Jaceuq 96:8 - Akha

⁸ Yaw shehꞈ kʼahˬ sehˇ huiˬ-eu Sahˬpaˬ Miˬyehˇ-euˬ tsawˇ myahˇ-ahˇ ja ceuˬ-awˬ. Damˬ nehˬ-eu jeˬ yuˇ-awˇ, aˬ yawꞈ-euˬ Uˬ duˬ tahˬ nymˇ nymˇ ma-ahˇ laˇ-awˬ.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁸ Aqyawf-euq tsawrmyanr-anr geux-eu yawshaef khanqsaer, Ya’we Miqyaer-anr a’naeq-awq. Lawr-eu jeq yur-awr, aqyawf-euq nymr povka lar-awq.

Jaceuq 96:8 Iomraidhean Croise

Jaceuq 100:4

Aˬ yawꞈ-euˬ guiˬ lahˬ-ahˇ noeˬ keuˆ-eu laꞈ kʼoeˇ, aˬ yawꞈ-euˬ gʼoˆ kʼehˬ-ahˇ uˇ leˇ-awˬ. Aˬ yawꞈ-ahˇ ja ceuˬ-eu laꞈ kʼoeˇ, aˬ yawꞈ-euˬ nymˇ-ahˇ uˇ leˇ-awˬ. Aˬ yawꞈ-euˬ guiˬ lahˬ-ahˇ noeˬ keuˆ-awˇ ja ceuˬ-awˬ.

Jaceuq 111:9

Aˬ yawꞈ-eu tsawˇ haˬ deuˬ-ahˇ aˬ yawꞈ bi buˬ-iˇ-awˇ, mˬ maˬ maˬ byaˆ zaˇ ziˇ ziꞈ-eu saˇ jaˇ dzaˬ taꞈ-euˬ meh. Aˬ yawꞈ-aˬ, muiˬ-eu shawˇ-eu gʼaˬ hawˇ-eu baoˬ huiˬ-eu gʼaˬ meh.

Jaceuq 29:2

Yaw shehꞈkʼahˬsehˇhuiˬdui dui-eu, yawꞈ-euˬtsawˇmyahˇ-ahˇja ceuˬ-awˇ, Muiˬ-eu shawˇ-eu Gʼaˬ doˆle ngeh, awˆbyaˆnehˬ-awˇ uˬduˬtahˬ-awˬ.

Jaceuq 45:12

Duˇlu miˇ kʼahˬ-ahˇ jawˇ-eu tsawˇ haˬ deuˬ nawˬ-ahˇ laꞈ sawˬ yuˇ ha laˇ-awˇ, smˇ muiˬ aˬ da deuˬ nawˬ-ahˇ myaˆ pyawˬ pyuˇ ni leh jeh tehꞈ-a.

Jaceuq 72:10

Saˬbeˬ sahˬ paˬ hawˇ-eu iˇ jaw lahˇ deuˬ-ahˇ jawˇ-eu sahˬ paˬ deuˬ, aˬ yawꞈ-ahˇ laꞈ sawˬ ya biꞈ ha laˇ tehꞈ-a. Sheˬba sahˬ paˬ hawˇ-eu Seˬbaˬ sahˬ paˬ aˬ nyaꞈ aˬ yawꞈ-ahˇ damˬ nehˬ laˇ tehꞈ-a.

Yeˬsaˬgeˬlaˇ 46:3

Jawˇ nah ngeh nah hawˇ-eu la shuiꞈ lah-eu bawˬ-iˬ kʼaˇ gʼeh ngeh, tsawˇ haˬ dawˬ tawˆ luꞈ lahˇ kʼehˬ kʼoeˇ-euˬ mehˬ shi awˆ byaˆ-awˇ, Sahˬpaˬ Miˬyehˇ-ahˇ uˬ duˬ ya tahˬ meh.

Maˬlaˬkiˇ 1:11

Mˬ dzeˇ miˇ dzeˇ keuˆ ni jawˇ-eu tsawˇ haˬ deuˬ ngaˬ-ahˇ yaw zeu baw luꞈ meh. Yawˬ gaˇ na luꞈ aˬ yawꞈ maꞈ ngaˬ-ahˇ tsiˇ yaw saw jeˬ doꞈ damˬ-awˇ, ngaˇ nui ma tsaˬ-eu lawˇ-eu shehˇ-eu jeˬ mˇ luꞈ meh. Aˬ yawꞈ maꞈ dawˬ tawˆ luꞈ ngaˬ-ahˇ yaw zeu baw meh.

Lormav 12:1

Kʼoeˇ miˇ neh aˬ yuiꞈ aˬ nyiˇ Ka li zaˬ deuˬ-oˇ, Miˬyehˇ-euˬ huiˬ dui myaˬ dui dui-eu gʼawˬ shaˬ gaˬ-eu jeˬ baˬ da neh naw maꞈ-ahˇ ngaˇ heu loꞈ-ehˇ shaˇ-eu ma. Dehꞈ luꞈ-eu lawˇ-eu jeˬ loꞈ-ehˇ, naw maꞈ-euˬ gʼawˇ mawˇ Miˬyehˇ-ahˇ damˬ nehˬ-awˬ. Aˬ yawꞈ-euˬ gaˇ mˇ-eu gʼaˇ duˬ a nehˬ-awˇ, aˬ yawꞈ nui ma tsaˬ ni dehꞈ-awˬ. Heu-aˬ, naw maꞈ mˇ paˬ-ehˇ gʼeh-eu maˇ maˇ ni gʼeh-eu uˬ duˬ tahˬ-eu jeˬ pyeuꞈ-eu meh.

Lormav 15:16

Yuˇdaˆ tsawˇ haˬ maˬ ngeuˇ-eu deuˬ-euˬ gʼaˇ duˬ gaˇ bi mˇ-eu lehˇ, ngaˬ-ahˇ Yeˬsuˇ Ka li-euˬ zaˬ kʼaˆ bi geuꞈ laꞈ-euˬ meh. Miˬyehˇ-euˬ Laˬ kʼa cehˇ-eu Guiˬ lahˬ dawˬ mehˬ-eu gaˇ-ahˇ taꞈ leˇ-awˇ, piˇ ma tiˬ gʼaˬ loꞈ-ehˇ ngaˇ gaˇ mˇ luꞈ-eu ma. Yuˇdaˆ tsawˇ haˬ maˬ ngeuˇ-eu deuˬ-ahˇ Miˬyehˇ-ahˇ lawˇ nehˬ-euˬ jeˬ loꞈ-ehˇ Miˬyehˇ ha geuꞈ nya ni, Muiˬ-eu Shawˇ-eu Yaw sahˇ Miˬyehˇ neh Miˬyehˇ-ahˇ damˬ nehˬ-euˬ jeˬ loꞈ-ehˇ bi pyeuꞈ-eu gʼaˇ duˬ, piˇ ma tiˬ gʼaˬ loꞈ-ehˇ ngaˇ mˇ luꞈ-eu ma.

Piˇliˇpiˆ 2:17

Naw maꞈ-euˬ jah-eu jeˬ Miˬyehˇ-ahˇ lawˇ nehˬ-euˬ kʼoeˇ taˆ, ngaˬ-euˬ shiˬ ya shehˆ daˆ nehˬ law hawˇ kʼawꞈ, ngaˇ nui kʼahˇ shiˇ-awˇ, naw maꞈ dawˬ tawˆ luꞈ nehˬ-ehˇ tiˬ kawˆ loꞈ-ehˇ laˬ kʼaˬ caw cehˇ-eu ma.

Piˇliˇpiˆ 4:18

Naw maꞈ neh kʼaˇ biꞈ laꞈ-euˬ yawˬ jeˬ na luꞈ gʼaˇ duˬ, guiˬ lahˬ huiˬ-eu dawˬ tsaꞈ ahˇ laꞈ-eu ma. Ngaˇ loˬ-eu myaˆ maˬ tseˇ naw maꞈ ngaˬ-ahˇ biꞈ laˬ-euˬ meh. Naw maꞈ neh biꞈ laꞈ-euˬ laꞈ sawˬ deuˬ-ahˇ Iˇbaˬpawˬdiˇ neh hehˇ keuˆ nehˬ leꞈ-euˬ miˇ neh, ngaˇ kʼaˇ loˬ-eu jeˬ nymˬ-mˇ byah miˇ-a. Laꞈ sawˬ heu deuˬ-aˬ, Miˬyehˇ nui kʼahˇ shiˇ-awˇ ha geuꞈ-euˬ saw dui dui-eu lawˇ-eu jeˬ pyeuꞈ-eu meh.

HeˬByehˇ 13:13

Kʼoeˇ miˇ neh, aˬ dui kʼawꞈ, pu pu dzeˇ aˬ yawꞈ jawˇ gaˇ iˇ-awˇ, shaꞈ dawˇ-eu jeˬ-ahˇ tiˬ kawˆ loꞈ-ehˇ caw daˬ kaˇ-euˇ.

1 Beˬtuˆluˆ 2:5

Naw maꞈ kʼawꞈ, dehꞈ luꞈ-eu kʼaˬ lo loꞈ-ehˇ laˇ-awˇ, saꞈ laˇ uˬ duˬ tahˬ nymˇ tsoˆ gaˇ bi zmˬ-awˬ. Uˬ duˬ tahˬ nymˇ kʼoeˇ-euˬ laꞈ kʼoeˇ naw maꞈ muiˬ-eu shawˇ-eu piˇ ma ya geuꞈ-awˇ, Yeˬsuˇ ka li-ahˇ gʼoe-eu laꞈ kʼoeˇ Miˬyehˇ ha geuꞈ nehˬ laꞈ nya-eu saꞈ laˇ paw taꞈ leˇ-eu lawˇ-eu jeˬ ya lawˇ tehꞈ-a.

Panmaeq 15:4

Sahˬpaˬ Miˬyehˇ-oˇ, nawˬ-euˬ mehˬ shi yawꞈ-awˇ, maˬ zahˬ leˇ-eu aˬ suˇ jawˇ ta. Nawˇ huiˬdui mahˇdui dui meh lehˇ, maˬ ja ceuˬ-eu aˬ suˇ jawˇ ta. Nawˇ tehꞈ-ehˇ muiˬ-eu shawˇ-eu meh. Nawˬ neh mˇ-euˬ yaw tsaˬ yaw dawˇ, tsawˇ haˬ zaˬ mawˇ jiˇ-euˬ miˇ neh, Miˇ kʼahˬ tsawˇ jeuˬ dawˬ tawˆ laˇ-awˇ, nawˬ-ahˇ uˬ duˬ tahˬ laˇ tehꞈ-a.”