Jaceuq 98:4 - Akha

⁴ Miˇ tsaˬ zaˬ dawˬ tawˆ luꞈ laˬ kʼaˬ tiˬ cehˇ, Sahˬpaˬ Miˬyehˇ-ahˇ ja ceuˬ-awˇ caˇ-awˬ. Laˬ kʼaˬ cehˇ-eu caˇ dawˬ caˇ-awˇ guˇ-eu laꞈ kʼoeˇ, aˬ yawꞈ-ahˇ ja ceuˬ-awˬ.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁴ Mirtsaq dawqtawvluf laqkhaq tiqcaer, Ya’we Miqyaer-anr gurnaeq-awr; Dawqcar car-awr, laqkhaq caer-eu uqtaf, car-awr jaceuq-awq.

Jaceuq 98:4 Iomraidhean Croise

Jaceuq 100:1

Miˇ kʼahˬ dawˬ tawˆ luꞈ Sahˬpaˬ Miˬyehˇ-ahˇ ja ceuˬ-awˬ.

Jaceuq 66:1

Tsawˇ haˬ dawˬ tawˆ luꞈ laˬ kʼaˬ cehˇ-awˇ guˇ-eu laꞈ kʼoeˇ, Miˬyehˇ-ahˇ ja ceuˬ-awˬ.

Jaceuq 66:4

Miˇ tsaˬ zaˬ yawˬ gʼaˬ na luꞈ nawˬ-ahˇ ja ceuˬ-eu meh. Nawˬ-ahˇ aˬ yawꞈ maꞈ caˇ-awˇ ja ceuˬ-eu meh. Nawˬ-euˬ tsawˇ myahˇ-ahˇ aˬ yawꞈ maꞈ caˇ-awˇ ja ceuˬ-eu meh lehˇ ehˇ nehˬ-awˬ.

Jaceuq 67:4

Tsawˇ haˬ zaˬ-ahˇ nawˇ dawˇ coe ni yaˇ kʼaˬ daˇ-awˇ, tsawˇ jeuˬ yawˬ jeuˬ na luꞈ-ahˇ gaˇ ma sheuˬ mehˬ-eu miˇ neh, tsawˇ jeuˬ dawˬ tawˆ luꞈ laˬ kʼaˬ cehˇ-eu caˇ dawˬ caˇ luꞈ-uˇ.

Jaceuq 71:22

Ngaˇ nawˬ-ahˇ deuˇ-mˬ diˬ-awˇ ja ceuˬ ma. Ngaˬ-euˬ Miˬyehˇ-oˇ, nawˇ saˇ jaˇ ziꞈ gaˇ ngaˇ ja ceuˬ ma. Iˇsaˬleˬlaˆ-euˬ Muiˬ-eu shawˇ-eu Gʼaˬ pyeuꞈ-eu nawˬ-ahˇ, deuˇ-mˬ diˬ-awˇ ja ceuˬ-eu caˇ dawˬ caˇ ma.

Jaceuq 95:1

Laˇ-awˬ. Sahˬpaˬ Miˬyehˇ-ahˇ aˬ dui ja ceuˬ ma. Aˬ dui-ahˇ haw piˇ nehˬ laꞈ-euˬ Miˬyehˇ-ahˇ laˬ kʼaˬ tiˬ cehˇ caˇ-awˇ ja ceuˬ kaˇ-euˇ.

Jaceuq 95:2

Guiˬ lahˬ-ahˇ noeˬ keuˆ-eu laꞈ kʼoeˇ aˬ yawꞈ-euˬ mehˬ shi uiˬ leˇ-awˇ, laˬ kʼaˬ tiˬ cehˇ ja ceuˬ-eu caˇ dawˬ caˇ kaˇ-euˇ.

Iˇsaˬyaˇ 12:6

Ziˇoˬ meuˬ-ahˇ kʼaˇ jawˇ-eu deuˬ, laˬ kʼaˬ tiˬ cehˇ guˇ-awˇ caˇ-awˬ. Iˇsaˬleˬlaˆ Miˬyehˇ huiˬ dui mahˇ dui dui-awˇ, aˬ yawꞈ-euˬ tsawˇ haˬ deuˬ nehˬ-ehˇ jawˇ meh.”

Iˇsaˬyaˇ 42:11

Kʼaˇ shuiꞈ deh ga hawˇ-eu kʼoeˇ gaˇ jaˆ-eu meuˬ deuˬ, Miˬyehˇ-ahˇ ja ceuˬ-awˬ. Geˬdaˬ tsawˇ haˬ aˬ yawꞈ-ahˇ ja ceuˬ-awˬ. Seˇlaˇ meuˬ-ahˇ jawˇ-eu tsawˇ haˬ deuˬ kʼawꞈ, gawˬ jawˬ uˬ du laˬ kʼaˬ cehˇ-awˇ guˇ-awˬ.

Iˇsaˬyaˇ 44:23

Mˬ-oˇ, laˬ kʼaˬ cehˇ-awˇ guˇ-awˬ. Miˇ tsaˬ yaw naꞈ tsahˇ-oˇ, guˇ-awˬ. Gawˬ jawˬ deuˬ laˬ kʼaˬ cehˇ-awˇ yaw kʼaˆ-ehˇ guˇ-awˬ. Sahˬ kʼaˆ-ahˇ kʼaˇ dehꞈ-eu aˇ bawˇ yawˬ bawˇ na luꞈ guˇ-awˬ. Iˇsaˬleˬlaˆ tsawˇ jeuˬ-ahˇ Sahˬpaˬ Miˬyehˇ ka kʼoꞈ-eu laꞈ kʼoeˇ, aˬ yawꞈ huiˬ-eu mahˇ-eu gaˇ kawˆ bi mawˇ-euˬ meh.

Yeˬlaˬmiˇ 33:11

Laˬ kʼaˬ cehˇ-awˇ guˇ-eu teˇ saˇ hawˇ-eu, oeˇ mˇ baˇ-awˇ byawˬ gʼa-eu teˇ saˇ nawˇ paˇ ya gaˬ tehꞈ-a. Uˬ duˬ tahˬ nymˇ nymˇ ma laꞈ kʼoeˇ ngaˬ-ahˇ lawˇ-eu shehˇ-eu jeˬ mˇ-eu laꞈ kʼoeˇ, caˇ dawˬ caˇ-eu teˇ saˇ nawˇ ya gaˬ tehꞈ-a. Aˬ yawꞈ maꞈ heu loꞈ-ehˇ caˇ tehꞈ-a. ‘Baoˬ huiˬ-eu Sahˬpaˬ Miˬyehˇ-euˬ guiˬ lahˬ-ahˇ ja ceuˬ-awˬ. Aˬ jeˬ miˇ neh ehˇ naˇ, aˬ yawꞈ muiˬ dui dui-awˇ, aˬ yawꞈ-euˬ gʼoeˇ-eu gaˬ-eu jeˬ maˬ tsehˆ leˇ-a.’ Miˇ kʼahˬ heu kʼahˬ-ahˇ, dzeuˇ laˇ ngeh loꞈ-ehˇ bi baw bi za le ma lehˇ, Sahˬpaˬ Miˬyehˇ pyeuꞈ-eu ngaˇ ehˇ-eu ma.”

Zeˬpaˬniˇ 3:14

Iˇsaˬleˬlaˆ tsawˇ haˬ deuˬ-oˇ, laˬ kʼaˬ cehˇ dawˬ guˇ-awˇ caˇ-awˬ. Nui ma gʼawˇ mawˇ laꞈ kʼoeˇ keuˆ ni, Yeˬluˇsaˬlehˬ laˬ kʼaˬ cehˇ-awˬ.

Maꞈtehˬ 21:9

Yeˬsuˇ-euˬ mehˬ hu paw hawˇ-eu, mehˬ nah paw cah luꞈ-eu tsawˇ haˬ aˇ maꞈ kʼoeˇ deuˬ, heu loꞈ-ehˇ guˇ-eu meh. “Daˬbiˇ-euˬ Zaˬmaˇ-ahˇ ja ceuˬ-awˬ. SahˬpaˬMiˬyehˇ-euˬ tsawˇ myahˇ uˬ moˆ oe-euˬ gʼaˬ-ahˇ, Miˬyehˇ guiˬ lahˬ biꞈ luꞈ-uˇ. Miˬyehˇ-ahˇ jaˬ ceuˬ-awˬ.”

Panmaeq 19:1

Kʼoeˇ naˇ, mˬ kʼoeˇ taˆ tsawˇ haˬ aˇ maꞈ maꞈ ma guˇ-eu teˇ saˇ loꞈ-ehˇ, heu loꞈ-ehˇ ehˇ gaˇ ngaˇ ya gaˬ-euˬ ma. “Miˬyehˇ-ahˇ ja ceuˬ-awˬ. Ka kʼoꞈ-eu jeˬ maˬ ehˇ, yaw shehꞈ kʼahˬ sehˇ maˬ ehˇ, baoˬ maˬ ehˇ, Miˬyehˇ-euˬ pyeuꞈ-eu meh.

Panmaeq 19:6

Kʼoeˇ naˇ, iˇ cuꞈ tsawˬ ga ga-eu teˇ saˇ hawˇ-eu mˬ jeˬ jeˬ-eu teˇ saˇ loꞈ-ehˇ gʼeh-awˇ, tsawˇ haˬ aˇ maꞈ maꞈ ma guˇ-eu teˇ saˇ loꞈ-ehˇ heu loꞈ-ehˇ ehˇ-eu dawˬ-ahˇ ngaˇ ya gaˬ-euˬ ma. “Miˬyehˇ-ahˇ ja ceuˬ-awˬ. Baoˬhuiˬ-eu Sahˬpaˬ Miˬyehˇ-aˬ, dzoeˬ dzaˬ-eu Sahˬpaˬ pyeuꞈ-eu meh.