Jaceuq 92:2 - Akha

² Maˬ tsehˆ leˇ-eu nawˬ-euˬ gʼoeˇ-eu gaˬ-eu jeˬ-ahˇ yawˬ shawˬ na luꞈ maˬ ehˇ, nawˇ saˇ jaˇ ziꞈ-eu jeˬ-ahˇ yawˬ miˇ na luꞈ maˬ ehˇ,

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

² Uqshawq paw, nawq-euq ghoer-awr gaq-eu garkawv dawqdzawr mr-awr; Uqcif yawqmir navluf, nawr sarjax zif-eu garkawv dawqdzawr mr-eu yawmuiq mae.

Jaceuq 92:2 Iomraidhean Croise

1 Laˬsaˬbaˬ 25:1

Uˬ duˬ tahˬ gaˇ bi sheuˬ gʼeh-eu gʼaˇ duˬ, sahˬ paˬ Daˬbiˇ hawˇ-eu Leˬbiˇ tsawˇ haˬ aˬ yuiꞈ aˬ tsu deuˬ neh tseˇ doˆ-euˬ Leˬbiˇ aˇ jeuˬ deuˬ-aˬ, Aˬsaˆ aˇ jeuˬ, Heˬmaˬ aˇ jeuˬ, Yeˬduˇdoˬ aˇ jeuˬ heu deuˬ meh. Aˬ yawꞈ maꞈ-aˬ, deuˇ-mˬ diˬ-awˇ cehˇ lehˇ ciˆ-eu laꞈ kʼoeˇ, aˬ cawˬ-ahˇ Miˬyehˇ-euˬ dawˬ kawˬ ya dzawˇ mehˬ-eu meh. Uˬ duˬ tahˬ gaˇ bi sheuˬ gʼeh-eu gʼaˇ duˬ tseˇ doˆ taˬ-euˬ deuˬ hawˇ-eu, aˬ yawꞈ maꞈ ya mˇ-eu gaˇ deuˬ-aˬ, heu loꞈ-ehˇ meh.

Yawˇbaˆ 35:10

Ehˇ kʼawꞈ, zahˇ dui dui-eu aˇ yamˬ-ahˇ aˬ yawꞈ maꞈ-ahˇ noeˬ tmˬ duˬ biꞈ-eu gʼaˬ pyeuꞈ-eu, aˬ yawꞈ maꞈ-ahˇ beh-euˬ Miˬyehˇ-ahˇ aˬ yawꞈ maꞈ laꞈ jeuˬ maˬ shaˇ-a.

Jaceuq 101:1

Saˇ jaˇ ziꞈ-eu jeˬ hawˇ-eu yaw tsaˬ yaw dawˇ jeˬ gaˇ kawˆ, ngaˇ caˇ-awˇ ja ceuˬ ma. Sahˬpaˬ Miˬyehˇ-oˇ, nawˬ-ahˇ ngaˇ caˇ-awˇ ja ceuˬ ma.

Jaceuq 145:2

Yawˬ nah na luꞈ nawˬ-euˬ guiˬ lahˬ-ahˇ ngaˇ ja ceuˬ ma. Mˬ maˬ maˬ byaˆ zaˇ ziˇ nawˬ-ahˇ ngaˇ ja ceuˬ ma.

Jaceuq 147:1

Sahˬpaˬ Miˬyehˇ-ahˇ ja ceuˬ-awˬ. Aˬ dui-euˬ Miˬyehˇ-ahˇ ja ceuˬ-eu muiˬ dui dui meh. Aˬ yawꞈ-ahˇ ja ceuˬ-eu jeˬ tsaˬ-awˇ, nui kʼahˇ shiˇ dui dui nya.

Jaceuq 42:8

Uˬciꞈpaw ngaˇcaˇdawˬcaˇ-awˇ, ngaˬ-ahˇbi dehꞈ-eu gʼaˬpyeuꞈ-eu, Miˬyehˇ-ahˇguiˬlahˬshaˇnya ni, tiˬjawˇ-iˬmaˬtsehˆleˇnya-eu, SahˬpaˬMiˬyehˇ-euˬgaˬ-eu jeˬ, nah gʼahˇpaw mehˬnehˬlaꞈluꞈ-uˇ.

Jaceuq 71:15

Nawˇ muiˬ-eu jeˬ gaˇ kawˆ ngaˇ ja ma. Nawˬ-euˬ ka kʼoꞈ-eu jeˬ gaˇ kawˆ-ahˇ ngaˇ maˬ siˬ maˬ mawˇ byah nya kʼawꞈ, gaˇ kawˆ kʼoeˇ nah ga-ehˇ ngaˇ ja ma.

Jaceuq 77:2

Ngaˇ shaˬ zahˬ naꞈ ngeh, Sahˬpaˬ Miˬyehˇ-ahˇ guiˬ lahˬ shaˇ-euˬ ma. Uˬ ciꞈ miˇ lah-ehˇ aˬ laꞈ baꞈ diˇ-awˇ guiˬ lahˬ shaˇ kʼawꞈ, nui ma saˇ laˇ duˬ maˬ jaˆ nya.

Jaceuq 9:3

Ngaˬ-ahˇmuiˇ-eu tsawˇhaˬkʼoeˇdeuˬ, nawˬ-ahˇmawˇngeh zeuˆpyawˇkʼoꞈ-awˇ, naˇkʼah paw coˬsehꞈdzeh-eu meh.

Iˇsaˬyaˇ 63:7

Sahˬpaˬ Miˬyehˇ-euˬ gʼoeˇ-eu gaˬ-eu jeˬ, maˬ poˆ maˬ paˇ laˇ-eu gaˇ kawˆ ngaˇ ja gaˬ ma. Aˬ dui kʼoeˇ taˆ aˬ yawꞈ neh kʼaˇ mˇ taˬ-euˬ jeˬ gʼaˇ duˬ, aˬ yawꞈ-euˬ guiˬ lahˬ-ahˇ ngaˇ ja ceuˬ ma. Aˬ yawꞈ-euˬ gʼawˬ shaˬ gaˬ-eu jeˬ hawˇ-eu, maˬ tsehˆ leˇ nya-eu gʼoeˇ-eu gaˬ-eu jeˬ baˬ da, aˬ yawꞈ-euˬ Iˇsaˬleˬlaˆ tsawˇ jeuˬ-ahˇ, muiˬ-eu guiˬ lahˬ tiˬ byah biꞈ nehˬ-euˬ meh.

Yoˇhaˬ 1:17

Miˬyehˇ aˬ dui-ahˇ Zahˇ dawˬ kʼoꞈ dawˬ biꞈ laꞈ ngeh, Moˇseˬ-ahˇ gʼoe-awˇ biꞈ laꞈ-euˬ meh. Ehˇ kʼawꞈ, Miˬyehˇ aˬ dui-ahˇ gʼawˬ shaˬ gaˬ-eu jeˬ hawˇ-eu saˇ jaˇ ziꞈ-eu jeˬ pah mehˬ laꞈ ngeh, Yeˬsuˇ-ahˇ gʼoe-awˇ pah mehˬ laꞈ-euˬ meh.

Gʼaˬkʼehˇ 16:25

Sehˇ gʼahˇ ceh laˇ ngeh, Pawˇluˆ hawˇ-eu Siˬlaˆ aˬ nyaꞈ guiˬ lahˬ shaˇ shaˇ-ehˇ Miˬyehˇ-ahˇ ja ceuˬ-eu caˇ dawˬ caˇ luꞈ-awˇ, tawˬ-ahˇ uˇ-eu tsawˇ haˬ deuˬ naˇ haˬ luꞈ-eu meh.