Luˇkaꞈ 1:25 - Akha

²⁵ Aˬ yawꞈ ehˇ-eu, “Nymˬ-mˇ poˆ jawˇ-aˬ, tsawˇ haˬ mehˬ shi ngaˇ daˬ maˬ paˇ ya ga ni, Sahˬpaˬ Miˬyehˇ ngaˬ-ahˇ caw ba nehˬ laꞈ-euˬ meh.”

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

²⁵ Aqyawf aer-eu, “Sanqpaq Miqyaer, ngaq-anr haw-awr ghoer mrnaeq laf-euq mae. Nymq-mr pov-aq, ngar, tsawrhaq-euq maeqshi daqga-eu jeq-anr aqyawf nae yurdzae naeqlaf-euq ngar-a.”

Luˇkaꞈ 1:25 Iomraidhean Croise

Aˇ dahˬ 25:21

Leˬbehˇkaꞈ zaˬ maˬ jawˇ le-eu miˇ neh, zaˬ jawˇ le nya ni, Sahˬpaˬ Miˬyehˇ-ahˇ Iˇtsaˆ guiˬ lahˬ shaˇ-euˬ meh. Aˬ yawꞈ-euˬ guiˬ lahˬ shaˇ dawˬ-ahˇ Sahˬpaˬ Miˬyehˇ naˇ haˬ nehˬ-awˇ, aˬ nyiˇ pi leˇ-euˬ meh.

2 Saˬmeuˬlaˆ 6:23

Sawˇluˆ-euˬ aˬ buˇ Miˇkaˬlaˇ-aˬ, ziˇ jiˇ ngeh keuˆ ni zaˬ tiˬ gʼaˬ-iˬ maˬ jawˇ le-a.

Iˇsaˬyaˇ 25:8

Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ-aˬ, shiˇ-eu jeˬ-ahˇ mˬ maˬ maˬ byaˆ zaˇ ziˇ laˆ cawˆ nehˬ tehꞈ-a. Tsawˇ haˬ yawˬ gʼaˬ na luꞈ-euˬ myaˆ biˇ aˬ yawꞈ shiˆ shawˇ nehˬ-awˇ, miˇ tsaˬ kʼoeˇ taˆ kʼaˇ jawˇ-eu aˬ yawꞈ-euˬ tsawˇ haˬ deuˬ ya daˬ luꞈ-eu yaw doeˇ dawˬ tawˆ luꞈ-ahˇ, aˬ yawꞈ laˆ byoˆ nehˬ tehꞈ-a lehˇ, Sahˬpaˬ Miˬyehˇ ehˇ taˬ-eu jaˆ-eu meh.

Iˇsaˬyaˇ 4:1

Aˇ nah aˇ yamˬ kʼoeˇ keuˆ le ngeh, kʼaˬ dzeˇ zaˬ tiˬ gʼaˬ-ahˇ zaˬ miˬ zaˬ shiꞈ gʼaˬ nyehꞈ cuꞈ-awˇ, heu loꞈ-ehˇ ehˇ tehꞈ-a. “Nga maꞈ ya dzaˬ ya dawˇ, ya dm ya gʼaˬ ni, yawˬ haˇ yawˬ ha mˇ cu nya ma. Ehˇ kʼawꞈ, nga maꞈ kʼaˬ dzeˇ zaˬ maˬ baw-eu miˇ neh, miˬ dzeˇ dzeˇ-iˇ-euˬ nga lehˇ aˬ cawˬ neh bi ehˇ-awˇ daˬ maˬ ya ga ni, nga maꞈ-ahˇ nawˬ-euˬ miˬ zaˬ ma lehˇ myahˇ nehˬ laꞈ-awˬ.”

Luˇkaꞈ 1:13

Ehˇ kʼawꞈ, mˬ taˆ gʼaˬ kʼehˇ kʼoeˇ gʼaˬ ehˇ-eu, “Zaˬkaˬliˇ-oˇ, taˬ guˆ. Nawˬ-euˬ guiˬ lahˬ shaˇ dawˬ-ahˇ Miˬyehˇ naˇ haˬ nehˬ laꞈ-euˬ meh. Nawˬ-euˬ nymˇ dahˬ Eˇliˇsaˬbehˆ aˬ li tiˬ li ciˬ tehꞈ-a. Aˬ li kʼoeˇ li-ahˇ Yoˇ haˬ lehˇ nawˇ ya myahˇ nehˬ meh.

Luˇkaꞈ 1:24

Aˇ yamˬ ui cuiˆ myahˇ laˇ ngeh, aˬ yawꞈ-euˬ nymˇ dahˬ Eˇliˇsaˬbehˆ aˬ nyiˇ pi leˇ-awˇ, ba la ngaˬ siˬ byah ni laꞈ nyiˇ maˬ doˆ-iˇ ni jawˇ-euˬ meh.

HeˬByehˇ 11:11

Aˬbyaˬhaˬ mawˬ dui dui laˇ-awˇ, aˬ yawꞈ-euˬ nymˇ dahˬ zaˬ ciˬ zaˬ cu mˇ yamˬ dzeuˇ-euˬ kʼawꞈ zaˬ paˇ jawˇ le nya-euˬ kʼoeˇ-aˬ, jah-eu jeˬ baˬ da neh meh. Miˬyehˇ-aˬ, aˬ yawꞈ neh saˇ jaˇ dzaˬ-euˬ loꞈ-ehˇ mˇ byah tehꞈ-a lehˇ aˬ yawꞈ jah-euˬ meh.

Yaˇ kʼaˬ daˇ 11:37

Ehˇ kʼawꞈ, aˬ yawꞈ-euˬ aˬ da-ahˇ aˬ yawꞈ shaˇ-eu, “Ngaˬ-ahˇ heu loꞈ-ehˇ bi jahˇ laꞈ-awˬ. Ngaˇ-aˬ, miˬ daꞈ daꞈ shuiꞈ pyeuꞈ luꞈ-eu aˇ yamˬ laꞈ kʼoeˇ ya shiˇ-eu gaˇ kawˆ heu, ngaˬ-euˬ aˬ yehˇ deuˬ nehˬ-ehˇ gawˬ jawˬ doe ni cah-awˇ tsawˇ ngoeˇ ngoeˇ-eu gʼaˇ duˬ, ngaˬ-ahˇ ba la nyiˬ siˬ aˇ yamˬ biꞈ nehˬ laꞈ-awˬ.”

1 Saˬmeuˬlaˆ 1:6

Sahˬpaˬ Miˬyehˇ Haˬnahˬ-ahˇ zaˬ maˬ bi jawˇ le-eu miˇ neh, aˬ yawꞈ nui ma shaˬ zahˬ mˇ-awˇ ya shaꞈ dawˇ ni, aˬ yawꞈ-ahˇ bye-eu Peˬniˇnaˬ gʼaˬ, aˬ yawꞈ-ahˇ ja bu ja doeˇ nehˬ-eu meh.