Luˇkaꞈ 13:8 - Akha

⁸ Ehˇ kʼawꞈ, aˬ gaꞈ yaˇ kmˇ bo saˆ-eu gʼaˬ ehˇ-eu, ‘Baw leˬ-oˇ, tiˬ kʼoꞈ bi jaˆ haw siˬ. Ngaˇ dawˬ pehˬ jawˬ jawˬ-ehˇ duˬ-awˇ jeˬ yehˇ dawˆ ahˇ nehˬ haw la.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁸ Aerkhawf, yarkmr mr-eu ghaq heulof-aer aerkhof naeq-euq mae, ‘Sanqpaq-or! Tsuifnuiv khof bidaef siq. Ngar dawqpaeq jawqjawq-aer duqpoq-awr jeqkeuq dawvhaw la.

Luˇkaꞈ 13:8 Iomraidhean Croise

Jaceuq 106:23

Aˬ yawꞈ-euˬ tsawˇ jeuˬ-ahˇ laˆ cawˆ ma lehˇ Miˬyehˇ ehˇ ngeh, nui ma pehˇ-eu laꞈ kʼoeˇ tsawˇ haˬ kʼoeˇ deuˬ-ahˇ maˬ bi laˆ cawˆ-eu gʼaˇ duˬ, aˬ yawꞈ neh tseˇ doˆ-euˬ zaˬ kʼaˆ pyeuꞈ-eu Moˇseˬ, aˬ yawꞈ mehˬ shi yawꞈ daˬ leˇ-euˬ meh.

Doˆ-iˇ 34:9

Aˬ yawꞈ ehˇ-eu, “Sahˬpaˬ Miˬyehˇ-oˇ, nawˇ ngaˬ-ahˇ aˬ diˇ aˬ maˇ nui ma tsaˬ naˇ, nga maꞈ nehˬ-ehˇ tiˬ kawˆ loꞈ-ehˇ le nehꞈ laꞈ lehˇ shaˇ-eu ma. Tsawˇ haˬ heu deuˬ-aˬ, nui ma gʼahˇ dui dui-eu meh. Ehˇ kʼawꞈ, nga maꞈ-euˬ maˬ muiˬ maˬ jaˬ-eu jeˬ hawˇ-eu mˇ lehˬ laˆ lehˬ-euˬ deuˬ-ahˇ iˬ baˇ pyehˬ nehˬ laꞈ-awˇ, nawˬ-euˬ tsawˇ haˬ loꞈ-ehˇ nga maꞈ-ahˇ ha geuꞈ nehˬ laꞈ-awˬ.”

Yeˬlaˬmiˇ 15:1

Sahˬpaˬ Miˬyehˇ ngaˬ-ahˇ ehˇ-eu, “Moˇseˬ hawˇ-eu Saˬmeuˬlaˆ aˬ ha nyaꞈ ngaˬ-euˬ mehˬ shi yawꞈ laˇ-awˇ shaˇ ju kʼawꞈ, tsawˇ haˬ heu deuˬ-ahˇ ngaˇ gʼawˬ shaˬ maˬ gaˬ. Ngaˇ mawˇ gaˇ aˬ yawꞈ maꞈ maˬ bi jawˇ ni, gaˇ mahˇ kaˬ gaˇ bi iˇ byoˆ-awˬ.

Yeˬlaˬmiˇ 18:20

Yaw muiˬ jeˬ mˇ-eu yaw doeˇ oꞈ ta loˇ. Ngaˇ bi ga ahˇ-eu lehˇ aˬ yawꞈ maꞈ duˬ kʼahˬ kʼahˬ-euˬ meh. Nawˬ-euˬ nui pehˇ aˬ yawꞈ maꞈ kʼoeˇ taˆ maˬ bi keuˆ le-eu gʼaˇ duˬ, nawˬ-euˬ mehˬ shi ngaˇ yawꞈ laˇ-awˇ, aˬ yawꞈ maꞈ-euˬ dah zaˇ ngehˬ piˇ tmˇ piˇ-euˬ gaˇ, maˬ ngehˇ ni noeˬ keuˆ laꞈ.

Yawˇlaˆ 2:17

Uˬ duˬ tahˬ nymˇ lahˇ kʼehˬ hawˇ-eu, lawˇ duˬ-euˬ yaw kaˬ-ahˇ jawˇ-awˇ, Sahˬpaˬ Miˬyehˇ-euˬ gaˇ mˇ-eu, piˇ ma kʼoeˇ deuˬ ngoeˇ-eu laꞈ kʼoeˇ heu loꞈ-ehˇ guiˬ lahˬ shaˇ nehˬ-awˬ. “Sahˬpaˬ Miˬyehˇ nawˬ-ahˇ shaˇ ma. Nawˬ-euˬ tsawˇ haˬ-ahˇ taˬ byehˇ laꞈ. Aˬ cawˬ tsawˇ jeuˬ deuˬ nga maꞈ-ahˇ, ‘Aˬ lehˬ, naw maꞈ-euˬ Miˬyehˇ’ lehˇ, cehꞈ lehꞈ ka-awˇ ja bu laˇ gaˇ, taˬ bi daˬ nehˬ laꞈ” lehˇ shaˇ-awˬ.

Luˇkaꞈ 13:7

Kʼoeˇ ngeh, a gaꞈ yaˇ kmˇ bo saˆ-eu gʼaˬ-ahˇ aˬ yawꞈ ehˇ nehˬ-eu, ‘Smˇ kʼoꞈ keuˆ ni siˬ guˬ heu bawˇ aˇ siˬ siˬ le nga loˇ lehˇ ngaˇ haw le-euˬ kʼawꞈ, tiˬ siˬ-iˬ siˬ le zaˇ maˬ mawˇ-a. Teu miˇ neh tuˇ dzeh-awˬ. Miˇ tsaˬ yawꞈ ngehꞈ-ehˇ jaˆ cawˆ-eu tehꞈ ngaˇ.’

Luˇkaꞈ 13:9

Naꞈ yaꞈ kʼoꞈ aˇ siˬ siˬ le naˇ, guiˬ lahˬ baw tehꞈ-a. Ehˇ kʼawꞈ, aˇ siˬ maˬ siˬ le naˇ, kʼoeˇ ngeh jawˇ tuˇ dzeh tehꞈ-a.”’

Luˇkaꞈ 14:35

Kʼoeˇ ngeh jawˇ, miˇ tsaˬ-ahˇ dawˆ kʼawꞈ, miˇ muiˬ maˬ pyeuꞈ-eu uˬ taꞈ, jeˬ yehˆ-ahˇ keuˬ kʼawꞈ, gaˇ dahˇ maˬ tsoeˬ-eu miˇ neh, ya shehˆ dzeh gaˇ keuˆ-eu meh. Naˬ bawˇ kʼaˇ tsoꞈ-eu deuˬ naˇ haˬ-awˬ.”

Lormav 10:1

Aˬ yuiꞈ aˬ nyiˇ Ka li zaˬ deuˬ-oˇ, ngaˬ-euˬ nui ma laꞈ kʼoeˇ ngaˬ-euˬ tsawˇ jeuˬ ka kʼoꞈ-eu jeˬ bi za mawꞈ dui dui nya. Aˬ yawꞈ maꞈ gʼaˇ duˬ ngaˇ guiˬ lahˬ shaˇ dui dui luꞈ ma.

Lormav 11:14

Ngaˇ kʼoeˇ loꞈ-ehˇ mˇ-eu miˇ neh ngaˬ-euˬ tsawˇ jeuˬ ngaˬ-ahˇ myaˆ naˆ-eu laꞈ kʼoeˇ, aˬ yawꞈ maꞈ tiˬ paˆ na deuˬ-ahˇ Miˬyehˇ ka kʼoꞈ nehˬ-eu duˇ.

2 Beˬtuˆluˆ 3:9

Sahˬpaˬ Miˬyehˇ-aˬ, tsawˇ haˬ tiˬ paˆ na deuˬ noeˬ-eu loꞈ-ehˇ, aˬ yawꞈ neh saˇ jaˇ dzaˬ taˬ-euˬ jeˬ maˬ mˇ byah ni nyi naˬ-eu Miˬyehˇ maˬ ngeuˇ-a. Ehˇ kʼawꞈ, tsawˇ haˬ tiˬ gʼaˬ-iˬ maˬ bi luˬ maˬ bi seˇ-iˇ mawꞈ-eu miˇ neh, dawˬ tawˆ luꞈ iˬ baˇ bi noeˬ poˆ-eu gʼaˇ duˬ aˬ yawꞈ oˇ luꞈ-eu jeˬ pyeuꞈ-eu meh.