Jaceuq 95:6 - Akha

⁶ Laˇ-awˬ. Aˬ dui dawˬ tawˆ luꞈ awˆ byaˆ-awˇ, aˬ yawꞈ-ahˇ uˬ duˬ tahˬ kaˇ-euˇ. Aˬ dui-ahˇ beh-euˬ yaw sahˇ Sahˬpaˬ Miˬyehˇ mehˬ shi, pawˬ tsuiꞈ pawˬ dmˬ dmˬ kaˇ-euˇ.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁶ Lar-awq, aqdui awbyav-awr uqduqtanq kar-eur; Aqdui-anr bae-euq ghaq pyeuf-eu Ya’we Miqyaer-euq maeqshi, Pawqtsuif pawqdmqdmq kar-eur.

Jaceuq 95:6 Iomraidhean Croise

1 Sahˬpaˬ 8:54

Sawˇlaˬmoˬ Sahˬpaˬ Miˬyehˇ-ahˇ guiˬ lahˬ shaˇ gʼaˬ ngeh, lawˇ duˬ mehˬ shi aˬ yawꞈ aˬ laꞈ baꞈ diˇ-awˇ pawˬ tsuiꞈ pawˬ dmˬ dmˬ-awˇ jawˇ-eu tuˇ laˇ-euˬ meh.

2 Laˬsaˬbaˬ 29:28

Kʼoeˇ gaˇ kʼaˇ jawˇ-eu tsawˇ haˬ yawˬ gʼaˬ na luꞈ uˬ duˬ tahˬ-awˇ, kʼaˇ lawˇ kʼaˇ shehˇ-euˬ jeˬ dawˬ tawˆ luꞈ puiˆ byoˆ jiˇ ngeh keuˆ ni, daˇ heh baw-awˇ caˇ dawˬ caˇ-euˬ meh.

2 Laˬsaˬbaˬ 29:29

Kʼoeˇ naˇ, sahˬ paˬ Heˬsaˬgiˇ hawˇ-eu tsawˇ haˬ dawˬ tawˆ luꞈ pawˬ tsuiꞈ pawˬ dmˬ dmˬ-awˇ, Miˬyehˇ-ahˇ uˬ duˬ tahˬ-euˬ meh.

2 Laˬsaˬbaˬ 29:30

Kʼoeˇ naˇ, sahˬ paˬ hawˇ-eu miˇ kʼahˬ-ahˇ aˬ yuiꞈ aˬ tsu geuꞈ-eu deuˬ, Leˬbiˇ tsawˇ haˬ deuˬ-ahˇ, “Daˬbiˇ hawˇ-eu Miˬyehˇ gʼaˇ duˬ ngehˬ dah-eu Aˬsaˆ neh boꞈ-euˬ, Sahˬpaˬ Miˬyehˇ-ahˇ ja ceuˬ-eu caˇ dawˬ caˇ-awˬ” lehˇ ehˇ nehˬ-euˬ meh. Kʼoeˇ ngeh, tsawˇ haˬ yawˬ gʼaˬ na luꞈ laˬ kʼaˬ cehˇ taˆ ni caˇ dawˬ caˇ-eu laꞈ kʼoeˇ, pawˬ tsuiꞈ pawˬ dmˬ dmˬ-awˇ Miˬyehˇ-ahˇ uˬ duˬ tahˬ-euˬ meh.

2 Laˬsaˬbaˬ 6:13

(Sawˇlaˬmoˬ-aˬ, guiˬ shuiˇ ja ciˬ tiˬ ciˬ jahˇ-awˇ, Uˬ duˬ tahˬ nymˇ nymˇ ma-euˬ kmˇ cehˇ laꞈ kʼoeˇ jaˆ-eu pu kaˬ gʼahˇ ceh bi jaˆ-euˬ meh. Ja ciˬ kʼoeˇ ciˬ ngaˬ caˆ oeˬ bawˬ byah-awˇ, smˬ caˆ goˆ-eu meh. Ja ciˬ kʼoeˇ-euˬ kʼoeˇ taˆ aˬ yawꞈ daˆ leˇ-awˇ, yawˬ gʼaˬ na luꞈ haw mawˇ gaˇ pawˬ tsuiꞈ pawˬ dmˬ dmˬ-awˇ, mˬ paw aˬ laꞈ baꞈ diˇ-euˬ meh.)

Eˇzaˬlaˬ 9:5

Uˬ ciꞈ uˬ taw paw poˆ lawˇ-eu shehˇ-eu jeˬ mˇ yamˬ keuˆ laˇ ngeh, ngaˇ noeˬ shaˬ-eu laꞈ kʼoeˇ dzuˇ luꞈ-eu tsawˬ tuˇ-awˇ, cehˬ pyaˬ taˬ-euˬ mehˬ tsoeˬ dm luꞈ-eu laꞈ kʼoeˇ, pawˬ tsuiꞈ pawˬ dmˬ dmˬ-awˇ ngaˬ-euˬ aˬ laꞈ cawˬ ja-awˇ neh, ngaˬ-euˬ Miˬyehˇ pyeuꞈ-eu Sahˬpaˬ Miˬyehˇ-ahˇ guiˬ lahˬ shaˇ-euˬ ma.

Yawˇbaˆ 35:10

Ehˇ kʼawꞈ, zahˇ dui dui-eu aˇ yamˬ-ahˇ aˬ yawꞈ maꞈ-ahˇ noeˬ tmˬ duˬ biꞈ-eu gʼaˬ pyeuꞈ-eu, aˬ yawꞈ maꞈ-ahˇ beh-euˬ Miˬyehˇ-ahˇ aˬ yawꞈ maꞈ laꞈ jeuˬ maˬ shaˇ-a.

Jaceuq 100:3

Sahˬpaˬ Miˬyehˇ-aˬ, Miˬyehˇ meh lehˇ noeˬ siˬ-awˬ. Aˬ yawꞈ aˬ dui-ahˇ beh-awˇ, aˬ dui aˬ yawꞈ-euˬ ma. Aˬ dui aˬ yawꞈ-euˬ tsawˇ haˬ pyeuꞈ-awˇ, aˬ yawꞈ-euˬ yawˇ yawˇ maꞈ pyeuꞈ-eu ma.

Jaceuq 119:73

Nawˇ ngaˬ-ahˇ beh-awˇ haw piˇ nehˬ laꞈ-euˬ meh. Nawˬ-euˬ zahˇ dawˬ kʼoꞈ dawˬ deuˬ-ahˇ ngaˇ dzaw geuꞈ nya ni, noeˬ siˬ noeˬ mawˇ nya-eu jeˬ biꞈ nehˬ laꞈ.

Jaceuq 139:13

Ngaˬ-euˬ gʼawˇ mawˇ keu ka dawˬ tawˆ luꞈ nawˬ neh beh-awˇ, ngaˬ ma-euˬ uˬ maˆ laꞈ kʼoeˇ gʼoˆ tsoꞈ nehˬ laꞈ-euˬ meh.

Jaceuq 149:2

Iˇsaˬleˬlaˆ miˇ kʼahˬ-oˇ, nawˬ-ahˇ beh-euˬ gʼaˬ baˬ da neh laˬ kʼaˬ cehˇ-awˬ. Ziˇoˬ tsawˇ haˬ deuˬ-oˇ, naw maꞈ-euˬ sahˬ paˬ baˬ da neh laˬ kʼaˬ cehˇ-awˬ.

Jaceuq 72:9

Kʼaˇ shuiꞈ deh-ahˇ jawˇ-eu tsawˇ jeuˬ deuˬ aˬ yawꞈ mehˬ shi awˆ byaˆ-awˇ, aˬ yawꞈ-ahˇ muiˇ-eu deuˬ kʼaˬ lehˇ lehˇ-iˇ luꞈ-uˇ.

Jaceuq 95:1

Laˇ-awˬ. Sahˬpaˬ Miˬyehˇ-ahˇ aˬ dui ja ceuˬ ma. Aˬ dui-ahˇ haw piˇ nehˬ laꞈ-euˬ Miˬyehˇ-ahˇ laˬ kʼaˬ tiˬ cehˇ caˇ-awˇ ja ceuˬ kaˇ-euˇ.

Doˆ-iˇ 20:5

Tahˬ pahˬ aˬ ma mawˇ kawˇ mehˬ shi nawˇ maˬ ya awˆ byaˆ-a. Uˬ duˬ maˬ ya tahˬ-a. Aˬ jeˬ miˇ neh ehˇ naˇ, ngaˇ-aˬ, naw maꞈ-euˬ Miˬyehˇ, Sahˬpaˬ Miˬyehˇ pyeuꞈ-awˇ, myaˆ naˆ-eu Miˬyehˇ tiˬ gʼaˬ pyeuꞈ-eu ma. Ngaˬ-ahˇ bye-eu tsawˇ haˬ deuˬ-ahˇ ngaˇ kʼehˬ nehˬ-awˇ, aˬ yawꞈ maꞈ-euˬ zaˬ ziˇ oeˬ ziˇ keuˆ ni ngaˇ kʼehˬ nehˬ ma.

Dawˬ tsoˆ 12:1

Nawˇ zaˬ guˬ pyeuꞈ ngeh neh, nawˬ-ahˇ beh-euˬ yaw sahˇ-ahˇ noeˬ keuˆ-awˬ. Tsawˇ kʼaˆ kʼaˆ laˇ-awˇ nui saˇ maˬ oꞈ-eu miˇ neh, “Yaw dehꞈ maˬ dehꞈ nahˇ nya” lehˇ ya ehˇ-eu aˇ nah aˇ yamˬ maˬ keuˆ laˇ mi naˆ-ehˇ, Beh-euˬ yaw sahˇ-ahˇ noeˬ keuˆ-awˬ.

Iˇsaˬyaˇ 17:7

Aˇ nah aˇ yamˬ kʼoeˇ keuˆ le ngeh, Beh-euˬ yaw sahˇ Iˇsaˬleˬlaˆ-euˬ muiˬ-eu shawˇ-eu Miˬyehˇ-ahˇ,

Iˇsaˬyaˇ 44:2

Nawˬ-ahˇ beh-euˬ Sahˬpaˬ Miˬyehˇ kʼoeˇ gʼaˬ ngaˇ ma. Nawˇ dehꞈ doˆ le ngeh tiˬ nah neh, nawˬ-ahˇ ngaˇ caw ba nehˬ-euˬ ma. Taˬ guˆ. Nawˇ ngaˬ-euˬ zaˬ kʼaˆ ma. Nawˬ-ahˇ ngaˇ gaˬ-awˇ tseˇ doˆ taˬ-euˬ ma.

Iˇsaˬyaˇ 54:5

Nawˬ-ahˇ beh-euˬ gʼaˬ nawˬ-euˬ kʼaˬ dzeˇ zaˬ-ahˇ duˇ tehꞈ-a. Aˬ yawꞈ tsawˇ myahˇ Baoˬ huiˬ-eu Sahˬpaˬ Miˬyehˇ meh. Iˇsaˬleˬlaˆ-euˬ muiˬ-eu shawˇ-eu Miˬyehˇ nawˬ-ahˇ ka kʼoꞈ nehˬ laꞈ tehꞈ-a. Miˇ tsaˬ dawˬ tawˆ luꞈ-ahˇ aˬ yawꞈ uˆ lahˇ-eu meh.

Iˇsaˬyaˇ 64:8

Ehˇ kʼawꞈ, Sahˬpaˬ Miˬyehˇ nawˇ-aˬ, nga maꞈ-euˬ aˬ da ma. Nga maꞈ shaˬ jehˆ pyeuꞈ-awˇ, nawˇ oeˬ lahˬ tehˆ-eu yaw sahˇ meh. Nga maꞈ-ahˇ beh-euˬ gʼaˬ nawˇ meh.

Daˬyeˬlaˇ 6:10

Zahˇ sahˇ kʼoꞈ kʼoeˇ hmˬ-ahˇ laꞈ ma dehˬ gʼaˬ-euˬ gaˇ kawˆ Daˬyeˬlaˇ ya siˬ ngeh, iˇ kahˇ gʼoꞈ-iˇ-euˬ meh. Aˬ yawꞈ-euˬ nymˇ kʼoeˇ taˆ tiˆ-ahˇ, Yeˬluˇsaˬlehˬ meuˬ paw pyawˇ-eu laˇ gʼoˆ zaˬ dahˇ-eu meh. Aˬ myah luꞈ aˬ yawꞈ kʼaˇ mˇ haw-euˬ loꞈ-ehˇ, laˇ gʼoˆ zaˬ pah taˬ-euˬ mehˬ shi pawˬ tsuiꞈ pawˬ dmˬ dmˬ-awˇ, tiˬ nah smˬ poˆ Miˬyehˇ-ahˇ uˬ duˬ tahˬ-euˬ meh.

Hawˇseˬ 6:1

Aˬ yawꞈ maꞈ heu loꞈ-ehˇ ehˇ-eu, “Laˇ-awˬ. Sahˬpaˬ Miˬyehˇ jawˇ gaˇ, aˬ dui paˇ gʼoꞈ poˆ leˇ kaˇ-euˇ. Aˬ dui-ahˇ aˬ yawꞈ laˆ naˇ-euˬ aˬ yawꞈ laˆ taˬ nehˬ laꞈ tehꞈ-a. Aˬ dui-ahˇ aˬ yawꞈ laˆ tahˬ-eu, aˬ yawꞈ lahˇ cuꞈ nehˬ laꞈ tehꞈ-a.

Hawˇseˬ 8:14

“Iˇsaˬleˬlaˆ tsawˇ haˬ deuˬ-aˬ, beh-euˬ yaw sahˇ gʼaˬ-ahˇ ngehˇ-awˇ, sahˬpaˬ hawˇ nymˇ tsoˆ luꞈ-eu meh. Yuˇdaˆ tsawˇ haˬ meuˬ teˬ lahˬ-awˇ, ziꞈ dah ni gawˬ ziꞈ taˬ-euˬ meh. Ehˇ kʼawꞈ ngaˇ miˬ dzaˬ pyehˬ gʼeh-awˇ, aˬ yawꞈ maꞈ-euˬ hawˇ nymˇ hawˇ-eu meuˬ deuˬ-ahˇ bi puiˆ dzaˬ jiˇ ma.”

Maꞈtehˬ 4:2

Maˬ dzaˬ maˬ dawˇ ni oeˬ tseˇ nah oeˬ tseˇ miˇ jawˇ keuˆ laꞈ ngeh, Yeˬsuˇ hawˬ mehꞈ mehꞈ dui dui laˇ-euˬ meh.

Maꞈtehˬ 4:9

Nehꞈ sahˬ paˬ ehˇ-eu, “Nawˇ pawˬ tsuiꞈ pawˬ dmˬ dmˬ-awˇ ngaˬ-ahˇ uˬ duˬ tahˬ naˇ, miˇ kʼahˬ heu deuˬ dawˬ tawˆ luꞈ nawˬ-ahˇ biꞈ ma.”

Maˬkuˆ 14:35

Aˬ yawꞈ mehˬ hu paw heu myaˆ toꞈ iˇ jiˆ-awˇ, miˇ tsa awˆ byaˆ-awˇ, shaˬ zahˬ naꞈ dui dui-eu aˇ yamˬ kʼoeˇ aˬ yawꞈ-ahˇ bi dzeuˇ-iˇ nya naˇ bi dzeuˇ-iˇ laꞈ-eu gʼaˇ duˬ guiˬ lahˬ shaˇ-euˬ meh.

Luˇkaꞈ 22:41

Kʼoeˇ naˇ, aˬ yawꞈ maꞈ jawˇ gaˇ neh daˇ biˬ tiˬ biˬ kaˬ gaˇ aˬ yawꞈ iˇ-awˇ, pawˬ tsuiꞈ pawˬ dmˬ dmˬ-awˇ guiˬ lahˬ shaˇ-euˬ meh.

Yoˇhaˬ 1:3

Kʼaˇ jawˇ kʼaˇ jaˆ-eu jeˬ dawˬ tawˆ luꞈ, aˬ yawꞈ-ahˇ gʼoe-awˇ beh taˬ-euˬ meh.beh taˬ-euˬ jeˬ dawˬ tawˆluꞈ, aˬ yawꞈ-ahˇ maˬ gʼoe ni beh taˬ-euˬ tiˬ jeˬ-iˬ maˬ jaˆ-a.

Gʼaˬkʼehˇ 20:36

Pawˇluˆ kʼoeˇ loꞈ-ehˇ ngehˬ gʼaˬ tmˇ gʼaˬ ngeh, aˬ yawꞈ maꞈ nehˬ-ehˇ pawˬ tsuiꞈ pawˬ dmˬ dmˬ-awˇ guiˬ lahˬ shaˇ-euˬ meh.

Gʼaˬkʼehˇ 21:5

Ehˇ kʼawꞈ, nga maꞈ aˬ yawꞈ maꞈ nehˬ-ehˇ jawˇ-eu aˇ yamˬ jiˇ laˇ ngeh, mehˬ hu paw iˇ-euˬ ma. Aˬ yawꞈ maꞈ hawˇ-eu aˬ yawꞈ maꞈ-euˬ miˬ sawˇ zaˬ dawˬ tawˆ luꞈ, meuˬ-ahˇ neh iˬ ma laˆ shaˆ lawˇ deh-ahˇ keuˆ ni nga maꞈ-ahˇ sheuˬ keuˆ ha le-awˇ, nga maꞈ dawˬ tawˆ luꞈ kʼoeˇ gaˇ pawˬ tsuiꞈ pawˬ dmˬ dmˬ-awˇ guiˬ lahˬ shaˇ-euˬ ma.

Gʼaˬkʼehˇ 7:60

Aˬ yawꞈ pawˬ tsuiꞈ pawˬ dmˬ ga dmˬ-awˇ, “Sahˬpaˬ-oˇ, aˬ yawꞈ maꞈ neh mˇ-euˬ yaw lehˬ heu, aˬ yawꞈ maꞈ-ahˇ iˬ baˇ taˬ taˬ nehˬ.” lehˇ ehˇ-eu meh. Aˬ yawꞈ kʼoeˇ loꞈ-ehˇ ehˇ gʼaˬ-awˇ shiˇ tsehˆ-euˬ meh.

1 Gawˇliˬtu 6:20

Miˬyehˇ neh aˇ poeˬ biꞈ-awˇ zeuˇ tsehˆ gʼaˬ-euˬ meh. Kʼoeˇ miˇ neh, naw maꞈ-euˬ gʼawˇ mawˇ laꞈ kʼoeˇ Miˬyehˇ-euˬ yaw shehꞈ kʼahˬ sehˇ bi doˆ laˇ-awˬ.

Eˇpeˇsu 3:14

Kʼoeˇ baˬ da neh, Aˬda-euˬ mehˬ shi ngaˇ pawˬ tsuiꞈ pawˬ dmˬ dmˬ-awˇ guiˬ lahˬ shaˇ-eu ma.

Piˇliˇpiˆ 2:10

Mˬ miˇ hawˇ-eu miˇ oˆ keuˆ ni, pawˬ tsuiꞈ dawˬ tawˆ pawˬ dmˬ dmˬ-awˇ, Yeˬsuˇ tsawˇ myahˇ ciˬ huiˬ tehꞈ-a.

1 Beˬtuˆluˆ 4:19

Kʼoeˇ miˇ neh, Miˬyehˇ nui ma tsaˬ-eu laꞈ kʼoeˇ kʼehˬ-eu kʼaˆ-eu jeˬ-ahˇ ya daˬ-eu tsawˇ haˬ deuˬ-aˬ, yawˬ ha neh mˇ-euˬ yaw muiˬ jeˬ-ahˇ gʼoe-eu laꞈ kʼoeˇ, saˇ jaˇ ziꞈ-eu Beh-euˬ Yaw sahˇ-ahˇ aˬ yawꞈ maꞈ-euˬ saꞈ laˇ a nehˬ taˬ-eu tsaˬ meh.

Panmaeq 22:17

Yaw sahˇ Miˬyehˇ hawˇ-eu dahˬ dzaˬ-iˇ-eu lehˇ gʼeh-eu Zaˬmiˬ kʼoeˇ gʼaˬ “Laˇ-awˬ” lehˇ ehˇ-eu meh. Kʼaˇ ya gaˬ-euˬ tsawˇ haˬ yawˬ gʼaˬ na luꞈ kʼawꞈ, “Laˇ-awˬ” lehˇ ehˇ-awˬ. Iˇ cuꞈ kʼaˇ mehꞈ-eu tsawˇ haˬ laˇ-awˬ. Kʼaˇ dawˇ mawꞈ-eu tsawˇ haˬ deuˬ dehꞈ-eu saꞈ laˇ iˇ cuꞈ yawꞈ ngehꞈ-ehˇ dawˇ laˇ-awˬ.

Panmaeq 22:8

Ngaˇ Yoˇhaˬ-aˬ, gaˇ kawˆ heu deuˬ dawˬ tawˆ luꞈ-ahˇ ya gaˬ ya mawˇ-euˬ ma. Gaˇ kawˆ heu deuˬ-ahˇ ngaˇ ya gaˬ ya mawˇ gʼaˬ ngeh, ngaˬ-ahˇ gaˇ kawˆ heu deuˬ bi siˬ bi mawˇ laꞈ-euˬ mˬ taˆ gʼaˬ kʼehˇ kʼoeˇ gʼaˬ-euˬ aˬ kuiˇ dawˬ peh ga byaˆ-awˇ, aˬ yawꞈ-ahˇ uˬ duˬ tahˬ-eu lehˇ gʼeh-euˬ ma.