Jaceuq 92:1 - Akha

¹ Sahˬpaˬ Miˬyehˇ-oˇ, nawˬ-euˬ guiˬ lahˬ-ahˇ ja ceuˬ-eu jeˬ aˇ naˆ ni muiˬ-eu nga. Huiˬ dui mahˇ dui dui-eu Miˬyehˇ-oˇ, nawˬ-ahˇ taˬ huiˬ taˬ mahˇ-eu caˇ dawˬ caˇ-eu jeˬ aˇ naˆ ni jaˬ-eu nga.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹ Ya’we Miqyaer-or! Nawq-euq guiqlanq-anr jaceuq-eu arnavni muiq-eu nga. Gor duidui-eu ghaq-or! Nawq-euq tsawrmyanr-anr car-awr jaceuq-eu arnavni jaq-eu nga.

Jaceuq 92:1 Iomraidhean Croise

Jaceuq 107:1

Sahˬpaˬ Miˬyehˇ-euˬ guiˬ lahˬ-ahˇ ja ceuˬ-awˬ. Aˬ yawꞈ aˬ dui kʼoeˇ taˆ muiˬ-eu meh. Aˬ yawꞈ-euˬ gʼoeˇ-eu gaˬ-eu jeˬ mˬ maˬ maˬ byaˆ zaˇ ziˇ ziꞈ-eu meh.

Jaceuq 107:15

Sahˬpaˬ Miˬyehˇ-euˬ maˬ tsehˆ leˇ nya-eu gʼoeˇ-eu gaˬ-eu jeˬ hawˇ-eu, aˬ yawꞈ maꞈ gʼaˇ duˬ zahˬ leˇ paˬ-ehˇ gʼeh-eu jeˬ mˇ-euˬ guiˬ lahˬ baˬ da neh, aˬ yawꞈ-euˬ guiˬ lahˬ-ahˇ aˬ yawꞈ maꞈ ja ceuˬ-eu tsaˬ meh.

Jaceuq 107:8

Sahˬpaˬ Miˬyehˇ-euˬ maˬ tsehˆ leˇ nya-eu gʼoeˇ-eu gaˬ-eu jeˬ hawˇ-eu, aˬ yawꞈ maꞈ gʼaˇ duˬ zahˬ leˇ paˬ-ehˇ gʼeh-eu jeˬ mˇ-euˬ guiˬ lahˬ baˬ da neh, aˬ yawꞈ-euˬ guiˬ lahˬ-ahˇ aˬ yawꞈ maꞈ ja ceuˬ-eu tsaˬ meh.

Jaceuq 135:3

Sahˬpaˬ Miˬyehˇ muiˬ-eu jaˬ-eu miˇ neh, aˬ yawꞈ-ahˇ ja ceuˬ-awˬ. Aˬ yawꞈ gʼawˬ shaˬ gaˬ nya-eu miˇ neh, aˬ yawꞈ-euˬ tsawˇ myahˇ-ahˇ caˇ-awˇ ja ceuˬ-awˬ.

Jaceuq 147:1

Sahˬpaˬ Miˬyehˇ-ahˇ ja ceuˬ-awˬ. Aˬ dui-euˬ Miˬyehˇ-ahˇ ja ceuˬ-eu muiˬ dui dui meh. Aˬ yawꞈ-ahˇ ja ceuˬ-eu jeˬ tsaˬ-awˇ, nui kʼahˇ shiˇ dui dui nya.

Jaceuq 33:1

Yaw tsaˬyaw dawˇtsawˇhaˬdeuˬ-oˇ, SahˬpaˬMiˬyehˇlaꞈkʼoeˇcehˇ-awˬ. Yawꞈ-euˬdawˬnaˇhaˬ-eu tsawˇhaˬ, yawꞈ-ahˇja ceuˬnehˬ-eu geuˇmeh.

Jaceuq 50:23

Guiˬ lahˬ noeˬ keuˆ-awˇ, ja ceuˬ-eu jeˬ-aˬ, ngaˬ-ahˇ taˬ huiˬ-eu lawˇ-eu jeˬ pyeuꞈ-eu meh. Ngaˬ-euˬ ehˇ dawˬ kʼaˇ naˇ haˬ geuꞈ-eu deuˬ-ahˇ, ngaˇ aˬ diˇ ka kʼoꞈ nehˬ ma.”

Jaceuq 52:9

Miˬyehˇ-oˇ, nawˬ neh mˇ-euˬ gaˇ deuˬ baˬ da neh, nawˬ-euˬ guiˬ lahˬ-ahˇ aˬ myah luꞈ ja ceuˬ ma. Nawˬ-euˬ tsawˇ haˬ deuˬ jawˇ-eu mehˬ shi, nawˇ muiˬ-eu gaˇ kawˆ ngaˇ ja mehˬ ma.

Jaceuq 54:6

Sahˬpaˬ Miˬyehˇ-oˇ, nawˬ-ahˇ ngaˇ laˬ kʼaˬ tiˬ cehˇ lawˇ nehˬ shehˇ nehˬ ma. Nawˇ muiˬ-eu gʼaˬ pyeuꞈ-eu miˇ neh, nawˬ-euˬ guiˬ lahˬ-ahˇ ngaˇ ja ceuˬ ma.

Jaceuq 73:28

Ehˇ kʼawꞈ, Miˬyehˇ-euˬ dawˬ peh ya jawˇ-eu jeˬ ngaˬ-euˬ gʼaˇ duˬ muiˬ dui dui nya. Ngaˬ-euˬ ziꞈ duˬ gʼoe duˬ-aˬ, Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ ma. Aˬ yawꞈ neh kʼaˇ mˇ-euˬ jeˬ dawˬ tawˆ luꞈ ngaˇ ja gaˬ ma.

Jaceuq 82:6

Naw maꞈ miˬ yehˇ meh lehˇ ngaˇ ehˇ-eu ma. Naw maꞈ yawˬ gʼaˬ na luꞈ Huiˬ dui mahˇ dui dui-eu Gʼaˬ-euˬ aˬ li tehꞈ meh.

Jaceuq 92:8

Aˬ jeˬ miˇ neh ehˇ naˇ , Sahˬpaˬ Miˬyehˇ nawˇ mˬ maˬ maˬ byaˆ zaˇ ziˇ, dawˬ tawˆ luꞈ kʼoeˇ taˆ huiˬ dzehˬ-eu gʼaˬ meh.

Iˇsaˬyaˇ 57:15

“Huiˬ-eu goˇ-eu muiˬ-eu shawˇ-eu Miˬyehˇ ngaˇ ma. Mˬ maˬ maˬ byaˆ zaˇ ziˇ ziꞈ-eu ngaˇ ma. Muiˬ-eu shawˇ-eu jawˇ duˬ yaw goˇ-ahˇ ngaˇ jawˇ kʼawꞈ, iˬ baˇ noeˬ poˆ-awˇ nahˬ yu ni gʼeh-eu deuˬ nehˬ-ehˇ ngaˇ jawˇ-awˇ, aˬ yawꞈ maꞈ noeˬ tmˬ kʼaˇ bi za-eu ma.

Daˬyeˬlaˇ 5:18

“Dawˬ tawˆ kʼoeˇ taˆ huiˬ-eu Miˬyehˇ neh nawˬ da-ahˇ huiˬ dui dui-eu sahˬ paˬ tiˬ gʼaˬ bi pyeuꞈ laˇ-awˇ, baoˬ yaw shehꞈ kʼahˬ sehˇ biꞈ nehˬ-euˬ meh.

Eˇpeˇsu 5:19

Ja ceuˬ-eu sahˬ boꞈ gaˇ kawˆ, Miˬyehˇ-ahˇ ja ceuˬ-eu caˇ dawˬ gaˇ kawˆ hawˇ-eu, guiˬ lahˬ saꞈ laˇ paw-euˬ caˇ dawˬ gaˇ kawˆ tiˬ gʼaˬ tiˇ gʼaˬ ja uˇ-awˬ. Nui ma laꞈ kʼoeˇ Sahˬpaˬ Yeˬsuˇ-ahˇ ja ceuˬ-awˇ, ja ceuˬ-eu caˇ dawˬ deuˬ-ahˇ caˇ-awˬ.

HeˬByehˇ 13:15

Kʼoeˇ miˇ neh, aˬ dui Yeˬsuˇ-ahˇ gʼoe-eu laꞈ kʼoeˇ Miˬyehˇ-ahˇ ja ceuˬ-eu jeˬ lawˇ nehˬ kaˇ-euˇ. Kʼoeˇ-aˬ, aˬ yawꞈ aˬ dui-euˬ Sahˬpaˬ pyeuꞈ-eu gaˇ kawˆ bi siˬ bi mawˇ-eu, kʼaˬ meh mehˬ boeˬ neh lawˇ-eu jeˬ pyeuꞈ-eu meh.

HeˬByehˇ 4:9

Kʼoeˇ miˇ neh, shiꞈ nah tiˬ nah-ahˇ Miˬyehˇ gʼaˬ naˬ naˬ-euˬ loꞈ-ehˇ, Miˬyehˇ-euˬ zaˬ deuˬ gʼaˇ duˬ gʼaˬ naˬ naˬ-eu jeˬ jaˆ luꞈ-a siˬ.