Luˇkaꞈ 1:7 - Akha

⁷ Eˇliˇsaˬbehˆ maˬ baw aˬ ma pyeuꞈ-eu miˇ neh, aˬ nyaꞈ dzeˇ zaˬ zaˬ maˬ jawˇ-ehˇ, nyiˬ gʼaˬ luꞈ mawˬ dui dui le-euˬ meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁷ Aerkhawf, zaq maqjawr-a. Aqjeq mirnae aernar-aq, Erlirsaqbaev-aq, maqbaw aqma pyeuf-awr, aqnyaf dzerzaq nyiq ghaqluf mawqle-euq mae.

Luˇkaꞈ 1:7 Iomraidhean Croise

Aˇ dahˬ 17:17

Aˬbyaˬhaˬ-aˬ, pawˬ tsuiꞈ pawˬ dmˬ dmˬ-awˇ, baˬ ba miˇ tsa tuˆ ni awˆ byaˆ taˬ-euˬ meh. Ehˇ kʼawꞈ, “Tsawˇ haˬ tiˬ gʼaˬ aˇ kʼoꞈ tiˬ yaˇ byah laˇ taˬ-euˬ gaˇ zaˬ paˇ jawˇ le nya ta loˇ. Saˬlaˇ aˇ kʼoꞈ gʼoeˬ tseˇ byah laˇ-euˬ zaˬ ciˬ zaˬ cu paˇ mˇ nya ta siˬ loˇ” lehˇ, aˬ yawꞈ-euˬ nui ma laꞈ kʼoeˇ noeˬ doˆ laˇ-awˇ, uiˇ kʼoeˬ-euˬ meh.

Aˇ dahˬ 18:11

Aˬbyaˬhaˬ hawˇ-eu Saˬlaˇ-aˬ, aˇ kʼoꞈ kʼawˆ laˇ-awˇ, tsawˇ mawˬ mawˬ laˇ-euˬ meh. Saˬlaˇ-aˬ, ba la dahˬ-iˇ-awˇ, zaˬ ciˬ zaˬ cu mˇ-eu aˇ yamˬ dzeuˇ-iˇ gʼaˬ-euˬ meh.

Aˇ dahˬ 25:21

Leˬbehˇkaꞈ zaˬ maˬ jawˇ le-eu miˇ neh, zaˬ jawˇ le nya ni, Sahˬpaˬ Miˬyehˇ-ahˇ Iˇtsaˆ guiˬ lahˬ shaˇ-euˬ meh. Aˬ yawꞈ-euˬ guiˬ lahˬ shaˇ dawˬ-ahˇ Sahˬpaˬ Miˬyehˇ naˇ haˬ nehˬ-awˇ, aˬ nyiˇ pi leˇ-euˬ meh.

Aˇ dahˬ 30:1

Laˬkeˬlaˇ-aˬ, Yaˬkoˆ gʼaˇ duˬ zaˬ tiˬ gʼaˬ-iˬ maˬ bi jawˇ le nya-eu miˇ neh aˬ yawꞈ-euˬ aˬ yuiꞈ Leˇaˬ-ahˇ myaˆ naˆ-awˇ, “Ngaˬ-ahˇ zaˬ bi jawˇ le nehˬ laꞈ. Zaˬ maˬ jawˇ le naˇ, shiˇ-eu maˬ ngeuˇ naˇ maˬ paˇ dzeˇ miˇ-a” lehˇ Yaˬkoˆ-ahˇ ehˇ nehˬ-euˬ meh.

1 Sahˬpaˬ 1:1

Nymˬ-mˇ poˆ jawˇ, sahˬ paˬ Daˬbiˇ tsawˇ mawˬ mawˬ dui dui laˇ-euˬ miˇ neh, aˬ yawꞈ-euˬ zaˬ kʼaˆ deuˬ aˬ yawꞈ-ahˇ aˇ bui sheu dm nehˬ kʼawꞈ, yaw gaˆ maˬ lmˇ leˇ-a.

2 Sahˬpaˬ 4:14

Geˬhaˬziˇ-ahˇ Eˇliˇshehˇ paˇ naˇ haˬ-eu, “Toˆ-ehˇ ngeuˇ naˇ, aˬ yawꞈ gʼaˇ duˬ ngaˇ aˬ jeˬ ya mˇ nehˬ nmˇ.” Geˬhaˬziˇ ehˇ-eu, “Zaˬ miˬ zaˬ heu gʼaˬ aˬ li tiˬ li-iˬ maˬ jawˇ-ehˇ, aˬ yawꞈ-euˬ kʼaˬ dzeˇ zaˬ gʼaˬ kʼawꞈ tsawˇ mawˬ mawˬ laˇ-euˬ meh.”

Luˇkaꞈ 1:5

Yuˇdaˆ miˇ kʼahˬ-ahˇ sahˬ paˬ Heˬloˆ uˆ lahˇ ngeh, Aˬbiˇyaˬ aˇ jeuˬ laꞈ kʼoeˇ, Zaˬkaˬliˇ lehˇ myahˇ-euˬ piˇ ma tiˬ gʼaˬ jawˇ-eu meh. Aˬ yawꞈ-euˬ miˬ zaˬ-aˬ, Aˬloˬ-euˬ aˇ jeuˬ pyeuꞈ-awˇ, Eˇliˇsaˬbehˆ lehˇ myahˇ-euˬ meh.

Luˇkaꞈ 1:6

Nyiˬ dzeˇ zaˬ luꞈ Miˬyehˇ mehˬ shi dawˇ coe ni dehꞈ-awˇ, SahˬpaˬMiˬyehˇ-euˬ zahˇ dawˬ kʼoꞈ dawˬ hawˇ-eu zahˇ sahˇ kʼoꞈ dawˬ tawˆ luꞈ-ahˇ caw teh-eu meh.

Luˇkaꞈ 1:8

Tiˬ nah-aˬ, piˇ ma-euˬ gaˇ mˇ-eu gʼaˇ duˬ, Zaˬkaˬliˇ-euˬ aˇ muˇ-ahˇ doˇ laˇ-euˬ miˇ neh, Uˬ duˬ tahˬ nymˇ nymˇ ma laꞈ kʼoeˇ gaˇ mˇ luꞈ-eu meh.

Lormav 4:19

Aˬ yawꞈ-ahˇ kʼoeˇ loꞈ-ehˇ ehˇ nehˬ ngeh, aˬ yawꞈ-euˬ aˇ kʼoꞈ tiˬ yaˇ dawˬ peh tah tehˬ leˇ taˬ-euˬ meh. Aˬ yawꞈ-euˬ aˬ lmˬ gʼawˇ mawˇ gaˇ kawˆ shaˇ noeˬ ngeh, shiˇ gʼaˬ-euˬ loꞈ-ehˇ duˇ-awˇ, aˬ yawꞈ-euˬ nymˇ dahˬ Saˬlaˇ zaˬ ciˬ zaˬ cu maˬ paˇ mˇ nya-euˬ kʼawꞈ, aˬ yawꞈ jah-eu kʼoeˇ hmˬ gʼaˬ tiˬ pawꞈ-iˬ maˬ baˬ-iˇ-a.

HeˬByehˇ 11:11

Aˬbyaˬhaˬ mawˬ dui dui laˇ-awˇ, aˬ yawꞈ-euˬ nymˇ dahˬ zaˬ ciˬ zaˬ cu mˇ yamˬ dzeuˇ-euˬ kʼawꞈ zaˬ paˇ jawˇ le nya-euˬ kʼoeˇ-aˬ, jah-eu jeˬ baˬ da neh meh. Miˬyehˇ-aˬ, aˬ yawꞈ neh saˇ jaˇ dzaˬ-euˬ loꞈ-ehˇ mˇ byah tehꞈ-a lehˇ aˬ yawꞈ jah-euˬ meh.

1 Saˬmeuˬlaˆ 1:2

Eˇlaˬkaˬnaˬ-aˬ, Haˬnahˬ hawˇ-eu Peˬniˇnaˬ lehˇ myahˇ-euˬ miˬ zaˬ nyiˬ gʼaˬ jawˇ-eu meh.