Luˇkaꞈ 19:42 - Akha

⁴² heu loꞈ-ehˇ ehˇ-eu meh. “Yeˬluˇsaˬlehˬ meuˬ-oˇ, nawˬ-ahˇ nui saˇ oꞈ-eu jeˬ biꞈ nya-eu aˬ jeˬ-a lehˇ iˬ nah nawˇ siˬ nya law nmˇ-aˬ, muiˬ dui dui meh. Ehˇ kʼawꞈ, kʼoeˇ jeˬ-ahˇ nymˬ-mˇ nawˇ maˬ mawˇ-a.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁴² “Yeqlursaqlaeq-or! Iqnan nae nawq-anr nuisar biof-eu jeq-anr nawr siqnya lawnmr-aq muiq-eu mae. Aerkhawf, nymq-mr-aq, nuisar biof-eu jeq khoer-anr nawq-euq myavnuiv-anr nae zaftaq-euq mae.

Luˇkaꞈ 19:42 Iomraidhean Croise

Jaceuq 32:6

Guˆ-eu gaˆ-eu iˇ jeuˬoe ngeh, luˬgaˇseˇgaˇ maˬya keuˆni, nawˬ-ahˇsaˇjaˇziꞈ-eu tsawˇhaˬ, zahˬngeh guiˬlahˬshaˇnya luꞈ-uˇ.

Jaceuq 81:13

Ngaˬ-euˬ tsawˇ haˬ deuˬ ngaˬ-euˬ ehˇ dawˬ bi naˇ haˬ mawꞈ dui dui nya. Ngaˬ neh mehˬ-euˬ dawˬ-ahˇ bi naˇ haˬ geuꞈ mawꞈ nya.

Iˇsaˬyaˇ 44:18

Kʼoeˇ loꞈ-ehˇ gʼeh-eu tsawˇ haˬ deuˬ-aˬ, aˬ dzawˬ dzawˬ dui dui-awˇ, yawˬ ha aˬ jeˬ mˇ luꞈ-eu gaˇ kawˆ yawˬ ha maˬ siˬ nya-a. Aˬ yawꞈ maꞈ myaˆ nuiˆ miˆ tehˬ-awˇ, nui ma piˬ tehˬ taˬ-euˬ miˇ neh, yaw tsaˬ yaw dawˇ jeˬ-ahˇ maˬ siˬ nya-a.

Iˇsaˬyaˇ 48:18

“Ngaˬ-euˬ dawˬ-ahˇ naw maꞈ naˇ haˬ law nmˇ, maˬ gui-iˇ ni yoeˇ-eu lawˇ baˬ tiˬ gawˆ loꞈ-ehˇ, naw maꞈ gʼaˇ duˬ guiˬ lahˬ yoeˇ-awˇ, lawˇ deh-ahˇ tahˬ pymˬ-eu iˇ kʼawˇ loꞈ-ehˇ, gʼaˬ leˇ-eu jeˬ naw maꞈ za-euˬ tehꞈ-a.

Iˇsaˬyaˇ 55:6

Sahˬpaˬ Miˬyehˇ-ahˇ poˆ mawˇ nya paˬ-ehˇ gʼeh ngeh poˆ-awˬ. Gaˇ mahˇ maˬ iˇ kaˬ mi naˆ-ehˇ kuˇ-awˬ.

Yeˬlaˬmiˇ 13:17

Ehˇ kʼawꞈ, naw maꞈ maˬ naˇ haˬ naˇ, naw maꞈ nui ma huiˬ-eu mahˇ-eu miˇ neh, aˬ cawˬ maˬ bi siˬ ni ngaˇ ngoeˇ kʼoeˬ ma. Sahˬpaˬ Miˬyehˇ-euˬ tsawˇ haˬ deuˬ, aˬ cawˬ neh bi nyehꞈ byoˆ gʼeh-eu miˇ neh, ngaˇ ya ngoeˇ dui dui-awˇ, myaˆ biˇ daˇ lawˇ yoeˇ le tehꞈ-a.

Yeˬsaˬgeˬlaˇ 33:11

Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ dehꞈ luꞈ-eu Miˬyehˇ kʼaˇ pyeuꞈ kʼoeˇ keuˆ ni, iˬ baˇ zaˬ tiˬ gʼaˬ shiˇ gaˇ ngaˇ maˬ mawˇ mawꞈ-ehˇ iˬ baˇ mˇ-eu byehˇ dzeh-awˇ dehꞈ daˆ leꞈ gaˇ mawˇ mawꞈ-eu meh lehˇ, aˬ yawꞈ maꞈ-ahˇ ehˇ nehˬ-awˬ. Iˇsaˬleˬlaˆ -oˇ, yaw haiˬ jeˬ mˇ-eu byehˇ-awˬ. Aˬ jeˬ miˇ neh shiˇ mawꞈ-eu nya lehˇ ehˇ nehˬ-awˬ.

Luˇkaꞈ 19:41

Aˬ yawꞈ meuˬ dawˬ peh le keuˆ-awˇ, meuˬ-ahˇ ya mawˇ ngeh, meuˬ-euˬ gʼaˇ duˬ tsawˇ ngoeˇ ngoeˇ-awˇ,

Luˇkaꞈ 19:43

Nawˬ-ahˇ muiˇ-eu deuˬ nawˬ-euˬ tiˬ jawˬ taˆ ciˬ goˇ-awˇ loꞈ jawˬ-eu laꞈ kʼoeˇ, yawˬ paw na luꞈ tah uˇ le-eu aˇ nah keuˆ le tehꞈ-a.

Luˇkaꞈ 19:44

Nawˇ hawˇ-eu nawˬ-euˬ meuˬ lahˇ laꞈ kʼoeˇ jawˇ-eu tsawˇ haˬ deuˬ-ahˇ, geuꞈ-eu jeˬ maˬ ahˇ-ehˇ pyeuꞈ-iˇ ngeh keuˆ ni a yawꞈ maꞈ laˆ cawˆ jiˇ tehꞈ-a. Kʼaˬ lo tsaˬ byaˆ deuˬ tiˬ siˬ kʼoeˇ taˆ tiˬ siˬ maˬ jaˆ coeˇ gaˇ keuˆ ni aˬ yawꞈ maꞈ jahˇ tehꞈ-a. Aˬ jeˬ miˇ neh ehˇ naˇ, Miˬyehˇ nawˬ-ahˇ ka kʼoꞈ le-eu lehˇ oe yaꞈ-euˬ aˇ yamˬ-ahˇ nawˇ maˬ siˬ nya-aˬ.”

Gʼaˬkʼehˇ 10:36

Dawˬ tawˆ kʼoeˇ taˆ sahˬ paˬ pyeuꞈ-eu Yeˬsuˇ Ka li baˬ da neh nui saˇ oꞈ-eu jeˬ za-eu gaˇ kawˆ Laˬ kʼaˬ cehˇ-eu Guiˬ lahˬ dawˬ heu-ahˇ, Iˇsaˬleˬlaˆ tsawˇ haˬ deuˬ jawˇ gaˇ bi mehˬ-iˇ-euˬ naw maꞈ siˬ nya meh.

Gʼaˬkʼehˇ 13:46

Ehˇ kʼawꞈ, Pawˇluˆ hawˇ-eu Baˬnaˬbaˇ aˬ nyaꞈ kʼaˬ duˬ ni ngehˬ-eu laꞈ kʼoeˇ, “Miˬyehˇ-euˬ dawˬ kawˬ heu naw maꞈ-ahˇ jeˬ huˬ ya ja mehˬ-eu ngeuˇ meh. Ehˇ kʼawꞈ, naw maꞈ maˬ naˇ haˬ geuꞈ-ehˇ, mˬ maˬ maˬ byaˆ zaˇ ziˇ dehꞈ-eu jeˬ-ahˇ za-eu geuˇ miˇ-a lehˇ maˬ shaˇ noeˬ-eu miˇ neh, naw maꞈ-ahˇ byehˇ-awˇ aˬ cawˬ tsawˇ jeuˬ-ahˇ mehˬ-iˇ-eu ma.

Dawˬmehˬ 32:29

Aˬ cawˬ neh bi deuˆ gʼaˬ-euˬ kʼoeˇ, gaˇ kawˆ maˬ tseˇ paˆ geuꞈ nya-a.

Dawˬmehˬ 5:29

Aˬ yawꞈ maꞈ aˬ myah luꞈ kʼoeˇ loꞈ-ehˇ tehꞈ-ehˇ nui ma taˬ-awˇ, aˬ myah luꞈ ngaˬ-ahˇ taˬ huiˬ taˬ mahˇ-eu laꞈ kʼoeˇ, ngaˬ-euˬ zahˇ dawˬ kʼoꞈ dawˬ deuˬ-ahˇ naˇ haˬ geuꞈ naˇ, aˬ yawꞈ maꞈ hawˇ-eu aˬ yawꞈ maꞈ-euˬ zaˬ deuˬ uˆ deuˬ mˬ maˬ maˬ byaˆ zaˇ ziˇ yaw muiˬ paˬ-ehˇ ya dehꞈ dzaˬ tehꞈ-a.

HeˬByehˇ 3:13

Naw maꞈ tiˬ gʼaˬ-iˬ iˬ baˇ neh mehˇ shuiˇ maˬ bi shuiˇ gʼaˬ-ehˇ, nui ma maˬ ya gʼahˇ laˇ ni, “Iˬnah” lehˇ JaˇLiꞈ laꞈ kʼoeˇ ehˇ taˬ-euˬ dawˬ kʼoeˇ dawˬ aˬ dui-ahˇ kʼaˇ toeˬ ceh luꞈ kʼoeˇ keuˆ ni, yawˬ nah na luꞈ tiˬ gʼaˬ tiˇ gʼaˬ ngehˬ gʼeh-awˬ.

HeˬByehˇ 3:15

Jaˇliꞈ laꞈ kʼoeˇ heu loꞈ-ehˇ ehˇ taˬ-euˬ meh. “Iˬ nah Miˬyehˇ ehˇ luꞈ-eu dawˬ, naw maꞈ ya gaˬ gʼaˬ-euˬ ngeuˇ naˇ, Miˬyehˇ-ahˇ puiˬ-euˬ aˇ yamˬ-ahˇ, yawꞈ maꞈ nui ma gʼahˇ-euˬ loꞈ-ehˇ, naw maꞈ-euˬ nui ma taˬ bi gʼahˇ.”

HeˬByehˇ 3:7

Kʼoeˇ miˇ neh, Muiˬ-eu shawˇ-eu Yaw sahˇ Miˬyehˇ neh ehˇ taˬ-euˬ loꞈ-ehˇ, “Iˬ nah Miˬyehˇ ehˇ luꞈ-eu dawˬ, naw maꞈ ya gaˬ gʼaˬ-euˬ ngeuˇ naˇ,