Luˇkaꞈ 13:4 - Akha

⁴ Siˇlamˬ pu-ahˇ jaˆ-eu goˇ dui dui-eu nymˇ coˬ-iˇ-awˇ bi deh tehˬ sehꞈ-euˬ tsawˇ haˬ kʼoeˇ tseˇ yehꞈ gʼaˬ gaˇ kawˆ aˬ joˆ-ehˇ ehˇ nmˇ. Aˬ yawꞈ maꞈ-aˬ, Yeˬluˇsaˬlehˬ meuˬ-ahˇ jawˇ-eu tsawˇ haˬ dawˬ tawˆ luꞈ naˆ maˬ tseˇ bahˬ-eu muˆ-eu tsawˇ haˬ deuˬ meh lehˇ naw maꞈ noeˬ te loˇ.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁴ Sirloq lan-anr jav-eu irlaq-euq khawrzeur gapyav le-awr bi daetaeq saef-euq tsawrhaq 18 ghaq-aq, Yeqlursaqlaeq-anr jawr-eu tsawrhaq dawqtawvluf navmaqtser mrbanq-euq mirnae nga laer nawmaf noeq-eu nya lor?

Luˇkaꞈ 13:4 Iomraidhean Croise

1 Sahˬpaˬ 20:30

Maˬ bi deuˆ sehꞈ-ehˇ kʼaˇ dzeˇ-eu deuˬ Aˬpyehˇ meuˬ-ahˇ cehˆ leˇ-awˇ, meuˬ meuˬ lahˇ neh nyiˬ muiˇ shiꞈ heˇ gʼaˬ bi coˬ tehˬ sehꞈ-euˬ meh. Beˬhaˬdaˇ gʼaˬ kʼawꞈ meuˬ kʼoeˇ meuˬ laꞈ kʼoeˇ cehˆ uˇ leˇ-awˇ, nymˇ tiˬ nymˇ-euˬ naˬ shuˬ-ahˇ dzuˇ zaꞈ-euˬ meh.

Neˬhaˬmiˇ 3:15

Miˇzaˬpaˬ meuˬ tiˬ paˆ dzaˬ-eu Kawˇlaˆhawˇzaˬ-euˬ aˬ li Shaˬlmˬ gʼaˬ, Lawˇ kʼawꞈ lahˇ kʼehˬ-ahˇ gawˬ muiˬ-euˬ meh. Gʼoˆ kʼehˬ kʼoeˇ kʼehˬ-ahˇ aˬ yawꞈ joe shmˇ-awˇ, laˇ gʼoˆ hawˇ-eu gʼoˆ sehˬ jahˇ tsoꞈ-euˬ meh. Sahˬpaˬ-euˬ yaˇ kmˇ nui paw Sheˬlahˬ-euˬ lah dawˬ peh jaˆ-eu meuˬ meuˬ lahˇ kʼoeˇ deuˆ-ahˇ, Daˬbiˇ-euˬ meuˬ-ahˇ neh zaꞈ ka le-eu dawˬ dzm dawˬ tehꞈ jaˆ-eu tsahˇ-ahˇ keuˆ ni aˬ yawꞈ gawˬ muiˬ-euˬ meh.

Yawˇbaˆ 1:19

Kʼoeˇ ngeh, kʼaˇ shuiꞈ deh yaˇ paw neh jaˬ lehˇ lehˇ ma baw gʼeh laꞈ-awˇ, nymˇ kʼoeˇ nymˇ baw coˬ-awˇ, aˬ yawꞈ maꞈ dawˬ tawˆ luꞈ shiˇ jiˇ-euˬ meh. Gaˇ kawˆ heu nawˬ-ahˇ tsaꞈ gaˬ laˇ nya ni ngaˇ tiˬ gʼaˬ dzeuˇ-iˇ-euˬ tehꞈ ma.”

Iˇsaˬyaˇ 8:6

“Tsawˇ haˬ heu deuˬ coꞈ ngehˇ ni yoeˇ luꞈ-eu Shiˇloˆ lawˇ gawˆ-ahˇ byehˇ dzeh-awˇ, sahˬ paˬ Leˬzeˬ hawˇ-eu sahˬ paˬ Peˬkah aˬ nyaꞈ-ahˇ guˆ-awˇ yaw dzuˬ dzuˬ luꞈ-eu meh.

Maꞈtehˬ 18:24

Aˬ yawꞈ dziˇ dzoˆ sawˇ dahˬ beh ngeh, aˬ yawꞈ-ahˇ pyuˇ aˇ lam daˆ-eu zaˬ kʼaˆ tiˬ gʼaˬ-ahˇ, aˬ yawꞈ jawˇ gaˇ sheuˬ uˇ laꞈ-euˬ meh.

Maꞈtehˬ 6:12

Aˬ cawˬ mˇ bahˬ laꞈ-euˬ jeˬ-ahˇ, nga maꞈ iˬ baˇ pyehˬ-euˬ loꞈ-ehˇ, nga maꞈ mˇ bahˬ taˬ-euˬ jeˬ-ahˇ, nawˇ iˬ baˇ pyehˬ nehˬ laꞈ.

Luˇkaꞈ 11:4

Nga maꞈ-ahˇ kʼaˇ mˇ bahˬ laꞈ-euˬ deuˬ-ahˇ, nga maꞈ iˬ baˇ pyehˬ nehˬ-euˬ miˇ neh, nawˇ nga maꞈ-ahˇ iˬ baˇ pyehˬ nehˬ laꞈ. Iˬ baˇ muˇ juˇ juˇ-eu mehˬ nah, nga maꞈ-ahˇ taˬ bi iˇ laꞈ.”’

Luˇkaꞈ 13:3

Kʼoeˇ loꞈ-ehˇ maˬ ngeuˇ-a lehˇ, naw maꞈ-ahˇ ngaˇ ehˇ-eu ma. Naw maꞈ kʼawꞈ, iˬ baˇ maˬ noeˬ poˆ naˇ, kʼoeˇ loꞈ-ehˇ ya shiˇ tehꞈ-a.

Luˇkaꞈ 13:5

Kʼoeˇ loꞈ-ehˇ maˬ ngeuˇ-a lehˇ, naw maꞈ-ahˇ ngaˇ ehˇ-eu ma. Naw maꞈ kʼawꞈ, iˬ baˇ maˬ noeˬ poˆ naˇ, kʼoeˇ loꞈ-ehˇ ya shiˇ tehꞈ-a.”

Yoˇhaˬ 9:11

Aˬ yawꞈ ehˇ-eu, “Yeˬsuˇ lehˇ myahˇ-euˬ gʼaˬ neh shaˬ jehˆ ui cuiˆ jahˇ-awˇ, ngaˬ-euˬ myaˆ nuiˆ-ahˇ lehꞈ nehˬ laꞈ-awˇ, ‘Siˇlamˬ lah-ahˇ myaˆ duꞈ puꞈ shawˇ-iˇ-awˬ’ lehˇ ehˇ nehˬ laꞈ-euˬ meh. Ngaˇ iˇ-awˇ myaˆ duꞈ puꞈ-euˬ nehˬ-ehˇ, tiˬ poˆ tehꞈ-ehˇ myaˆ nuiˆ mawˇ laˇ-euˬ miˇ-a.”

Yoˇhaˬ 9:7

“Siˇlamˬ lah-ahˇ myaˆ duꞈ puꞈ shawˇ-iˇ-awˬ” lehˇ ehˇ nehˬ-euˬ meh. (Siˇlamˬ lehˇ ehˇ-eu dawˬ tsuiꞈ-aˬ, ‘Kʼehˇ gʼeh-euˬ’ lehˇ ehˇ mawꞈ-eu meh.) Kʼoeˇ ngeh, tsawˇ haˬ kʼoeˇ gʼaˬ myaˆ duꞈ puꞈ shawˇ-iˇ-awˇ, myaˆ nuiˆ mawˇ laˇ-awˇ gʼoꞈ laˇ-euˬ meh.

Gʼaˬkʼehˇ 28:4

Iˇ jaw lahˇ kʼoeˇ lahˇ-ahˇ jawˇ-eu tsawˇ haˬ kʼoeˇ deuˬ Pawˇluˆ-euˬ aˬ laꞈ-ahˇ aˇ lawˇ kʼoeˇ mawˇ ga gʼeu gaˇ mawˇ ngeh, tiˬ gʼaˬ tiˇ gʼaˬ ehˇ-eu, “Tsawˇ haˬ teu gʼaˬ aˬ cawˬ-ahˇ sehꞈ-euˬ tsawˇ haˬ ngaˇ. Iˬ ma laˆ shaˆ laꞈ kʼoeˇ maˬ shiˇ ni ya dzeuˇ-iˇ-euˬ kʼawꞈ, yaw tsaˬ yaw dawˇ jeˬ aˬ yawꞈ-ahˇ maˬ paˇ bi dehꞈ-eu yaw duˬ baw ngaˇ ehˇ lawˬ.”