Luˇkaꞈ 17:2 - Akha

² Tsawˇ haˬ kʼoeˇ gʼaˬ neh zaˬ yaw nyiˇ heu deuˬ laꞈ kʼoeˇ tiˬ gʼaˬ na-ahˇ iˬ baˇ mˇ ni bi jahˇ-eu naˆ maˬ tseˇ, tsawˇ haˬ kʼoeˇ gʼaˬ-euˬ kawˬ lahˇ-ahˇ lo lehˬ paꞈ tawꞈ-awˇ, iˬ ma laˆ shaˆ-ahˇ biˬ puꞈ nehˬ naˇ, aˬ yawꞈ gʼaˇ duˬ muiˬ dzehˬ tehꞈ-a.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

² Tsawrhaq khoerghaq, zaq yawnyir heudeuq-euq lafkhoer tiqghaq nav-anr bi mrlaeq-eu navmaqtser, aqyawf-euq kawqlanr-anr lolaeq paftawf-awr, iqmalavshav-anr bafpuf-eu-aq, aqyawf-euq gharduq muiqdzaeq-eu mae.

Luˇkaꞈ 17:2 Iomraidhean Croise

Iˇsaˬyaˇ 40:11

Yawˇ bo-eu yaw sahˇ yawˇ-ahˇ bo saˆ nehˬ-eu loꞈ-ehˇ, aˬ yawꞈ-euˬ yawˇ maꞈ-ahˇ aˬ yawꞈ bo saˆ nehˬ-awˇ, yawˇ zaˬ deuˬ-ahˇ tiˬ gaˇ jaˬ uiˬ jiˇ-eu laꞈ kʼoeˇ, aˬ yawꞈ-euˬ bawˇ kʼahˇ-ahˇ ciˬ-awˇ, yawˇ zaˬ aˬ ma deuˬ-ahˇ aˬ za za-ehˇ sheuˬ gʼeh tehꞈ-a.

Zaˬkaˬliˇ 13:7

Sahˬpaˬ Miˬyehˇ Baoˬ huiˬ-eu gʼaˬ, heu loꞈ-ehˇ dawˬ biꞈ nehˬ-euˬ meh. “Mi cehˇ-oˇ, noeˬ laˇ-awˇ tuˇ-awˬ. Ngaˬ-euˬ yawˇ bi bo-euˬ tsawˇ haˬ, ngaˬ-euˬ dawˬ peh yawꞈ-eu gʼaˬ-ahˇ, sehꞈ-eu gʼaˇ duˬ yaw kawˇ tuˇ-awˬ. Yawˇ deuˬ cehˆ byoˆ cehˆ laˆ jiˇ ni, Yawˇ bo-eu gʼaˬ-ahˇ deuˆ sehꞈ-awˬ. Yawˇ zaˬ deuˬ-ahˇ ngaˇ kʼehˬ-eu ma.”

Maꞈtehˬ 17:27

Ehˇ kʼawꞈ, tsawˇ haˬ heu deuˬ-ahˇ coeˬ leˇ ni aˇ nyaꞈ maˬ jahˇ mawꞈ nya. Kʼoeˇ miˇ neh, lah-ahˇ iˇ-awˇ ngaˬ juiꞈ juiꞈ-iˇ-awˬ. Juiꞈ paꞈ beh beh-euˬ ngaˬ shaˬ kʼoeˇ mawˇ gʼeu doˆ-awˬ. Aˇ nyaꞈ gʼaˇ duˬ Uˬ duˬ tahˬ nymˇ nymˇ ma-euˬ kawˬ doˆ tsehˆ nya ni poeˬ-eu pyuˇ maˇ byaˆ tiˬ byaˆ, ngaˬ shaˬ kʼoeˇ mawˇ-euˬ kʼaˬ meh-ahˇ tsmˬ gaˇ nawˇ ya mawˇ tehꞈ-a. Maˇ byaˆ kʼoeˇ byaˆ yuˇ-awˇ, aˬ yawꞈ maꞈ-ahˇ kawˬ doˆ nehˬ-awˬ.”

Maꞈtehˬ 18:10

“Tsawˇ haˬ yaw nyiˇ heu loꞈ-ehˇ gʼeh-eu tiˬ gʼaˬ na-ahˇ naw maꞈ yehˬ bawˬ sehˇ lu-ehˇ maˬ ya gʼeh ni yahˇ-awˬ. Mˬ kʼoeˇ taˆ ngaˬ Da-euˬ mehˬ shi, aˬ yawꞈ maꞈ-euˬ mˬ taˆ gʼaˬ kʼehˇ deuˬ aˬ myah luꞈ jawˇ-eu meh lehˇ, naw maꞈ-ahˇ ngaˇ ehˇ-eu ma.Jaˇliꞈ tiˬ paˆ na deuˬ laꞈ kʼoeˇ, gaˬ naˇ yaw zaˬ 11 heu loꞈ-ehˇ ahˇ-eu meh. 18.11: Aˬ jeˬ miˇ neh ehˇ naˇ, byoˆ-iˇ-euˬ tsawˇ haˬ deuˬ-ahˇ ka kʼoꞈ-eu gʼaˇ duˬ, Tsawˇhaˬ-euˬ Zaˬmaˇ oe-euˬ meh(Luˇkaꞈ 19.10)*

Maꞈtehˬ 18:14

Kʼoeˇ loꞈ-ehˇ duˇ ni, mˬ kʼoeˇ taˆ jawˇ-eu naw maꞈ-euˬ Aˬda-aˬ, tsawˇ haˬ yaw nyiˇ heu deuˬ tiˬ gʼaˬ-iˬ maˬ bi byoˆ-iˇ mawꞈ-a.

Maꞈtehˬ 26:24

Tsawˇhaˬ-euˬ Zaˬmaˇ-aˬ, Jaˇliꞈ laꞈ kʼoeˇ ehˇ taˬ-euˬ loꞈ-ehˇ ya shiˇ tehꞈ-a. Ehˇ kʼawꞈ, Tsawˇhaˬ-euˬ Zaˬmaˇ-ahˇ ahˬ dzaˬ-euˬ kʼoeˇ gʼaˬ ya noeˬ shaˬ dui dui tehꞈ-a. Aˬ yawꞈ maˬ dehꞈ le-euˬ law nmˇ-aˬ, aˬ yawꞈ gʼaˇ duˬ muiˬ dzehˬ tehꞈ-a.”

Maˬkuˆ 9:42

“Tsawˇ haˬ tiˬ gʼaˬ na, heu loꞈ-ehˇ gʼeh-eu ngaˬ-ahˇ jah-eu zaˬ yaw nyiˇ tiˬ gʼaˬ iˬ baˇ mˇ ni sheuˬ bahˬ naˇ, aˬ yawꞈ-euˬ kawˬ lahˇ-ahˇ lo lehˬ lehˬ ma paꞈ tawꞈ-awˇ, iˬ ma laˆ shaˆ-ahˇ bi biˬ ahˇ-eu-aˬ, aˬ yawꞈ gʼaˇ duˬ muiˬ dzehˬ meh.

Yoˇhaˬ 21:15

Aˬ yawꞈ maꞈ dzaˬ gʼaˬ dawˇ gʼaˬ ngeh, Siˇmoˬ Beˬtuˆluˆ-ahˇ Yeˬsuˇ naˇ haˬ-eu, “Yoˇhaˬ-euˬ aˬ li Siˇmoˬ-oˇ, tsawˇ haˬ heu deuˬ ngaˬ-ahˇ gaˬ-eu naˆ maˬ tseˇ nawˇ ngaˬ-ahˇ gaˬ ma loˇ.” Beˬtuˆluˆ ehˇ-eu, “Gaˬ ma Sahˬpaˬ-oˇ. Ngaˇ nawˬ-ahˇ gaˬ-eu nawˇ siˬ nya meh.” Yeˬsuˇ aˬ yawꞈ-ahˇ ehˇ nehˬ-eu, “Yawˇ zaˬ-ahˇ bo saˆ-eu loꞈ-ehˇ, ngaˬ-euˬ yawˇ deuˬ-ahˇ bo saˆ-awˬ.”

1 Gawˇliˬtu 9:15

Ehˇ kʼawꞈ, ngaˇ za geuˇ-eu kʼoeˇ deuˬ-ahˇ ngaˇ maˬ geuꞈ-aˬ. Kʼoeˇ deuˬ-ahˇ za mawꞈ-eu miˇ neh nymˬ-mˇ sahˬ boꞈ heu taꞈ boꞈ-eu kʼawꞈ maˬ ngeuˇ. Ngaˇ nui ma huiˬ kʼaˇ za-eu heu-ahˇ aˬ cawˬ laˆ cawˆ laˇ gaˇ keuˆ naˇ, ngaˬ-euˬ gʼawˇ mawˇ shiˇ dah ma.

1 Gawˇliˬtu 9:22

Jah-eu gʼaˬ baˬ-eu tsawˇ haˬ deuˬ Ka li zaˬ bi pyeuꞈ laˇ-eu gʼaˇ duˬ, ngaˇ kʼawꞈ jah-eu gʼaˬ baˬ-eu tsawˇ haˬ geuꞈ-euˬ ma. Tsawˇ haˬ yawˬ gʼaˬ na luꞈ gʼaˇ duˬ yawˬ jeˬ na luꞈ ngaˇ geuꞈ doe-awˇ, aˬ yawꞈ maꞈ tiˬ paˆ na deuˬ-ahˇ aˬ joˆ-ehˇ jahˇ-awˇ ka kʼoꞈ paˬ nga lehˇ, kʼaˇ gʼeh nya-eu loꞈ-ehˇ leh jeh doe-euˬ ma.