Luˇkaꞈ 13:11 - Akha

¹¹ Tseˇ yehꞈ kʼoꞈ byah ni nehꞈ uˇ-awˇ naˇ luꞈ-eu zaˬ miˬ zaˬ tiˬ gʼaˬ jawˇ-eu meh. Aˬ yawꞈ daˇ tsuiꞈ kʼoꞈ-iˇ-awˇ, maˬ mˇ dawˇ nya ni pyeuꞈ-iˇ-euˬ meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹¹ Khoergar, 18 khof byanni naef ur-awr narluf-eu zaqmiq aqbur tiq ghaq jawr-eu mae. Aqyawf dartsuif khof-ir-awr, tiqpawf-iq maq mrcawq nya-a.

Luˇkaꞈ 13:11 Iomraidhean Croise

Yawˇbaˆ 2:7

Kʼoeˇ naˇ, Saˬdaˬ gʼaˬ, Sahˬpaˬ Miˬyehˇ jawˇ gaˇ neh doˆ-iˇ-awˇ, Yawˇbaˆ-euˬ gʼawˇ mawˇ mawˇ lah-ehˇ, aˬ kuiˇ pehˬ zaˬ-ahˇ neh uˬ duˬ-ahˇ doˆ ni maˇ naˇ naˇ byah jiˇ ni jahˇ-euˬ meh.

Jaceuq 145:14

Noeˬ shaˬ noeˬ zahˬ-eu tsawˇ haˬ deuˬ-ahˇ aˬ yawꞈ ngehˬ gʼeh nehˬ-awˇ, coˬ-iˇ-euˬ tsawˇ haˬ-ahˇ ciˬ tuˇ nehˬ-eu meh.

Jaceuq 146:8

myaˆ behꞈ-ahˇ bi dahˇ laˇ-eu meh. Coˬ-iˇ-euˬ tsawˇ haˬ deuˬ-ahˇ aˬ yawꞈ ciˬ tuˇ nehˬ-awˇ, tsaˬ-eu dawˇ-eu aˬ yawꞈ-euˬ tsawˇ haˬ deuˬ-ahˇ, aˬ yawꞈ gʼawˬ shaˬ gaˬ-eu meh.

Jaceuq 38:6

Naˇgawˇdzahˬ-eu maˬtuˇcoeˇ-ehˇ, uˬbya uˬciˬ ya ngoeˇciꞈnya.

Jaceuq 42:5

Aˬjeˬmiˇneh ngaˬnui ma nawˇ, teu naˆnaˆ-ehˇshaˬzahˬmˇte. Miˬyehˇ-ahˇnoeˬtmˬ-eu taˬbyehˇ. Ngaˬ-ahˇka kʼoꞈ-eu gʼaˬpyeuꞈ-eu, Miˬyehˇ-ahˇpaˇja ceuˬ-eu ma.

Jaceuq 6:2

SahˬpaˬMiˬyehˇ-oˇ, gʼaˬ doeˇ doeˇ-awˇ gʼaˬ baˬluꞈnya. Gʼawˬshaˬgaˬ-awˇ gʼaˬbiꞈlahˬlaꞈ. Ngaˬ-ahˇ nui ma cawˆdui dui nya.

Maꞈtehˬ 4:23

Gaˬliˬlehˇ miˇ kʼahˬ doe ni Yeˬsuˇ cah-awˇ, aˬ yawꞈ maꞈ-euˬ uˬ duˬ tahˬ nymˇ laꞈ kʼoeˇ mehˬ-eu tsoˆ-eu jeˬ mˇ-awˇ, Miˬyehˇ Miˇ kʼahˬ-ahˇ taꞈ leˇ-eu laˬ kʼaˬ cehˇ-eu guiˬ lahˬ dawˬ mehˬ-eu uˬ taꞈ, naˇ gawˇ gʼawˬ mya jeˬ pi luꞈ-eu tsawˇ haˬ deuˬ-ahˇ kʼawꞈ, laˆ taˬ nehˬ-euˬ meh.

Maˬkuˆ 9:21

Aˬ da gʼaˬ-ahˇ Yeˬsuˇ naˇ haˬ-eu, “Nawˬ li heu loꞈ-ehˇ gʼeh luꞈ-eu aˇ myah ni keuˆ laˇ taˬ.” Aˬ yawꞈ ehˇ-eu, “Nyiˇ ngeh neh gʼeh luꞈ-eu meh.

Luˇkaꞈ 13:12

Yeˬsuˇ aˬ yawꞈ-ahˇ ya mawˇ ngeh, kuˇ-awˇ, “Zaˬ miˬ zaˬ-oˇ, nawˬ-euˬ naˇ gawˇ-ahˇ nawˇ buˬ-iˇ-euˬ meh” lehˇ ehˇ nehˬ-euˬ meh.

Luˇkaꞈ 13:16

Toˆ-ehˇ ngeuˇ naˇ, nehꞈ Saˬdaˬ neh tseˇ yehꞈ kʼoꞈ keuˆ ni bi paꞈ tawꞈ taˬ-euˬ Aˬbyaˬhaˬ-euˬ aˬ buˇ heu gʼaˬ-ahˇ, Jawˇ nah ngeh nah puiˇ pyehˬ-awˇ bi buˬ-iˇ-eu maˬ tsaˬ-a loˇ.”

Luˇkaꞈ 21:28

Heu loꞈ-ehˇ gʼeh-eu deuˬ pyeuꞈ dahˬ beh laˇ ngeh, uˬ duˬ baꞈ diˇ-awˇ haw-awˬ. Aˬ jeˬ miˇ neh ehˇ naˇ, naw maꞈ-ahˇ ka kʼoꞈ le-eu aˇ yamˬ peh laˇ-euˬ meh.”

Luˇkaꞈ 8:2

Zaˬ miˬ zaˬ tiˬ deuˬ kʼawꞈ, aˬ yawꞈ nehˬ-ehˇ iˇ-euˬ meh. Zaˬ miˬ zaˬ kʼoeˇ deuˬ-aˬ, Yeˬsuˇ neh nehꞈ bi teh doˆ-euˬ deuˬ hawˇ-eu, naˇ gawˇ gʼawˬ mya jeˬ bi laˆ taˬ-euˬ deuˬ pyeuꞈ-eu meh. Aˬ yawꞈ maꞈ-aˬ, nehꞈ shiꞈ mawˇ uˇ-eu bi teh doˆ-euˬ gʼaˬ pyeuꞈ-eu Maˬgaˬdaˬlaˇ lehˇ kuˇ-euˬ Maˬliˇ tiˬ gʼaˬ,

Luˇkaꞈ 8:27

Aˬ yawꞈ lawˬ laꞈ kʼoeˇ neh lawˇ dzeˇ-ahˇ doˆ leˇ-eu nehˬ-ehˇ, meuˬ kʼoeˇ meuˬ-ahˇ jawˇ-eu nehꞈ uˇ-eu tsawˇ haˬ tiˬ gʼaˬ-ahˇ tahˬ puˬ-euˬ meh. Tsawˇ haˬ kʼoeˇ gʼaˬ mehˬ tsoeˬ maˬ dm-ehˇ, iˇ kahˇ-ahˇ maˬ jawˇ ni, lmˬ bymˇ lo kʼahˬ-ahˇ tehꞈ-ehˇ jawˇ luꞈ-eu myahˇ dui dui laˇ-euˬ meh.

Luˇkaꞈ 8:43

Tseˇ nyiꞈ kʼoꞈ keuˆ ni shiˬ doˆ-eu naˇ gawˇ-ahˇ maˬ tsehˆ leˇ ni ya daˬ luꞈ-eu zaˬ miˬ zaˬ tiˬ gʼaˬ jawˇ-eu meh. Aˬ yawꞈ kʼaˇ jaˆ-eu jeˬ dawˬ tawˆ luꞈ ahˬ dzeh jiˇ-awˇ, jaˆ gʼaˬ yaˇ-eu saˬ laˬ gʼoˬ deuˬ neh bi yaˇ-euˬ kʼawꞈ, tiˬ gʼaˬ-iˬ maˬ yaˇ taˬ nehˬ nya-a.

Gʼaˬkʼehˇ 3:2

Haw muiˬ dui dui-eu Lahˇ kʼehˬ lehˇ kuˇ-eu lahˇ kʼehˬ kʼoeˇ kʼehˬ-ahˇ, dehꞈ le ngeh neh aˬ kuiˇ yaw cawˆ tiˬ gʼaˬ jawˇ-eu meh. Uˬ duˬ tahˬ nymˇ nymˇ ma-ahˇ kʼaˇ laˇ-eu tsawˇ haˬ deuˬ-ahˇ pyuˇ bi shaˇ-eu gʼaˇ duˬ, yawˬ nah na luꞈ aˬ yawꞈ-ahˇ lahˇ kʼehˬ kʼoeˇ kʼehˬ-ahˇ baꞈ taˬ laˇ-eu meh.

Gʼaˬkʼehˇ 4:22

Zahˬ leˇ paˬ-ehˇ gʼeh-eu jeˬ laꞈ kʼoeˇ naˇ gawˇ taˬ leˇ-euˬ tsawˇ haˬ kʼoeˇ gʼaˬ-aˬ, aˇ kʼoꞈ oeˬ tseˇ dzehˬ-iˇ-euˬ meh.