Luˇkaꞈ 12:7 - Akha

⁷ Naw maꞈ-euˬ uˬ duˬ tsehˇ kahˇ-ahˇ keuˆ ni aˬ yawꞈ gui duˬ taˬ jiˇ-euˬ meh. Kʼoeˇ miˇ neh naw maꞈ taˬ guˆ. Myaˬ dui dui-eu jaˇ tseuˆ baˬ maꞈ naˆ maˬ tseˇ, Miˬyehˇ mehˬ shi naw maꞈ poeˬ dzehˬ-eu meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁷ Nawmaf-euq uqduq tsaerkanr yawqkanr navluf-anr khawf guijir taq-euq mae. Khoermirnae, taqguv. Nawmaf-aq, jartseuv ghawqmya mawr navmaqtser poeq-eu mae.

Luˇkaꞈ 12:7 Iomraidhean Croise

2 Saˬmeuˬlaˆ 14:11

Zaˬ miˬ zaˬ kʼoeˇ gʼaˬ ehˇ-eu, “Sahˬ paˬ-oˇ shiˇ dzeuˇ-euˬ ngaˬ li gʼaˇ duˬ laꞈ poˆ ya poˆ-eu ngaˬ-euˬ aˬ yuiꞈ aˬ nyiˇ kʼoeˇ gʼaˬ dehꞈ luꞈ-eu ngaˬ li-ahˇ sehꞈ-eu laꞈ kʼoeˇ huiˬ dzehˬ-eu iˬ baˇ maˬ ya bi mˇ ni, nawˬ-euˬ Miˬyehˇ pyeuꞈ-eu Sahˬpaˬ Miˬyehˇ-ahˇ guiˬ lahˬ shaˇ nehˬ laꞈ-awˬ.” Sahˬ paˬ ehˇ-eu, “Nawˬ li-euˬ uˬ duˬ tsehˇ kahˇ tiˬ kahˇ tehꞈ-ehˇ kʼawꞈ maˬ bi byoˆ-iˇ lehˇ, dehꞈ luꞈ-eu Sahˬpaˬ Miˬyehˇ mehˬ shi ngaˇ saˇ jaˇ dzaˬ-eu ma.”

Yawˇbaˆ 35:11

Jeˬ zaˬ hawˇ-eu aˇ jiˇ deuˬ naˆ maˬ tseˇ aˬ dui tsawˇ gahˇ ahˇ ni, aˬ dui-ahˇ zaˬ siˬ tsawˇ gahˇ biꞈ laꞈ-euˬ Miˬyehˇ-ahˇ, aˬ yawꞈ maꞈ maˬ tahˬ shaˇ leˇ-a.

Jaceuq 8:6

Nawˬ-euˬkuiˇzaˇlaꞈzaˇkʼoeˇtaˆ, tsawˇhaˬzaˬneh bi uˆlahˇ-awˇ, nawˬneh kʼaˇbeh-euˬ jeˬdawˬtawˆ, yawꞈ-euˬlaꞈoˆbi jaˆ-euˬmeh.

Maꞈtehˬ 12:12

Yawˇ naˆ maˬ tseˇ tsawˇ haˬ zaˬ aˇ naˆ ni poeˬ dzehˬ-eu nga. Kʼoeˇ miˇ neh, Jawˇ nah ngeh nah aˬ cawˬ-ahˇ caw ba nehˬ-eu-aˬ, Zahˇ dawˬ kʼoꞈ dawˬ-ahˇ maˬ bahˬ-aˇ.”

Maꞈtehˬ 6:26

Kʼoeˇ taˆ paw zaw luꞈ-eu aˇ jiˇ deuˬ-ahˇ haw sheˇ. Aˇ jiˇ kʼoeˇ deuˬ cehˇ maˬ ka-a. Cehˇ maˬ yehˬ-a. Cehˇ jiˇ-ahˇ cehˇ maˬ pi ahˇ-a. Ehˇ kʼawꞈ, mˬ kʼoeˇ taˆ jawˇ-eu naw maꞈ-euˬ Aˬda, aˇ jiˇ kʼoeˇ deuˬ-ahˇ bi dzaˬ bi dawˇ-eu meh. Aˇ jiˇ kʼoeˇ deuˬ naˆ maˬ tseˇ naw maꞈ poeˬ dzehˬ-eu maˬ ngeuˇ te loˇ.

Luˇkaꞈ 21:18

Ehˇ kʼawꞈ, naw maꞈ-euˬ uˬ duˬ tsehˇ kahˇ tiˬ kahˇ tehꞈ-ehˇ kʼawꞈ, cawˆ-iˇ gaˇ maˬ keuˆ-aˇ.

Gʼaˬkʼehˇ 27:34

Kʼoeˇ miˇ neh, tiˬ jeˬ paˬ dzaˬ-awˬ lehˇ, naw maꞈ-ahˇ ngaˇ shaˇ-eu ma. Naw maꞈ maˬ ya shiˇ-eu gʼaˇ duˬ dzaˬ-eu loˬ meh. Naw maꞈ-euˬ uˬ duˬ tsehˇ kahˇ tiˬ kahˇ tehꞈ-ehˇ kʼawꞈ maˬ byoˆ maˬ laˆ-iˇ-aˇ.”

1 Saˬmeuˬlaˆ 14:45

Ehˇ kʼawꞈ, Iˇsaˬleˬlaˆ tsawˇ haˬ deuˬ Sawˇluˆ-ahˇ ehˇ nehˬ-eu, “Iˬ nah Iˇsaˬleˬlaˆ miˇ kʼahˬ gʼaˇ duˬ huiˬ dui dui-eu guiˇ heu deuˆ gʼaˬ-euˬ gʼaˬ pyeuꞈ-eu Yawˇnaˆshaˬ-ahˇ ya bi shiˇ ta loˇ. Tiˬ jeˬ gʼeh-awˇ neh-iˬ teu loꞈ-ehˇ maˬ bi jahˇ. Aˬ yawꞈ-euˬ uˬ duˬ tsehˇ kahˇ tiˬ kahˇ tehꞈ-ehˇ kʼawꞈ miˇ tsa maˬ bi ga iˇ lehˇ, dehꞈ luꞈ-eu Sahˬpaˬ Miˬyehˇ mehˬ shi nga maꞈ saˇ jaˇ dzaˬ-eu ma. Iˬ nah aˬ yawꞈ neh mˇ-euˬ huiˬ-eu gaˇ heu-aˬ, Miˬyehˇ neh caw ba nehˬ-euˬ laꞈ kʼoeˇ mˇ-euˬ gaˇ pyeuꞈ-eu meh.” Kʼoeˇ loꞈ-ehˇ ehˇ-awˇ, Yawˇnaˆshaˬ maˬ ya shiˇ ni Iˇsaˬleˬlaˆ tsawˇ haˬ kʼoeˇ deuˬ neh ka kʼoꞈ-euˬ meh.