Jaceuq 96:6 - Akha

⁶ Baoˬ yaw shehꞈ kʼahˬ sehˇ aˬ yawꞈ-euˬ tiˬ jawˬ jaˆ-awˇ, aˬ yawꞈ-euˬ Uˬ duˬ tahˬ nymˇ nymˇ ma laꞈ kʼoeˇ, baoˬ hawˇ-eu haw muiˬ-eu jeˬ byah luꞈ-eu meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁶ Aqyawf-euq maeqshi, taqhuiq taqmanr-eu jeq hawr-eu jaqlaq yawbya javluf-awr; Aqyawf-euq yawshawr jawrduq-anr ghaq hawr-eu hawmuiq-eu jeq javluf-eu mae.

Jaceuq 96:6 Iomraidhean Croise

1 Laˬsaˬbaˬ 16:27

Huiˬ-eu yaw shehꞈ kʼahˬ sehˇ dawˬ tawˆ, yawꞈ-euˬ dawˬ peh tiˬ jawˬ jaˆ-awˇ, yawꞈ-euˬ Uˬ duˬ tahˬ nymˇ nymˇ ma, baoˬ, laˬ kʼaˬ cehˇ-eu jeˬ byah meh.

Jaceuq 104:1

Ngaˬ-euˬ nui ma-oˇ, Sahˬpaˬ Miˬyehˇ-ahˇ ja ceuˬ-awˬ. Ngaˬ-euˬ Miˬyehˇ pyeuꞈ-eu Sahˬpaˬ Miˬyehˇ-oˇ, nawˇ aˇ naˆ ni huiˬ-eu mahˇ-eu nga. Baoˬ yaw sehꞈ kʼahˬ sehˇ-ahˇ nawˇ dm-awˇ,

Jaceuq 19:1

Miˬyehˇ-euˬyaw shehꞈkʼahˬsehˇ-ahˇ, mˬtaˆbya cehˆni pah mehˬ-awˇ, aˬyawꞈ-euˬkuiˇzaˇlaꞈzaˇ-ahˇ, mˬtiˬbyah ni byaˬtaˬ-euˬmeh.

Jaceuq 27:4

SahˬpaˬMiˬyehˇ-ahˇ shaˇ-eu lehˇ, heu tiˬjeˬshaˇmawꞈ-eu tehꞈma. SahˬpaˬMiˬyehˇ-euˬnymˇlaꞈkʼoeˇ, maˬshiˇtiˬziˇngaˇjawˇmawꞈ-awˇ, aˬyawꞈ-euˬyaw muiˬyaw jaˬ-ahˇ, nui kʼahˇtiˬshiˇhaw dehˆmawꞈ-awˇ, aˬyawꞈsheuˬgʼeh haw piˇlaꞈni, aˬyawꞈ-ahˇshaˇju mawꞈ-eu ma.

Jaceuq 29:9

SahˬpaˬMiˬyehˇ-euˬteˇsaˇkʼoeˇ, tsuiꞈkaˆ aˇbawˇ-ahˇgʼeu nyeh-awˇ, sahˬkʼaˆneˇmyawˆni pyeuꞈ-iˇ-awˇ, yawꞈ-euˬUˬduˬtahˬnymˇlaꞈkʼoeˇ, Yaw shehꞈkʼahˬsehˇhuiˬluꞈ-uˇ lehˇ, tsawˇhaˬdawˬtawˆluꞈguˇ-eu meh.

Jaceuq 50:2

Haw muiˬ dui dui-eu Ziˇoˬ meuˬ-ahˇ neh, Miˬyehˇ-euˬ yaw shehꞈ bya doˆ laˇ-eu meh.

Jaceuq 63:5

Ngaˬ-euˬ saꞈ laˇ dzaˬ dehˆ dawˇ dehˆ-awˇ, nui kʼahˇ shiˇ tehꞈ-a. Kʼoeˇ naˇ, nawˬ-ahˇ ja ceuˬ-eu caˇ dawˬ laˬ kʼaˬ tiˬ cehˇ ngaˇ caˇ ma.

Jaceuq 8:1

SahˬpaˬMiˬyehˇ-oˇ, Nga maꞈ-euˬSahˬpaˬ Miˬyehˇ-oˇ. miˇtsaˬheu dawˬtawˆluꞈkʼoeˇtaˆ, nawˬ-euˬtsawˇmyahˇ aˇnaˆmuiˬnga. Nawˬ-ahˇciˬhuiˬciˬmahˇ-eu dawˬ, mˬ-ahˇgaˬkeuˆleˇngeh keuˆni,

Jaceuq 93:1

Sahˬpaˬ Miˬyehˇ-aˬ, sahˬ paˬ pyeuꞈ-eu meh. Baoˬ yaw shehꞈ kʼahˬ sehˇ hawˇ-eu gʼaˬ huiˬ-eu jeˬ-ahˇ aˬ yawꞈ dm taˬ-euˬ meh. Miˇ tsaˬ tahˬ kʼawˇ-ahˇ ziꞈ dah ni ciˬ tsaˬ taˬ-awˇ, maˬ luˆ-iˇ nya-a.

HeˬByehˇ 1:3

Aˬ yawꞈ-euˬ laꞈ kʼoeˇ Miˬyehˇ-euˬ yaw shehꞈ kʼahˬ sehˇ bya doˆ luꞈ-awˇ, Miˬyehˇ-ahˇ duˇ duˇ dehꞈ dehꞈ pyeuꞈ-eu meh. Baoˬ huiˬ dui dui-eu aˬ yawꞈ-euˬ dawˬ-ahˇ gʼoe-awˇ, mˬ hawˇ-eu miˇ dawˬ tawˆ luꞈ-ahˇ haw luꞈ pyaˆ luꞈ-eu meh. Tsawˇ haˬ zaˬ-ahˇ Miˬyehˇ iˬ baˇ pyehˬ nehˬ nya ni mˇ gʼaˬ shaˇ gʼaˬ-awˇ, Dawˬ tawˆ kʼoeˇ taˆ Baoˬ huiˬ-eu gʼaˬ pyeuꞈ-eu Miˬyehˇ-euˬ aˇ maˇ paw, mˬ kʼoeˇ taˆ aˬ yawꞈ nuiˇ luꞈ-eu meh.