Luˇkaꞈ 10:42 - Akha

⁴² Ehˇ kʼawꞈ, Maˬliˇ neh tseˇ geuꞈ-euˬ jeˬ tsaˬ dui dui meh. Kʼoeˇ jeˬ-ahˇ aˬ cawˬ maˬ lu doˆ geuꞈ nya-a.”

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁴² Aerkhawf, mawf-eu-aq tiqjeq jav-eu taef mae. Maqliv-aq, aqcawq maq ludov nya-eu muiqdzaeq-eu khoerjeq-anr tsergeuf-euq mae.”

Luˇkaꞈ 10:42 Iomraidhean Croise

Jaceuq 119:111

Nawˬ-euˬ zahˇ dawˬ kʼoꞈ dawˬ-ahˇ mˬ maˬ maˬ byaˆ zaˇ ziˇ ngaˇ za gʼaˬ-awˇ, ngaˬ-euˬ nui ma-ahˇ laˬ kʼaˬ bi cehˇ-eu meh.

Jaceuq 119:173

Nawˬ-euˬ dawˬ-ahˇ ngaˇ aˬ myah luꞈ naˇ haˬ geuꞈ-eu miˇ neh, aˬ myah luꞈ ngaˬ-ahˇ caw ba nehˬ laꞈ.

Jaceuq 119:30

Nawˬ-euˬ dawˬ-ahˇ naˇ haˬ-eu jeˬ-ahˇ ngaˇ tseˇ geuꞈ-eu ma. Nawˬ neh yaˇ kʼaˬ daˇ-euˬ dawˬ-ahˇ ngaˇ tuˆ tehˬ luꞈ-eu ma.

Jaceuq 142:5

Sahˬpaˬ Miˬyehˇ-oˇ, caw ba nehˬ laꞈ lehˇ nawˬ-ahˇ ngaˇ guˇ-eu ma. Nawˇ-aˬ, ngaˬ-euˬ gʼoe duˬ ma. Ngaˬ-euˬ tiˬ ziˇ loˬ dui dui-eu jeˬ-aˬ, nawˇ ma.

Jaceuq 17:15

Ehˇkʼawꞈ ngaˇmaˬlehˬ-eu miˇneh, nawˬ-euˬmyaˆpyawˬya haw mawˇ ma. Ngaˇnoeˬlaˇngeh nawˬ-ahˇmawˇ-awˇ, laˬkʼaˬya cehˇdui dui tehꞈ-a.

Jaceuq 27:4

SahˬpaˬMiˬyehˇ-ahˇ shaˇ-eu lehˇ, heu tiˬjeˬshaˇmawꞈ-eu tehꞈma. SahˬpaˬMiˬyehˇ-euˬnymˇlaꞈkʼoeˇ, maˬshiˇtiˬziˇngaˇjawˇmawꞈ-awˇ, aˬyawꞈ-euˬyaw muiˬyaw jaˬ-ahˇ, nui kʼahˇtiˬshiˇhaw dehˆmawꞈ-awˇ, aˬyawꞈsheuˬgʼeh haw piˇlaꞈni, aˬyawꞈ-ahˇshaˇju mawꞈ-eu ma.

Jaceuq 73:25

Nawˇ maˬ ngeuˇ ngaˬ-euˬ gʼaˇ duˬ mˬ kʼoeˇ taˆ aˬ suˇ gʼaˬ paˇ jawˇ ta. Nawˇ maˬ ngeuˇ miˇ tsaˬ kʼoeˇ taˆ aˬ suˇ gʼaˬ-ahˇ ngaˇ paˇ loˬ ta.

Dawˬ tsoˆ 12:13

Dawˬ tawˆ luꞈ kʼoeˇ taˆ uˬ duˬ duˬ leˇ-eu, ehˇ paˬ-ehˇ gʼeh-eu tiˬ jeˬ jaˆ-eu tehꞈ meh. Miˬyehˇ-ahˇ guˆ-awˇ, aˬ yawꞈ-euˬ dawˬ naˇ haˬ geuꞈ-awˬ. Aˬ jeˬ miˇ neh ehˇ naˇ, tsawˇ haˬ zaˬ-ahˇ beh taˬ-euˬ-aˬ, kʼoeˇ loꞈ-ehˇ bi mˇ-eu gʼaˇ duˬ meh.

Maˬkuˆ 8:36

Tsawˇ haˬ tiˬ gʼaˬ miˇ tsaˬ tahˬ kʼawˇ heu dawˬ tawˆ luꞈ-ahˇ za jiˇ-euˬ kʼawꞈ, saꞈ laˇ dehꞈ-eu jeˬ smˬ naˇ, aˬ yawꞈ gʼaˇ duˬ aˬ jeˬ jiˇ jeuˬ paˇ ahˇ ta.

Luˇkaꞈ 10:39

Maˬta-euˬ aˬ nyiˇ Maˬliˇ lehˇ myahˇ-euˬ zaˬ miˬ zaˬ tiˬ gʼaˬ jawˇ-eu meh. Maˬliˇ-aˬ, Sahˬpaˬ Yeˬsuˇ-euˬ aˬ kuiˇ dawˬ peh nuiˇ-awˇ, Yeˬsuˇ mehˬ nehˬ tsoˆ nehˬ gaˇ naˇ haˬ luꞈ-eu meh.

Luˇkaꞈ 11:1

Tiˬ poˆ-aˬ, Yeˬsuˇ jawˇ duˬ tiˬ tsahˇ-ahˇ guiˬ lahˬ shaˇ luꞈ-eu meh. Aˬ yawꞈ guiˬ lahˬ shaˇ gʼaˬ ngeh, aˬ yawꞈ-euˬ zaˬ lahˇ tiˬ gʼaˬ aˬ yawꞈ-ahˇ ehˇ-eu, “Sahˬpaˬ-oˇ, Yoˇhaˬ neh aˬ yawꞈ-euˬ zaˬ lahˇ deuˬ-ahˇ mehˬ nehˬ-euˬ loꞈ-ehˇ, guiˬ lahˬ aˬ joˆ-ehˇ ya shaˇ-eu gaˇ kawˆ nga maꞈ-ahˇ mehˬ nehˬ laꞈ-awˬ.”

Luˇkaꞈ 12:20

Ehˇ kʼawꞈ, aˬ yawꞈ-ahˇ Miˬyehˇ ehˇ nehˬ-eu, ‘Aˬ dzawˬ aˇ gah-oˇ, nymˇ ciꞈ neh nawˬ-euˬ saꞈ laˇ ngaˇ yuˇ kʼoꞈ ma. Nymˬ-mˇ poˆ jawˇ-aˬ, nawˬ neh poˆ uiˬ taˬ-euˬ myawˬ gahˬ deuˬ aˬ suˇ gʼaˬ-euˬ pyeuꞈ-iˇ nmˇ.’

Luˇkaꞈ 12:33

Naw maꞈ-euˬ myawˬ gahˬ ahˬ-awˇ, aˬ cawˬ-ahˇ gamꞈ nehˬ-awˬ. Yawˬ ha gʼaˇ duˬ tiˬ jawˇ-iˬ maˬ peuˬ maˬ oeˇ-iˇ nya-eu pyuˇ pawˬ behˆ guꞈ-awˇ, smˇ kʼoeˬ maˬ kʼoeˬ leˇ nya, boeˬ coeˇ maˬ coeˇ leˇ nya-eu mˬ kʼoeˇ taˆ, pyuˇ shuiˇ myawˬ gahˬ jeˬ hmˬ taˬ-awˬ.

Luˇkaꞈ 16:2

Kʼoeˇ miˇ neh, myawˬ jeˬ hmˬ-eu kʼoeˇ gʼaˬ-ahˇ aˬ yawꞈ kuˇ-awˇ ehˇ nehˬ-eu, ‘Nawˬ-euˬ gaˇ kawˆ ngaˇ ya gaˬ-euˬ maˬ muiˬ nya. Nawˬ neh ngaˬ-euˬ myawˬ jeˬ hmˬ-euˬ jaˇ laˇ dawˬ tawˆ luꞈ ngaˇ jawˇ gaˇ yuˇ laꞈ sheˇ. Nawˬ-ahˇ ngaˬ-euˬ myawˬ jeˬ hmˬ-eu gʼaˬ maˬ paˇ gi geuꞈ nya ngaˇ.’

Luˇkaꞈ 16:25

Ehˇ kʼawꞈ, Aˬbyaˬhaˬ ehˇ-eu, ‘Aˬ li-oˇ, miˇ tsaˬ kʼoeˇ taˆ dehꞈ ngeh, nawˇ yaw nuiˬ jeˬ-ahˇ za-awˇ, Laˬzaˬluˇ maˬ muiˬ-eu jeˬ zaˬ-euˬ gaˇ noeˬ mawˇ-awˬ. Ehˇ kʼawꞈ, nymˬ-mˇ poˆ jawˇ-aˬ, Laˬzaˬluˇ heu gaˇ saˇ lehˆ ni ya jawˇ luꞈ-awˇ, nawˇ ya daˬ dui dui luꞈ meh.

Luˇkaꞈ 18:22

Dawˬ kʼoeˇ dawˬ-ahˇ ngeh, Yeˬsuˇ aˬ yawꞈ-ahˇ ehˇnehˬ-eu, “Nawˇ tiˬ jeˬ loˬ nga siˬ. Nawˇ kʼaˇ jaˆ-eu jeˬ ahˬ jiˇ-awˇ, shaˬ zaˬ zahˬ zaˬ deuˬ-ahˇ biˇ nehˬ-awˬ. Mˬ kʼoeˇ taˆ nawˬ-euˬ pyuˇ shuiˇ myawˬ gahˬ jaˆ laˇ tehꞈ-a. Kʼoeˇ naˇ, gʼoꞈ poˆ laˇ-awˇ, ngaˬ-euˬ mehˬ nah caw teh laˇ-awˬ.”

Luˇkaꞈ 8:18

“Naw maꞈ ya gaˬ-euˬ gaˇ kawˆ heu-ahˇ yaw muiˬ paˬ-ehˇ noeˬ gahˇ-awˬ. Aˬ jeˬ miˇ neh ehˇ naˇ, jaˆ-eu tsawˇ haˬ-ahˇ paˇ biꞈ lahˬ nehˬ-awˇ, maˬ jaˆ-eu tsawˇ haˬ-ahˇ-aˬ, yawˬ ha neh jaˆ ma lehˇ kʼaˇ noeˬ taˬ-euˬ dawˬ tawˆ luꞈ yuˇ jiˇ nehˬ tehꞈ-a.”

Yoˇhaˬ 11:1

Beˬtaˬniˇ meuˬ-ahˇ jawˇ-eu Laˬzaˬluˇ lehˇ myahˇ-euˬ tsawˇ haˬ tiˬ gʼaˬ naˇ luꞈ-eu meh. Beˬtaˬniˇ meuˬ-aˬ, Maˬliˇ hawˇ-eu Maˬta aˬ nyaꞈ nmˇ jawˇ-eu meuˬ kʼoeˇ meuˬ meh.

Yoˇhaˬ 11:19

Miˇ kʼahˬ kʼoeˇ kʼahˬ-ahˇ jawˇ-eu tsawˇ haˬ gʼawˬ mya ni, Maˬliˇ hawˇ-eu Maˬta aˬ mahˇ aˬ da bi shiˇ-euˬ miˇ neh, gʼaˬ biꞈ nehˬ-eu lehˇ uiˬ le taˬ-euˬ meh.

Yoˇhaˬ 12:3

Maˬliˇ-aˬ, naˬduˇ lehˇ kuˇ-eu aˇ bawˇ-euˬ tsiˇ neh jahˇ taˬ-euˬ aˇ poeˬ kʼaˆ dui dui-eu tsiˇ yaw saw jeˬ smˬ kaˇ byah ni yuˇ-awˇ, Yeˬsuˇ-euˬ aˬ kuiˇ-ahˇ shehˆ daˆ-awˇ, aˬ yawꞈ-euˬ uˬ duˬ tsehˇ kahˇ neh shiˆ shawˇ nehˬ-euˬ meh.

Yoˇhaˬ 17:3

Nawˇ tiˬ gʼaˬ tehꞈ-ehˇ maˇ maˇ ni Miˬyehˇ meh lehˇ siˬ nya-awˇ, nawˬ neh kʼehˇ gʼeh leꞈ-euˬ Yeˬsuˇ Ka li-ahˇ siˬ nya-eu kʼoeˇ-aˬ, mˬ maˬ maˬ byaˆ zaˇ ziˇ dehꞈ-eu jeˬ pyeuꞈ-eu meh.

Yoˇhaˬ 4:14

Ehˇ kʼawꞈ, ngaˬ neh biꞈ-euˬ iˇ cuꞈ dawˇ-eu tsawˇ haˬ-aˬ, iˇ cuꞈ mehꞈ laˇ-eu maˬ paˇ baw-aˇ. Ngaˬ neh bi dawˇ-euˬ iˇ cuꞈ kʼoeˇ-aˬ, aˬ yawꞈ laꞈ kʼoeˇ dehꞈ-eu saꞈ laˇ biꞈ-eu iˇ cuꞈ yoeˇ doˆ-eu iˇ cuꞈ iˇ byoe pyeuꞈ-iˇ-awˇ, mˬ maˬ maˬ byaˆ zaˇ ziˇ dehꞈ-eu jeˬ aˬ yawꞈ-ahˇ biꞈ tehꞈ-a.”

Yoˇhaˬ 5:24

“Ngaˇ naw maꞈ-ahˇ maˇ jawˆ ni ehˇ-eu ma. Ngaˬ-euˬ dawˬ ya gaˬ-awˇ, ngaˬ-ahˇ kʼehˇ gʼeh leꞈ-euˬ gʼaˬ-ahˇ kʼaˇ jah-eu tsawˇ haˬ-aˬ, mˬ maˬ maˬ byaˆ zaˇ ziˇ dehꞈ-eu jeˬ za meh. Miˬyehˇ neh yaˇ kʼaˬ daˇ nehˬ gaˇ maˬ ya daˬ-eu uˬ taꞈ, shiˇ-eu jeˬ-ahˇ neh dehꞈ-eu jeˬ-ahˇ tsehˆ doˆ dzeuˇ-euˬ meh.

Yoˇhaˬ 6:27

Buꞈ-iˇ cehˇ-iˇ nya-eu dzaˬ dzaˬ dawˇ dawˇ gʼaˇ duˬ maˬ leh jeh ni, mˬ maˬ maˬ byaˆ zaˇ ziˇ bi dehꞈ-eu dzaˬ dzaˬ dawˇ dawˇ gʼaˇ duˬ leh jeh-awˬ. Tsawˇ haˬ-euˬ Zaˬmaˇ pyeuꞈ-eu ngaˇ naw maꞈ-ahˇ dzaˬ dzaˬ dawˇ dawˇ kʼoeˇ jeˬ biꞈ ma. Aˬ jeˬ miˇ neh ehˇ naˇ, Aˬda Miˬyehˇ ngaˬ-ahˇ nui ma tsaˬ-awˇ juˬ diˬ taˬ-euˬ meh.”

1 Gawˇliˬtu 13:3

Ngaˇ kʼaˇ jaˆ-eu jeˬ aˬ cawˬ-ahˇ biꞈ jiˇ-awˇ, ngaˬ-euˬ gʼawˇ mawˇ-ahˇ miˬ dzaˬ bi dzah puiˆ gaˇ keuˆ ni lawˇ nehˬ peuˬ kʼawꞈ, gʼoeˇ-eu gaˬ-eu jeˬ maˬ ahˇ naˇ, ngaˬ-euˬ gʼaˇ duˬ tiˬ jeˬ-iˬ gaˇ dahˇ maˬ tsoeˬ-a.

Gaˬlaˬtiˆ 5:6

Aˬ jeˬ miˇ neh ehˇ naˇ, Yeˬsuˇ Ka li laꞈ kʼoeˇ jawˇ-eu tsawˇ haˬ deuˬ gʼaˇ duˬ, baˆ kʼoˆ mehˬ dzaˬ yehˬ-euˬ hawˇ-eu maˬ yehˬ-euˬ tiˬ pawꞈ-iˬ beu gaˇ duˬ maˬ jaˆ-a. Gʼoeˇ-eu gaˬ-eu jeˬ mˇ doˆ shaˇ doˆ laꞈ nya-eu jah-eu kʼoeˇ tiˬ jeˬ tehꞈ-ehˇ gaˇ dahˇ tsoeˬ-eu jeˬ pyeuꞈ-eu meh.

Dawˬmehˬ 30:19

Nymˬ-mˇ, ngaˇ nawˬ-ahˇ dehꞈ-eu jeˬ hawˇ-eu shiˇ-eu jeˬ bi tseˇ geuꞈ-eu ma. Sahˬpaˬ Miˬyehˇ-euˬ guiˬ lahˬ hawˇ-eu yaˬ kʼehˇ yaˬ-eu jeˬ bi tseˇ geuꞈ-eu ma. Mˬ hawˇ-eu miˇ-ahˇ ngaˇ kuˇ-awˇ, nawˬ neh kʼaˇ tseˇ geuꞈ-euˬ jeˬ gʼaˇ duˬ saˇ kiˇ bi geuꞈ ma. Dehꞈ-eu jeˬ-ahˇ tseˇ-awˬ.

Yawˇshuˆ 24:15

Aˬ yawꞈ-ahˇ naw maꞈ uˬ duˬ maˬ tahˬ mawꞈ te lehˇ ngeuˇ naˇ, aˬ geu gʼaˬ-ahˇ uˬ duˬ tahˬ nmˇ lehˇ iˬ nah noeˬ tsehˆ-awˬ. Maˬsoˬpoˬtaˬmiˇ miˇ kʼahˬ-ahˇ naw maꞈ-euˬ aˬ poeˬ aˬ bawˇ deuˬ uˬ duˬ tahˬ-euˬ miˬ yehˇ deuˬ-ahˇ uˬ duˬ tahˬ nmˇ loˇ. Maˬ ngeuˇ naˇ, iˬ nah naw maꞈ jawˇ luꞈ-eu miˇ kʼahˬ-ahˇ jawˇ-eu Aˬ mawˇ liˆ tsawˇ haˬ deuˬ-euˬ miˬ yehˇ deuˬ-ahˇ uˬ duˬ tahˬ nmˇ loˇ lehˇ noeˬ tsehˆ-awˬ. Ngaˇ hawˇ-eu ngaˬ-eu miˬ sawˇ zaˬ deuˬ law nmˇ-aˬ, Sahˬpaˬ Miˬyehˇ-ahˇ uˬ duˬ tahˬ ma.”

Yawˇshuˆ 24:22

Aˬ yawꞈ maꞈ-ahˇ Yawˇshuˆ ehˇ nehˬ-eu, “Sahˬpaˬ Miˬyehˇ-ahˇ naw maꞈ uˬ duˬ tahˬ ma lehˇ noeˬ tsehˆ-euˬ gaˇ kawˆ, naw maꞈ yawˬ haˇ yawˬ ha saˇ kiˇ pyeuꞈ-eu meh.” Aˬ yawꞈ maꞈ ehˇ-eu, “Ngeuˇ ma. Nga maꞈ saˇ kiˇ pyeuꞈ-eu ma.”