Jaceuq 94:10 - Akha

¹⁰ Tsawˇ jeuˬ dawˬ tawˆ luꞈ-ahˇ haw luꞈ pyaˆ luꞈ-eu gʼaˬ aˬ yawꞈ maꞈ-ahˇ maˬ kʼehˬ maˬ kʼaˆ nehˬ nya ta loˇ. Tsawˇ haˬ dawˬ tawˆ luꞈ-ahˇ mehˬ luꞈ tsoˆ luꞈ-eu gʼaˬ tsawˇ gahˇ maˬ ahˇ nmˇ loˇ.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹⁰ Tsawrjeuq tsawrca-anr maeqdawq tsovdawq bif-eu ghaq, Tsawrhaqzaq-anr siqnya-eu tsawrganr maeqnaeq tsovnaeq-eu ghaq; Aqyawf maqdaeq-aer ghae taef-a laq?

Jaceuq 94:10 Iomraidhean Croise

Yawˇbaˆ 28:28

“Kʼoeˇ naˇ, Sahˬpaˬ Miˬyehˇ-ahˇ guˆ-eu jeˬ-aˬ, zaˬ siˬ tsawˇ gahˇ pyeuꞈ-awˇ, yaw haiˬ jeˬ-ahˇ gaˇ jaw jaw-eu jeˬ-aˬ, gʼoˆ siˬ gʼoˆ shaw nya-eu jeˬ pyeuꞈ-eu meh lehˇ, tsawˇ haˬ zaˬ-ahˇ Miˬyehˇ ehˇ taˬ-euˬ meh.”

Yawˇbaˆ 34:29

Miˬyehˇ tiˬ jeˬ-iˬ maˬ paˇ mˇ ma lehˇ noeˬ tsehˆ shaw naˇ, tiˬ gʼaˬ-iˬ aˬ yawꞈ-ahˇ iˬ baˇ maˬ taˬ nya-a. Aˬ yawꞈ-euˬ myaˆ pyawˬ-ahˇ aˬ yawꞈ dehˬ kaˬ taˬ naˇ, tsawˇ haˬ zaˬ neh maˬ paˇ laˆ luˆ nya meh.

Yawˇbaˆ 35:11

Jeˬ zaˬ hawˇ-eu aˇ jiˇ deuˬ naˆ maˬ tseˇ aˬ dui tsawˇ gahˇ ahˇ ni, aˬ dui-ahˇ zaˬ siˬ tsawˇ gahˇ biꞈ laꞈ-euˬ Miˬyehˇ-ahˇ, aˬ yawꞈ maꞈ maˬ tahˬ shaˇ leˇ-a.

Jaceuq 10:16

Mˬmaˬmaˬbyaˇzaˇziˇ sahˬpaˬ, SahˬpaˬMiˬyehˇ nawˇpyeuꞈ-eu meh. Miˬyehˇ nui deuˬ-ahˇgʼoe-eu deuˬ, heu kʼahˬlaꞈkʼoeˇ byoˆ-iˇtehꞈ-a.

Jaceuq 119:66

Nawˬ-euˬ dawˬ-ahˇ ngaˇ gʼoe-eu miˇ neh, zaˬ siˬ tsawˇ gahˇ hawˇ-eu noeˬ siˬ noeˬ mawˇ nya-eu jeˬ biꞈ laꞈ.

Jaceuq 149:7

Aˬ cawˬ tsawˇ jeuˬ-ahˇ deuˆ gʼaˬ-awˇ miˇ kʼahˬ zaˬ-ahˇ kʼehˬ-eu gʼaˇ duˬ,

Jaceuq 44:2

Aˬcawˬtsawˇjeuˬtsawˇca deuˬ-ahˇ, nawˬ-euˬaˬlaꞈneh teh dzeh-awˇ, nga maꞈ-euˬpoeˬpiˬkʼoeˇdeuˬ-ahˇ, kʼoeˇgaˇjawˇduˬbi dah-euˬmeh. Tsawˇjeuˬkʼoeˇdeuˬ-ahˇnawˇkʼehˬ-awˇ, poeˬpiˬdeuˬbi dehꞈdzaˬ-euˬmeh.

Jaceuq 9:5

Miˇkʼahˬtsawˇjeuˬ-ahˇnawˇmuiˇ-awˇ, yaw haiˬdeuˬ-ahˇ laˆcawˆ-euˬ meh. Yawꞈmaꞈtsawˇmyahˇmiˇtsaˬ kʼoeˇtaˆ, byoˆtsehˆ-iˇni jahˇ nehˬ-euˬ meh.

Dawqdaq 2:6

Sahˬpaˬ Miˬyehˇ-aˬ, zaˬ siˬ tsawˇ gahˇ biꞈ-eu gʼaˬ meh. Tsawˇ gahˇ hawˇ-eu noeˬ siˬ noeˬ mawˇ nya-eu jeˬ, aˬ yawꞈ-euˬ kʼaˬ meh-ahˇ neh doˆ le-euˬ meh.

Iˇsaˬyaˇ 10:12

Ziˇoˬ gawˬ jawˬ hawˇ-eu Yeˬluˇsaˬlehˬ meuˬ kʼoeˇ taˆ, mˇ paˬ-ehˇ gʼeh-eu gaˇ deuˬ-ahˇ Sahˬpaˬ Miˬyehˇ mˇ gʼaˬ ngeh, nui ma huiˬ-eu mahˇ-eu laꞈ kʼoeˇ kʼahˬ sehˇ jehˆ luꞈ-eu Aˬshuˇliˆ sahˬ paˬ-ahˇ, aˬ yawꞈ kʼehˬ nehˬ kʼaˆ nehˬ tehꞈ-a.

Iˇsaˬyaˇ 2:3

tsawˇ haˬ gʼawˬ mya ni uiˬ laˇ bymˇ laˇ-awˇ, heu loꞈ-ehˇ ehˇ tehꞈ-a. “Laˇ-awˬ. Sahˬpaˬ Miˬyehˇ-euˬ gawˬ jawˬ-ahˇ daˆ leˇ kaˇ-euˇ. Iˇsaˬleˬlaˆ Miˬyehˇ-euˬ Uˬ duˬ tahˬ nymˇ nymˇ ma-ahˇ le kaˇ-euˇ. Aˬ yawꞈ-euˬ gaˇ ma-ahˇ aˬ dui cah nya ni, aˬ yawꞈ neh bi mehˬ bi tsoˆ leˇ kaˇ-euˇ.” Ziˇoˬ meuˬ-ahˇ neh zahˇ dawˬ kʼoꞈ dawˬ doˆ le-awˇ, Yeˬluˇsaˬlehˬ meuˬ-ahˇ neh Sahˬpaˬ Miˬyehˇ-euˬ dawˬ gaˬ doˆ le-eu meh.”

Iˇsaˬyaˇ 28:26

Miˬyehˇ neh mehˬ taˬ-euˬ loꞈ-ehˇ, aˬ yawꞈ-euˬ gaˇ aˬ yawꞈ siˬ nya luꞈ meh.

Iˇsaˬyaˇ 37:36

Sahˬpaˬ Miˬyehˇ-euˬ mˬ taˆ gʼaˬ kʼehˇ tiˬ gʼaˬ Aˬshuˇliˆ taˆ-ahˇ uˇ-iˇ-awˇ, yehˇ tiˬ seh yehꞈ muiˇ ngaˬ heˇ gʼaˬ-ahˇ sehꞈ-euˬ meh. Yawˬ shawˬ yawˬ uˬ bya bya laˇ ngeh, aˬ yawꞈ maꞈ dawˬ tawˆ luꞈ yaw shiˇ-ehˇ ga-eu meh.

Iˇsaˬyaˇ 54:13

“Nawˬ-euˬ tsawˇ haˬ deuˬ-ahˇ ngaˇ mehˬ nehˬ tsoˆ nehˬ-awˇ, nui saˇ oꞈ-awˇ bi baw bi za le ma.

Yeˬlaˬmiˇ 10:25

Nawˬ-ahˇ uˬ duˬ maˬ tahˬ-eu tsawˇ jeuˬ deuˬ jawˇ paw, nawˬ-ahˇ byehˇ dzeh-euˬ tsawˇ haˬ deuˬ jawˇ paw, nawˬ-euˬ nui pehˇ sheu pyawˇ nehˬ-awˬ. Aˬ yawꞈ maꞈ nawˬ-euˬ tsawˇ haˬ deuˬ-ahˇ sehꞈ-euˬ meh. Aˬ yawꞈ maꞈ nga maꞈ-ahˇ laˆ byoˆ laˆ laˆ yaꞈ-awˇ, nga maꞈ miˇ kʼahˬ laˆ cawˆ-awˇ byehˇ dzeh yaꞈ-euˬ meh.

Yeˬsaˬgeˬlaˇ 39:21

Sahˬpaˬ Miˬyehˇ heu loꞈ-ehˇ ehˇ-eu meh. “Miˇ kʼahˬ tsawˇ jeuˬ deuˬ-ahˇ ngaˬ-euˬ yaw shehꞈ kʼahˬ sehˇ bi mawˇ-awˇ, ngaˬ-euˬ baoˬ-ahˇ gʼoe-eu laꞈ kʼoeˇ, ngaˬ neh noeˬ tsehˆ taˬ-euˬ yaw tsaˬ yaw dawˇ jeˬ ngaˇ mˇ doˆ nya-eu gaˇ kawˆ, aˬ yawꞈ maꞈ-ahˇ ngaˇ bi siˬ duˬ ma.

Aˬmoˆ 3:2

“Miˇ tsaˬ kʼoeˇ taˆ kʼaˇ jawˇ-eu tsawˇ jeuˬ dawˬ tawˆ luꞈ laꞈ kʼoeˇ, naw maꞈ-ahˇ tehꞈ-ehˇ ngaˇ myaˆ pyawˬ pyuˇ-awˇ ngehˬ gʼeh nehˬ-euˬ ma. Kʼoeˇ miˇ neh naw maꞈ iˬ baˇ mˇ ngeh ngaˬ-euˬ nui ma-ahˇ zaw dui dui laˇ-awˇ, kʼoeˇ loꞈ-ehˇ iˬ baˇ mˇ-euˬ aˇ poeˬ naw maꞈ-ahˇ ngaˇ ya kʼehˬ nehˬ meh.”

Haˬbaˬkuˆ 1:12

Mˬ ga miˇ seu dahˬ beh ngeh neh, Sahˬpaˬ Miˬyehˇ nawˇ Miˬyehˇ meh. Ngaˬ-euˬ Miˬyehˇ Yaw shawˇ Gʼaˬ-oˇ, nga maꞈ bi shiˇ-eu gʼeh te loˇ. Nga maꞈ-ahˇ yaˇ kʼaˬ bi daˇ-awˇ, bi muiˬ bi shawˇ laˇ-eu gʼaˇ duˬ, Baˬbuˇloˬ-ahˇ nawˇ tseˇ doˆ-awˇ, baoˬ tiˬ byah ni biꞈ taˬ teˬ loˇ.

Haˬbaˬkuˆ 3:12

Nawˇ nui ma pehˇ dui dui laˇ-awˇ, miˇ tsaˬ nyiˬ tsehˆ-ehˇ iˇ-euˬ meh.

Yoˇhaˬ 6:45

“‘Tsawˇ haˬ yawˬ gʼaˬ na luꞈ-ahˇ Miˬyehˇ mehˬ nehˬ tsoˆ nehˬ tehꞈ-a’ lehˇ, Miˬyehˇ gʼaˇ duˬ ngehˬ dah-eu tsawˇ haˬ deuˬ neh boꞈ taˬ-euˬ jaˆ-eu meh. Aˬda-euˬ dawˬ ya gaˬ-awˇ dzaw geuꞈ-eu tsawˇ haˬ aˬ geu gʼaˬ maˬ kaˬ, ngaˇ jawˇ gaˇ laˇ tehꞈ-a.