Luˇkaꞈ 17:12 - Akha

¹² Aˬ yawꞈ pu tiˬ pu-ahˇ uˇ leˇ luꞈ ngeh, ui cuiˆ gaˇ mahˇ kaˬ gaˇ yawꞈ luꞈ-eu coiˬ doi tseˇ gʼaˬ-ahˇ tahˬ puˬ-euˬ meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹² Yeqsur, pu tiq pu-anr urlerluf ngae, coiqdoi nar-eu tser ghaq garmanr kaq-eu gar yawf-awr, Yeqsur-anr ya’mawr-euq mae.

Luˇkaꞈ 17:12 Iomraidhean Croise

2 Sahˬpaˬ 5:27

Nymˬ-mˇ poˆ jawˇ, Neˬmaˬ-euˬ naˇ gawˇ kʼoeˇ nawˬ-ahˇ nyawˬ laˇ-awˇ, nawˇ hawˇ-eu nawˬ-eu zaˬ nawˬ-euˬ uˆ deuˬ dawˬ tawˆ luꞈ, mˬ maˬ maˬ byaˆ zaˇ ziˇ naˇ gawˇ kʼoeˇ ya daˬ tehꞈ-a.” Geˬhaˬziˇ doˆ-iˇ ngeh, nyawˬ naˇ laˇ-awˇ, aˬ yawꞈ-euˬ shaˬ jiˇ ngehˇ loꞈ-ehˇ pyuˇ deuˬ ni pyeuꞈ-iˇ-euˬ meh.

2 Sahˬpaˬ 7:3

Nyawˬ naˇ-eu tsawˇ haˬ oeˬ gʼaˬ, Saˬmaˬliˆ meuˬ-euˬ lahˇ kʼehˬ laꞈ nyiˇ paw jawˇ luꞈ-eu meh. Aˬ yawꞈ maꞈ tiˬ gʼaˬ tiˇ gʼaˬ ehˇ-eu, “Aˬ dui ya mehꞈ sehꞈ jiˇ ngeh keuˆ ni, aˬ jeˬ miˇ neh heu gaˇ dzuˇ dzuˇ-ehˇ jawˇ nmˇ.

Doˆ-iˇ 4:7

“Nawˬ-euˬ aˬ laꞈ pehˇ kʼahˬ laꞈ kʼoeˇ tiˬ poˆ paˇ cawˬ ahˇ-awˬ” lehˇ, Moˇseˬ-ahˇ Sahˬpaˬ Miˬyehˇ paˇ ehˇ nehˬ-euˬ meh. Moˇseˬ gʼeh, aˬ yawꞈ-euˬ aˬ laꞈ pehˇ kʼahˬ laꞈ kʼoeˇ tiˬ poˆ paˇ cawˬ ahˇ-awˇ cawˬ doˆ haw ngeh, aˬ yawꞈ yaw oeˇ loꞈ-ehˇ paˇ muiˬ laˇ-euˬ meh.

Bawˇtsahˬ 12:14

Sahˬpaˬ Miˬyehˇ ehˇ-eu, “Aˬ yawꞈ-euˬ aˬ da neh aˬ yawꞈ-euˬ myaˆ pyawˬ-ahˇ duˬ kʼaˬ kʼa daˆ nehˬ law nmˇ-aˬ, shiꞈ nah keuˆ ni aˬ yawꞈ ya shaꞈ dawˇ-eu maˬ ngeuˇ-a loˇ. Shiꞈ nah keuˆ ni aˬ yawꞈ-ahˇ pu laꞈ nyiˇ paw teh dzeh-awˇ, shiꞈ nah byah laˆ naˇ paˇ bi gʼoꞈ laˇ nya tehꞈ-a.”

Luˇkaꞈ 18:13

Ehˇ kʼawꞈ, kawˬ taꞈ-eu tsawˇ haˬ kʼoeˇ gʼaˬ-aˬ, ui cuiˆ yaw taw yawꞈ-awˇ, myaˆ pyawˬ mˬ paw maˬ ciˬ diˇ peuˬ ni, noeˬ shaˬ dui dui-eu miˇ neh kʼahˬ-ahˇ teˇ teˇ-ehˇ, ‘Miˬyehˇ-oˇ, ngaˇ iˬ baˇ zaˬ ma. Gʼawˬ shaˬ gaˬ nehˬ laꞈ-awˬ’ lehˇ shaˇ-euˬ meh.

Luˇkaꞈ 5:12

Yeˬsuˇ meuˬ tiˬ meuˬ-ahˇ jawˇ luꞈ ngeh, gʼawˇ mawˇ mawˇ lah-ehˇ coiˬ doi naˇ byah taˬ-euˬ tsawˇ haˬ tiˬ gʼaˬ aˬ yawꞈ jawˇ gaˇ laˇ-awˇ, aˬ yawꞈ-ahˇ mawˇ ngeh, miˇ tsa awˆ byaˆ-awˇ ehˇ-eu, “Sahˬpaˬ-oˇ, nawˇ jahˇ nehˬ laꞈ mawꞈ naˇ, ngaˇ muiˬ laˇ shawˇ laˇ ni jahˇ nya meh.”