Luˇkaꞈ 1:6 - Akha

⁶ Nyiˬ dzeˇ zaˬ luꞈ Miˬyehˇ mehˬ shi dawˇ coe ni dehꞈ-awˇ, SahˬpaˬMiˬyehˇ-euˬ zahˇ dawˬ kʼoꞈ dawˬ hawˇ-eu zahˇ sahˇ kʼoꞈ dawˬ tawˆ luꞈ-ahˇ caw teh-eu meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁶ Aqnyaf dzerzaq, Miqyaer-euq maeqshi tsaq-awr dawr-eu tsawrhaq mae. Sanqpaq Miqyaer-euq zanrdawq khofdawq hawr-eu zanrsanrkhof dawqtawv luf-euq maeqnan cantae-awr, tiqjeq-anr-iq aerkhar maqza-eu tsawrhaq mae.

Luˇkaꞈ 1:6 Iomraidhean Croise

Aˇ dahˬ 17:1

Aˬbyaˬ gʼoeˬ tseˇ gʼoeˬ kʼoꞈ kʼawˆ ngeh, aˬ yawꞈ-euˬ mehˬ shi Sahˬpaˬ Miˬyehˇ doˆ le-awˇ, heu loꞈ-ehˇ ehˇ-eu meh. “Ngaˇ-aˬ, yawˬ jeˬ na luꞈ mˇ nya-eu Baoˬ huiˬ-eu Miˬyehˇ ma. Ngaˬ-euˬ ehˇ dawˬ naˇ haˬ-awˇ yaw tsaˬ yaw dawˇ jeˬ mˇ-awˬ.

Aˇ dahˬ 6:9

Heu-aˬ, Noˇaˬ-euˬ gaˇ kawˆ pyeuꞈ-eu meh. Aˬ yawꞈ-aˬ, Sheˬmaˆ, Haˬmaˇ, Yaˬpahˇ lehˇ myahˇ-euˬ aˬ li smˬ li jawˇ-eu meh. Noˇaˬ-euˬ ziˇ-ahˇ, miˇ tsaˬ kʼoeˇ taˆ iˬ baˇ maˬ mˇ-ehˇ dawˇ coe ni dehꞈ-euˬ tsawˇ haˬ Noˇaˬ tiˬ gʼaˬ jawˇ-eu tehꞈ meh. Aˬ yawꞈ-aˬ, Miˬyehˇ-ahˇ cawˬ cawˬ taꞈ-awˇ dehꞈ-euˬ meh.

Aˇ dahˬ 7:1

Noˇaˬ-ahˇ Sahˬpaˬ Miˬyehˇ ehˇ nehˬ-eu, “Nawˬ-euˬ nymˇ kʼahˬ zaˬ dawˬ tawˆ luꞈ sheuˬ-awˇ, saˇ baoˬ laꞈ kʼoeˇ uˇ leˇ-awˬ. Miˇ tsaˬ heu kʼoeˇ taˆ yaw tsaˬ yaw dawˇ jeˬ mˇ-eu tsawˇ haˬ nawˇ tiˬ gʼaˬ jawˇ-eu tehꞈ meh lehˇ ngaˇ siˬ duˬ ma.

1 Sahˬpaˬ 15:5

Heˬtaˆ tsawˇ jeuˬ Uˇliˇyaˆ-ahˇ taꞈ leˇ-eu gaˇ kawˆ kʼoeˇ hmˬ maˬ ngeuˇ naˇ, Sahˬpaˬ Miˬyehˇ-euˬ ehˇ dawˬ-ahˇ Daˬbiˇ maˬ naˇ haˬ-euˬ maˬ jaˆ ni, aˬ yawꞈ nui ma tsaˬ-eu jeˬ-ahˇ Daˬbiˇ mˇ-euˬ miˇ neh, Leˬhawˇbamˬ-ahˇ Sahˬpaˬ Miˬyehˇ kʼoeˇ loꞈ-ehˇ jahˇ nehˬ-euˬ meh.

1 Sahˬpaˬ 9:4

Nawˬ da Daˬbiˇ loꞈ-ehˇ nawˇ ngaˬ-euˬ mehˬ shi nui ma ziꞈ dah ni gʼeh-awˇ yaw tsaˬ yaw dawˇ dawˇ-ehˇ dehꞈ-eu laꞈ kʼoeˇ, ngaˬ-euˬ zahˇ dawˬ kʼoꞈ dawˬ deuˬ hawˇ-eu ngaˬ neh nawˬ-ahˇ kʼaˇ ehˇ nehˬ-euˬ yawˬ jeˬ na luꞈ-ahˇ yaw muiˬ paˬ-ehˇ naˇ haˬ geuꞈ naˇ,

2 Sahˬpaˬ 20:3

“Sahˬpaˬ Miˬyehˇ-oˇ, ngaˇ nawˬ-ahˇ saˇ jaˇ ziꞈ-eu laꞈ kʼoeˇ yaw dehꞈ dehꞈ-awˇ, nawˬ neh ngaˬ-ahˇ bi mˇ mawꞈ-eu jeˬ-ahˇ leh jeh-awˇ mˇ-euˬ gaˇ taˬ ngehˇ nehˬ laꞈ” lehˇ shaˇ-euˬ meh. Kʼoeˇ naˇ, aˬ yawꞈ ngoeˇ dui dui-euˬ meh.

2 Laˬsaˬbaˬ 17:4

Aˬ yawꞈ aˬ da-euˬ Miˬyehˇ-ahˇ aˬ yawꞈ uˬ duˬ tahˬ-awˇ, Miˬyehˇ-euˬ zahˇ dawˬ kʼoꞈ dawˬ-ahˇ naˇ haˬ geuꞈ-eu laꞈ kʼoeˇ, Iˇsaˬleˬlaˆ miˇ kʼahˬ-ahˇ uˆ lahˇ-eu sahˬ paˬ deuˬ loꞈ-ehˇ maˬ gʼeh ni aˬ yawꞈ dehꞈ-euˬ meh.

Yawˇbaˆ 1:1

Uˇzaˆ miˇ kʼahˬ laꞈ kʼoeˇ Yawˇbaˆ lehˇ myahˇ-euˬ tsawˇ haˬ tiˬ gʼaˬ jawˇ-eu meh. Aˬ yawꞈ-aˬ, Miˬyehˇ-ahˇ saˇ jaˇ ziꞈ-eu laꞈ kʼoeˇ uˬ duˬ tahˬ-eu meh. Yaw lehˬ jeˬ maˬ mˇ ni yahˇ yahˇ-ehˇ dehꞈ luꞈ-eu muiˬ-eu jaˬ-eu tsawˇ haˬ tiˬ gʼaˬ kʼawꞈ pyeuꞈ-eu meh.

Yawˇbaˆ 1:8

Sahˬpaˬ Miˬyehˇ ehˇ-eu, “Ngaˬ-euˬ zaˬ kʼaˆ Yawˇbaˆ-ahˇ nawˇ siˬ nya ma loˇ. Aˬ yawꞈ loꞈ-ehˇ saˇ jaˇ ziꞈ-eu muiˬ-eu jaˬ-eu tsawˇ haˬ miˇ tsaˬ kʼoeˇ taˆ tiˬ gʼaˬ-iˬ maˬ jawˇ-a. Aˬ yawꞈ ngaˬ-ahˇ uˬ duˬ tahˬ-awˇ, yaw lehˬ yaw ca jeˬ maˬ ya mˇ ni yahˇ dui dui-eu laꞈ kʼoeˇ dehꞈ luꞈ meh.”

Yawˇbaˆ 9:2

“Gaˇ kawˆ kʼoeˇ deuˬ dawˬ tawˆ luꞈ ngaˇ siˬ nya ma. Ehˇ kʼawꞈ, tsawˇ haˬ zaˬ Miˬyehˇ-ahˇ aˬ joˆ-ehˇ ja gʼaˬ nya nmˇ.

Jaceuq 119:6

Nawˬ-euˬ zahˇ dawˬ kʼoꞈ dawˬ dawˬ tawˆ luꞈ-ahˇ ngaˇ haw tsoˆ taˬ ngeh, ngaˇ daˬ maˬ ga ni ya dehꞈ tehꞈ-a.

Luˇkaꞈ 1:7

Eˇliˇsaˬbehˆ maˬ baw aˬ ma pyeuꞈ-eu miˇ neh, aˬ nyaꞈ dzeˇ zaˬ zaˬ maˬ jawˇ-ehˇ, nyiˬ gʼaˬ luꞈ mawˬ dui dui le-euˬ meh.

Luˇkaꞈ 16:15

Yeˬsuˇ aˬ yawꞈ maꞈ-ahˇ ehˇ nehˬ-eu, “Naw maꞈ-aˬ, tsawˇ haˬ zaˬ-euˬ mehˬ shi yaw tsaˬ yaw dawˇ jahˇ geuꞈ-eu meh. Ehˇ kʼawꞈ, naw maꞈ-euˬ nui ma-ahˇ Miˬyehˇ siˬ nya meh. Aˬ jeˬ miˇ neh ehˇ naˇ, tsawˇ haˬ zaˬ neh ciˬ poeˬ-euˬ jeˬ-ahˇ Miˬyehˇ nui daˆ daˆ-eu meh.

Luˇkaꞈ 2:25

Kʼoeˇ ngeh yamˬ-ahˇ, Suˇmoˬ lehˇ myahˇ-euˬ tsawˇ haˬ tiˬ gʼaˬ Yeˬluˇsaˬlehˬ meuˬ-ahˇ jawˇ-eu meh. Aˬ yawꞈ-aˬ, Miˬyehˇ-ahˇ guˆ-eu nui ma ahˇ-eu tsawˇ haˬ yaw muiˬ tiˬ gʼaˬ pyeuꞈ-awˇ, Iˇsaˬleˬlaˆ tsawˇ jeuˬ ka kʼoꞈ-eu jeˬ za-eu aˇ nah-ahˇ dawˬ luꞈ-eu tiˬ gʼaˬ meh. Muiˬ-eu shawˇ-eu Yaw sahˇ Miˬyehˇ aˬ yawꞈ nehˬ-ehˇ jawˇ-eu meh.

Gʼaˬkʼehˇ 2:25

Aˬ yawꞈ-euˬ gaˇ kawˆ Daˬbiˇ neh heu loꞈ-ehˇ ehˇ taˬ-euˬ jaˆ-eu meh. ‘Ngaˬ-euˬ mehˬ shi yawˬ jawˇ na luꞈ, SahˬpaˬMiˬyehˇ-ahˇ mawˇ luꞈ ma. Ngaˬ-euˬ dawˬ peh aˬ yawꞈ jawˇ-awˇ, ngaˇ kʼahˬ lahˇ duˬ maˬ paˇ jaˆ ma.

Gʼaˬkʼehˇ 23:1

Kʼoeˇ ngeh, Baꞈ dzah-ahˇ Pawˇluˆ haw tsoˆ taˬ-awˇ ehˇ-eu, “Aˬ yuiꞈ aˬ nyiˇ deuˬ-oˇ, iˬ nah keuˆ ni Miˬyehˇ mehˬ shi ngaˇ aˬ joˆ-ehˇ dehꞈ dzeuˇ jawˇ dzeuˇ laꞈ-euˬ gaˇ kawˆ ngaˬ-euˬ nui ma laꞈ kʼoeˇ shawˇ jehˆ ni jaˆ luꞈ ma.”

Gʼaˬkʼehˇ 24:16

Miˬyehˇ mehˬ shi maˬ ehˇ, tsawˇ haˬ zaˬ mehˬ shi maˬ ehˇ, ngaˬ-euˬ nui ma aˬ myah luꞈ shawˇ jehˆ ni jaˆ ni leh jeh luꞈ-eu ma.

Gʼaˬkʼehˇ 8:21

Miˬyehˇ-euˬ mehˬ shi nawˬ-euˬ nui ma maˬ dawˇ-eu miˇ neh, nga maꞈ neh mˇ-euˬ gaˇ heu-ahˇ nawˇ maˬ taꞈ laˇ nya-a.

Lormav 8:4

Shiˬ shaˬ jiˇ nui noeˬ mehˬ nah maˬ caw teh-ehˇ, Yaw sahˇ Miˬyehˇ mehˬ nah caw teh-awˇ dehꞈ luꞈ-eu aˬ dui-euˬ laꞈ kʼoeˇ, Zahˇ dawˬ kʼoꞈ dawˬ laꞈ kʼoeˇ ehˇ taˬ-euˬ yaw tsaˬ yaw dawˇ jeˬ nui kʼahˇ tiˬ shiˇ byah laˇ nya ni, Miˬyehˇ kʼoeˇ loꞈ-ehˇ mˇ-euˬ meh.

1 Gawˇliˬtu 11:2

Naw maꞈ ngaˬ-ahˇ aˬ myah luꞈ noeˬ keuˆ-awˇ, ngaˬ neh mehˬ taˬ tsoˆ taˬ yaꞈ-euˬ dawˬ deuˬ-ahˇ caw teh-eu miˇ neh, naw maꞈ-ahˇ ngaˇ ja ceuˬ-eu ma.

2 Gawˇliˬtu 1:12

Miˇ tsaˬ heu kʼoeˇ taˆ nga maꞈ yaw dehꞈ dehꞈ luꞈ-eu heu hawˇ-eu, kʼaˆ kʼaˆ ni naw maꞈ nehˬ-ehˇ cawˬ ya cawˬ taꞈ luꞈ-eu heu-aˬ, Miˬyehˇ neh biꞈ leꞈ-euˬ myaˆ pyawˬ bya cehˆ ni taˬ nya-eu jeˬ hawˇ-eu, nui ma dawˇ coe ni gʼeh-eu jeˬ laꞈ kʼoeˇ ya dehꞈ luꞈ-eu baˬ da neh maˬ ehˇ, tsawˇ haˬ zaˬ-euˬ zaˬ siˬ tsawˇ gahˇ-ahˇ maˬ gʼoe-ehˇ Miˬyehˇ-euˬ guiˬ lahˬ yaw dzahˇ-euˬ baoˬ-ahˇ gʼoe-awˇ ya dehꞈ luꞈ-eu baˬ da neh maˬ ehˇ, nga maꞈ kʼahˬ sehˇ jehˆ kʼaˇ za-eu ma.

Dawˬmehˬ 5:33

Naw maꞈ yaw muiˬ paˬ-ehˇ ya dehꞈ dzaˬ-awˇ, naw maꞈ jawˇ leˇ-eu lehˇ gʼeh-eu miˇ kʼahˬ laꞈ kʼoeˇ yaw muiˬ paˬ-ehˇ ya dehꞈ ya jawˇ ni, zahˇ dawˬ kʼoꞈ dawˬ dawˬ tawˆ luꞈ-ahˇ naˇ haˬ geuꞈ-awˬ.

Piˇliˇpiˆ 2:15

Kʼoeˇ loꞈ-ehˇ mˇ naˇ, iˬ baˇ mˇ-awˇ bahˬ-eu muˆ-eu tsawˇ haˬ deuˬ jawˇ-eu miˇ tsaˬ heu kʼoeˇ taˆ, naw maꞈ-aˬ, iˬ baˇ taˬ kʼaˇ maˬ za ni muiˬ dui dui-eu Miˬyehˇ-euˬ zaˬ deuˬ pyeuꞈ laˇ tehꞈ-a. Mˬ kʼoeˇ taˆ tsehˬ-eu aˬ guiˇ loꞈ-ehˇ aˬ yawꞈ maꞈ-ahˇ yaw shehꞈ bya nehˬ-awˬ.

Gawˇlawˇsehˇ 1:22

Ehˇ kʼawꞈ, naw maꞈ-ahˇ muiˬ-eu shawˇ-eu laꞈ kʼoeˇ iˬ baˇ taˬ kʼaˇ maˬ za ni Miˬyehˇ mehˬ shi bi sheuˬ keuˆ gʼeh-eu gʼaˇ duˬ, aˬ yawꞈ-euˬ Zaˬmaˇ-euˬ shiˬ shaˬ jiˇ gʼawˇ mawˇ bi shiˇ dah-eu laꞈ kʼoeˇ, naw maꞈ Miˬyehˇ-ahˇ tsaˬ leˇ dzoeˇ leˇ nya ni Miˬyehˇ jahˇ-euˬ meh.

1 Teˇsaˬloˇni 3:13

Aˬ dui-euˬ Sahˬpaˬ Yeˬsuˇ aˬ yawꞈ-euˬ tsawˇ haˬ dawˬ tawˆ luꞈ nehˬ-ehˇ oe ngeh, aˬ dui-euˬ Aˬda Miˬyehˇ mehˬ shi naw maꞈ iˬ baˇ taˬ kʼaˇ maˬ za-eu muiˬ-eu shawˇ-eu tsawˇ haˬ pyeuꞈ ni, aˬ yawꞈ naw maꞈ-ahˇ kʼoeˇ loꞈ-ehˇ gʼaˬ biꞈ lahˬ nehˬ luꞈ-uˇ.

2 Beˬtuˆluˆ 3:14

Kʼoeˇ miˇ neh cawˬ deuˬ-oˇ, Aˇnah kʼoeˇ nah-ahˇ naw maꞈ dawˬ luꞈ-eu loꞈ-ehˇ, Miˬyehˇ mehˬ shi iˬ baˇ taˬ kʼaˇ maˬ za-eu Miˬyehˇ-ahˇ tsaˬ leˇ tsahˇ leˇ gʼaˬ-euˬ muiˬ-eu shawˇ-eu tsawˇ haˬ pyeuꞈ ni leh jeh-awˬ.

1 Yoˇhaˬ 2:29

Ka li yaw tsaˬ yaw dawˇ meh lehˇ naw maꞈ siˬ nya luꞈ-eu-aˬ, yaw tsaˬ yaw dawˇ jeˬ kʼaˇ mˇ-eu tsawˇ haˬ yawˬ gʼaˬ na luꞈ Miˬyehˇ-euˬ zaˬ meh lehˇ naw maꞈ siˬ nya-eu tsaˬ meh.

1 Yoˇhaˬ 2:3

Miˬyehˇ neh biꞈ taˬ-euˬ dawˬ deuˬ-ahˇ aˬ dui naˇ haˬ geuꞈ naˇ, aˬ dui aˬ yawꞈ-ahˇ siˬ nya-eu yaw duˬ baw meh.

1 Yoˇhaˬ 3:7

Ngaˇ gaˬ dui dui-eu zaˬ deuˬ-oˇ, tsawˇ haˬ tiˬ gʼaˬ neh-iˬ naw maꞈ-ahˇ mehˇ shuiˇ taˬ bi shuiˇ tawˆ. Yaw tsaˬ yaw dawˇ jeˬ-ahˇ kʼaˇ mˇ-eu tsawˇ haˬ-aˬ, Ka li tsaˬ-eu dawˇ-eu loꞈ-ehˇ yawˬ ha kʼawꞈ tsaˬ-eu dawˇ-eu meh.