Lormav 1:1 - Akha

¹ Ngaˇ-aˬ, Yeˬsuˇ Ka liˬ-euˬ zaˬ kʼaˆ Pawˇluˆ ma. Miˬyehˇ-euˬ Laˬ kʼaˬ cehˇ-eu Guiˬ lahˬ dawˬ mehˬ-eu gʼaˇ duˬ, Miˬyehˇ neh tseˇ doˆ-awˇ kuˇ-euˬ gʼaˬ kʼehˇ tiˬ gʼaˬ pyeuꞈ-eu ma.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹ Ngar-aq, Yeqsur Kali-euq kuirlaf zaqkhav Pawrluv ma. Miqyaer, ngaq-anr ghaqkhaer geuf laer kur-awr, Miqyaer-euq guiqlanq dawq-euq gharduq bi tserpav taq-euq tiq ghaq ma.

Lormav 1:1 Iomraidhean Croise

1 Laˬsaˬbaˬ 23:13

Aˬ li aˬ yuiꞈ yuiꞈ saˬ gʼaˬ pyeuꞈ-eu Aˬmaˬlamˬ-aˬ, Aˬloˬ hawˇ-eu Moˇseˬ-euˬ aˬ da meh. (Aˬloˬ hawˇ-eu aˬ yawꞈ-euˬ zaˬ deuꞈ uˆ deuˬ-aˬ, mˬ maˬ maˬ byaˆ zaˇ ziˇ muiˬ-eu shawˇ-eu keu ka deuˬ-ahˇ haw-eu pyaˆ-eu gʼaˇ duˬ maˬ ehˇ, aˬ yawꞈ-euˬ tsawˇ myahˇ uˬ moˆ Iˇsaˬleˬlaˆ tsawˇ haˬ deuˬ-ahˇ dawˬ ngehˬ gʼeh nehˬ-eu gʼaˇ duˬ maˬ ehˇ, Sahˬpaˬ Miˬyehˇ-ahˇ uˬ duˬ tahˬ gaˇ yaw saw jeˬ doꞈ damˬ-eu gʼaˇ duˬ maˬ ehˇ, tseˇ doˆ taˬ-euˬ tsawˇ haˬ deuˬ pyeuꞈ-eu meh.

Iˇsaˬyaˇ 49:1

Gaˇ mahˇ kaˬ gaˇ jawˇ-eu tsawˇ haˬ deuˬ-oˇ, ngaˇ ehˇ gaˇ naˇ haˬ-awˬ. Gaˇ mahˇ kaˬ gaˇ jaˆ-eu miˇ kʼahˬ deuˬ naˇ haˬ-awˬ. Ngaˇ maˬ dehꞈ doˆ le mi naˆ-ehˇ, Sahˬpaˬ Miˬyehˇ ngaˬ-ahˇ tseˇ-awˇ, aˬ yawꞈ-euˬ zaˬ kʼaˆ bi geuꞈ laꞈ-euˬ meh.

Yeˬlaˬmiˇ 1:5

“Nawˬ ma-euˬ uˬ maˆ laꞈ kʼoeˇ nawˇ maˬ tsehˆ leˇ mi naˆ-ehˇ nawˬ-ahˇ ngaˇ siˬ nya-awˇ, nawˇ maˬ dehꞈ doˆ le mi naˆ-ehˇ, miˇ kʼahˬ tsawˇ jeuˬ dawˬ tawˆ luꞈ-ahˇ, ngaˬ-euˬ gʼaˇ duˬ bi ngehˬ dah-eu gʼaˇ duˬ, nawˬ-ahˇ ngaˇ tseˇ doˆ taˬ-euˬ ma.”

Maˬkuˆ 1:14

Yoˇhaˬ-ahˇ aˬ cawˬ neh tawˬ laꞈ kʼoeˇ bi nyehꞈ uˇ gʼaˬ ngeh, Gaˬliˬlehˇ miˇ kʼahˬ-ahˇ Yeˬsuˇ iˇ-awˇ, Miˬyehˇ-euˬ Laˬ kʼaˬ cehˇ-eu Guiˬ lahˬ dawˬ mehˬ-iˇ-euˬ meh.

Yoˇhaˬ 12:26

Ngaˬ-euˬ gaˇ mˇ mawꞈ-eu tsawˇ haˬ aˬ geuˬ gʼaˬ maˬ kaˬ, ngaˬ-euˬ mehˬ nah ya caw teh laˇ meh. Aˬ jeˬ miˇ neh ehˇ naˇ, ngaˬ-euˬ zaˬ kʼaˆ-aˬ, ngaˇ kʼaˇ jawˇ gaˇ ya jawˇ tehꞈ-a. Ngaˬ-euˬ gaˇ kʼaˇ mˇ-eu tsawˇ haˬ-ahˇ ngaˬ Da taˬ huiˬ taˬ mahˇ nehˬ tehꞈ-a.”

Yoˇhaˬ 15:15

Aˬ kaˇ naˇ, ngaˇ naw maꞈ-ahˇ zaˬ kʼaˆ lehˇ maˬ paˇ kuˇ ma. Aˬ jeˬ miˇ neh ehˇ naˇ, zaˬ kʼaˆ-aˬ, yawˬ ha-euˬ baw leˬ aˬ jeˬ mˇ luꞈ-eu gaˇ kawˆ maˬ siˬ nya-a. Ngaˇ naw maꞈ-ahˇ ngaˬ-euˬ cawˬ lehˇ kuˇ ma. Aˬ jeˬ miˇ neh ehˇ naˇ, ngaˬ Da neh kʼaˇ ehˇ nehˬ laꞈ-euˬ jeˬ naw maꞈ-ahˇ ngaˇ dzawˇ nehˬ gʼaˬ jiˇ-euˬ ma.

Yoˇhaˬ 15:20

‘Baw leˬ naˆ maˬ tseˇ huiˬ dzehˬ-eu zaˬ kʼaˆ maˬ jawˇ-a’ lehˇ ngaˬ neh naw maꞈ-ahˇ ehˇ nehˬ-euˬ dawˬ-ahˇ taˬ ngehˇ. Aˬ yawꞈ maꞈ ngaˬ-ahˇ kʼehˬ nehˬ kʼaˆ nehˬ laꞈ-euˬ-aˬ, naw maꞈ-ahˇ kʼawꞈ kʼehˬ nehˬ kʼaˆ nehˬ laꞈ tehꞈ-a. Aˬ yawꞈ maꞈ ngaˬ neh mehˬ nehˬ tsoˆ nehˬ-euˬ dawˬ-ahˇ naˇ haˬ geuꞈ naˇ, naw maꞈ neh mehˬ nehˬ tsoˆ nehˬ-euˬ dawˬ-ahˇ kʼawꞈ naˆ haˬ geuꞈ tehꞈ -a.

Gʼaˬkʼehˇ 13:9

Kʼoeˇ ngeh, Pawˇluˆ lehˇ kuˇ-eu Sawˇluˆ kʼoeˇ gʼaˬ Muiˬ-eu shawˇ-eu Yaw sahˇ Miˬyehˇ tiˬ byah ni ahˇ-eu laꞈ kʼoeˇ, maw loˬ nya-eu kʼoeˇ gʼaˬ-ahˇ haw tsoˆ taˬ-awˇ, heu loꞈ-ehˇ ehˇ nehˬ-euˬ meh.

Gʼaˬkʼehˇ 20:24

Ehˇ kʼawꞈ, ngaˬ-euˬ gʼawˇ mawˇ heu-aˬ, tiˬ jeˬ-iˬ maˬ poeˬ maˬ lawˬ-a lehˇ ngaˇ noeˬ jiˇ taˬ-euˬ ma. Ngaˇ ya mˇ-eu saˬ saˬ naˬ gaˇ heu mˇ jiˇ-awˇ, Sahˬpaˬ Yeˬsuˇ neh ngaˬ-ahˇ biꞈ taˬ-euˬ Miˬyehˇ gʼawˬ shaˬ gaˬ-eu jeˬ gaˇ kawˆ Laˬ kʼaˬ cehˇ-eu Guiˬ lahˬ dawˬ mehˬ-eu gaˇ heu mˇ luiˆ yaꞈ nya ni noeˬ tsoˆ taˬ-euˬ ma.

Gʼaˬkʼehˇ 21:40

Yaw huiˬ yaw mahˇ kʼoeˇ gʼaˬ Pawˇluˆ-ahˇ dawˬ ngehˬ-eu aˬ kawˬ-aˬ biꞈ-euˬ meh. Kʼoeˇ ngeh, Pawˇluˆ dawˬ dzm kʼoeˇ taˆ yawꞈ-awˇ, tsawˇ haˬ kʼoeˇ deuˬ-ahˇ ciˬ cuˇ ni jawˇ-eu gʼaˇ duˬ laꞈ dzawˇ dzawˇ nehˬ-euˬ meh. Aˬ yawꞈ maꞈ ciˬ cuˇ ni jawˇ ngeh, aˬ yawꞈ Heˬbyehˇ dawˬ ngehˬ-awˇ heu loꞈ-ehˇ ehˇ nehˬ-euˬ meh.

Gʼaˬkʼehˇ 22:21

Aˬ yawꞈ ngaˬ-ahˇ ehˇ-eu, ‘Iˇ-awˬ. Gaˇ mahˇ kaˬ gaˇ jawˇ-eu aˬ cawˬ tsawˇ jeuˬ tsawˇ ca deuˬ jawˇ gaˇ ngaˇ nawˬ-ahˇ kʼehˇ gʼeh-eu ma.”’

Gʼaˬkʼehˇ 22:7

Ngaˇ miˇ tsa coˬ lah gʼeh-euˬ ma. Kʼoeˇ ngeh ‘Sawˇluˆ-oˇ, Sawˇluˆ-oˇ, aˬ jeˬ miˇ neh nawˇ ngaˬ-ahˇ kʼehˬ te’ lehˇ ehˇ-eu teˇ saˇ ngaˇ ya gaˬ-euˬ ma.

Gʼaˬkʼehˇ 26:1

Sahˬ paˬ Aˬgiˇpaˆ Pawˇluˆ-ahˇ ehˇ-eu, “Nawˬ-euˬ gaˇ kawˆ nawˇ ngehˬ-eu aˬ kawˬ-aˬ jaˆ meh.” Kʼoeˇ ngeh, Pawˇluˆ aˬ laꞈ caw ja-awˇ, aˬ yawꞈ-euˬ gaˇ kawˆ heu loꞈ-ehˇ ehˇ-eu meh.

Gʼaˬkʼehˇ 26:14

Nga maꞈ yawˬ gʼaˬ na luꞈ miˇ tsa coˬ dzeh-euˬ ma. Kʼoeˇ naˇ, Heˬbyehˇ dawˬ-ahˇ neh, ngaˬ-ahˇ heu loꞈ-ehˇ ehˇ-eu teˇ saˇ-ahˇ ngaˇ ya gaˬ-euˬ ma. ‘Sawˇluˆ-oˇ, Sawˇluˆ-oˇ, aˬ jeˬ miˇ neh nawˇ ngaˬ-ahˇ kʼehˬ te. Mawˇ neˇ-ahˇ tsawˆ-eu daˇ ceh-ahˇ behˆ-eu mawˇ neˇ loꞈ-ehˇ, yawˬ haˇ yawˬ ha laˆ tahˬ laˆ naˇ-eu jeˬ nawˇ mˇ-eu nga’ lehˇ ehˇ-eu meh.

Gʼaˬkʼehˇ 27:23

Aˬ jeˬ miˇ neh ehˇ naˇ, ngaˇ uˬ duˬ tahˬ luꞈ-eu ngaˬ-ahˇ uˆ lahˇ-eu Miˬyehˇ-euˬ mˬ taˆ gʼaˬ kʼehˇ tiˬ gʼaˬ, miˇ ciꞈ ngaˇ jawˇ gaˇ oe-awˇ heu loꞈ-ehˇ ehˇ le-euˬ meh.

Gʼaˬkʼehˇ 9:15

Sahˬpaˬ Yeˬsuˇ ehˇ-eu, “Iˇ-awˬ. Aˬ jeˬ miˇ neh ehˇ naˇ, Yuˇdaˆ tsawˇ haˬ maˬ ngeuˇ-eu deuˬ maˬ ehˇ, miˇ kʼahˬ sahˬ paˬ deuˬ maˬ ehˇ, Iˇsaˬleˬlaˇ tsawˇ haˬ deuˬ maˬ ehˇ, ngaˬ-euˬ tsawˇ myahˇ-ahˇ siˬ nya laˇ ni bi mˇ-eu gʼaˇ duˬ, aˬ yawꞈ-ahˇ ngaˇ tseˇ doˆ taˬ-euˬ ma.

Lormav 1:16

Laˬ kʼaˬ cehˇ-eu Guiˬ lahˬ dawˬ-ahˇ ngaˇ nui ma huiˬ dui dui luꞈ ma. Laˬ kʼaˬ cehˇ-eu Guiˬ lahˬ dawˬ-aˬ, jah-eu tsawˇ haˬ dawˬ tawˆ luꞈ-ahˇ ka kʼoꞈ nehˬ-eu Miˬyehˇ-euˬ baoˬ pyeuꞈ-eu meh. Yuˇdaˆ tsawˇ haˬ-ahˇ neh dahˬ beh-awˇ, Yuˇdaˆ tsawˇ haˬ maˬ ngeuˇ-eu deuˬ-ahˇ keuˆ ni ka kʼoꞈ-eu meh.

Lormav 1:5

Tsawˇ jeuˬ dawˬ tawˆ luꞈ jah laˇ-awˇ naˇ haˬ geuꞈ ni sheuˬ gʼeh-eu gʼaˇ duˬ, Ka li-euˬ gʼaˬ kʼehˇ bi geuꞈ-eu lehˇ, Ka li-ahˇ gʼoe-awˇ Miˬyehˇ ngaˬ-ahˇ aˬ kawˬ-aˬ biꞈ laꞈ-euˬ meh.

Lormav 1:9

Ngaˇ ehˇ-eu dawˬ heu deuˬ tsaˬ-eu gaˇ kawˆ saˇ kiˇ-aˬ, Miˬyehˇ meh. Aˬ jeˬ miˇ neh ehˇ naˇ, ngaˇ nui ma keuˆ dui dui-awˇ aˬ yawꞈ-euˬ Zaˬmaˇ gaˇ kawˆ Laˬ kʼaˬ cehˇ-eu Guiˬ lahˬ dawˬ mehˬ-eu laꞈ kʼoeˇ aˬ yawꞈ-euˬ gaˇ mˇ luꞈ-eu ma. Ngaˇ naw maꞈ-ahˇ noeˬ keuˆ luꞈ meh lehˇ Miˬyehˇ siˬ nya meh.

Lormav 11:13

Nymˬ-mˇ poˆ jawˇ-aˬ, naw maꞈ Yuˇdaˆ tsawˇ haˬ maˬ ngeuˇ-eu deuˬ-ahˇ ngaˇ ehˇ luꞈ-eu ma. Ngaˇ-aˬ, Yuˇdaˆ tsawˇ haˬ maˬ ngeuˇ-eu deuˬ gʼaˇ duˬ gaˇ mˇ-eu gʼaˬ kʼehˇ kʼaˇ geuꞈ luꞈ kʼoeˇ keuˆ ni, ngaˬ-euˬ gaˇ-ahˇ ngaˇ taˬ huiˬ dui dui-eu ma.

Lormav 15:16

Yuˇdaˆ tsawˇ haˬ maˬ ngeuˇ-eu deuˬ-euˬ gʼaˇ duˬ gaˇ bi mˇ-eu lehˇ, ngaˬ-ahˇ Yeˬsuˇ Ka li-euˬ zaˬ kʼaˆ bi geuꞈ laꞈ-euˬ meh. Miˬyehˇ-euˬ Laˬ kʼa cehˇ-eu Guiˬ lahˬ dawˬ mehˬ-eu gaˇ-ahˇ taꞈ leˇ-awˇ, piˇ ma tiˬ gʼaˬ loꞈ-ehˇ ngaˇ gaˇ mˇ luꞈ-eu ma. Yuˇdaˆ tsawˇ haˬ maˬ ngeuˇ-eu deuˬ-ahˇ Miˬyehˇ-ahˇ lawˇ nehˬ-euˬ jeˬ loꞈ-ehˇ Miˬyehˇ ha geuꞈ nya ni, Muiˬ-eu Shawˇ-eu Yaw sahˇ Miˬyehˇ neh Miˬyehˇ-ahˇ damˬ nehˬ-euˬ jeˬ loꞈ-ehˇ bi pyeuꞈ-eu gʼaˇ duˬ, piˇ ma tiˬ gʼaˬ loꞈ-ehˇ ngaˇ mˇ luꞈ-eu ma.

Lormav 15:29

Ngaˇ naw maꞈ jawˇ gaˇ laˇ ngeh, Ka li-euˬ guiˬ lahˬ yaw dzahˇ tiˬ byah ni ahˇ-eu laꞈ kʼoeˇ laˇ ma.

Lormav 16:18

Aˬ jeˬ miˇ neh ehˇ naˇ, kʼoeˇ loꞈ-ehˇ mˇ-eu tsawˇ haˬ deuˬ-aˬ, aˬ dui-euˬ Sahˬpaˬ Yeˬsuˇ Ka li-euˬ gaˇ mˇ-eu maˬ ngeuˇ-a. Yawˬ ha-euˬ uˬ maˆ gʼaˇ duˬ shaˇ noeˬ-awˇ mehˇ shuiˇ shuiˇ-eu laꞈ kʼoeˇ iˬ baˇ maˬ ahˇ-eu tsawˇ haˬ deuˬ-ahˇ sheuˬ bahˬ-eu meh.

Lormav 16:25

Miˬyehˇ-euˬ yaw shehꞈ kʼahˬ sehˇ huiˬ dui dui gaˇ ja ceuˬ kaˇ-euˇ. Aˬ jeˬ miˇ neh ehˇ naˇ, ngaˬ neh Yeˬsuˇ Ka li gaˇ kawˆ Laˬ kʼaˬ cehˇ-eu Guiˬ lahˬ dawˬ mehˬ-euˬ loꞈ-ehˇ maˬ ehˇ, aˇ hu-euˬ ziˇ-ahˇ neh zaꞈ taˬ-euˬ yaw tsaˬ yaw dawˇ jeˬ pah mehˬ nehˬ laꞈ-euˬ loꞈ-ehˇ maˬ ehˇ, jah-eu laꞈ kʼoeˇ naw maꞈ ziꞈ dah ni yawꞈ nya ni aˬ yawꞈ jahˇ-euˬ meh.

1 Gawˇliˬtu 1:1

Yeˬsuˇ Ka li-euˬ gʼaˬ kʼehˇ geuꞈ-eu gʼaˇ duˬ Miˬyehˇ nui ma tsaˬ-awˇ kuˇ taˬ-euˬ gʼaˬ pyeuꞈ-eu ngaˇ Pawˇluˆ hawˇ-eu, aˬ duiˬ-euˬ aˬ nyiˇ pyeuꞈ-eu Suˇdeˬ nga nyaꞈ,

1 Gawˇliˬtu 9:1

Ngaˇ yawˬ ha mˇ mawꞈ-eu jeˬ maˬ mˇ nya ni bi ka lahˇ taˬ-euˬ tsawˇ haˬ nga loˇ. Gʼaˬ kʼehˇ geuꞈ luꞈ-eu tsawˇ haˬ maˬ ngeuˇ nga loˇ. Aˬ dui-euˬ Sahˬpaˬ Yeˬsuˇ-ahˇ ya mawˇ-euˬ tsawˇ haˬ maˬ ngeuˇ nga loˇ. Naw maꞈ-aˬ, Sahˬpaˬ Miˬyehˇ-euˬ gaˇ-ahˇ ngaˬ neh mˇ-awˇ mˇ doˆ shaˇ doˆ taˬ-euˬ aˇ siˬ aˇ lu deuˬ maˬ ngeuˇ te loˇ.

2 Gawˇliˬtu 1:1

Miˬyehˇ nui kʼahˇ shiˇ-eu laꞈ kʼoeˇ Yeˬsuˇ ka li-euˬ gʼaˬ kʼehˇ pyeuꞈ laˇ-euˬ ngaˇ Pawˇluˆ hawˇ-eu, aˬ dui-euˬ aˬ yuiꞈ aˬ nyiˇ Tiˆmoˇseˬ nga nyaꞈ, Gawˇliˬtu meuˬ-ahˇ jawˇ-eu Miˬyehˇ-euˬ Ka li zaˬ aˇ muˇ hawˇ-eu Aˬgaˬyaˇ miˇ kʼahˬ doe ni jawˇ-eu Miˬyehˇ-euˬ tsawˇ haˬ deuˬ jawˇ gaˇ sahˬ boꞈ boꞈ ahˇ leꞈ-eu ma.

2 Gawˇliˬtu 11:5

Huiˬ dzehˬ mahˇ dzehˬ-eu gʼaˬ kʼehˇ deuˬ lehˇ naw maꞈ kuˇ-eu gʼaˬ kʼehˇ kʼoeˇ deuˬ naˆ maˬ tseˇ ngaˇ tiˬ pawꞈ-iˬ maˬ nyiˇ teˬ lehˇ noeˬ-eu ma.

2 Gawˇliˬtu 11:7

Miˬyehˇ-euˬ Laˬ kʼaˬ cehˇ-eu Guiˬ lahˬ dawˬ mehˬ nehˬ-euˬ aˇ poeˬ, ngaˇ naw maꞈ-ahˇ tiˬ jeˬ-iˬ maˬ shaˇ haw-aˬ. Naw maꞈ-ahˇ taˬ huiˬ-eu gʼaˇ duˬ, ngaˬ-euˬ gʼawˇ mawˇ-ahˇ ngaˇ taˬ nyiˇ-euˬ ma. Ngaˇ kʼoeˇ loꞈ-ehˇ mˇ-euˬ lehˬ ta loˇ.

2 Gawˇliˬtu 12:11

Ngaˇ aˬ dzawˬ aˇ gah-euˬ dawˬ ngehˬ la. Kʼoeˇ loꞈ-ehˇ ngehˬ ni naw maꞈ neh teh suꞈ nehˬ laꞈ-euˬ meh. Naw maꞈ ngaˬ-ahˇ noeˬ muiˬ nehˬ laꞈ paˬ-ehˇ gʼeh-eu meh. Ngaˇ-aˬ, gaˇ dahˇ tsoeˬ leˇ-eu tsawˇ haˬ maˬ ngeuˇ kʼawꞈ, naw maꞈ-euˬ huiˬ dzehˬ mahˇ dzeuˬ-eu gʼaˬ kʼehˇ kʼoeˇ deuˬ taꞈ-ehˇ tiˬ pawꞈ-iˬ maˬ nyiˇ teˬ.

2 Gawˇliˬtu 2:12

Ka li gaˇ kawˆ Laˬ kʼaˬ cehˇ-eu Guiˬ lahˬ dawˬ mehˬ-eu lehˇ Daˬloˇ meuˬ-ahˇ ngaˇ laˇ keuˆ ngeh, kʼoeˇ gaˇ gaˇ mˇ nya ni Sahˬpaˬ Yeˬsuˇ ngaˬ-ahˇ gaˇ ma pah nehˬ laꞈ taˬ-euˬ gaˇ ya mawˇ-euˬ ma.

2 Gawˇliˬtu 4:5

Nga maꞈ-aˬ, yawˬ ha-euˬ gaˇ kawˆ mehˬ luꞈ-eu maˬ ngeuˇ. Yeˬsuˇ Ka li-aˬ, tsawˇ haˬ dawˬ tawˆ luꞈ-euˬ Sahˬpaˬ pyeuꞈ-awˇ, nga maꞈ-aˬ, aˬ yawꞈ-euˬ gʼaˇ duˬ naw maꞈ-euˬ zaˬ kʼaˆ pyeuꞈ-eu gaˇ kawˆ mehˬ-eu ma.

Gaˬlaˬtiˆ 1:1

Gʼaˬ kʼehˇ bi geuꞈ-eu gʼaˇ duˬ tsawˇ haˬ zaˬ neh kuˇ-euˬ maˬ ngeuˇ-ehˇ, tsawˇ haˬ zaˬ neh gʼaˬ kʼehˇ ka nehˬ-euˬ kʼawꞈ maˬ ngeuˇ ni, Yeˬsuˇ Ka li hawˇ-eu aˬ yawꞈ-ahˇ bi gʼoꞈ dehꞈ laˇ-euˬ Aˬda Miˬyehˇ neh kuˇ-euˬ gʼaˬ pyeuꞈ-eu ngaˇ Pawˇluˆ hawˇ-eu

Eˇpeˇsu 1:1

Miˬyehˇ nui ma tsaˬ-eu miˇ neh Yeˬsuˇ Ka li-euˬ gʼaˬ kʼehˇ ya geuꞈ luꞈ-eu ngaˇ Pawˇluˆ, Yeˬsuˇ Ka li laꞈ kʼoeˇ saˇ jaˇ ziꞈ-eu Eˇpeˇsu meuˬ-ahˇ jawˇ-eu Miˬyehˇ-euˬ tsawˇ haˬ deuˬ jawˇ gaˇ sahˬ boꞈ boꞈ ahˇ leꞈ-eu ma.

Eˇpeˇsu 1:13

Naw maꞈ kʼawꞈ, naw maꞈ jawˇ gaˇ ka kʼoꞈ-eu jeˬ bi keuˆ le-euˬ Laˬ kʼaˬ cehˇ-eu Guiˬ lahˬ dawˬ pyeuꞈ-eu yaw tsaˬ yaw dawˇ dawˬ-ahˇ ya gaˬ-awˇ, Miˬyehˇ-euˬ tsawˇ haˬ pyeuꞈ laˇ-euˬ meh. Naw maꞈ Ka li-ahˇ jah-awˇ, Miˬyehˇ neh saˇ jaˇ dzaˬ taˬ-euˬ loꞈ-ehˇ Muiˬ-eu Shawˇ-eu Yaw sahˇ Miˬyehˇ bi oe-eu laꞈ kʼoeˇ, aˬ yawꞈ-euˬ tsawˇ haˬ bi pyeuꞈ tsehˆ-eu gʼaˇ duˬ naw maꞈ-ahˇ jmˬ diˬ taˬ-euˬ meh.

Eˇpeˇsu 4:11

“Miˇ tsaˬ zaˬ-ahˇ laꞈ sawˬ biˬ-euˬ” gʼaˬ-aˬ, aˬ yawꞈ meh. Tiˬ paˆ na deuˬ-ahˇ gʼaˬ kʼehˇ bi geuꞈ-awˇ, tiˬ paˆ na deuˬ-ahˇ Miˬyehˇ gʼaˇ duˬ ngehˬ dah-eu tsawˇ haˬ bi geuꞈ-eu gʼaˇ duˬ maˬ ehˇ, tiˬ paˆ na deuˬ-ahˇ Laˬ kʼaˬ cehˇ-eu Guiˬ lahˬ dawˬ mehˬ-eu tsawˇ haˬ bi geuꞈ-eu gʼaˇ duˬ maˬ ehˇ, tiˬ paˆ na deuˬ-ahˇ Ka li zaˬ aˇ muˇ-ahˇ sheuˬ gʼeh-eu saˬ laˬ bi geuꞈ-eu gʼaˇ duˬ maˬ ehˇ, mehˬ-eu tsoˆ-eu saˬ laˬ bi geuꞈ-eu gʼaˇ duˬ maˬ ehˇ, aˬ yawꞈ laꞈ sawˬ biꞈ-euˬ meh.

Dawˬmehˬ 10:8

Kʼoeˇ ngeh, Dawˬ ma saˇ jaˇ Bahˬ keuˆ-ahˇ haw-eu pyaˆ-eu gʼaˇ duˬ maˬ ehˇ, piˇ ma geuꞈ-eu gʼaˇ duˬ maˬ ehˇ, Sahˬpaˬ Miˬyehˇ-euˬ tsawˇ myahˇ laꞈ kʼoeˇ aˬ cawˬ-ahˇ dawˬ ngehˬ gʼeh nehˬ-eu gʼaˇ duˬ maˬ ehˇ, Leˬbiˇ tsawˇ jeuˬ-ahˇ Sahˬpaˬ Miˬyehˇ tseˇ doˆ-euˬ meh. Iˬ nah keuˆ ni gaˇ heu deuˬ aˬ yawꞈ maꞈ tawˬ luꞈ-eu meh.

Piˇliˇpiˆ 1:1

Yeˬsuˇ Ka li-euˬ zaˬ kʼaˆ pyeuꞈ-eu Pawˇluˆ hawˇ-eu Tiˆmoˇseˬ nga nyaꞈ, Yeˬsuˇ Ka li laꞈ kʼoeˇ Piˇliˇpiˆ meuˬ-ahˇ jawˇ luꞈ-eu Ka li zaˬ aˇ muˇ-ahˇ sheuˬ gʼeh-eu deuˬ, caw dehˬ caw toˆ-eu deuˬ hawˇ-eu, Miˬyehˇ-euˬ tsawˇ haˬ dawˬ tawˆ luꞈ-ahˇ sahˬ boꞈ boꞈ ahˇ laꞈ-eu ma.

Piˇliˇpiˆ 2:11

Aˬda Miˬyehˇ kʼahˬ sehˇ jaˆ ni, Yeˬsuˇ Ka li Sahˬpaˬ meh lehˇ, mehˬ luˬ kʼaˇ tsoꞈ-eu guˇ tehꞈ-a.

Gawˇlawˇsehˇ 1:1

Miˬyehˇ nui ma tsaˬ-eu miˇ neh Yeˬsuˇ Ka li-euˬ gʼaˬ kʼehˇ geuꞈ luꞈ-eu ngaˇ Pawˇluˆ hawˇ-eu, aˬ dui-euˬ aˬ nyiˇ Tiˆmoˇseˬ nga nyaꞈ,

Gawˇlawˇsehˇ 1:25

Ngaˇ-aˬ, Ka li zaˬ aˇ muˇ-euˬ zaˬ kʼaˆ geuꞈ-eu gʼaˇ duˬ Miˬyehˇ neh kʼehˇ taˬ-euˬ tsawˇ haˬ ma. Naw maꞈ gʼaˇ duˬ muiˬ ni aˬ yawꞈ ngaˬ-ahˇ gaˇ heu hmˬ bi mˇ laꞈ-euˬ meh. Gaˇ heu-aˬ, aˬ yawꞈ-euˬ dawˬ tiˬ byah tiˬ loꞈ ja mehˬ-eu gʼaˇ duˬ pyeuꞈ-eu meh.

1 Teˇsaˬloˇni 2:2

Naw maꞈ jawˇ-eu Teˇsaˬloˇni meuˬ-ahˇ nga maꞈ maˬ oe mi naˆ-ehˇ, Piˇliˇpiˆ meuˬ laꞈ kʼoeˇ aˬ cawˬ nga maꞈ-ahˇ kʼehˬ nehˬ kʼaˆ nehˬ laꞈ-awˇ yehˬ bawˬ sehˇ lu-ehˇ ehˇ nehˬ laꞈ gaˇ ya daˬ-euˬ naw maꞈ siˬ nya meh. Laˆ tsoeˬ-eu gʼawˬ mya jeˬ jaˆ kʼawꞈ, Miˬyehˇ-euˬ Laˬ kʼaˬ cehˇ-eu Guiˬ lahˬ dawˬ naw maꞈ-ahˇ mehˬ nehˬ nya ni, aˬ dui-euˬ Miˬyehˇ nga maꞈ-ahˇ gʼaˬ biꞈ laꞈ-euˬ meh.

1 Teˇsaˬloˇni 2:8

Naw maꞈ-ahˇ nga maꞈ gʼoeˇ dui gaˬ dui dui-eu miˇ neh, Miˬyehˇ-euˬ Laˬ kʼaˬ cehˇ-eu Guiˬ lahˬ dawˬ tehꞈ-ehˇ maˬ ngeuˇ ni, nga maꞈ-euˬ gʼawˇ mawˇ kʼawꞈ naw maꞈ gʼaˇ duˬ shiˇ dah nehˬ coeˇ ma. Naw maꞈ-ahˇ nga maꞈ gaˬ dui dui-eu ma.

1 Teˇsaˬloˇni 2:9

Aˬ yuiꞈ aˬ nyiˇ Ka li zaˬ deuˬ-oˇ, nga maꞈ aˇ naˆ ni shaˬ shaˬ-ehˇ mˇ dui dui-euˬ gaˇ kawˆ naw maꞈ siˬ duˬ luꞈ meh. Naw maꞈ-ahˇ Miˬyehˇ-euˬ Laˬ kʼaˬ cehˇ-eu Guiˬ lahˬ dawˬ mehˬ ngeh, nga maꞈ gʼaˇ duˬ naw maꞈ pyuˇ shuiˇ maˬ bi jiˇ mawꞈ-eu miˇ neh, uˬ ciꞈ nah gʼahˇ maˬ ehˇ maˬ naˬ ni nga maꞈ leh jeh-euˬ ma.

1 Tiˆmoˇseˬ 1:1

Aˬ dui-ahˇ Ka kʼoꞈ-eu gʼaˬ pyeuꞈ-eu Miˬyehˇ hawˇ-eu, aˬ dui-euˬ noeˬ tmˬ duˬ pyeuꞈ-eu Yeˬsuˇ Ka li neh dawˬ biꞈ-euˬ baˬ da neh Yeˬsuˇ Ka li-euˬ gʼaˬ kʼehˇ geuꞈ luꞈ-eu ngaˇ Pawˇluˆ,

1 Tiˆmoˇseˬ 2:7

Kʼoeˇ miˇ neh, jah-eu jeˬ hawˇ-eu yaw tsaˬ yaw dawˇ jehˬ-ahˇ taꞈ-eu guiˬ lah dawˬ mehˬ-eu gʼaˇ duˬ, Yuˇdaˆ tsawˇ haˬ maˬ ngeuˇ-eu aˬ cawˬ tsawˇ jeuˬ jawˇ gaˇ gʼaˬ kʼehˇ hawˇ-eu mehˬ-eu tsoˆ-eu saˬ laˬ bi geuꞈ-eu lehˇ, Miˬyehˇ neh ngaˬ-ahˇ kʼehˇ gʼeh laꞈ-euˬ meh. Ngaˇ jaˬ myawꞈ maˬ myawꞈ. Dawˇ coe ni ehˇ-eu ma.

2 Tiˆmoˇseˬ 1:11

Laˬ kʼaˬ cehˇ-eu Guiˬ lahˬ dawˬ mehˬ-eu gʼaˬ kʼehˇ hawˇ-eu mehˬ-eu tsoˆ-eu gʼaˬ bi geuꞈ-eu gʼaˇ duˬ, Miˬyehˇ ngaˬ-ahˇ tseˇ doˆ-euˬ meh.

Tiˇtuˆ 1:1

Miˬyehˇ-euˬ zaˬ kʼaˆ hawˇ-eu Yeˬsuˇ Ka li-euˬ gʼaˬ kʼehˇ yeuꞈ-eu ngaˇ Pawˇluˆ heu loꞈ-ehˇ sahˬ boꞈ boꞈ ahˇ leꞈ-eu ma. Miˬyehˇ neh tseˇ doˆ-euˬ tsawˇ haˬ deuˬ-euˬ jah-eu jeˬ-ahˇ caw dehˬ caw toˆ nehˬ-awˇ, aˬ dui-euˬ uˬ duˬ tahˬ-eu zahˇ sahˇ kʼoꞈ heu neh mehˬ taˬ tsoˆ taˬ-euˬ yaw tsaˬ yaw dawˇ jeˬ-ahˇ siˬ nya laˇ ni sheuˬ gʼeh nehˬ-eu gʼaˇ duˬ, ngaˬ-ahˇ tseˇ doˆ-awˇ kʼehˇ gʼeh leꞈ-euˬ meh.

HeˬByehˇ 5:4

Tsawˇ haˬ tiˬ gʼaˬ-iˬ yawˬ haˇ yawˬ ha piˇ ma yaw huiˬ gʼaˬ maˬ tsaˬ geuꞈ nya-a. Aˬloˬ-ahˇ Miˬyehˇ neh kuˇ-euˬ gaˇ duˇ ni, Miˬyehˇ neh kuˇ-euˬ tsawˇ haˬ tehꞈ-ehˇ piˇ ma yaw huiˬ gʼaˬ geuꞈ nya-eu meh.

HeˬByehˇ 7:26

Kʼoeˇ baˬ da neh, Yeˬsuˇ-aˬ, aˬ dui kʼaˇ loˬ-eu jeˬ mˇ byah nehˬ nya-eu Piˇma Yaw huiˬ gʼaˬ pyeuꞈ-eu meh. Aˬ yawꞈ-aˬ, yaw muiˬ yaw shawˇ meh. Ehˇ kʼaˇ tiˬ pawꞈ-iˬ maˬ za-eu uˬ taꞈ, iˬ baˇ tiˬ pawꞈ-iˬ maˬ ahˇ-a. Iˬ baˇ zaˬ deuˬ nehˬ-ehˇ maˬ bi keuˬ ni aˬ yawꞈ-ahˇ Miˬyehˇ yuˇ doˆ taˬ-awˇ, mˬ naˆ maˬ tseˇ goˇ-eu tiˆ-ahˇ ciˬ huiˬ ciˬ mahˇ keuˆ nehˬ-euˬ meh.

Yaˬkoˆ 1:1

Miˬyehˇ hawˇ-eu Sahˬpaˬ Yeˬsuˇ Ka li-euˬ zaˬ kʼaˆ pyeuꞈ-eu ngaˇ Yaˬkoˆ, Miˇ tsaˬ heu kʼoeˇ taˆ jawˇ byaˆ taˬ-euˬ Miˬyehˇ-euˬ tsawˇ haˬ dawˬ tawˆ luꞈ-ahˇ dawˬ cawˬ puˬ ahˇ laꞈ-eu ma.

1 Beˬtuˆluˆ 4:17

Yaˇ kʼaˬ daˇ-eu aˇ yamˬ peh le-euˬ meh. Miˬyehˇ-euˬ tsawˇ haˬ deuˬ-ahˇ jeˬ huˬ daˇ-eu lehˇ gʼeh-eu meh. Aˬ dui-ahˇ jeˬ huˬ daˇ dahˬ beh naˇ, Miˬyehˇ jawˇ gaˇ neh oe-euˬ Laˬ kʼaˬ cehˇ-eu Guiˬ lahˬ dawˬ-ahˇ maˬ jah-eu tsawˇ haˬ deuˬ gʼaˇ duˬ aˬ joˆ-ehˇ aˇ saˬ saˬ nmˇ.

2 Beˬtuˆluˆ 1:1

Yeˬsuˇ Ka li-euˬ zaˬ kʼaˆ hawˇ-eu gʼaˬ kʼehˇ pyeuꞈ-eu ngaˇ Siˇmoˬ Beˬtuˆluˆ, Miˬyehˇ hawˇ-eu Ka kʼoꞈ-eu gʼaˬ pyeuꞈ-eu Yeˬsuˇ Ka li-euˬ yaw tsaˬ yaw dawˇ jeˬ baˬ da neh nga maꞈ-euˬ jah-eu jeˬ-ahˇ duˇ-eu aˇ poeˬ kʼaˆ dui dui-eu jah-eu jeˬ za taˬ-euˬ deuˬ jawˇ gaˇ sahˬ boꞈ boꞈ ahˇ laꞈ-eu ma.

Yuˇdaˆ 1:1

Yeˬsuˇ Ka li-euˬ zaˬ kʼaˆ hawˇ-eu Yaˬkoˆ-euˬ mehˇ nmˇ pyeuꞈ-eu ngaˇ Yuˇdaˆ, Aˬda Miˬyehˇ-euˬ gʼoeˇ-eu gaˬ-eu jeˬ hawˇ-eu Yeˬsuˇ Ka li-euˬ bo saˆ haw piˇ-eu jeˬ laꞈ kʼoeˇ jawˇ luꞈ-eu, Miˬyehˇ neh kuˇ doˆ taˬ-euˬ tsawˇ haˬ deuˬ jawˇ gaˇ sahˬ boꞈ boꞈ ahˇ laꞈ-eu ma.

Panmaeq 1:1

Sahˬ boꞈ heu taꞈ-aˬ, Yeˬsuˇ Ka li neh pah mehˬ laꞈ-euˬ gaˇ kawˆ deuˬ boꞈ taˬ-euˬ sahˬ boꞈ pyeuꞈ-eu meh. Gʼawˬ myahˇ maˬ gʼeh-ehˇ aˬ joˆ-ehˇ pyeuꞈ laˇ-eu lehˇ gʼeh-eu gaˇ kawˆ aˬ yawꞈ-euˬ zaˬ kʼaˆ deuˬ-ahˇ bi siˬ bi mawˇ-eu gʼaˇ duˬ, Miˬyehˇ neh aˬ yawꞈ-ahˇ heu loꞈ-ehˇ pah mehˬ nehˬ-euˬ jeˬ pyeuꞈ-eu meh. Ka li-aˬ, Yoˇhaˬ jawˇ gaˇ aˬ yawꞈ-euˬ mˬ taˆ gʼaˬ kʼehˇ bi oe-awˇ gaˇ kawˆ heu deuˬ bi siˬ bi mawˇ le-euˬ meh.

Panmaeq 22:6

Kʼoeˇ naˇ, mˬ taˆ gʼaˬ kʼehˇ kʼoeˇ gʼaˬ ngaˬ-ahˇ heu loꞈ-ehˇ ehˇ-eu meh. “Dawˬ heu deuˬ-aˬ, tsaˬ dui dawˇ dui dui-awˇ, jah dui dui paˬ-ehˇ gʼeh-eu dawˬ deuˬ meh. Kʼoeˇ naˇ, Miˬyehˇ gʼaˇ duˬ ngehˬ dah-eu deuˬ-ahˇ Yaw sahˇ Miˬyehˇ biꞈ-euˬ gʼaˬ pyeuꞈ-eu Sahˬpaˬ Miˬyehˇ-aˬ, aˬ yawꞈ-euˬ mˬ taˆ gʼaˬ kʼehˇ pyehˬ gʼeh-awˇ, gʼawˬ myahˇ maˬ gʼeh-ehˇ pyeuꞈ laˇ-eu gaˇ kawˆ aˬ yawꞈ-euˬ zaˬ kʼaˆ deuˬ-ahˇ bi mehˬ-iˇ-euˬ meh.”

Panmaeq 22:9

Ehˇ kʼawꞈ, aˬ yawꞈ ngaˬ-ahˇ ehˇ-eu, “Teu loꞈ-ehˇ taˬ gʼeh. Ngaˇ-aˬ, nawˬ loꞈ-ehˇ Miˬyehˇ-euˬ zaˬ kʼaˆ tiˬ gʼaˬ pyeuꞈ-eu nawˬ-euˬ cawˬ ma. Nawˬ-euˬ aˬ yuiꞈ aˬ nyiˇ Ka li zaˬ pyeuꞈ-eu Miˬyehˇ gʼaˇ duˬ ngehˬ dah-eu deuˬ hawˇ-eu, sahˬ boꞈ heu taꞈ laꞈ kʼoeˇ kʼaˇ boꞈ taˬ-euˬ dawˬ deuˬ-ahˇ naˇ haˬ geuꞈ-eu tsawˇ haˬ deuˬ-euˬ cawˬ pyeuꞈ-eu ma. Miˬyehˇ-ahˇ uˬ duˬ tahˬ-awˬ.”