Luˇkaꞈ 12:35 - Akha

³⁵ Naw maꞈ joꞈ paꞈ deuˇ geuˆ ni paꞈ-awˇ, tsiˇ kʼmˬ doꞈ taˬ-awˬ.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

³⁵ “Nawmaf jofpaf deurkeuvni paf-awr, tsirkhmq khawf doftaq-awq.

Luˇkaꞈ 12:35 Iomraidhean Croise

1 Sahˬpaˬ 18:46

Kʼoeˇ ngeh, Sahˬpaˬ Miˬyehˇ-euˬ baoˬ Eˇliˇyaˆ kʼoeˇ taˆ keuˆ le-euˬ meh. Aˬ yawꞈ-euˬ mehˬ tsoeˬ joꞈ-ahˇ yaw muiˬ paˬ-ehˇ dzahˬ ziꞈ-awˇ, Yeˬsaˬleˬlaˇ meuˬ-ahˇ le-eu gaˇ ma kahˇ li, Aˬhaˆ-euˬ mehˬ hu aˬ yawꞈ cehˆ-euˬ meh.

Dawqdaq 31:17

Aˬ yawꞈ mˇ myawˬ mˇ coeˇ dui dui-awˇ, ziꞈ dah ni gʼeh-eu laꞈ kʼoeˇ gʼawˬ mya jeˬ mˇ doˆ shaˇ doˆ nya-eu meh.

Iˇsaˬyaˇ 11:5

Yaw tsaˬ yaw dawˇ jeˬ-ahˇ aˬ yawꞈ joꞈ paꞈ paꞈ-awˇ, saˇ jaˇ ziꞈ-eu jeˬ joꞈ-ahˇ lahˇ tehꞈ-a.

Iˇsaˬyaˇ 5:27

Aˬ yawꞈ maꞈ tiˬ gʼaˬ-iˬ gʼaˬ doeˇ maˬ doeˇ-ehˇ, tiˬ gʼaˬ-iˬ sahˬ tiꞈ maˬ tiꞈ-a. Tiˬ gʼaˬ-iˬ yuꞈ yoeˇ maˬ ngeuˇ-ehˇ, tiˬ gʼaˬ-iˬ maˬ yuꞈ-a. Joꞈ paꞈ yaw juˬ tiˬ gʼaˬ-iˬ maˬ ahˇ-ehˇ, sehˬ nawˆ aˇ caˆ tiˬ gʼaˬ-iˬ maˬ tsehˆ-a.

Maꞈtehˬ 25:1

“Aˇ nah aˇ yamˬ kʼoeˇ yamˬ keuˆ le ngeh, Mˬtaˆ Miˇkʼahˬ-aˬ, heu loꞈ-ehˇ duˇ tehꞈ-a. Miˬ zaˬ sheuˬ le-eu kʼaˬ dzeˇ zaˬ-ahˇ ha laˬ leˇ-eu gʼaˇ duˬ, aˬ buˇ zaˬ guˬ tseˇ gʼaˬ yawˬ ha-euˬ tsiˇ kʼmˬ ciˬ-awˇ le-euˬ meh.

Maꞈtehˬ 5:16

Kʼoeˇ gaˇ duˇ ni, naw maꞈ neh mˇ-euˬ yaw muiˬ jeˬ-ahˇ aˬ cawˬ mawˇ-awˇ, mˬ kʼoeˇ taˆ jawˇ-eu naw maꞈ-euˬ Aˬda-ahˇ ja ceuˬ ni, aˬ cawˬ mehˬ shi naw maꞈ-euˬ yaw shehꞈ yaw kʼaˆ-ehˇ bi bya-awˬ.

Luˇkaꞈ 12:36

Yawˬ ha-euˬ baw leˬ oeˇ mˇ baˇ-eu bawˬ-iˬ gʼeh gaˇ iˇ-euˬ gʼoꞈ laˇ-awˇ, laˇ gʼoˆ-ahˇ kʼoˆ laˇ ngeh, laˇ gʼoˆ ja tawˆ ni pah nehˬ-eu lehˇ loꞈ luꞈ-eu tsawˇ haˬ deuˬ loꞈ-ehˇ, lehˬ hmˬ deuˇ taˬ-awˬ.

Eˇpeˇsu 6:14

Kʼoeˇ miˇ neh, yaw sui yaw dawˇ jeˬ joꞈ paꞈ paꞈ-awˇ, yaw tsaˬ yaw dawˇ jeˬ kʼahˬ-ahˇ dehˬ kaˬ-awˇ yawꞈ-awˬ.

Piˇliˇpiˆ 2:15

Kʼoeˇ loꞈ-ehˇ mˇ naˇ, iˬ baˇ mˇ-awˇ bahˬ-eu muˆ-eu tsawˇ haˬ deuˬ jawˇ-eu miˇ tsaˬ heu kʼoeˇ taˆ, naw maꞈ-aˬ, iˬ baˇ taˬ kʼaˇ maˬ za ni muiˬ dui dui-eu Miˬyehˇ-euˬ zaˬ deuˬ pyeuꞈ laˇ tehꞈ-a. Mˬ kʼoeˇ taˆ tsehˬ-eu aˬ guiˇ loꞈ-ehˇ aˬ yawꞈ maꞈ-ahˇ yaw shehꞈ bya nehˬ-awˬ.

1 Beˬtuˆluˆ 1:13

Kʼoeˇ miˇ neh, naw maꞈ-euˬ nui ma lehˬ hmˬ dah taˬ-awˬ. Yaw beuˇ beuˇ-ehˇ dehꞈ-awˇ, Yeˬsuˇ Ka li-ahˇ bya cehˆ ni ya mawˇ ngeh nah naw maꞈ-ahˇ biꞈ-eu lehˇ lehˬ hmˬ taˬ-euˬ guiˬ lahˬ yaw dzahˇ-ahˇ tehꞈ-ehˇ noeˬ tsoˆ taˬ-awˬ.