Luˇkaꞈ 11:1 - Akha

¹ Tiˬ poˆ-aˬ, Yeˬsuˇ jawˇ duˬ tiˬ tsahˇ-ahˇ guiˬ lahˬ shaˇ luꞈ-eu meh. Aˬ yawꞈ guiˬ lahˬ shaˇ gʼaˬ ngeh, aˬ yawꞈ-euˬ zaˬ lahˇ tiˬ gʼaˬ aˬ yawꞈ-ahˇ ehˇ-eu, “Sahˬpaˬ-oˇ, Yoˇhaˬ neh aˬ yawꞈ-euˬ zaˬ lahˇ deuˬ-ahˇ mehˬ nehˬ-euˬ loꞈ-ehˇ, guiˬ lahˬ aˬ joˆ-ehˇ ya shaˇ-eu gaˇ kawˆ nga maꞈ-ahˇ mehˬ nehˬ laꞈ-awˬ.”

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹ Khoerngae, heulof-aer pyeuflar-euq mae. Yeqsur tiqgarpaw jawr-awr guiqlanq sharluf-eu mae. Aqyawf guiqlanq sharghaq ngae, aqyawf-euq zaqlanr deuq-anr nae tiq ghaq, aqyawf-anr aernaeq-eu, “Sanqpaq-or! Yorhaq, aqyawf-euq zaqlanr deuq-anr guiqlanq aqjox-aer yashar-eu la laer maeqnaeq-euq lof-aer, nga’maf-anr khawf maeqnaeq laf-awq.”

Luˇkaꞈ 11:1 Iomraidhean Croise

Jaceuq 10:17

Sahˬpaˬ Miˬyehˇ-oˇ, nui nahˬnui yu ahˇ-eu deuˬ-euˬ shaˇdawˬ-ahˇnaˇhaˬgeuꞈnehˬ-awˇ. nui ma-ahˇgʼaˬbiꞈlahˬnehˬ-awˬ.

Jaceuq 19:14

Ka kʼoꞈyaw sahˇ SahˬpaˬMiˬyehˇ, ngaˬ-euˬlo guˇpyeuꞈ-eu gʼaˬ-oˇ, ngaˬ-euˬnui noeˬnui duˇ hawˇ-eu, ngaˬneh ngehˬ-euˬtmˇ-euˬ dawˬdeuˬ, nawˇgeuꞈnya-eu jeˬbi pyeuꞈlaꞈ.

Luˇkaꞈ 10:42

Ehˇ kʼawꞈ, Maˬliˇ neh tseˇ geuꞈ-euˬ jeˬ tsaˬ dui dui meh. Kʼoeˇ jeˬ-ahˇ aˬ cawˬ maˬ lu doˆ geuꞈ nya-a.”

Luˇkaꞈ 11:2

Aˬ yawꞈ maꞈ-ahˇ Yeˬsuˇ ehˇ nehˬ-eu, “Naw maꞈ guiˬ lahˬ shaˇ ngeh, heu loꞈ-ehˇ shaˇ-awˬ. ‘Aˬda-oˇ, Nawˬ-euˬ tsawˇ myahˇ-ahˇ yaw zeu baw luꞈ-uˇ. Nawˬ-euˬ Miˇ kʼahˬ keuˆ le luꞈ-uˇ.

Luˇkaꞈ 6:12

Aˇ nah aˇ yamˬ kʼoeˇ laꞈ kʼoeˇ, Yeˬsuˇ gawˬ jawˬ-ahˇ daˆ leˇ-awˇ guiˬ lahˬ shaˇ-euˬ meh. Uˬ ciꞈ miˇ lah-ehˇ Miˬyehˇ-ahˇ guiˬ lahˬ shaˇ bya-euˬ meh.

Luˇkaꞈ 7:13

Miˬ coeˬ miˬ ma kʼoeˇ gʼaˬ-ahˇ Sahˬpaˬ Yeˬsuˇ ya mawˇ ngeh, gʼawˬ shaˬ haw gaˬ-awˇ, “Taˬ ngoeˇ” lehˇ ehˇ nehˬ-euˬ meh.

Luˇkaꞈ 7:19

Kʼoeˇ naˇ, Yoˇhaˬ-aˬ, aˬ yawꞈ-euˬ zaˬ lahˇ nyiˬ gʼaˬ-ahˇ kuˇ-awˇ, Sahˬpaˬ Yeˬsuˇ jawˇ gaˇ kʼehˇ gʼeh-awˇ heu loꞈ-ehˇ bi naˇ haˬ-iˇ-euˬ meh. “Oe tehꞈ-a lehˇ Yoˇhaˬ ehˇ-eu kʼoeˇ gʼaˬ nawˇ ma loˇ. Maˬ ngeuˇ naˇ, yawˬ gʼaˬ yawˬ oe gaˇ nga maꞈ noeˬ tmˬ-awˇ ya dawˬ gaˇ ehˇ ta loˇ.”

Luˇkaꞈ 9:18

Tiˬ poˆ-aˬ, Yeˬsuˇ tiˬ gʼaˬ tehꞈ-ehˇ guiˬ lahˬ shaˇ luꞈngeh, zaˬ lahˇ deuˬ aˬ yawꞈ jawˇ gaˇ laˇ-euˬ meh. Yeˬsuˇ aˬ yawꞈ maꞈ-ahˇ ehˇ-eu, “Aˬ cawˬ ngaˬ-ahˇ aˬ suˇ gʼaˬ nga lehˇ ehˇ luꞈ ta.”

Luˇkaꞈ 9:28

Yeˬsuˇ kʼoeˇ loꞈ-ehˇ ehˇ gʼaˬ-awˇ yehꞈ nah byah laˇ ngeh, Beˬtuˆluˆ, Yoˇhaˬ, Yaˬkoˆ aˬ ha smˇ gʼaˬ-ahˇ tehꞈ-ehˇ sheuˬ-awˇ, gawˬ jawˬ-ahˇ guiˬ lahˬ shaˇ leˇ-euˬ meh.

HeˬByehˇ 5:7

Yeˬsuˇ miˇ tsaˬ kʼoeˇ taˆ dehꞈ ngeh, shiˇ-eu jeˬ laꞈ kʼoeˇ aˬ yawꞈ-ahˇ bi buˬ-iˇ nya-eu Miˬyehˇ-ahˇ, teˇ saˇ yaw kʼaˆ-ehˇ guˇ guˇ-ehˇ myaˆ biˇ doˆ-eu laꞈ kʼoeˇ guiˬ lahˬ shaˇ dui dui-euˬ meh. Aˬ yawꞈ Miˬyehˇ-ahˇ yaw zeu baw-awˇ Miˬyehˇ-euˬ nui noeˬ geuꞈ-euˬ miˇ neh, aˬ yawꞈ-euˬ shaˇ dawˬ-ahˇ Miˬyehˇ naˇ haˬ nehˬ-euˬ meh.

Yuˇdaˆ 1:20

Ehˇ kʼawꞈ, ngaˇ gaˬ-eu cawˬ deuˬ-oˇ, naw maꞈ-aˬ, yawˬ ha-euˬ muiˬ dui shawˇ dui dui-eu jah-eu jeˬ huiˬ laˇ mahˇ laˇ nya ni leh jeh-awˬ. Muiˬ-eu shawˇ-eu Yaw sahˇ Miˬyehˇ-euˬ baoˬ laꞈ kʼoeˇ guiˬ lahˬ shaˇ-awˬ.