Luˇkaꞈ 16:9 - Akha

⁹ “Ngaˇ naw maꞈ-ahˇ ehˇ nehˬ nyaˇ. Miˇ tsaˬ pyuˇ shuiˇ myawˬ gahˬ-ahˇ gʼoe-awˇ, aˬ cawˬ-ahˇ cawˬ cawˬ taꞈ-awˬ. Kʼoeˇ loꞈ-ehˇ jahˇ naˇ, pyuˇ shuiˇ myawˬ gahˬ kʼoeˇ deuˬ byoˆ-iˇ jiˇ ngeh, mˬ maˬ maˬ byaˆ zaˇ ziˇ ziꞈ-eu jawˇ duˬ laꞈ kʼoeˇ, naw maꞈ-ahˇ ha geuꞈ nehˬ laꞈ tehꞈ-a.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁹ “Ngar, nawmaf-anr aernaeq nyar, maqtsaq maqdawr-eu pyurshuir myawqganq zmq-awr aqcawq naeq-aer cawq cawq-awq. Nawmaf-euq pyurshuir myawqganq deuq byovjir ngae, aqyawfmaf, nawmaf-anr mqmaq maqbyav yarzir daef-eu jawrduq-anr hageuf naeqlaf taef-a.

Luˇkaꞈ 16:9 Iomraidhean Croise

Jaceuq 73:26

Ngaˬ-euˬ nui ma gʼawˇ mawˇ gʼaˬ baˬ-iˇ kʼawꞈ, Miˬyehˇ ngaˬ-euˬ gʼaˬ pyeuꞈ-eu ma. Aˬ yawꞈ-ahˇ za naˇ dawˬ tawˆ luꞈ byah jiˇ-eu ma.

Dawqdaq 14:24

Zaˬ siˬ tsawˇ gahˇ ahˇ-eu deuˬ shuiˇ uˬ kʼoˆ za-awˇ, aˬ dzawˬ aˇ gah-euˬ shaˬ bymˇ yaw lehˬ yaw ca tehꞈ meh.

Dawqdaq 19:17

Iˇ shaˬ zaˬ-ahˇ gʼawˬ shaˬ gaˬ-eu tsawˇ haˬ, Sahˬpaˬ Miˬyehˇ-ahˇ dziˇ dzoˆ paˇ mehˬ gaˇ duˇ-awˇ, Sahˬpaˬ Miˬyehˇ dziˇ dzoˆ tsoeˬ nehˬ tehꞈ-a.

Dawqdaq 23:5

Nawˬ-euˬ pyuˇ shuiˇ myawˬ gahˬ myaˆ tiˬ miˆ laꞈ kʼoeˇ tehꞈ-ehˇ byoˆ jiˇ nya meh. Kʼaˬ dzeˇ loꞈ-ehˇ aˬ dahˇ tsoꞈ laˇ-awˇ zaw byoˆ gʼeh nya-eu meh. -8-

Dawˬ tsoˆ 11:1

Aˬ cawˬ miˇ kʼahˬ-ahˇ jeˬ gaꞈ jeˬ ka mˇ taꞈ gaˇ nawˬ-euˬ pyuˇ gawꞈ taˬ-euˬ jaˆ naˇ, tiˬ nah jiˇ jeuˬ doˆ laˇ tehꞈ-a.

Iˇsaˬyaˇ 57:16

Ngaˬ-euˬ tsawˇ haˬ deuˬ-ahˇ dehꞈ-eu saꞈ laˇ biꞈ-awˇ, aˬ yawꞈ maꞈ-ahˇ ngaˇ maˬ paˇ noeˬ doeˇ-ehˇ, tiˬ jawˇ-iˬ nui ma maˬ pehˇ ma.

Daˬyeˬlaˇ 4:27

Kʼoeˇ miˇ neh sahˬ paˬ-oˇ, ngaˬ-euˬ ehˇ dawˬ geuꞈ nehˬ laꞈ. Iˬ baˇ maˬ mˇ ni byehˇ-awˇ, yaw tsaˬ yaw dawˇ jeˬ mˇ-eu laꞈ kʼoeˇ, shaˬ zaˬ zahˬ zaˬ deuˬ-ahˇ gʼawˬ shaˬ gaˬ nehˬ-awˬ. Kʼoeˇ loꞈ-ehˇ jahˇ naˇ, nawˬ-euˬ gʼaˇ duˬ nui saˇ oꞈ-eu jeˬ maˬ byoˆ-iˇ-aˇ.”

Maꞈtehˬ 19:21

Yeˬsuˇ ehˇ-eu, “Nawˇ ehˇ kʼaˇ maˬ za ni byah-eu tsawˇ haˬ pyeuꞈ mawꞈ naˇ, nawˇ kʼaˇ jaˆ-eu jeˬ dawˬ tawˆ luꞈ ahˬ-iˇ-awˇ, ahˬ za-euˬ pyuˇ kʼoeˇ yuˇ-awˇ shaˬ zaˬ zahˬ zaˬ deuˬ-ahˇ biˇ nehˬ-awˬ. Mˬ kʼoeˇ taˆ nawˬ-euˬ pyuˇ shuiˇ myawˬ gahˬ jaˆ laˇ tehꞈ-a. Kʼoeˇ naˇ, paˇ gʼoꞈ poˆ laˇ-awˇ ngaˬ-euˬ mehˬ nah caw teh laˇ-awˬ.”

Maꞈtehˬ 6:19

“Naw maꞈ yawˬ ha gʼaˇ duˬ miˇ tsaˬ kʼoeˇ taˆ pyuˇ shuiˇ myawˬ gahˬ taˬ poˆ uiˬ taˬ. Miˇ tsaˬ kʼoeˇ taˆ poˆ uiˬ taˬ naˇ, shmˇ kaw kaw leˇ nya, boeˬ dzaˬ leˇ nya-awˇ, smˇ kʼoeˬ kʼawꞈ kʼoeˬ nya meh.

Maꞈtehˬ 6:24

“Tsawˇ haˬ tiˬ gʼaˬ-iˬ sahˬ paˬ nyiˬ gʼaˬ-euˬ zaˬ kʼaˆ maˬ geuꞈ nya-a. Tiˬ gʼaˬ-ahˇ bye naˇ, tiˬ gʼaˬ-ahˇ gaˬ tehꞈ-a. Tiˬ gʼaˬ-ahˇ yaw zeu baw naˇ, tiˬ gʼaˬ-ahˇ yaw zeu maˬ baw-aˇ. Naw maꞈ-aˬ, Miˬyehˇ-euˬ zaˬ kʼaˆ hawˇ-eu pyuˇ shuiˇ myawˬ gahˬ-euˬ zaˬ kʼaˆ, nyiˬ jeˬ luꞈ tiˬ kawˆ loꞈ-ehˇ maˬ geuꞈ nya-a.

Luˇkaꞈ 11:41

Ehˇ kʼawꞈ, naw maꞈ-euˬ kʼmˬ maˬ laꞈ kʼoeˇ ahˇ-eu jeˬ shaˬ-eu zahˬ-eu tsawˇ haˬ deuˬ-ahˇ gamꞈ nehˬ-awˬ. Kʼoeˇ loꞈ-ehˇ jahˇ naˇ, naw maꞈ muiˬ laˇ shawˇ laˇ tehꞈ-a.

Luˇkaꞈ 12:33

Naw maꞈ-euˬ myawˬ gahˬ ahˬ-awˇ, aˬ cawˬ-ahˇ gamꞈ nehˬ-awˬ. Yawˬ ha gʼaˇ duˬ tiˬ jawˇ-iˬ maˬ peuˬ maˬ oeˇ-iˇ nya-eu pyuˇ pawˬ behˆ guꞈ-awˇ, smˇ kʼoeˬ maˬ kʼoeˬ leˇ nya, boeˬ coeˇ maˬ coeˇ leˇ nya-eu mˬ kʼoeˇ taˆ, pyuˇ shuiˇ myawˬ gahˬ jeˬ hmˬ taˬ-awˬ.

Luˇkaꞈ 14:14

Aˬ yawꞈ maꞈ-ahˇ kuˇ naˇ, aˬ yawꞈ maꞈ nawˬ-ahˇ guiˬ lahˬ maˬ jahˇ kʼoꞈ nehˬ nya-eu baˬ da neh, nawˇ guiˬ lahˬ za tehꞈ-a. Yaw tsaˬ yaw dawˇ tsawˇ ha deuˬ gʼoꞈ dehꞈ laˇ-eu aˇ nah keuˆ laˇ ngeh, Miˬyehˇ nawˬ-ahˇ guiˬ lahˬ jahˇ kʼoꞈ nehˬ laꞈ tehꞈ-a.”

Luˇkaꞈ 16:11

Miˇ tsaˬ pyuˇ shuiˇ myawˬ gahˬ-ahˇ naw maꞈ tuˆ tehˬ ngeh, saˇ jaˇ maˬ ziꞈ naˇ, maˇ maˇ ni gʼeh-eu pyuˇ shuiˇ myawˬ gahˬ-ahˇ bi tuˆ tehˬ-eu gʼaˇ duˬ naw maꞈ-ahˇ aˬ suˇ gʼaˬ jah coeˇ nmˇ.

Luˇkaꞈ 16:13

“Tsawˇ haˬ tiˬ gʼaˬ-iˬ baw leˬ nyiˬ gʼaˬ-euˬ zaˬ kʼaˆ maˬ geuꞈ nya-a. Tiˬ gʼaˬ-ahˇ bye naˇ, tiˬ gʼaˬ-ahˇ gaˬ tehꞈ-a. Tiˬ gʼaˬ-ahˇ yaw zeu baw naˇ, tiˬ gʼaˬ-ahˇ yaw zeu maˬ baw-aˇ. Naw maꞈ, Miˬyehˇ-euˬ zaˬ kʼaˆ hawˇ-eu pyuˇ shuiˇ myawˬ gahˬ-euˬ zaˬ kʼaˆ, nyiˬ jeˬ luꞈ tiˬ kawˆ loꞈ-ehˇ maˬ geuꞈ nya-a.”

Luˇkaꞈ 16:4

Nymˬ-mˇ ngaˇ heu loꞈ-ehˇ noeˬ tsehˆ ma. Myawˬ jeˬ hmˬ-eu gaˇ heu hmˬ maˬ ya mˇ-ehˇ pyeuꞈ-iˇ kʼawꞈ, aˬ cawˬ ngaˬ-ahˇ iˇ kahˇ-ahˇ ha ahˇ nehˬ laꞈ ni ngaˇ jahˇ ma.’

Gʼaˬkʼehˇ 10:31

Aˬ yawꞈ ehˇ-eu, ‘Gawˬneˬliˇ-oˇ, nawˬ-euˬ shaˇ dawˬ-ahˇ Miˬyehˇ gaˬ-awˇ, nawˬ neh shaˬ zaˬ zahˬ zaˬ-ahˇ caw ba-euˬ aˬ yawꞈ siˬ luꞈ mawˇ luꞈ meh.

Gʼaˬkʼehˇ 10:4

Aˬ yawꞈ guˆ dui dui-iˇ-awˇ, mˬ taˆ gʼaˬ kʼehˇ kʼoeˇ gʼaˬ-ahˇ haw tsoˆ-awˇ, “Sahˬpaˬ-oˇ, aˬ jeˬ ehˇ te” lehˇ ehˇ kʼoꞈ nehˬ-euˬ meh. Mˬ taˆ gʼaˬ kʼehˇ kʼoeˇ gʼaˬ ehˇ-eu,“Nawˬ neh guiˬ lahˬ shaˇ-euˬ jeˬ-ahˇ maˬ ehˇ, nawˇ aˬ cawˬ-ahˇ caw ba nehˬ-euˬ jeˬ-ahˇ maˬ ehˇ, Miˬyehˇ nui kʼahˇ shiˇ-eu miˇ neh, nawˬ-euˬ shaˇ dawˬ-ahˇ naˇ haˬ nehˬ laꞈ-euˬ meh.

2 Gawˇliˬtu 4:17

Tiˬ kʼehˬ tiˬ yamˬ laꞈ kʼoeˇ nga maꞈ ya daˬ luꞈ-eu ehˇ nyaꞈ maˬ nyeuˆ-eu shaˬ zahˬ heu-aˬ, maˬ shaˇ cehˆ nya gaˇ keuˆ ni huiˬ-eu mˬ maˬ maˬ byaˆ zaˇ ziˇ ziꞈ-eu yaw shehꞈ kʼahˬ sehˇ-ahˇ za nya ni lehˬ hmˬ luꞈ gaˇ duˇ-eu ma.

Yuˇdaˆ 1:21

Aˬ dui-euˬ Sahˬpaˬ Yeˬsuˇ Ka li gʼawˬ shaˬ gaˬ nehˬ laꞈ-eu laꞈ kʼoeˇ mˬ maˬ maˬ byaˆ zaˇ ziˇ dehꞈ-eu jeˬ biꞈ laꞈ gaˇ naw maꞈ loꞈ luꞈ-eu loꞈ-ehˇ, Miˬyehˇ-euˬ gʼoeˇ-eu gaˬ-eu jeˬ laꞈ kʼoeˇ naw maꞈ yaw muiˬ-ehˇ jawˇ-awˬ.