehˬ-ehˇ mˬ taˆ gʼaˬ kʼehˇ baˬ maꞈ puˇ jeˬ-ehˇ doˆ le-awˇ, Miˬyehˇ-ahˇ ja ceuˬ-eu caˇ dawˬ heu loꞈ-ehˇ caˇ-eu meh.

Luˇkaꞈ 2:7

Kʼoeˇ ngeh, aˬ yawꞈ zaˬ ciˬ-awˇ, dehꞈ le beh beh-euˬ aˬ li-ahˇ bui loˬ loˬ-awˇ, mawˇ neˇ kʼawˇ lawˬ laꞈ kʼoeˇ ciˬ yuꞈ taˬ-euˬ meh. Aˬ jeˬ miˇ neh ehˇ naˇ, daˬ yah yaꞈ-eu nymˇ laꞈ kʼoeˇ, aˬ yawꞈ nyaꞈ yaꞈ kʼaˇ maˬ za-a.

1 Saˬmeuˬlaˆ 2:34

Nawˬ li Hawˇpaˬniˇ hawˇ-eu Piˇnaˬhaˇ aˬ nyaꞈ nyiˬ mehˇ nmˇ luꞈ tiˬ nah laꞈ kʼoeˇ tehꞈ-ehˇ shiˇ ngeh, ngaˬ neh kʼaˇ ehˇ taˬ-euˬ jeˬ dawˬ tawˆ luꞈ aˬ diˇ aˬ maˇ pyeuꞈ laˇ luꞈ-eu gaˇ kawˆ, nawˬ-ahˇ bi mawˇ-eu ma.