Luˇkaꞈ 10:11 - Akha

¹¹ ‘Nga maꞈ heu gaˇ laˇ keuˆ yaꞈ-euˬ saˇ kiˇ pyeuꞈ ni, nga maꞈ-euˬ aˬ kuiˇ pehˬ zaˬ-ahˇ lehꞈ laˇ-euˬ naw maꞈ-euˬ meuˬ-ahˇ jaˆ-eu kʼaˬ lehˇ-ahˇ keuˆ ni, heu gaˇ sawˆ kʼaˇ nehˬ yaꞈ ma de. Ehˇ kʼawꞈ, Miˬyehˇ Miˇkʼahˬ naw maꞈ jawˇ gaˇ keuˆ le-eu dawˬ peh peh laˇ-euˬ meh lehˇ siˬ nya-awˬ’ lehˇ ehˇ nehˬ-awˬ.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹¹ ‘Nga’maf-euq aqkuir-anr laeflar-euq nawmaf-euq meuq-euq khaqlaer, nawmaf-euq maeqshi sawvkharyaf ma. Aerkhawf, Miqyaer uvlanr-eu jeq nawmaf-euq dawqpae paele-euq ngar-a laer nawmaf siqnya-awq.’

Luˇkaꞈ 10:11 Iomraidhean Croise

Yeˬsaˬgeˬlaˇ 2:5

Ngaˬ-ahˇ puiˬ luꞈ-eu tsawˇ haˬ kʼoeˇ deuˬ nawˬ-euˬ dawˬ-ahˇ naˇ haˬ-eu maˬ kaˬ, maˬ naˇ haˬ-euˬ maˬ kaˬ, Miˬyehˇ gʼaˇ duˬ ngehˬ dah-eu tiˬ gʼaˬ aˬ yawꞈ maꞈ jawˇ gaˇ oe-euˬ nga lehˇ, aˬ yawꞈ maꞈ siˬ nya tehꞈ-a.

Maꞈtehˬ 10:14

Nymˇ kʼoeˇ nymˇ-euˬ nymˇ kʼahˬ zaˬ deuˬ maˬ ehˇ, meuˬ kʼoeˇ meuˬ-ahˇ jawˇ-eu tsawˇ haˬ deuˬ maˬ ehˇ, tiˬ gʼaˬ-iˬ naw maꞈ-ahˇ maˬ ha geuꞈ nehˬ laꞈ-ehˇ, naw maꞈ dawˬ mehˬ mehˬ gaˇ maˬ naˇ haˬ nehˬ laꞈ naˇ, kʼoeˇ gaˇ neh doˆ-iˇ ngeh, aˬ kuiˇ pehˬ zaˬ-ahˇ lehꞈ-eu kʼaˬ lehˇ sawˆ kʼaˇ nehˬ yaꞈ-awˬ.

Maꞈtehˬ 10:7

Miˬyehˇ Miˇkʼahˬ keuˆ le shaw-iˬ-eu gaˇ kawˆ dawˬ mehˬ mehˬ-iˇ-awˬ.

Maꞈtehˬ 3:2

“Mˬ taˆ miˇ kʼahˬ keuˆ le shaw-iˬ meh. Iˬ baˇ noeˬ poˆ-awˬ.”

Maˬkuˆ 6:11

Naw maꞈ-ahˇ maˬ ha geuꞈ-ehˇ, naw maꞈ mehˬ gaˇ maˬ naˇ haˬ mawꞈ-eu jawˇ duˬ-ahˇ naw maꞈ iˇ zaˬ naˇ, naw maꞈ doˆ-iˇ ngeh, aˬ kuiˇ pehˬ zaˬ-ahˇ lehꞈ-eu kʼaˬ lehˇ sawˆ kʼaˇ nehˬ yaꞈ-awˬ. Kʼoeˇ-aˬ, aˬ yawꞈ maꞈ-euˬ yaw lehˬ siˬ leˇ ni mˇ-eu saˇ kiˇ meh.”

Luˇkaꞈ 10:10

Ehˇ kʼawꞈ, naw maꞈ meuˬ aˬ geu meuˬ-ahˇ uˇ leˇ-eu maˬ kaˬ, naw maꞈ-ahˇ maˬ ha nehˬ laꞈ naˇ, meuˬ-euˬ gaˇ ma doe ni iˇ-awˇ,

Luˇkaꞈ 10:9

Kʼoeˇ gaˇ jawˇ-eu naˇ-eu gawˇ-eu tsawˇ haˬ deuˬ-ahˇ laˆ taˬ nehˬ-awˇ, ‘Miˬyehˇ Miˇkʼahˬ naw maꞈ jawˇ gaˇ keuˆ le-eu dawˬ peh peh laˇ-euˬ meh’ lehˇ ehˇ nehˬ-awˬ.

Luˇkaꞈ 9:5

Naw maꞈ-ahˇ maˬ kʼaˇ ha geuꞈ nehˬ laꞈ-eu meuˬ deuˬ-ahˇ neh naw maꞈ doˆ-iˇ ngeh, aˬ kuiˇ pehˬ zaˬ-ahˇ lehꞈ-eu kʼaˬ lehˇ sawˆ kʼaˇ nehˬ yaꞈ-awˬ. Kʼoeˇ-aˬ, aˬ yawꞈ maꞈ-euˬ yaw lehˬ siˬ leˇ ni mˇ-eu saˇ kiˇ meh.”

Gʼaˬkʼehˇ 13:26

“Aˬbyaˬhaˬ-euˬ zaˬ deuˬ uˆ deuˬ pyeuꞈ-eu ngaˬ-euˬ aˬ yuiꞈ aˬ nyiˇ Iˇsaˬleˬlaˆ tsawˇ haˬ deuˬ hawˇ-eu, Miˬyehˇ-ahˇ uˬ duˬ kʼaˇ tahˬ-eu aˬ cawˬ tsawˇ jeuˬ deuˬ-oˇ, ka kʼoꞈ-eu gaˇ kawˆ guiˬ lahˬ dawˬ heu-aˬ, aˬ dui-euˬ gʼaˇ duˬ meh.

Gʼaˬkʼehˇ 13:40

Teu miˇ neh, Miˬyehˇ gʼaˇ duˬ ngehˬ dah-eu deuˬ neh heu loꞈ-ehˇ ehˇ taˬ-euˬ kʼoeˇ, naw maꞈ kʼoeˇ taˆ maˬ bi keuˆ le-eu gʼaˇ duˬ yahˇ-awˬ.

Gʼaˬkʼehˇ 13:46

Ehˇ kʼawꞈ, Pawˇluˆ hawˇ-eu Baˬnaˬbaˇ aˬ nyaꞈ kʼaˬ duˬ ni ngehˬ-eu laꞈ kʼoeˇ, “Miˬyehˇ-euˬ dawˬ kawˬ heu naw maꞈ-ahˇ jeˬ huˬ ya ja mehˬ-eu ngeuˇ meh. Ehˇ kʼawꞈ, naw maꞈ maˬ naˇ haˬ geuꞈ-ehˇ, mˬ maˬ maˬ byaˆ zaˇ ziˇ dehꞈ-eu jeˬ-ahˇ za-eu geuˇ miˇ-a lehˇ maˬ shaˇ noeˬ-eu miˇ neh, naw maꞈ-ahˇ byehˇ-awˇ aˬ cawˬ tsawˇ jeuˬ-ahˇ mehˬ-iˇ-eu ma.

Gʼaˬkʼehˇ 13:51

Gʼaˬ kʼehˇ kʼoeˇ nyiˬ gʼaˬ-aˬ, aˬ yawꞈ nyaꞈ-euˬ aˬ kuiˇ pehˬ zaˬ-ahˇ lehꞈ-eu kʼaˬ lehˇ aˬ yawꞈ maꞈ-ahˇ sawˆ kʼaˇ nehˬ yaꞈ-awˇ Iˇgawˇniˇ meuˬ-ahˇ le-euˬ meh.

Lormav 10:21

Ehˇ kʼawꞈ, Iˇsaˬleˬlaˆ tawˇ jeuˬ gaˇ kawˆ aˬ yawꞈ heu loꞈ-ehˇ ehˇ taˬ-euˬ meh. “Ngaˬ-euˬ ehˇ dawˬ maˬ naˇ haˬ-ehˇ ngaˬ-ahˇ puiˬ luꞈ-eu tsawˇ jeuˬ-ahˇ ha geuꞈ-eu gʼaˇ duˬ, ngaˬ-euˬ aˬ laꞈ nah ga-ehˇ cawˬ ja taˬ-euˬ ma.”

Lormav 10:8

Ehˇ mawꞈ-eu dawˬ tsuiꞈ-aˬ, heu loꞈ-ehˇ meh. “Miˬyehˇ-euˬ dawˬ kawˬ-aˬ, naw maꞈ-euˬ dawˬ peh jaˆ-eu meh. Naw maꞈ-euˬ mehˬ luˬ kʼoeˇ taˆ jaˆ-awˇ, naw maꞈ-euˬ nui ma laꞈ kʼoeˇ ahˇ-eu meh.” Kʼoeˇ-aˬ, aˬ dui maꞈ dawˬ mehˬ mehˬ luꞈ-eu jah-eu gaˇ kawˆ kʼoeˇ meh.

HeˬByehˇ 1:3

Aˬ yawꞈ-euˬ laꞈ kʼoeˇ Miˬyehˇ-euˬ yaw shehꞈ kʼahˬ sehˇ bya doˆ luꞈ-awˇ, Miˬyehˇ-ahˇ duˇ duˇ dehꞈ dehꞈ pyeuꞈ-eu meh. Baoˬ huiˬ dui dui-eu aˬ yawꞈ-euˬ dawˬ-ahˇ gʼoe-awˇ, mˬ hawˇ-eu miˇ dawˬ tawˆ luꞈ-ahˇ haw luꞈ pyaˆ luꞈ-eu meh. Tsawˇ haˬ zaˬ-ahˇ Miˬyehˇ iˬ baˇ pyehˬ nehˬ nya ni mˇ gʼaˬ shaˇ gʼaˬ-awˇ, Dawˬ tawˆ kʼoeˇ taˆ Baoˬ huiˬ-eu gʼaˬ pyeuꞈ-eu Miˬyehˇ-euˬ aˇ maˇ paw, mˬ kʼoeˇ taˆ aˬ yawꞈ nuiˇ luꞈ-eu meh.