Jaceuq 91:1 - Akha

¹ Miˬyehˇ-ahˇ kʼaˇ tahˬ shaˇ-eu tsawˇ haˬ deuˬ, Baoˬ huiˬ-eu Miˬyehˇ haw piˇ-eu uˬ moˆ kʼaˇ jawˇ-eu tsawˇ haˬ deuˬ

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹ Gor duidui-eu ghaq nae zaftaq-euq jawrduq-anr jawr-eu tsawrhaq-aq, Baoq zawr huiq-eu Miqyaer-euq narshmr-euq uqmov yajawr taef-a.

Jaceuq 91:1 Iomraidhean Croise

Jaceuq 121:5

Sahˬpaˬ Miˬyehˇ nawˬ-ahˇ haw lahˇ tehꞈ-a. Nawˬ-eu dawˬ peh jawˇ-awˇ nawˬ-ahˇ haw piˇ tehꞈ-a.

Jaceuq 17:8

Myaˆnuiˆ-ahˇha lahˇ-eu loꞈ-ehˇ, ngaˬ-ahˇnawˇha lahˇnehˬlaꞈ-awˬ. Nawˬ-euˬaˬdahˇnaˇshmˇuˬmoˆ, ngaˬ-ahˇnawˇciˬzaꞈnehˬlaꞈ-awˬ.

Jaceuq 25:13

Yawꞈmaꞈbaw dui za dui dui-awˇ, zaˬdeuˬ miˇkʼahˬjeˬbiˇoꞈmeh.

Jaceuq 27:5

Guˆ-eu gaˆ-eu jeˬkeuˆle ngeh, aˬyawꞈ-euˬnymˇnymˇma laꞈkʼoeˇ, aˬyawꞈngaˬ-ahˇsheuˬpiˇtehꞈ-a. Sehˬgʼawˆnaˇshmˇbaˇzaꞈuˬmoˆ, aˬyawꞈngaˬ-ahˇsheuˬzaꞈtehꞈ-a. goˇdui dui-eu lo guˇ uˬ du, aˬyawꞈngaˬ-ahˇciˬdaˆtehꞈ-a.

Jaceuq 31:20

Yaw doeˇmaˬbi jahˇ-eu gʼaˇduˬ, yawꞈmaꞈ-ahˇnawˇhaw piˇnehˬ-awˇ, dawˬdoeˇmaˬbi daˬ-eu gʼaˇduˬ, yawꞈmaꞈ-ahˇnawˇha lahˇ-eu meh.

Jaceuq 32:7

Nawˇ-aˬ ngaˬ-euˬdzuˇzaꞈduˬma. Shaˬzahˬguˆgaˆbi dzeuˇlaꞈ-awˇ, ka kʼoꞈ-eu guiˬlahˬyaw dzahˇneh, ngaˬ-ahˇtsahˇlahˇnehˬlaꞈ-euˬmeh.

Jaceuq 36:7

Miˬyehˇnawˇ gʼoeˇ-eu gaˬ-eu jeˬ, aˇnaˆni poeˬ-eu lawˬ-eu nga. Nawˬ-euˬaˬdahˇnaˇshmˇuˬmoˆ, tsawˇhaˬzaˬ awˆkʼaˇza-eu meh.

Jaceuq 52:8

Ehˇ kʼawꞈ ngaˇ-aˬ, Miˬyehˇ-euˬ nymˇ-ahˇ dehꞈ-eu saˬ loˬ aˇ bawˇ-ahˇ duˇ-eu meh. Maˬ tsehˆ leˇ nya-eu aˬ yawꞈ-euˬ gʼoeˇ-eu gaˬ-eu jeˬ-ahˇ, mˬ maˬ maˬ byaˆ zaˇ ziˇ gʼoe-eu ma.

Jaceuq 57:1

Miˬyehˇ-oˇ, ngaˬ-ahˇ gʼawˬ shaˬ gaˬ nehˬ laꞈ-awˬ. Ngaˇ nui saˇ oꞈ ni nawˇ jawˇ gaˇ laˇ-euˬ loꞈ-ehˇ, ngaˬ-ahˇ gʼawˬ shaˬ gaˬ nehˬ laꞈ-awˬ. Nawˬ-euˬ aˬ dahˇ naˇ shmˇ uˬ moˆ, mˬ jeˬ jaˬ lehˇ tsiˇ leˇ ngeh keuˆ ni, ngaˇ awˆ kʼaˇ za-eu ma.

Jaceuq 90:1

Sahˬpaˬ Miˬyehˇ-oˇ, tiˬ ziˇ saˇ-iˬ tiˬ ziˇ nawˇ nga maꞈ-euˬ nymˇ loꞈ-ehˇ pyeuꞈ-eu ma.

Dawˬ caˇ 2:3

Ngaˇ gaˬ-eu gʼaˬ hawˇ-eu kʼaˬ dzeˇ zaˬ nui deuˬ shaˇ cehˆ haw ngeh, bawˇ tsahˬ sahˬ kʼaˆ-ahˇ dehꞈ-eu siˬ poeˬ tsaꞈ aˇ bawˇ-ahˇ duˇ-eu meh. Aˇ bawˇ kʼoeˇ bawˇ-euˬ naˇ shmˇ-ahˇ ngaˇ nuiˇ mawꞈ-awˇ, aˇ bawˇ kʼoeˇ-euˬ aˇ siˬ kuiˇ dui dui nya.

Iˇsaˬyaˇ 25:4

Mehꞈ-eu shuꞈ-eu deuˬ hawˇ-eu shaˬ-eu zahˬ-eu deuˬ, nawˇ jawˇ gaˇ cehˆ laˇ-awˇ, guˆ-eu gaˆ-eu jeˬ-ahˇ buˬ-iˇ-euˬ meh. Jaˬ lehˇ lehˇ ma baw ngeh aˬ yawꞈ maꞈ-ahˇ nawˇ haw lahˇ-awˇ, nahˇ tsaˇ kʼaˆ ngeh naˇ shmˇ bi awˆ-euˬ meh. Haiˬ-eu tsawˇ haˬ deuˬ neh mˇ-euˬ yaw doeˇ jeˬ-aˬ, kaˇ pyawˇ-ahˇ ciˬ tahˬ ciˬ tuˆ-eu jaˬ lehˇ lehˇ ma -ahˇ duˇ-awˇ,

Iˇsaˬyaˇ 32:2

Aˬ yawꞈ maꞈ aˬ yawꞈ gʼaˬ yawꞈ, jaˬ lehˇ baw ngeh naˬ duˬ loꞈ-ehˇ pyeuꞈ-awˇ, mˬ jeˬ jaˬ lehˇ huiˬ ngeh awˆ duˬ-ahˇ duˇ tehꞈ-a. Gui coˇ ni gʼeh-eu kʼaˇ shuiꞈ deh yaˇ-ahˇ, yoeˇ doˆ le-euˬ lawˇ gawˆ hawˇ-eu, shiˬ deuˬ ni gʼeh-eu lo guˇ-ahˇ duˇ tehꞈ-a.

Iˇsaˬyaˇ 8:14

Ngaˇ muiˬ dui shawˇ dui dui-eu miˇ neh, tsawˇ haˬ kʼoeˇ deuˬ sahˬ tiꞈ tiꞈ duˬ kʼaˬ lo loꞈ-ehˇ pyeuꞈ-eu ma. Ngaˇ-aˬ, Yuˇdaˆ miˇ kʼahˬ, Iˇsaˬleˬlaˆ miˇ kʼahˬ hawˇ-eu, Yeˬluˇsaˬlehˬ meuˬ-ahˇ jawˇ-eu tsawˇ haˬ deuˬ-ahˇ kʼmˇ taˬ-euˬ lahˇ ju-ahˇ duˇ-eu ma.

Ngoeˇ dawˬ 4:20

Muiˇ-eu deuˬ guiˇ deuˆ uˇ laꞈ gaˇ, nga maꞈ-ahˇ haw piˇ-eu gʼaˇ duˬ, Sahˬpaˬ Miˬyehˇ neh tseˇ doˆ-euˬ, nga maꞈ-euˬ saꞈ gʼawˇ kahˬ pyeuꞈ-eu, nga maꞈ tsawˇ jeuˬ-euˬ sahˬ paˬ-ahˇ, aˬ yawꞈ maꞈ neh nyehꞈ mi-euˬ meh.

Yeˬsaˬgeˬlaˇ 11:16

“Nymˬ-mˇ poˆ jawˇ, nawˬ nehˬ-ehˇ tiˬ kawˆ loꞈ-ehˇ bi nyehꞈ daˆ laꞈ-euˬ tsawˇ haˬ deuˬ-ahˇ, ngaˇ heu loꞈ-ehˇ ehˇ-eu meh lehˇ ehˇ nehˬ-awˬ. Aˬ yawꞈ maꞈ-ahˇ gaˇ mahˇ kaˬ-eu tsawˇ jeuˬ deuˬ jawˇ gaˇ biˇ jawˇ laˇ-awˇ, aˬ cawˬ miˇ kʼahˬ doe ni bi jawˇ byaˆ-euˬ gʼaˬ ngaˇ ma. Ehˇ kʼawꞈ, nymˬ-mˇ poˆ jawˇ-aˬ, aˬ yawꞈ maꞈ kʼaˇ jawˇ luꞈ-eu miˇ kʼahˬ laꞈ kʼoeˇ aˬ yawꞈ maꞈ nehˬ-ehˇ ngaˇ jawˇ ma.

Yaˇ kʼaˬ daˇ 9:15

Aˬ gah baw duˆ ehˇ-eu, ‘Naw maꞈ ngaˬ-ahˇ naw maꞈ-eu sahˬ paˬ aˬ diˇ aˬ maˇ bi geuꞈ mawꞈ te lehˇ ngeuˇ naˇ, ngaˇ jawˇ gaˇ naˇ shmˇ awˆ laˇ-awˬ. Naw maꞈ naˇ shmˇ maˬ awˆ laˇ naˇ, aˬ gah tsoꞈ-eu ngaˬ-eu uˬ pyaˬ uˬ laꞈ deuˬ-ahˇ miˬ dzaˬ doꞈ doˆ laˇ-awˇ, Leˬbaˬnoˬ-ahˇ jaˆ-eu miˬ shuˬ aˇ bawˇ deuˬ-ahˇ puiˆ dzaˬ tehꞈ-a’ lehˇ ehˇ-eu meh.