Jaceuq 99:7 - Akha

⁷ Mˬ dmˇ kʼawˇ zeuˇ laꞈ kʼoeˇ aˬ yawꞈ maꞈ-ahˇ dawˬ ngehˬ cawˬ-awˇ, aˬ yawꞈ neh biꞈ-euˬ zahˇ dawˬ kʼoꞈ dawˬ hawˇ-eu zahˇ sahˇ kʼoꞈ deuˬ-ahˇ, aˬ yawꞈ maꞈ naˇ haˬ geuꞈ-euˬ meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁷ Aqyawf, aqyawf maf-anr mqdmr-euq khawrzeur-euq lafkhoer nae ngaeqcawq-awr; Aqyawfmaf, aqyawf nae bif-euq zanrtaq khoftaq hawr-eu, Dawqtmr dawqdzawr-anr cantae-euq mae.

Jaceuq 99:7 Iomraidhean Croise

Jaceuq 105:28

Miˇ kʼahˬ kʼoeˇ kʼahˬ kʼoeˇ taˆ zahˇ tsui ni gʼeh-eu jeˬ Miˬyehˇ bi keuˆ le kʼawꞈ aˬ yawꞈ-euˬ dawˬ-ahˇ Iˇjiˇtuˆ tsawˇ haˬ deuˬ maˬ naˇ haˬ geuꞈ-a.

Doˆ-iˇ 19:9

Moˇseˬ-ahˇ Sahˬpaˬ Miˬyehˇ ehˇ nehˬ-eu, “Ngaˇ nawˬ-ahˇ dawˬ ngehˬ cawˬ gaˇ tsawˇ haˬ heu deuˬ ya gaˬ-awˇ, aˬ kaˇ naˇ, aˬ yawꞈ maꞈ nawˬ-ahˇ jah laˇ ni, zahˇ tsui ni gʼeh-eu mˬ dmˇ laꞈ kʼoeˇ nawˇ jawˇ gaˇ ngaˇ oe ma.” Tsawˇ haˬ kʼoeˇ deuˬ neh ehˇ-euˬ dawˬ kʼoeˇ dawˬ, Sahˬpaˬ Miˬyehˇ-ahˇ Moˇseˬ tsaꞈ nehˬ leˇ-euˬ meh.

Doˆ-iˇ 33:9

Sehˬ gʼawˆ laꞈ kʼoeˇ Moˇseˬ le uˇ gʼaˬ ngeh, mˬ dmˇ kʼawˇ zeuˇ Sehˬ gʼawˆ gʼoˆ kʼehˬ-ahˇ zaꞈ le-awˇ, mˬ dmˇ laꞈ kʼoeˇ Moˇseˬ-ahˇ Sahˬpaˬ Miˬyehˇ dawˬ ngehˬ cawˬ-eu meh.

Doˆ-iˇ 40:16

Sahˬpaˬ Miˬyehˇ neh dawˬ kʼaˇ biꞈ taˬ-euˬ loꞈ-ehˇ, yawˬ jeˬ na luꞈ-ahˇ Moˇseˬ mˇ-euˬ meh.

Dawqdaq 28:9

Zahˇ sahˇ kʼoꞈ mehˬ nah maˬ caw teh-eu tsawˇ haˬ-euˬ guiˬ lahˬ shaˇ dawˬ-ahˇ, Miˬyehˇ nui daˆ daˆ-eu meh.

Bawˇtsahˬ 12:5

Mˬ dmˇ kʼawˇ zeuˇ laꞈ kʼoeˇ Sahˬpaˬ Miˬyehˇ zaꞈ le-awˇ, Sehˬ gʼawˆ-euˬ gʼoˆ kʼehˬ-ahˇ yawꞈ-awˇ, Aˬloˬ hawˇ-eu Miˇliˬyaˬ-ahˇ kuˇ-euˬ meh. Kʼoeˇ ngeh, aˬ yawꞈ nyaꞈ mehˬ hu paw jiˆ doˆ leˇ-euˬ meh.

Bawˇtsahˬ 16:15

Moˇseˬ nui ma pehˇ laˇ-awˇ, Sahˬpaˬ Miˬyehˇ-ahˇ ehˇ nehˬ-eu, “Tsawˇ haˬ heu deuˬ neh yuˇ laꞈ-euˬ lawˇ-eu jeˬ-ahˇ taˬ ha geuꞈ. Aˬ yawꞈ maꞈ kʼoeˇ taˆ yaw lehˬ tiˬ jeˬ-iˬ ngaˇ maˬ mˇ haw-aˬ. Aˬ yawꞈ maꞈ-euˬ mahˬ tahˬ laˆ tiˬ mawˇ tsahˇ geuꞈ taˬ-euˬ kʼawꞈ maˬ jaˆ.”

Dawˬmehˬ 33:9

Aˬ da aˬ ma-ahˇ naˆ maˬ tseˇ, nawˬ-ahˇ yawꞈ maꞈ saˇ jaˇ ziꞈ-awˇ, mehˇ nmˇ hawˇ-eu zaˬ-ahˇ maˬ tseˇ, nawˬ-ahˇ nui ma taꞈ dzehˬ-eu meh. Nawˬ-euˬ dawˬ ma saˇ jaˇ laꞈ kʼoeˇ, maˬ poˆ maˬ paˇ ni ziꞈ-eu meh.

Dawˬmehˬ 4:5

“Ngaˬ-euˬ Miˬyehˇ pyeuꞈ-eu Sahˬpaˬ Miˬyehˇ neh kʼaˇ bi ngehˬ kʼaˇ bi tmˇ laꞈ-euˬ loꞈ-ehˇ, zahˇ dawˬ kʼoꞈ dawˬ dawˬ tawˆ luꞈ naw maꞈ-ahˇ ngaˇ mehˬ nehˬ tsoˆ nehˬ gʼaˬ-euˬ ma. Naw maꞈ jawˇ uˇ leˇ-eu lehˇ gʼeh-eu miˇ kʼahˬ laꞈ kʼoeˇ, kʼoeˇ deuˬ-ahˇ naw maꞈ naˇ haˬ geuꞈ-awˬ.

HeˬByehˇ 3:2

Moˇseˬ Miˬyehˇ-euˬ nymˇ jiˇ laꞈ kʼoeˇ gaˇ mˇ-euˬ saˇ jaˇ ziꞈ-eu loꞈ-ehˇ, Miˬyehˇ-euˬ gaˇ mˇ-eu gʼaˇ duˬ aˬ yawꞈ-ahˇ tseˇ doˆ-eu gʼaˬ pyeuꞈ-eu Miˬyehˇ-ahˇ aˬ yawꞈ saˇ jaˇ ziꞈ-euˬ meh.