Luˇkaꞈ 10:2 - Akha

² Aˬ yawꞈ maꞈ-ahˇ aˬ yawꞈ heu loꞈ-ehˇ ehˇ nehˬ-euˬ meh. “Cehˇ yehˬ deˇ laˇ-euˬ jaˆ dui dui meh. Ehˇ kʼawꞈ, yehˬ-eu tsawˇ haˬ ui cuiˆ tehꞈ meh. Kʼoeˇ miˇ neh, cehˇ yehˬ-eu tsawˇ haˬ gʼawˬ mya ni bi oe-eu gʼaˇ duˬ, deh ma Yaw sahˇ gʼaˬ-ahˇ shaˇ-awˬ.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

² Khoerngae, Yeqsur, aqyawf maf-anr heulof-aer aernaeq-euq mae, “Caer yaeqder lar-euq ghawqmya’ni jav-eu khawf, caer yaeq-eu tsawrhaq yawcuiv nga. Khoermirnae, aqyawf-euq caeryar-anr caer yaeq-eu tsawrhaq bi oeni, nawmaf caeryar-euq Yawsanr ghaq-anr shar-awq.

Luˇkaꞈ 10:2 Iomraidhean Croise

1 Sahˬpaˬ 18:22

Kʼoeˇ naˇ, Eˇliˇyaˆ ehˇ-eu, “Sahˬpaˬ Miˬyehˇ gʼaˇ duˬ ngehˬ dah-eu deuˬ laꞈ kʼoeˇ, ngaˇ tiˬ gʼaˬ dzeˇ-eu tehꞈ ma. Ehˇ kʼawꞈ, Baˬlaˇ miˬ yehˇ gʼaˇ duˬ ngehˬ dah-eu oeˬ yaˇ ngaˬ tseˇ gʼaˬ jawˇ luꞈ meh.

Jaceuq 68:11

Sahˬpaˬ Miˬyehˇ dawˬ biꞈ gʼeh leꞈ-awˇ, zaˬ miˬ zaˬ deuˬ dawˬ kʼoeˇ ja gaˬ-eu meh.

Yeˬlaˬmiˇ 3:15

Ngaˬ-euˬ ehˇ dawˬ naˇ haˬ-awˇ uˆ lahˇ-eu aˬ yuiꞈ aˬ tsu deuˬ, naw maꞈ-ahˇ ngaˇ biꞈ ma. Zaˬ siˬ tsawˇ gahˇ hawˇ-eu noeˬ siˬ noeˬ mawˇ nya-eu jeˬ tiˬ byah ni ahˇ-eu laꞈ kʼoeˇ, naw maꞈ kʼoeˇ taˆ aˬ yawꞈ maꞈ uˆ lahˇ tehꞈ-a.

Zaˬkaˬliˇ 11:17

Yawˇ yawˇ maꞈ-ahˇ byehˇ dzeh taˬ-eu, doeˇ dui dui-eu yawˇ bo-eu gʼaˬ, shaˬ dui zahˬ dui ya dui tehꞈ-a. Myaˆ nuiˆ aˇ maˇ paw nuiˆ hawˇ-eu, aˬ laꞈ-ahˇ mi cehˇ deuˆ luꞈ-uˇ. Aˬ laꞈ kʼoeˇ koˆ-iˇ buꞈ-iˇ-awˇ, aˇ maˇ paw nuiˆ behꞈ tsehˆ luꞈ-uˇ.”

Zaˬkaˬliˇ 11:5

Zeuˇ-eu tsawˇ haˬ deuˬ yawˇ kʼoeˇ deuˬ-ahˇ sehꞈ kʼawꞈ, yaˇ kʼaˬ daˇ gaˇ maˬ ya daˬ-a. Aˬ yawꞈ maꞈ shaˬ jiˇ sehꞈ ahˬ-awˇ, ‘Nga maꞈ smˇ muiˬ muiˬ laˇ-euˬ miˇ neh, Sahˬpaˬ Miˬyehˇ-ahˇ ja ceuˬ ma’ lehˇ ehˇ-eu meh. Yawˇ kʼoeˇ deuˬ-ahˇ bo-eu yaw sahˇ gʼaˬ kʼawꞈ, yawˇ kʼoeˇ deuˬ-ahˇ gʼawˬ shaˬ maˬ gaˬ-a.

Bawˇtsahˬ 11:17

Ngaˇ zaꞈ le-awˇ, nawˬ-ahˇ kʼoeˇ gaˇ dawˬ ngehˬ cawˬ le-awˇ, ngaˬ neh nawˬ-ahˇ biꞈ taˬ-euˬ yaw sahˇ tiˬ paˆ deuˬ yuˇ-awˇ, aˬ yawꞈ maꞈ-ahˇ biꞈ nehˬ ma. Kʼoeˇ naˇ, tsawˇ haˬ heu deuˬ-ahˇ sheuˬ gʼeh-eu nawˬ-euˬ gaˇ-ahˇ aˬ yawꞈ maꞈ caw ba-awˇ, gaˇ kʼoeˇ nawˬ-ahˇ tehꞈ-ehˇ maˬ paˇ daˇ ni pyeuꞈ-iˇ tehꞈ-a.

Bawˇtsahˬ 11:29

Moˇseˬ ehˇ-eu, “Ngaˬ-euˬ doˇ daˇ nawˇ myaˆ naˆ te loˇ. Sahˬpaˬ Miˬyehˇ-euˬ tsawˇ haˬ dawˬ tawˆ luꞈ-ahˇ Sahˬpaˬ Miˬyehˇ yaw sahˇ biꞈ nehˬ-awˇ, aˬ yawꞈ maꞈ dawˬ tawˆ luꞈ Miˬyehˇ gʼaˇ duˬ ngehˬ dah-eu deuˬ loꞈ-ehˇ guˇ gaˇ ngaˇ gaˬ mawꞈ-eu ma.”

Maꞈtehˬ 20:1

“Mˬtaˆ Miˇkʼahˬ-aˬ, heu gaˇ duˇ leˇ-eu meh. Tsawˇ haˬ tiˬ gʼaˬ uˬ shawˬ yaw naꞈ-ehˇ doˆ-iˇ-awˇ, aˬ yawꞈ-euˬ aˬ gaꞈ yaˇ kmˇ laꞈ kʼoeˇ gaˇ bi mˇ-eu tsawˇ haˬ poˆ-iˇ-euˬ meh.

Maˬkuˆ 13:34

Gaˇ kawˆ kʼoeˇ-aˬ, tsawˇ haˬ tiˬ gʼaˬ aˬ yawꞈ-euˬ zaˬ kʼaˆ deuˬ-ahˇ gaˇ biˇ nehˬ yaꞈ-awˇ gaˇ ma doˆ-iˇ gaˇ duˇ tehꞈ-a. Zaˬ kʼaˆ aˬ yawꞈ gʼaˬ yawꞈ-ahˇ gaˇ biꞈ yaꞈ-awˇ, laˇ gʼoˆ-ahˇ loꞈ-eu gʼaˬ-ahˇ yaw beuˇ beuˇ-ehˇ loꞈ-eu gʼaˇ duˬ mehˬ nehˬ yaꞈ-awˇ doˆ-iˇ-euˬ meh.

Maˬkuˆ 16:15

Aˬ yawꞈ maꞈ-ahˇ aˬ yawꞈ ehˇ nehˬ-eu, “Miˇ tsaˬ tahˬ kʼawˇ heu doe ni iˇ-awˇ, tsawˇ jeuˬ dawˬ tawˆ luꞈ-ahˇ Laˬ kʼaˬ cehˇ-eu Guiˬ lahˬ dawˬ mehˬ-iˇ-awˬ.

Maˬkuˆ 16:20

Zaˬ lahˇ deuˬ yawˬ paw na luꞈ iˇ-awˇ, dawˬ mehˬ mehˬ-iˇ-euˬ meh. Sahˬpaˬ Yeˬsuˇ aˬ yawꞈ maꞈ nehˬ-ehˇ gaˇ mˇ-awˇ, aˬ yawꞈ maꞈ dawˬ mehˬ mehˬ-euˬ aˬ diˇ aˬ maˇ tsaˬ-eu gaˇ kawˆ, zahˬ leˇ paˬ-ehˇ gʼeh-eu jeˬ mˇ mehˬ-awˇ bi siˬ bi mawˇ duˬ-euˬ meh.)

Luˇkaꞈ 9:1

Zaˬ lahˇ tseˇ nyiꞈ gʼaˬ-ahˇ Yeˬsuˇ kuˇ uiˬ-awˇ, nehꞈ teh doˆ nya-eu baoˬ hawˇ-eu naˇ gawˇ laˆ taˬ nya-eu baoˬ biꞈ nehˬ-euˬ meh.

Gʼaˬkʼehˇ 11:19

Saˬteˬpaˬ-ahˇ sehꞈ ngeh poˆ kʼehˬ-eu kʼaˆ-eu jeˬ-ahˇ ya daˬ-awˇ cehˆ byaˆ-euˬ jah-eu tsawˇ haˬ tiˬ paˆ na deuˬ-aˬ, Piˇniˇshaˆ miˇ kʼahˬ, Guˇbaˬluˇ iˇ jaw lahˇ hawˇ-eu, Aˬdiˇawˬ meuˬ-ahˇ keuˆ ni cehˆ keuˆ-euˬ meh. Aˬ yawꞈ maꞈ-aˬ, Yuˇdaˆ tsawˇ haˬ deuˬ-ahˇ tehꞈ-ehˇ guiˬ lahˬ dawˬ mehˬ-euˬ meh.

Gʼaˬkʼehˇ 13:2

Aˬ yawꞈ maꞈ maˬ dzaˬ-eu zahˇ jahˇ-awˇ Sahˬpaˬ Miˬyehˇ-ahˇ uˬ duˬ tahˬ tahˬ-ehˇ jawˇ ngeh, Muiˬ-eu shawˇ-eu Yaw sahˇ Miˬyehˇ aˬ yawꞈ maꞈ-ahˇ ehˇ-eu, “Ngaˬ neh a yawꞈ nyaꞈ-ahˇ bi mˇ-eu lehˇ kuˇ-euˬ gaˇ deuˬ-ahˇ bi mˇ-eu gʼaˇ duˬ, Baˬnaˬbaˇ hawˇ-eu Sawˇluˆ aˬ ha nyaꞈ-ahˇ tseˇ doˆ-awˇ bi jawˇ-awˬ.”

Gʼaˬkʼehˇ 13:4

Muiˬ-eu shawˇ-eu Yaw sahˇ Miˬyehˇ neh kʼehˇ gʼeh-euˬ loꞈ-ehˇ Baˬnaˬbaˇ hawˇ-eu Sawˇluˆ aˬ nyaꞈ Seˬluˇgiˇ meuˬ-ahˇ iˇ-awˇ, kʼoeˇ gaˇ neh naˇ, Guˇbaˬluˇ iˇ jaw lahˇ-ahˇ lawˬ dziˬ-awˇ iˇ-euˬ meh.

Gʼaˬkʼehˇ 20:28

Kʼoeˇ miˇ neh, naw maꞈ-euˬ gʼawˇ mawˇ yaw muiˬ paˬ-ehˇ yahˇ-awˇ dehꞈ-eu uˬ taꞈ, Muiˬ-eu shawˇ-eu Yaw sahˇ Miˬyehˇ neh naw maꞈ-ahˇ a nehˬ-awˇ bi haw bi pyaˆ-euˬ yawˇ yawˇ maꞈ-ahˇ yaw muiˬ paˬ-ehˇ bo saˆ haw piˇ-awˬ. Miˬyehˇ neh aˬ yawꞈ-euˬ Zaˬmaˇ bi shiˇ dah-awˇ zeuˇ tsehˆ taˬ-euˬ aˬ yawꞈ-euˬ Ka li zaˬ aˇ muˇ-ahˇ yawˇ bo-eu loꞈ-ehˇ bo-awˬ.

Gʼaˬkʼehˇ 22:21

Aˬ yawꞈ ngaˬ-ahˇ ehˇ-eu, ‘Iˇ-awˬ. Gaˇ mahˇ kaˬ gaˇ jawˇ-eu aˬ cawˬ tsawˇ jeuˬ tsawˇ ca deuˬ jawˇ gaˇ ngaˇ nawˬ-ahˇ kʼehˇ gʼeh-eu ma.”’

Gʼaˬkʼehˇ 8:4

Cehˆ byaˆ taˬ-euˬ jah-eu tsawˇ haˬ kʼoeˇ deuˬ, yawˬ gaˇ na luꞈ guiˬ lahˬ dawˬ mehˬ mehˬ-ehˇ cah-euˬ meh.

1 Gawˇliˬtu 12:28

Ka li zaˬ aˇ muˇ laꞈ kʼoeˇ, Miˬyehˇ neh jawˇ duˬ biˇ tsaˬ taˬ-euˬ meh. Gʼaˬ kʼehˇ deuˬ-ahˇ jeˬ hu hu saˬ bi jawˇ-awˇ, kʼoeˇ-euˬ jeˬ nah Miˬyehˇ gʼaˇ duˬ ngeh dah-eu deuˬ-ahˇ bi jawˇ-euˬ meh. Kʼoeˇ-euˬ jeˬ nah mehˬ-eu tsoˆ-eu saˬ laˬ deuˬ-ahˇ bi jawˇ-euˬ meh. Kʼoeˇ naˇ, zahˬ leˇ paˬ-ehˇ gʼeh-eu jeˬ mˇ nya-eu baoˬ biꞈ taˬ-euˬ deuˬ, naˇ gawˇ laˆ taˬ nya-eu baoˬ biꞈ taˬ-euˬ deuˬ, aˬ cawˬ-ahˇ caw ba nehˬ nya-eu deuˬ, Ka li zaˬ aˇ muˇ-euˬ gaˇ-ahˇ haw-eu pyaˆ-eu deuˬ hawˇ-eu, dawˬ gʼawˬ mya jeˬ ngehˬ nya-eu deuˬ-ahˇ tiˬ tiˆ saˇ-iˬ tiˬ tiˆ bi jawˇ ka leꞈ-euˬ meh.

1 Gawˇliˬtu 15:10

Ehˇ kʼawꞈ, Miˬyehˇ-euˬ guiˬ lahˬ baˬ da neh iˬ nah ngaˇ heu loꞈ-ehˇ ya pyeuꞈ laˇ-awˇ, aˬ yawꞈ neh ngaˬ-ahˇ biꞈ leꞈ-euˬ guiˬ lahˬ-aˬ, yawꞈ ngehꞈ maˬ ngeuˇ-a. Ehˇ kʼawꞈ, gʼaˬ kʼehˇ nui deuˬ naˆ maˬ tseˇ ngaˇ gaˇ mˇ-eu leh jeh dzehˬ-euˬ ma. Kʼoeˇ loꞈ-ehˇ mˇ-eu kʼoeˇ-aˬ, yawˬ haˇ yawˬ ha mˇ-eu maˬ ngeuˇ. Miˬyehˇ-euˬ guiˬ lahˬ ngaˬ nehˬ-ehˇ mˇ luꞈ-eu meh.

2 Gawˇliˬtu 6:1

Naw maꞈ neh za taˬ-euˬ Miˬyehˇ-euˬ guiˬ lahˬ yaw dzahˇ kʼoeˇ yawꞈ ngehꞈ-ehˇ maˬ bi pyeuꞈ-iˇ-eu gʼaˇ duˬ, nga maꞈ Miˬyehˇ nehˬ-ehˇ tiˬ kawˆ loꞈ-ehˇ gaˇ mˇ luꞈ-eu laꞈ kʼoeˇ naw maꞈ-ahˇ shaˇ-eu ma.

Piˇliˇpiˆ 2:21

Yawˬ gʼaˬ na luꞈ yawˬ ha gʼaˇ duˬ shaˇ noeˬ-eu tehꞈ meh. Yeˬsuˇ Ka li gʼaˇ duˬ maˬ shaˇ noeˬ-a.

Piˇliˇpiˆ 2:25

Laˬ kʼaˬ cehˇ-eu Guiˬ lahˬ dawˬ gʼaˇ duˬ, ngaˬ nehˬ-ehˇ mˇ caw shaˇ caw-awˇ guiˇ deuˆ caw luꞈ-eu tsawˇ haˬ tiˬ gʼaˬ pyeuꞈ-eu ngaˇ loˬ-eu jeˬ-ahˇ bi caw ba-eu lehˇ naw maꞈ neh kʼehˇ gʼeh leꞈ-euˬ aˬ dui-euˬ aˬ nyiˇ Iˬbaˬpawˬdiˇ-ahˇ kʼawꞈ, naw maꞈ jawˇ gaˇ ya bi laˇ meh lehˇ ngaˇ noeˬ-eu ma.

Piˇliˇpiˆ 2:30

Aˬ jeˬ miˇ neh ehˇ naˇ, naw maꞈ maˬ caw ba nehˬ laꞈ nya-eu jeˬ aˬ yawꞈ ngaˬ-ahˇ caw ba-eu gʼaˇ duˬ, Ka li-euˬ gaˇ mˇ-eu laꞈ kʼoeˇ shiˇ taw tehˬ ni aˬ yawꞈ leh jeh dui dui-euˬ meh.

Gawˇlawˇsehˇ 1:29

Ngaˬ-euˬ laꞈ kʼoeˇ gaˇ mˇ luꞈ-eu Ka li neh biꞈ laꞈ-euˬ huiˬ dui dui-eu gʼaˬ-ahˇ gʼoe-eu laꞈ kʼoeˇ, kʼoeˇ loꞈ-ehˇ mˇ nya ni shaˬ shaˬ-ehˇ leh jeh luꞈ-eu ma.

Gawˇlawˇsehˇ 4:12

Naw maꞈ-euˬ aˇ muˇ zaˬ tiˬ gʼaˬ pyeuꞈ-eu Yeˬsuˇ Ka li-euˬ gaˇ mˇ luꞈ-eu Iˇbaˬpaˬlaˇ kʼawꞈ, naw maꞈ-ahˇ dawˬ cawˬ puˬ ahˇ laꞈ-euˬ meh. Naw maꞈ gʼaˇ duˬ aˬ yawꞈ aˬ myah luꞈ guiˬ lahˬ shaˇ dui dui luꞈ meh. Naw maꞈ jah-eu laꞈ kʼoeˇ ziꞈ dah ni yawꞈ nya-eu gʼaˇ duˬ maˬ ehˇ, Ka li-ahˇ jah-eu paw ehˇ kʼaˇ maˬ za ni bi byah laˇ-eu gʼaˇ duˬ maˬ ehˇ, Miˬyehˇ-euˬ nui kʼahˇ-ahˇ tiˬ byah tiˬ loꞈ bi caw teh-eu gʼaˇ duˬ maˬ ehˇ, aˬ yawꞈ Miˬyehˇ-ahˇ guiˬ lahˬ shaˇ-eu maˬ tsehˆ leˇ-a.

1 Teˇsaˬloˇni 2:9

Aˬ yuiꞈ aˬ nyiˇ Ka li zaˬ deuˬ-oˇ, nga maꞈ aˇ naˆ ni shaˬ shaˬ-ehˇ mˇ dui dui-euˬ gaˇ kawˆ naw maꞈ siˬ duˬ luꞈ meh. Naw maꞈ-ahˇ Miˬyehˇ-euˬ Laˬ kʼaˬ cehˇ-eu Guiˬ lahˬ dawˬ mehˬ ngeh, nga maꞈ gʼaˇ duˬ naw maꞈ pyuˇ shuiˇ maˬ bi jiˇ mawꞈ-eu miˇ neh, uˬ ciꞈ nah gʼahˇ maˬ ehˇ maˬ naˬ ni nga maꞈ leh jeh-euˬ ma.

1 Teˇsaˬloˇni 5:12

Aˬ yuiꞈ aˬ nyiˇ Ka li zaˬ deuˬ-oˇ, naw maꞈ-ahˇ Ka li zaˬ-euˬ dehꞈ jeˬ dehꞈ kawˆ laꞈ kʼoeˇ sheuˬ gʼeh-awˇ mehˬ nehˬ tsoˆ nehˬ luꞈ-eu naw maꞈ nehˬ-ehˇ Miˬyehˇ gaˇ mˇ luꞈ-eu tsawˇ haˬ deuˬ-ahˇ yaw zeu baw-awˬ lehˇ, naw maꞈ-ahˇ nga maꞈ shaˇ-eu ma.

2 Teˇsaˬloˇni 3:1

Aˬ yuiꞈ aˬ nyiˇ Ka li zaˬ deuˬ-oˇ, aˇ saˬ saˬ-eu dawˬ-aˬ, heu loꞈ-ehˇ ma. Sahˬpaˬ Yeˬsuˇ-euˬ guiˬ lahˬ dawˬ naw maꞈ jawˇ gaˇ yaw kawˇ-ehˇ gaˬ doe-iˇ-awˇ taˬ huiˬ taˬ mahˇ-eu laꞈ kʼoeˇ ha geuꞈ-eu loꞈ-ehˇ, nui gaˇ kʼawꞈ kʼoeˇ loꞈ-ehˇ gaˬ doe-iˇ-awˇ ha geuꞈ ni guiˬ lahˬ shaˇ nehˬ laꞈ-awˬ.

1 Tiˆmoˇseˬ 4:10

Aˬ dui-aˬ, leh jeh leh jeh-ehˇ gaˇ mˇ dui dui luꞈ-eu ma. Aˬ jeˬ miˇ neh ehˇ naˇ, dehꞈ luꞈ-eu Miˬyehˇ-ahˇ aˬ dui noeˬ tmˬ taˬ-euˬ ma. Aˬ yawꞈ-aˬ, tsawˇ haˬ dawˬ tawˆ luꞈ-ahˇ ka kʼoꞈ-eu gʼaˬ pyeuꞈ-awˇ, aˬ cawˬ-ahˇ naˆ maˬ tseˇ jah-eu tsawˇ haˬ deuˬ-ahˇ ka kʼoꞈ-eu meh.

2 Tiˆmoˇseˬ 4:5

Ehˇ kʼawꞈ nawˇ-aˬ, aˬ jeˬ pyeuꞈ kʼawꞈ yawˬ ha-euˬ nui ma-ahˇ gʼaˬ leˇ-awˇ, shaˬ-eu zahˬ-eu jeˬ-ahˇ daˬ-eu laꞈ koeˇ Laˬ kʼaˬcehˇ-eu Guiˬ lahˬ dawˬ mehˬ mehˬ-ehˇ, Miˬyehˇ-euˬ zaˬ kʼaˆ tiˬ gʼaˬ loꞈ-ehˇ nawˬ-euˬ gaˇ-ahˇ yaw muiˬ paˬ-ehˇ mˇ-awˬ.

Piˇleˇmoˬ 1:1

Yeˬsuˇ Ka li gʼaˇ duˬ tawˬ-ahˇ uˇ luꞈ-eu ngaˇ Pawˇluˆ hawˇ-eu, aˬ nyiˇ Tiˆmoˇseˬ nga nyaꞈ, Tiˬ kawˆ loꞈ-ehˇ gaˇ mˇ cawˬ pyeuꞈ-eu Piˇleˇmoˬ jawˇ gaˇ maˬ ehˇ,

HeˬByehˇ 3:6

Ehˇ kʼawꞈ, Ka li-aˬ, Miˬyehˇ-euˬ nymˇ jiˇ-ahˇ haw-eu pyaˆ-eu gʼaˬ pyeuꞈ-eu saˇ jaˇ ziꞈ-eu Zaˬmaˇ meh. Aˬ dui kʼawꞈ, aˬ dui neh noeˬ tmˬ taˬ-euˬ jeˬ-ahˇ nui ma kʼaˬ duˬ ni taˬ-awˇ, ziꞈ dah ni tuˆ tehˬ taˬ naˇ, Miˬyehˇ-euˬ nymˇ jiˇ laꞈ kʼoeˇ jawˇ-eu aˬ yawꞈ-euˬ zaˬ deuˬ lehˇ ehˇ nya ma.

Panmaeq 2:1

Eˇpeˇsu meuˬ-ahˇ jawˇ-eu Ka li zaˬ aˇ muˇ-euˬ mˬ taˆ gʼaˬ kʼehˇ-ahˇ heu loꞈ-ehˇ boꞈ nehˬ-awˬ. “Heu-aˬ, aˇ maˇ laꞈ-ahˇ aˬ guiˇ shiꞈ siˬ tuˆ tehˬ taˬ-awˇ shuiˇ neh jahˇ taˬ-euˬ tsiˇ kʼmˬ doꞈ taˬ duˬ shiꞈ hmˬ-euˬ gʼahˇ ceh cah luꞈ-eu gʼaˬ-euˬ dawˬ meh.