Jaceuq 91:4 - Akha

⁴ Aˬ yawꞈ-euˬ aˬ dahˇ neh nawˬ-ahˇ kʼawˆ kaˬ-awˇ, aˬ yawꞈ bo saˆ ngehˬ gʼeh-eu laꞈ kʼoeˇ nawˇ nui saˇ oꞈ tehꞈ-a. Aˬ yawꞈ-euˬ saˇ jaˇ ziꞈ-eu jeˬ nawˬ-ahˇ haw piˇ nehˬ laꞈ tehꞈ-a.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁴ Aqyawf-euq aqdanr nae nawq-anr danrkhawv khawvkaq-awr; Nawr, aqyawf-euq aqdanr-euq uqmov caevzaflar taef-a. Aqyawf-euq yawtsaq yawdawr-aq, Nawq-euq daeqdaqduq hawr-eu tanqdaqduq pyeuf taef-a.

Jaceuq 91:4 Iomraidhean Croise

Aˇ dahˬ 15:1

Kʼoeˇ naˇ, yaw sahˇ laꞈ kʼoeˇ ya siˬ ya mawˇ-eu jeˬ laꞈ kʼoeˇ, Aˬbyaˬ-ahˇ Sahˬpaˬ Miˬyehˇ heu loꞈ-ehˇ ehˇ nehˬ-euˬ meh. “Aˬbyaˬ-oˇ, guˆ-eu nui ma taˬ bi ahˇ. Guˆ-eu gaˆ-eu jeˬ laꞈ kʼoeˇ nawˬ-ahˇ ngaˇ haw piˇ-awˇ, huiˬ dui dui-eu guiˬ lahˬ biꞈ ma.”

Jaceuq 138:2

Maˬ tsehˆ leˇ nya-eu nawˬ-euˬ gʼoeˇ-eu gaˬ-eu jeˬ hawˇ-eu nawˬ-euˬ saˇ jaˇ ziꞈ-eu jeˬ baˬ da neh, nawˬ-euˬ tsawˇ myahˇ hawˇ-eu nawˬ-eu zahˇ dawˬ kʼoꞈ dawˬ deuˬ dawˬ tawˆ luꞈ kʼoeˇ taˆ huiˬ-eu nawˇ bi siˬ laꞈ-euˬ baˬ da neh, nawˬ-euˬ Uˬ duˬ tahˬ nymˇ nymˇ ma jaˆ-eu paw ciˬ pyawˇ-awˇ awˆ byaˆ-eu laꞈ kʼoeˇ, nawˬ-euˬ tsawˇ myahˇ-ahˇ ja ceuˬ-eu ma.

Jaceuq 17:8

Myaˆnuiˆ-ahˇha lahˇ-eu loꞈ-ehˇ, ngaˬ-ahˇnawˇha lahˇnehˬlaꞈ-awˬ. Nawˬ-euˬaˬdahˇnaˇshmˇuˬmoˆ, ngaˬ-ahˇnawˇciˬzaꞈnehˬlaꞈ-awˬ.

Jaceuq 35:2

Guiˇdeuˆ-eu dehˬdaˬduˬyuˇ-awˇ, keu ka baꞈ-awˇka kʼoꞈle-awˬ.

Jaceuq 57:1

Miˬyehˇ-oˇ, ngaˬ-ahˇ gʼawˬ shaˬ gaˬ nehˬ laꞈ-awˬ. Ngaˇ nui saˇ oꞈ ni nawˇ jawˇ gaˇ laˇ-euˬ loꞈ-ehˇ, ngaˬ-ahˇ gʼawˬ shaˬ gaˬ nehˬ laꞈ-awˬ. Nawˬ-euˬ aˬ dahˇ naˇ shmˇ uˬ moˆ, mˬ jeˬ jaˬ lehˇ tsiˇ leˇ ngeh keuˆ ni, ngaˇ awˆ kʼaˇ za-eu ma.

Jaceuq 61:4

Ngaˬ-euˬ tiˬ ziˇ nawˬ-euˬ muiˬ-eu shawˇ-eu jawˇ duˬ-ahˇ bi jawˇ nehˬ laꞈ. Guˆ kʼaˇ maˬ za-eu nawˬ-euˬ aˬ dahˇ uˬ moˆ, ngaˬ-ahˇ bi naˬ nehˬ laꞈ.

Maꞈtehˬ 23:37

“Yeˬluˇsaˬlehˬ-oˇ, Yeˬluˇsaˬlehˬ-oˇ, Miˬyehˇ gʼaˇ duˬ ngehˬ dah-eu tsawˇ haˬ deuˬ-ahˇ nawˇ sehꞈ-awˇ, Miˬyehˇ neh kʼehˇ gʼeh leꞈ-euˬ tsawˇ haˬ deuˬ-ahˇ nawˇ kʼaˬ lo neh biˬ-euˬ meh. Ya ciˆ ya ma-euˬ aˬ dahˇ uˬ moˆ ya ciˆ ya zaˬ deuˬ-ahˇ uˆ kaˬ nehˬ-eu loꞈ-ehˇ, nawˬ-euˬ zaˬ deuˬ-ahˇ ngaˇ aˇ myaˆ poˆ uˆ kaˬ nehˬ mawꞈ-eu nga. Ehˇ kʼawꞈ, nawˇ ngaˬ-ahˇ kʼoeˇ loꞈ-ehˇ maˬ bi uˆ kaˬ nehˬ laꞈ-a.

Maˬkuˆ 13:31

Mˬ hawˇ-eu miˇ maˬ jaˆ coeˇ-ehˇ byoˆ-iˇ tehꞈ-a. Ehˇ kʼawꞈ, ngaˬ-euˬ dawˬ tiˬ jawˇ-iˬ maˬ byoˆ-iˇ-aˇ.

Dawˬmehˬ 32:11

Dzeˇ ma aˬ dahˇ uˬ moˆ dzeˇ zaˬ, zaw nya ni hehˇ tehˇ-euˬ loꞈ-ehˇ, Iˇsaˬlaˬleˇ tsawˇ haˬ deuˬ-ahˇ, Sahˬpaˬ Miˬyehˇ hehˇ tehˇ-euˬ meh.

Tiˇtuˆ 1:2

Kʼoeˇ-aˬ, mˬ maˬ maˬ byaˆ zaˇ ziˇ dehꞈ-eu jeˬ-ahˇ noeˬ tmˬ-eu jeˬ kʼoeˇ taˆ dawˬ pehˬ taˬ taˬ-euˬ meh. Jaˬ myawꞈ maˬ myawꞈ-eu Miˬyehˇ-aˬ, aˇ yamˬ-ahˇ maˬ beh mi naˆ-ehˇ, dehꞈ-eu jeˬ kʼoeˇ aˬ dui-ahˇ biꞈ ma lehˇ saˇ jaˇ dzaˬ taˬ-euˬ meh.

Luˇta 2:12

Nawˇ kʼoeˇ loꞈ-ehˇ mˇ-eu baˬ da neh, Sahˬpaˬ Miˬyehˇ nawˬ-ahˇ guiˬ lahˬ biꞈ luꞈ-uˇ. Iˇsaˬleˬlaˆ tsawˇ haˬ-euˬ Miˬyehˇ pyeuꞈ-eu Sahˬpaˬ Miˬyehˇ-euˬ aˬ dahˇ uˬ moˆ, nawˇ tah uˇ laˇ-eu loꞈ-ehˇ, aˬ yawꞈ nawˬ-ahˇ guiˬ lahˬ tiˬ byah tiˬ loꞈ biꞈ laꞈ luꞈ-uˇ.”