Jaceuq 94:1 - Akha

¹ Sahˬpaˬ Miˬyehˇ-oˇ, nawˇ-aˬ, kʼehˬ nehˬ kʼaˆ nehˬ-eu Miˬyehˇ meh. Nawˇ nui ma pehˇ-eu jeˬ bi mawˇ-awˬ.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹ Ya’we Miqyaer-or! Lafpov povkhof-eu jeq-aq nawq-euq mae. Miqyaer-or! Lafpov povkhof-eu jeq-aq nawq-euq mae, Byadov lef-awq!

Jaceuq 94:1 Iomraidhean Croise

2 Sahˬpaˬ 9:7

Ngaˬ-euˬ gʼaˇ duˬ ngehˬ dah-eu deuˬ hawˇ-eu ngaˬ-euˬ zaˬ kʼaˆ deuˬ-ahˇ sehꞈ-euˬ gʼaˬ pyeuꞈ-eu Yeˬzaˬbeˬlaˇ-ahˇ ngaˇ paˇ kʼehˬ poˆ nehˬ-eu gʼaˇ duˬ, Aˬhaˆ-euˬ aˬ li pyeuꞈ-eu nawˬ-euˬ sahˬ paˬ-ahˇ nawˇ ya sehꞈ meh.

Jaceuq 50:2

Haw muiˬ dui dui-eu Ziˇoˬ meuˬ-ahˇ neh, Miˬyehˇ-euˬ yaw shehꞈ bya doˆ laˇ-eu meh.

Jaceuq 80:1

Iˇsaˬleˬlaˆ tsawˇ jeuˬ-ahˇ bo-eu yawˇ bo-eu gʼaˬ-oˇ, nga maꞈ-euˬ shaˇ dawˬ-ahˇ naˇ haˬ nehˬ laꞈ. Yawˇ maꞈ-ahˇ sheuˬ gʼeh-eu gʼaˬ-oˇ, nga maꞈ-ahˇ naˬ bawˇ ciˬ kʼmˇ nehˬ laꞈ. Jeˬluˇbeˬ kʼoeˇ taˆ nuiˇ luꞈ-eu gʼaˬ-oˇ,

Iˇsaˬyaˇ 35:4

Nui ma gʼaˬ baˬ luꞈ-eu tsawˇ haˬ deuˬ-ahˇ, “Gʼaˬ byehˆ maˬ byehˆ-ehˇ maˬ guˆ ni jawˇ-awˬ. Naw maꞈ-ahˇ ka kʼoꞈ nehˬ-awˇ, muiˇ-eu deuˬ-ahˇ kʼehˬ-eu gʼaˇ duˬ, Miˬyehˇ oe luꞈ meh” lehˇ ehˇ nehˬ-awˬ.

Iˇsaˬyaˇ 59:17

Shmˇ mehˬ tsoeˬ dm kaˬ-eu loꞈ-ehˇ, yaw tsaˬ yaw dawˇ jeˬ aˬ yawꞈ dm gʼoeˬ-awˇ, ka kʼoꞈ-eu uˬ kʼoˆ kʼoˆ tehꞈ-a. Laꞈ poˆ poˆ-eu pehˇ kʼahˬ aˬ yawꞈ dm-awˇ, nui ma pehˇ-eu pehˇ kʼahˬ pehˇ ma dm daˆ tehꞈ-a.

Yeˬlaˬmiˇ 50:28

Baˬbuˇloˬ miˇ kʼahˬ-ahˇ neh cehˆ doˆ laˇ-euˬ tsawˇ haˬ deuˬ Yeˬluˇsaˬlehˬ meuˬ-ahˇ cehˆ laˇ-awˇ, aˬ yawꞈ-euˬ Uˬ duˬ tahˬ nymˇ nymˇ ma-ahˇ Baˬbuˇloˬ tsawˇ haˬ deuˬ yehˬ bawˬ sehˇ lu-ehˇ jahˇ yaꞈ-euˬ baˬ da neh, aˬ dui-euˬ Miˬyehˇ pyeuꞈ-eu Sahˬpaˬ Miˬyehˇ aˬ yawꞈ maꞈ-ahˇ aˬ joˆ-ehˇ paˇ jahˇ poˆ nehˬ-euˬ gaˇ kawˆ dzawˇ le-euˬ meh.

Yeˬlaˬmiˇ 51:56

Baˬbuˇloˬ meuˬ aˬ yawꞈ maꞈ laˆ cawˆ le-euˬ meh. Baˬbuˇloˬ yehˇ bi nyehꞈ jiˇ-awˇ, aˬ yawꞈ maꞈ-euˬ kaˆ kʼehꞈ-iˇ jiˇ-euˬ meh. Ngaˇ-aˬ yaw haiˬ jeˬ-ahˇ kʼehˬ-eu Miˬyehˇ pyeuꞈ-awˇ, Baˬbuˇloˬ meuˬ-ahˇ geuˇ-eu loꞈ-ehˇ kʼehˬ nehˬ ma.

Yeˬlaˬmiˇ 51:6

Baˬbuˇloˬ miˇ kʼahˬ-ahˇ neh cehˆ doˆ-awˬ. Uˬ kʼawˇ buˬ ni cehˆ-awˬ. Baˬbuˇloˬ miˇ kʼahˬ-euˬ iˬ baˇ baˬ da neh shiˇ gaˇ taˬ bi keuˆ. Miˇ kʼahˬ kʼoeˇ kʼahˬ-ahˇ oꞈ-eu geuˇ-eu loꞈ-ehˇ, nymˬ-mˇ ngaˇ kʼehˬ nehˬ luꞈ-eu ma.

Naˬhmˬ 1:2

Sahˬpaˬ Miˬyehˇ pyeuꞈ-eu Miˬyehˇ, myaˆ naˆ-eu nui ma ahˇ-eu meh. Yawꞈ-ahˇ puiˬ-eu deuˬ-ahˇ kʼehˬ-awˇ, yawꞈ-ahˇ jahˇ gʼeh haw-eu deuˬ-ahˇ, nui ma pehˇ-awˇ laꞈ poˆ poˆ meh.

Lormav 12:19

Aˬ yuiꞈ aˬ nyiˇ Ka li zaˬ deuˬ-oˇ, aˬ cawˬ-ahˇ laꞈ poˆ tiˬ jawˇ-iˬ taˬ poˆ. Miˬyehˇ yaˇ kʼaˬ daˇ luꞈ-uˇ. Aˬ jeˬ miˇ neh ehˇ naˇ, Jaˇliꞈ laꞈ kʼoeˇ heu loꞈ-ehˇ ehˇ taˬ-euˬ meh. “Laꞈ poˆ poˆ-eu jeˬ-aˬ, ngaˬ-ahˇ taꞈ-eu jeˬ pyeuꞈ-eu ma. Ngaˇ jahˇ kʼoꞈ nehˬ ma lehˇ Sahˬpaˬ Miˬyehˇ ehˇ-eu meh.”

Dawˬmehˬ 32:35

Aˬ yawꞈ neh laꞈ poˆ bi poˆ-awˇ, muiˇ-eu deuˬ ya coˬ dzeh-iˇ-eu, aˇ nah kʼoeˇ nah peh le luꞈ meh.

2 Teˇsaˬloˇni 1:8

Miˬyehˇ-ahˇ Miˬyehˇ meh lehˇ maˬ sawˇ-ehˇ, aˬ dui-euˬ Sahˬpaˬ Yeˬsuˇ Ka li-euˬ Laˬ kʼaˬ cehˇ-eu Guiˬ lahˬ dawˬ-ahˇ maˬ naˇ haˬ geuꞈ-eu tsawˇ haˬ deuˬ-ahˇ kʼehˬ-eu gʼaˇ duˬ Sahˬpaˬ Yeˬsuˇ oe ngeh, miˬ dzaˬ miˬ lmˇ hehˇ leꞈ tehꞈ-a.

HeˬByehˇ 10:30

Aˬ jeˬ miˇ neh ehˇ naˇ,“Laꞈ poˇ poˆ-eu jeˬ-aˬ, ngaˬ-euˬ gaˇ ma. Ngaˇ jahˇ kʼoꞈ nehˬ ma” lehˇ ehˇ-eu kʼoeˇ dawˬ hawˇ-eu, “Aˬ yawꞈ-euˬ tsawˇ haˬ deuˬ-ahˇ Sahˬpaˬ Miˬyehˇ yaˇ kʼaˬ daˇ tehꞈ-a” lehˇ ehˇ-eu kʼoeˇ dawˬ, aˬ suˇ gʼaˬ neh ehˇ-euˬ dawˬ pyeuꞈ-eu gaˇ kawˆ aˬ dui siˬ nya ma.