Luˇkaꞈ 1:13 - Akha

¹³ Ehˇ kʼawꞈ, mˬ taˆ gʼaˬ kʼehˇ kʼoeˇ gʼaˬ ehˇ-eu, “Zaˬkaˬliˇ-oˇ, taˬ guˆ. Nawˬ-euˬ guiˬ lahˬ shaˇ dawˬ-ahˇ Miˬyehˇ naˇ haˬ nehˬ laꞈ-euˬ meh. Nawˬ-euˬ nymˇ dahˬ Eˇliˇsaˬbehˆ aˬ li tiˬ li ciˬ tehꞈ-a. Aˬ li kʼoeˇ li-ahˇ Yoˇ haˬ lehˇ nawˇ ya myahˇ nehˬ meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹³ Khoerngae, mqtav ghaqkhaer khoerghaq, aqyawf-anr heulof-aer aernaeq-euq mae, “Zeqkaqlir-or! Taqguv, Miqyaer, nawq-euq guiqlanq shardawq-anr gaq-euq mae. Nawq-euq nymrdanq Erlirsaqbaev, nawq-euq gharduq zaqyo tiq ghaq ciq taef-a. Nawr, aqyawf-anr Yorhaq laer myanrnaeq-awq.

Luˇkaꞈ 1:13 Iomraidhean Croise

Aˇ dahˬ 17:10

Nawˇ maˬ ehˇ, nawˬ-euˬ zaˬ nawˬ-euˬ uˆ deuˬ laꞈ kʼoeˇ kʼaˬ dzeˇ zaˬ kʼaˇ ngeuˇ-eu deuˬ dawˬ tawˆ luꞈ maˬ ehˇ, baˆ kʼoˆ mehˬ dzaˬ yehˬ ma lehˇ ya noeˬ tsehˆ meh.

Aˇ dahˬ 17:19

Ehˇ kʼawꞈ, Miˬyehˇ ehˇ-eu, “Nawˇ teu loꞈ-ehˇ taˬ ehˇ. Nawˬ-euˬ nymˇ dahˬ Saˬlaˇ aˬ li tiˬ li ciˬ-awˇ, aˬ li kʼoeˇ li-ahˇ Iˇtsaˆ lehˇ nawˇ ya myahˇ nehˬ tehꞈ-a. Aˬ yawꞈ-ahˇ maˬ ehˇ, aˬ yawꞈ-euˬ zaˬ deuˬ uˆ deuˬ-ahˇ maˬ ehˇ, mˬ maˬ maˬ byaˆ zaˇ ziˇ ziꞈ-eu saˇ jaˇ ngaˇ dzaˬ ma.

Aˇ dahˬ 18:14

Ngaˬ neh ehˇ gʼaˬ-euˬ loꞈ-ehˇ, ba la gʼoeˬ siˬ kaˇ-iˇ naˇ ngaˇ tiˬ poˆ paˇ oe ma. Kʼoeˇ ngeh jawˇ, Saˬlaˇ aˬ li tiˬ li ciˬ tehꞈ-a” lehˇ ehˇ nehˬ-euˬ meh.

Aˇ dahˬ 25:21

Leˬbehˇkaꞈ zaˬ maˬ jawˇ le-eu miˇ neh, zaˬ jawˇ le nya ni, Sahˬpaˬ Miˬyehˇ-ahˇ Iˇtsaˆ guiˬ lahˬ shaˇ-euˬ meh. Aˬ yawꞈ-euˬ guiˬ lahˬ shaˇ dawˬ-ahˇ Sahˬpaˬ Miˬyehˇ naˇ haˬ nehˬ-awˇ, aˬ nyiˇ pi leˇ-euˬ meh.

Jaceuq 113:9

Maˬ baw aˬ ma-ahˇ aˬ yawꞈ taˬ huiˬ nehˬ-awˇ, zaˬ jawˇ le-awˇ laˬ kʼaˬ bi cehˇ-eu meh. Sahˬpaˬ Miˬyehˇ-ahˇ ja ceuˬ-awˬ.

Jaceuq 118:21

Ngaˬ-euˬ shaˇ dawˬ-ahˇ nawˇ naˇ haˬ-euˬ uˬ taꞈ, guiˇ deuˆ-euˬ bi gʼaˬ leˇ laꞈ-euˬ miˇ neh, nawˬ-ahˇ ngaˇ ja ceuˬ-eu ma.

Iˇsaˬyaˇ 8:3

Aˇ yamˬ ui cuiˆ myahˇ laˇ ngeh, ngaˬ-euˬ nymˇ dahˬ aˬ nyiˇ pi leˇ-euˬ meh. Nga nyaꞈ dzeˇ zaˬ aˬ li ciˬ ngeh, “Maˬhaˬsaˬlaˇhaˬsaˬbaˆ lehˇ myahˇ nehˬ-awˬ” lehˇ, Sahˬpaˬ Miˬyehˇ ngaˬ-ahˇ ehˇ-eu meh.

Daˬyeˬlaˇ 10:12

Aˬ yawꞈ ehˇ-eu, “Daˬyeˬlaˇ-oˇ, taˬ guˆ. Nawˇ zaˬ siˬ tsawˇ gahˇ za nya ni nui ma nahˬ yu ni taˬ ma lehˇ noeˬ tsehˆ dahˬ beh ngeh nah neh, nawˬ-euˬ guiˬ lahˬ shaˇ dawˬ-ahˇ Miˬyehˇ naˇ haˬ geuꞈ-euˬ meh. Nawˬ neh guiˬ lahˬ shaˇ-euˬ gaˇ kawˆ ehˇ kʼoꞈ nehˬ le-eu lehˇ ngaˇ oe-euˬ ma.

Hawˇseˬ 1:4

Aˬ li kʼoeˇ li dehꞈ le gʼaˬ ngeh, Hawˇseˬ-ahˇ Sahˬpaˬ Miˬyehˇ heu loꞈ-ehˇ ehˇ nehˬ-euˬ meh. “Aˬ li teu li-ahˇ Yeˬzaˬleˬlaˇ lehˇ myahˇ nehˬ-awˬ. Aˬ jeˬ miˇ neh ehˇ naˇ, Iˇsaˬleˬlaˆ sahˬ paˬ-euˬ aˬ poeˬ pyeuꞈ-eu Yeˬhuˇ neh Yeˬzaˬleˬlaˇ meuˬ-ahˇ tsawˇ haˬ sehꞈ-euˬ baˬ da neh, Iˇsaˬleˬlaˆ sahˬ paˬ-ahˇ ngaˇ kʼehˬ nehˬ kʼaˆ nehˬ-eu aˇ yamˬ gʼawˬ myahˇ ni maˬ paˇ ca meh. Yeˬhuˇ-euˬ dzoeˬ dzaˬ tsehˆ-iˇ ni ngaˇ jahˇ ma.

Hawˇseˬ 1:6

Gawˬmaˬ aˬ nyiˇ paˇ pi leˇ-awˇ, aˬ buˇ tiˬ buˇ paˇ ciˬ-euˬ meh. Kʼoeˇ ngeh, Hawˇseˬ-ahˇ Sahˬpaˬ Miˬyehˇ ehˇ nehˬ-eu, “Aˬ buˇ teu buˇ-ahˇ ‘Maˬ gaˬ-eu tsawˇ haˬ’ lehˇ myahˇ nehˬ-awˬ. Aˬ jeˬ miˇ neh ehˇ naˇ, Iˇsaˬleˬlaˆ miˇ kʼahˬ-ahˇ ngaˬ-euˬ nui gaˬ maˬ paˇ bi mawˇ-eu uˬ taꞈ, iˬ baˇ maˬ paˇ pyehˬ nehˬ ma.

Maꞈtehˬ 1:21

Aˬ yawꞈ aˬ li tiˬ li ciˬ tehꞈ-a. Aˬ li kʼoeˇ li-ahˇ Yeˬsuˇ lehˇ nawˇ myahˇ nehˬ-awˬ. Aˬ jeˬ miˇ neh ehˇ naˇ, aˬ li kʼoeˇ li-aˬ, aˬ yawꞈ-euˬ tsawˇ haˬ deuˬ-ahˇ iˬ baˇ laꞈ kʼoeˇ ka kʼoꞈ doˆ nehˬ tehꞈ-a.”

Maꞈtehˬ 14:27

Yeˬsuˇ ehˇ-eu, “Taˬ guˆ. Nui ma taˬ baˬ. Ngaˇ ma.

Maꞈtehˬ 28:5

Mˬ taˆ gʼaˬ kʼehˇ kʼoeˇ gʼaˬ zaˬ miˬ zaˬ kʼoeˇ nyiˬ gʼaˬ-ahˇ heu loꞈ-ehˇ ehˇ nehˬ-euˬ meh. “Naw nyaꞈ taˬ guˆ. Laꞈ yaꞈ kʼoeˇ taˆ bi taꞈ sehꞈ-euˬ Yeˬsuˇ kʼoeˇ gʼaˬ-ahˇ naw nyaꞈ poˆ luꞈ-eu ngaˇ siˬ nya ma.

Maˬkuˆ 16:6

Zaˬ guˬ kʼoeˇ gʼaˬ aˬ yawꞈ maꞈ-ahˇ ehˇ-eu, “Taˬ guˆ. Laꞈ yaꞈ kʼoeˇ taˆ bi taꞈ sehꞈ-euˬ Naˬzaˬlehˇ tsawˇ haˬ Yeˬsuˇ-ahˇ naw maꞈ haw le-euˬ meh lehˇ ngaˇ siˬ nya ma. Aˬ yawꞈ heu gaˇ maˬ paˇ jawˇ meh. Miˬyehˇ neh aˬ yawꞈ-ahˇ bi gʼoꞈ dehꞈ laˇ gʼaˬ-euˬ meh. Haw sheˇ. Aˬ yawꞈ-ahˇ heu gaˇ baꞈ taˬ-awˇ bi jaˆ-euˬ meh tawˇ.

Luˇkaꞈ 1:14

Aˬ yawꞈ dehꞈ le-euˬ gaˇ, nawˇ hawˇ-eu tsawˇ haˬ gʼawˬ mya ni laˬ kʼaˬ cehˇ tehꞈ-a.

Luˇkaꞈ 1:30

Mˬ taˆ gʼaˬ kʼehˇ kʼoeˇ gʼaˬ aˬ yawꞈ-ahˇ ehˇ-eu, “Maˬliˇ-oˇ, taˬ guˆ. Miˬyehˇ nawˬ-ahˇ gʼawˬ shaˬ gaˬ luꞈ meh.

Luˇkaꞈ 2:21

Nah jawˇ byah laˇ-awˇ, aˬ li kʼoeˇ li-ahˇ baˆ kʼoˆ mehˬ dzaˬ yehˬ nehˬ yamˬ tsaˬ laˇ ngeh, Yeˬsuˇ lehˇ myahˇ nehˬ-euˬ meh. Tsawˇ myahˇ kʼoeˇ-aˬ, aˬ ma-euˬ uˬ maˆ laꞈ kʼoeˇ maˬ tsehˆ leˇ mi naˆ-ehˇ mˬ taˆ gʼaˬ kʼehˇ neh biꞈ taˬ yaꞈ-euˬ tsawˇ myahˇ meh.

Gʼaˬkʼehˇ 10:31

Aˬ yawꞈ ehˇ-eu, ‘Gawˬneˬliˇ-oˇ, nawˬ-euˬ shaˇ dawˬ-ahˇ Miˬyehˇ gaˬ-awˇ, nawˬ neh shaˬ zaˬ zahˬ zaˬ-ahˇ caw ba-euˬ aˬ yawꞈ siˬ luꞈ mawˇ luꞈ meh.

Yaˇ kʼaˬ daˇ 6:23

Ehˇ kʼawꞈ, Sahˬpaˬ Miˬyehˇ aˬ yawꞈ-ahˇ ehˇ-eu, “Taˬ guˆ. Nawˇ maˬ ya shiˇ-aˇ.”

1 Saˬmeuˬlaˆ 2:21

Haˬnahˬ-ahˇ Sahˬpaˬ Miˬyehˇ aˬ diˇ aˬ maˇ guiˬ lahˬ biꞈ nehˬ-awˇ, aˬ li smˬ li hawˇ-eu aˬ buˇ nyiˬ buˇ paˇ bi jawˇ le-euˬ meh. Aˬ li Saˬmeuˬlaˆ gʼaˬ-aˬ, Sahˬpaˬ Miˬyehˇ-euˬ gaˇ mˇ mˇ-ehˇ huiˬ laˇ luꞈ-eu meh.