Jaceuq 91:7 - Akha

⁷ Nawˬ-euˬ dawˬ peh tiˬ heˇ gʼaˬ ya shiˇ-awˇ, nawˬ-euˬ yaw taw tiˬ muiˇ gʼaˬ ya shiˇ kʼawꞈ, nawˬ-ahˇ tiˬ jeˬ-iˬ maˬ guˬ laˇ-a.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁷ Nawq-euq dawqpae 1,000 ghaq coq-ir-eu baw-mr; Nawq-euq armar paw 10,000 ghaq coq-ir nya taef-a. Aerkhawf, nawq-euq dawqpae maq larkeuv-ar.

Jaceuq 91:7 Iomraidhean Croise

Aˇ dahˬ 7:23

Miˇ tsaˬ kʼoeˇ taˆ kʼaˇ dehꞈ kʼaˇ jawˇ-eu jeˬ pyeuꞈ-eu, ho zaˬ nga jiˇ yawˬ mawˇ na luꞈ maˬ ehˇ, jeˬ zaˬ yawˬ mawˇ na luꞈ maˬ ehˇ, tsawˇ haˬ yawˬ gʼaˬ na luꞈ maˬ ehˇ, dawˬ tawˆ luꞈ-ahˇ Sahˬpaˬ Miˬyehˇ laˆ cawˆ nehˬ jiˇ-euˬ meh. Noˇaˬ hawˇ-eu aˬ yawꞈ nehˬ-ehˇ saˇ baoˬ laꞈ kʼoeˇ kʼaˇ uˇ leˇ-euˬ deuˬ tehꞈ-ehˇ dzeuˇ-iˇ-euˬ meh.

Jaceuq 32:6

Guˆ-eu gaˆ-eu iˇ jeuˬoe ngeh, luˬgaˇseˇgaˇ maˬya keuˆni, nawˬ-ahˇsaˇjaˇziꞈ-eu tsawˇhaˬ, zahˬngeh guiˬlahˬshaˇnya luꞈ-uˇ.

Yeˬlaˬmiˇ 39:18

Ngaˇ nawˬ-ahˇ yaw muiˬ-ehˇ bo saˆ-awˇ, shiˇ gaˇ maˬ bi keuˆ. Nawˇ ngaˬ-ahˇ gʼoe-euˬ miˇ neh, maˬ ya shiˇ ni dzeuˇ-iˇ tehꞈ-a lehˇ, Sahˬpaˬ Miˬyehˇ pyeuꞈ-eu ngaˇ ehˇ-eu ma’ lehˇ ehˇ nehˬ-awˬ.”

Yawˇshuˆ 14:10

Ehˇ kʼawꞈ, nymˬ-mˇ haw sheˇ. Moˇseˬ-ahˇ Sahˬpaˬ Miˬyehˇ kʼoeˇ loꞈ-ehˇ ehˇ nehˬ-euˬ oeˬ tseˇ kʼoꞈ byah laˇ-euˬ meh. Iˇsaˬleˬlaˆ tsawˇ haˬ deuˬ bawˇ tsahˬ bawˇ dahˇ-ahˇ cah luꞈ ngeh kʼoeˇ loꞈ-ehˇ ehˇ-euˬ meh. Ehˇ kʼawꞈ, Sahˬpaˬ Miˬyehˇ-aˬ, aˬ yawꞈ neh saˇ jaˇ dzaˬ taˬ-euˬ jaˆ-eu loꞈ-ehˇ, iˬ nah keuˆ ni ngaˬ-ahˇ bi dehꞈ laꞈ-euˬ meh. Ngaˬ-ahˇ haw sheˇ. Ngaˬ-euˬ aˇ kʼoꞈ yehꞈ tseˇ ngaˬ kʼoꞈ byah laˇ-euˬ ma.