Lormav 10:1 - Akha

¹ Aˬ yuiꞈ aˬ nyiˇ Ka li zaˬ deuˬ-oˇ, ngaˬ-euˬ nui ma laꞈ kʼoeˇ ngaˬ-euˬ tsawˇ jeuˬ ka kʼoꞈ-eu jeˬ bi za mawꞈ dui dui nya. Aˬ yawꞈ maꞈ gʼaˇ duˬ ngaˇ guiˬ lahˬ shaˇ dui dui luꞈ ma.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹ Aqyuif aqnyir deuq-or! Irsaqleqlav tsawrhaq kakhof-eu jeq za’ni, ngaq-euq nuima geufmawf duidui-awr, aqyawf maf-euq gharduq Miqyaer-anr guiqlanq sharluf-eu ma.

Lormav 10:1 Iomraidhean Croise

Doˆ-iˇ 32:10

Nymˬ-mˇ poˆ-aˬ, ngaˬ-ahˇ taˬ laˆ tsoeˬ. Aˬ yawꞈ maꞈ-ahˇ ngaˇ nui ma pehˇ laˇ taˬ-euˬ miˇ neh, laˆ cawˆ nehˬ ma. Kʼoeˇ naˇ, nawˇ hawˇ-eu nawˬ-euˬ zaˬ nawˬ-euˬ uˆ deuˬ-ahˇ, huiˬ-eu tsawˇ jeuˬ ngaˇ bi pyeuꞈ laˇ ma.”

Doˆ-iˇ 32:13

Aˬbyaˬhaˬ, Iˇtsaˆ hawˇ-eu, Yaˬkoˆ-ahˇ noeˬ keuˆ-awˬ. Aˬ yawꞈ maꞈ nehˬ-ehˇ nawˇ dawˬ ma saˇ jaˇ dzaˬ-awˇ, aˬ yawꞈ maꞈ-euˬ zaˬ deuˬ uˆ deuˬ, mˬ kʼoeˇ taˆ tsehˬ-eu aˬ guiˇ loꞈ-ehˇ bi myaˬ bi behˇ laˇ-awˇ, nawˬ neh aˬ yawꞈ maꞈ-ahˇ biꞈ ma lehˇ saˇ jaˇ dzaˬ taˬ-euˬ miˇ kʼahˬ dawˬ tawˆ luꞈ, aˬ yawꞈ maꞈ-euˬ zaˬ deuˬ-ahˇ mˬ maˬ maˬ byaˆ zaˇ ziˇ biꞈ tsehˆ ma lehˇ ehˇ taˬ-euˬ gaˇ noeˬ keuˆ-awˬ.”

Yeˬlaˬmiˇ 17:16

Ehˇ kʼawꞈ ni Sahˬpaˬ Miˬyehˇ-oˇ, aˬ yawꞈ maꞈ kʼoeˇ taˆ shaˬ zahˬ bi keuˆ le-awˬ lehˇ nawˬ-ahˇ ngaˇ maˬ shaˇ-aˬ. Aˬ yawꞈ maꞈ-ahˇ shaˬ zahˬ laˆ naꞈ nehˬ mawꞈ-eu nui ma ngaˬ-euˬ laꞈ kʼoeˇ maˬ ahˇ-eu nawˇ siˬ nya meh. Ngaˬ neh kʼaˇ ngehˬ kʼaˇ tmˇ-euˬ jeˬ dawˬ tawˆ luꞈ nawˇ siˬ nya jiˇ meh.

Yeˬlaˬmiˇ 18:20

Yaw muiˬ jeˬ mˇ-eu yaw doeˇ oꞈ ta loˇ. Ngaˇ bi ga ahˇ-eu lehˇ aˬ yawꞈ maꞈ duˬ kʼahˬ kʼahˬ-euˬ meh. Nawˬ-euˬ nui pehˇ aˬ yawꞈ maꞈ kʼoeˇ taˆ maˬ bi keuˆ le-eu gʼaˇ duˬ, nawˬ-euˬ mehˬ shi ngaˇ yawꞈ laˇ-awˇ, aˬ yawꞈ maꞈ-euˬ dah zaˇ ngehˬ piˇ tmˇ piˇ-euˬ gaˇ, maˬ ngehˇ ni noeˬ keuˆ laꞈ.

Luˇkaꞈ 13:34

“Yeˬluˇsaˬlehˬ-oˇ, Yeˬluˇsaˬlehˬ-oˇ, Miˬyehˇ gʼaˇ duˬ ngehˬ dah-eu tsawˇ haˬ deuˬ-ahˇ nawˇ sehꞈ-awˇ, Miˬyehˇ neh kʼehˇ gʼeh leꞈ-euˬ tsawˇ haˬ deuˬ-ahˇ kʼaˬ lo neh biˬ-euˬ meh. Ya ciˆ ya ma-euˬ aˬ dahˇ neh ya ciˆ ya zaˬ deuˬ-ahˇ uˆ kaˬ-eu loꞈ-ehˇ, nawˬ-euˬ zaˬ deuˬ-ahˇ ngaˇ aˇ myaˆ poˆ uˆ kaˬ nehˬ mawꞈ-euˬ nga. Ehˇ kʼawꞈ, nawˇ ngaˬ-ahˇ kʼoeˇ loꞈ-ehˇ maˬ bi uˆ kaˬ nehˬ laꞈ-aˬ.

Yoˇhaˬ 5:34

Ngaˬ-euˬ gaˇ kawˆ aˬ cawˬ saˇ kiˇ bi kamˬ-eu lehˇ ngaˇ heu loꞈ-ehˇ ehˇ-eu maˬ ngeuˇ. Naw maꞈ ka kʼoꞈ-eu jeˬ bi za ni ehˇ-eu ma.

Lormav 10:2

Aˬ yawꞈ maꞈ Miˬyehˇ nui ma tsaˬ ni mˇ mawꞈ dui dui meh. Ehˇ kʼawꞈ, aˬ yawꞈ maꞈ mˇ-eu kʼoeˇ gaˇ ma maˬ tsaˬ-a.

Lormav 9:33

Jaˇliꞈ laꞈ kʼoeˇ ehˇ taˬ-euˬ, “Haw yawˬ, tsawˇ haˬ bi coˬ-iˇ-eu, tsawˇ haˬ sahˬ tiꞈ tiꞈ duˬ kʼaˬ lo, Ziˇoˬ meuˬ-ahˇ ngaˇ bi jaˆ ma. Ehˇ kʼawꞈ, aˬ yawꞈ-ahˇ jah-eu deuˬ daˬ ga-awˇ maˬ ya shaꞈ dawˇ-aˇ.”

1 Saˬmeuˬlaˆ 12:23

Ngaˇ tehꞈ law nmˇ-aˬ, naw maꞈ gʼaˇ duˬ guiˬ lahˬ maˬ shaˇ ni jawˇ-eu baˬ da neh ngaˬ-euˬ kʼoeˇ taˆ iˬ baˇ maˬ ya jaˆ laˇ ni yahˇ-eu gʼaˇ duˬ, Sahˬpaˬ Miˬyehˇ ngaˬ-ahˇ ehˇ nehˬ laꞈ gʼaˬ-euˬ meh. Yaw muiˬ jeˬ hawˇ-eu yaw tsaˬ yawˬ dawˇ jeˬ-ahˇ naw maꞈ mˇ ni, ngaˇ mehˬ luꞈ tsoˆ luꞈ-eu ma.

1 Saˬmeuˬlaˆ 15:11

“Ngaˬ neh Sawˇluˆ-ahˇ sahˬ paˬ bi geuꞈ-euˬ gaˇ kawˆ-ahˇ ngaˇ nui ma maˬ saˇ nya. Aˬ yawꞈ ngaˬ-ahˇ byehˇ dzeh-awˇ, ngaˬ-euˬ zahˇ dawˬ kʼoꞈ dawˬ deuˬ-ahˇ maˬ naˇ haˬ geuꞈ-a.” Saˬmeuˬlaˆ nui ma pehˇ-eu laꞈ kʼoeˇ, uˬ ciꞈ miˇ lah-ehˇ Sahˬpaˬ Miˬyehˇ-ahˇ guiˬ lahˬ shaˇ-euˬ meh.

1 Saˬmeuˬlaˆ 15:35

Saˬmeuˬlaˆ laˇ ziˇ jiˇ leˇ ngeh keuˆ ni, sahˬ paˬ-ahˇ tiˬ poˆ-iˬ maˬ paˇ ya mawˇ ni ziˇ dehꞈ jiˇ-euˬ meh. Ehˇ kʼawꞈ, sahˬ paˬ gʼaˇ duˬ aˬ yawꞈ nui ma maˬ saˇ ni toˇ toˇ-ehˇ jawˇ-euˬ meh. Kʼoeˇ ngeh, Sawˇluˆ-ahˇ Sahˬpaˬ Miˬyehˇ gʼawˬ shaˬ haw gaˬ-awˇ, Iˇsaˬleˬlaˆ tsawˇ jeuˬ-euˬ sahˬ paˬ paˇ bi geuꞈ-euˬ meh.