Jaceuq 99:1 - Akha

¹ Sahˬpaˬ Miˬyehˇ-aˬ, sahˬ paˬ pyeuꞈ-eu meh. Tsawˇ haˬ zaˬ deuˬ guˆ-awˇ yaw dzuˬ dzuˬ-eu meh. Jeˬluˇbeˬ mawˇ kawˇ kʼoeˇ taˆ jaˆ-eu aˬ yawꞈ-euˬ nuiˇ mahˬ kʼoeˇ taˆ aˬ yawꞈ nuiˇ luꞈ-awˇ, miˇ tsaˬ miˇ luˆ luˆ-eu meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹ Ya’we Miqyaer uvlanrluf mae. Tsawrhaqzaq yawdzuq bidzuq-awq! Aqyawf, Jeqlurbeq-euq yawkaq-anr jawr-eu mae. Mirtsaq mirluv bi luvlar-awq!

Jaceuq 99:1 Iomraidhean Croise

2 Saˬmeuˬlaˆ 6:2

Daˬbiˇ tsawˇ haˬ kʼoeˇ deuˬ sheuˬ-awˇ, Dawˬ ma saˇ jaˇ Bahˬ keuˆ baꞈ laˬ-iˇ-eu lehˇ, Yuˇdaˆ miˇ kʼahˬ Baˬlahˬ meuˬ-ahˇ iˇ-euˬ meh. Dawˬ ma saˇ jaˇ Bahˬ keuˆ kʼoeˇ, Baoˬ huiˬ-eu Sahˬpaˬ Miˬyehˇ-euˬ tsawˇ myahˇ pi luꞈ-awˇ, bahˬ keuˆ kʼoeˇ taˆ jaˆ-eu jeˬluˇbeˬ mawˇ kawˇ kʼoeˇ taˆ, aˬ yawꞈ-euˬ nuiˇ mahˬ jaˆ-eu meh.

1 Laˬsaˬbaˬ 16:30

Miˇ tsaˬ zaˬ dawˬ tawˆ dawˬ lawˆ luꞈ, aˬ yawꞈ mehˬ shi yaw dzuˬ dzuˬ yawˬ. Miˇ tsaˬ ziꞈ dah ni ciˬ ziꞈ-awˇ, maˬ luˆ laˇ ni yawꞈ jahˇ-euˬ meh.

Jaceuq 18:10

Jeˬluˇbeˬ -ahˇdziˬ-awˇzaw-awˇ, jaˬlehˇkʼoeˇtaˆgʼa le-euˬ meh.

Jaceuq 2:6

“Ngaˬ-euˬ muiˬ-eu shawˇ-eu gawˬjawˬ, Ziˇoˬ gawˬjawˬ heu-euˬkʼoeˇ taˆ, dzoeˬdzaˬsahˬpaˬ ciˬnuiˇ-euˬma.”

Jaceuq 80:1

Iˇsaˬleˬlaˆ tsawˇ jeuˬ-ahˇ bo-eu yawˇ bo-eu gʼaˬ-oˇ, nga maꞈ-euˬ shaˇ dawˬ-ahˇ naˇ haˬ nehˬ laꞈ. Yawˇ maꞈ-ahˇ sheuˬ gʼeh-eu gʼaˬ-oˇ, nga maꞈ-ahˇ naˬ bawˇ ciˬ kʼmˇ nehˬ laꞈ. Jeˬluˇbeˬ kʼoeˇ taˆ nuiˇ luꞈ-eu gʼaˬ-oˇ,

Jaceuq 80:2

Eˇpaˬleˬ tsawˇ jeuˬ, Beˬyaˬmiˬ tsawˇ jeuˬ hawˇ-eu Maˬnaˇseˬ tsawˇ jeuˬ-ahˇ, nawˬ-euˬ gʼawˇ mawˇ pah mehˬ nehˬ laꞈ. Nawˬ-euˬ gʼaˬ nga maꞈ-ahˇ bi mawˇ laꞈ-awˇ, nga maꞈ-ahˇ ka kʼoꞈ le-awˬ.

Jaceuq 82:5

“Naw maꞈ aˇ naˆ naˆ-ehˇ laꞈ-i-awˇ, aˇ naˆ naˆ-ehˇ gah te. Naw maꞈ geuꞈ-eu tiˬ pawꞈ-iˬ maˬ ahˇ ni cawˆ jiˇ-awˇ, miˇ tsaˬ kʼoeˇ taˆ yaw tsaˬ yaw dawˇ jeˬ maˬ paˇ jaˆ meh.

Jaceuq 93:1

Sahˬpaˬ Miˬyehˇ-aˬ, sahˬ paˬ pyeuꞈ-eu meh. Baoˬ yaw shehꞈ kʼahˬ sehˇ hawˇ-eu gʼaˬ huiˬ-eu jeˬ-ahˇ aˬ yawꞈ dm taˬ-euˬ meh. Miˇ tsaˬ tahˬ kʼawˇ-ahˇ ziꞈ dah ni ciˬ tsaˬ taˬ-awˇ, maˬ luˆ-iˇ nya-a.

Jaceuq 96:10

Sahˬpaˬ Miˬyehˇ uˆ lahˇ luꞈ-eu gaˇ kawˆ, miˇ tsaˬ tahˬ kʼawˇ-ahˇ aˬ yawꞈ ziꞈ dah ni ciˬ tsaˬ taˬ-awˇ, maˬ luˆ laˇ nya-eu gaˇ kawˆ hawˇ-eu, tsawˇ haˬ zaˬ-ahˇ aˬ yawꞈ dawˇ coe ni yaˇ kʼaˬ daˇ-eu gaˇ kawˆ deuˬ, tsawˇ jeuˬ dawˬ tawˆ luꞈ-ahˇ ja mehˬ nehˬ-awˬ.

Jaceuq 96:9

Muiˬ-eu shawˇ-eu Gʼaˬ doˆ le ngeh, aˬ yawꞈ mehˬ shi awˆ byaˆ-awˬ. Miˇ tsaˬ dawˬ tawˆ luꞈ aˬ yawꞈ mehˬ shi yaw dzuˬ dzuˬ-awˬ.

Jaceuq 97:1

Sahˬpaˬ Miˬyehˇ sahˬ paˬ pyeuꞈ-eu meh. miˇ tsaˬ tahˬ kʼawˇ laˬ kʼaˬ cehˇ-awˬ. Iˬ ma laˆ shaˆ iˇ jaw lahˇ deuˬ kʼawꞈ laˬ kʼaˬ cehˇ-awˬ.

Jaceuq 97:4

Aˬ yawꞈ-euˬ mˬ jeˬ tsawˬ tehˆ miˇ tsaˬ-ahˇ yaw shehꞈ bya-awˇ, miˇ tsaˬ yaw dzuˬ dzuˬ-eu meh.

Doˆ-iˇ 25:22

Nawˬ-ahˇ ngaˇ kʼoeˇ gaˇ tahˬ puˬ-awˇ, Iˇsaˬleˬlaˆ tsawˇ haˬ gʼaˇ duˬ zahˇ dawˬ kʼoꞈ dawˬ dawˬ tawˆ luꞈ, bahˬ keuˆ kʼawˬ pymˬ kʼoeˇ taˆ, Jeˬluˇbeˬ mawˇ kawˇ nyiˬ hmˬ yaw kaˬ-ahˇ, nawˬ-ahˇ ngaˇ biꞈ ma.

Iˇsaˬyaˇ 19:14

Aˬ yawꞈ maꞈ oˇ lo maˇ la-ehˇ pyeuꞈ iˇ ni, Sahˬpaˬ Miˬyehˇ jahˇ nehˬ-euˬ miˇ neh, jiˇ baˬ yehꞈ-eu tsawˇ haˬ tiˬ gʼaˬ, yawˬ ha-euˬ uˬ pehꞈ kʼoeˇ taˆ coˬ daˆ-eu loꞈ-ehˇ, Iˇjiˇtuˆ miˇ kʼahˬ kuiˇ toꞈ maˬ ciˬ tsaˬ nya-a.

Yeˬlaˬmiˇ 4:24

Gawˬ jawˬ deuˬ-ahˇ ngaˇ haw gʼeh ngeh, miˇ luˆ luˆ luꞈ gaˇ ya mawˇ-awˇ, gawˬ duˇ kʼaˇ ngeuˇ-eu nyeh laˇ taˬ-euˬ meh.

Yeˬlaˬmiˇ 49:21

Eˬdoˬ meuˬ byaˆ-iˇ ngeh, teˇ saˇ kʼaˆ dui dui-eu miˇ neh, miˇ tsaˬ tahˬ kʼawˇ nyeh laˇ-awˇ, tsawˇ haˬ zaˬ guˇ-awˇ ngoeˇ-eu teˇ saˇ, Aˬgaˬbaˬ iˬ ma laˆ shaˆ lahˇ gʼoꞈ-ahˇ keuˆ ni gaˬ keuˆ iˇ tehꞈ-a.

Yeˬlaˬmiˇ 5:22

Ngaˇ Sahˬpaˬ Miˬyehˇ pyeuꞈ-eu ma. Aˬ jeˬ baˬ da neh naw maꞈ ngaˬ-ahˇ maˬ guˆ-ehˇ, ngaˬ-euˬ mehˬ shi yaw dzuˬ maˬ dzuˬ-eu nya. Kʼaˇ shuiꞈ neh iˬ ma laˆ shaˆ-euˬ miˇ kaˬ ngaˇ taw taˬ-awˇ, kʼaˇ shuiꞈ lawˇ deh nui paw tiˬ jawˇ-iˬ maˬ oe dzeuˇ nya-a. Iˇ luˆ dzeh kʼawꞈ maˬ dzeh dzeuˇ leꞈ nya-ehˇ, iˇ kʼawˇ tahˬ kʼawꞈ maˬ tahˬ paˆ doˆ nya-a.

Yeˬlaˬmiˇ 50:46

Baˬbuˇloˬ meuˬ byaˆ-iˇ ngeh, teˇ saˇ kʼaˆ dui dui-eu miˇ neh, miˇ tsaˬ tahˬ kʼawˇ nyeh laˇ-awˇ, tsawˇ haˬ zaˬ guˆ-awˇ, ngoeˇ-eu teˇ saˇ aˬ cawˬ miˇ kʼahˬ doe ni gaˬ keuˆ-iˇ tehꞈ-a.”

Yeˬsaˬgeˬlaˇ 43:7

“Tsawˇ haˬ zaˬ-oˇ, ngaˬ-euˬ nuiˇ mahˬ heu gaˇ jaˆ-eu ma. Heu gaˇ Iˇsaˬleˬlaˆ tsawˇ haˬ nehˬ-ehˇ ngaˇ jawˇ-awˇ, aˬ yawꞈ maꞈ-ahˇ mˬ maˬ maˬ byaˆ zaˇ ziˇ uˆ lahˇ ma. Iˇsaˬleˬlaˆ tsawˇ haˬ deuˬ maˬ kaˬ, aˬ yawꞈ maꞈ-euˬ sahˬ paˬ deuˬ maˬ kaˬ, miˬ yehˇ nui deuˬ-ahˇ uˬ duˬ tahˬ-eu laꞈ kʼoeˇ maˬ ehˇ, jawˇ duˬ heu tsahˇ-ahˇ sahˬ paˬ deuˬ-euˬ mawˇ kawˇ ka tuˇ-eu laꞈ kʼoeˇ maˬ ehˇ, ngaˬ-euˬ tsawˇ myahˇ-ahˇ laˆ cawˆ-eu jeˬ tiˬ jawˇ-iˬ maˬ paˇ mˇ-aˇ.

Luˇkaꞈ 19:12

Kʼoeˇ miˇ neh, aˬ yawꞈ heu loꞈ-ehˇ ehˇ-eu meh. “Sahˬ paˬ-euˬ aˇ jeuˬ pyeuꞈ-eu yaw huiˬ yaw mahˇ tiˬ gʼaˬ, sahˬ paˬ-euˬ aˇ yaˬ ha laˬ-iˇ-eu lehˇ, gaˇ mahˇ kaˬ-eu miˇ kʼahˬ-ahˇ iˇ-euˬ meh.

Luˇkaꞈ 19:14

Ehˇ kʼawꞈ, aˬ yawꞈ-euˬ miˇ kʼahˬ zaˬ deuˬ aˬ yawꞈ-ahˇ bye-awˇ, aˬ yawꞈ-euˬ mehˬ nah tsawˇ haˬ pyehˬ gʼeh-awˇ heu loꞈ-ehˇ bi tsaꞈ gaꞈ-iˇ-euˬ meh. ‘Tsawˇ haˬ heu gʼaˬ-ahˇ nga maꞈ kʼoeˇ taˆ sahˬ paˬ geuꞈ-awˇ maˬ bi uˆ lahˇ mawꞈ nya.’

Luˇkaꞈ 19:27

Ngaˇ uˆ lahˇ-eu uˬ moˆ maˬ jawˇ mawꞈ-eu ngaˬ-ahˇ muiˇ-eu tsawˇ haˬ deuˬ-ahˇ-aˬ, heu gaˇ sheuˬ laꞈ-awˇ, ngaˬ-euˬ mehˬ shi sehꞈ dzeh-awˬ.”’

Piˇliˇpiˆ 2:12

Kʼoeˇ miˇ neh ngaˇ gaˬ-eu cawˬ deuˬ-oˇ, ngaˇ naw maꞈ nehˬ-ehˇ jawˇ ngeh ngaˬ-euˬ dawˬ-ahˇ naw maꞈ aˬ myah luꞈ naˇ haˬ geuꞈ-euˬ meh. Nymˬ-mˇ ngaˇ naw maꞈ nehˬ-ehˇ maˬ jawˇ ngeh kʼawꞈ, ngaˬ-euˬ dawˬ-ahˇ kʼoeˇ naˆ maˬ tseˇ naˇ haˬ geuꞈ-awˬ. Naw maꞈ ka kʼoꞈ-eu jeˬ-ahˇ za nya ni, Miˬyehˇ-ahˇ guˆ-awˇ yaw dzuˬ dzuˬ-eu laꞈ kʼoeˇ leh jeh dui dui-awˬ.

Panmaeq 11:17

Aˬ yawꞈ maꞈ ehˇ-eu, “Aˇ hu dehꞈ-awˇ nymˬ-mˇ dehꞈ-eu, Baoˬhuiˬ-eu Sahˬpaˬ Miˬyehˇ-oˇ, Nawˬ-euˬ huiˬ-eu baoˬ nawˇ yuˇ-awˇ, uˆ lahˇ dahˬ beh le-euˬ miˇ neh, nawˬ-euˬ guiˬ lahˬ-ahˇ ja ceuˬ ma.

Panmaeq 20:11

Kʼoeˇ naˇ, pyuˇ deuˬ ni gʼeh-eu huiˬ dui dui-eu dzoeˬ dzaˬ nuiˇ mahˬ hawˇ-eu kʼoeˇ gaˇ nuiˇ luꞈ-eu gʼaˬ-ahˇ ngaˇ ya mawˇ-euˬ ma. Mˬ hawˇ-eu miˇ tsaˬ aˬ yawꞈ-euˬ mehˬ shi cehˆ byoˆ-awˇ, tiˬ jawˇ-iˬ maˬ paˇ ya mawˇ ni byoˆ-iˇ-euˬ meh.

Panmaeq 6:14

Mˬ-aˬ, sahˬ boꞈ paˇ yoˆ lehˬ yoˆ kʼoꞈ-eu loꞈ-ehˇ byoˆ-iˇ-awˇ, gawˬ jawˬ yawˬ jawˬ na luꞈ hawˇ-eu iˇ jaw lahˇ yawˬ lahˇ na luꞈ, jawˇ duˬ bi jiˆ paˇ jiˇ-euˬ meh.