Jaceuq 90:10 - Akha

¹⁰ Aˇ kʼoꞈ shiꞈ tseˇ tehꞈ-ehˇ ya dehꞈ byah-awˇ, ziˇ shehˇ-eu deuˬ yehꞈ tseˇ dehꞈ byah kʼawꞈ, guˆ-eu gaˆ-eu jeˬ hawˇ-eu noeˬ shaˬ noeˬ zahˬ-eu jeˬ tehꞈ-ehˇ puˬ le miˇ-a. Tiˬ kʼehˇ laˇ kʼehˬ laꞈ kʼoeˇ ziˇ dehꞈ jiˇ-awˇ, piˬ-iˇ byoˆ-iˇ miˇ-a.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹⁰ Nga’maf-euq daefzir-euq arnan aryamq-aq, 70 khof yadaef-awr; Ghaq anr-eu gar tsaqler-euq ngeur nar-aq, 80 khof daefbyan nya-eu mae. Aerkhawf, nuima cawv-awr ghaqkhav zmq-eu garkawv maqngeur nar-aq, khanqsaer jaevkhar maqza-a. Aqjeq mirnae aernar-aq, ghawqmyanr maqghae-aer, Yaghawq-ir-awr ya zawbyov ghae-eu mae.

Jaceuq 90:10 Iomraidhean Croise

Aˇ dahˬ 47:9

Yaˬkoˆ ehˇ-eu, “Ngaˇ jawˇ duˬ maˬ dah leˇ nya ni doe doe-ehˇ jawˇ jawˇ-ehˇ dehꞈ luꞈ-eu laꞈ kʼoeˇ, ngaˬ-euˬ aˇ kʼoꞈ tiˬ yaˇ smˬ tseˇ kʼoꞈ byah laˇ taˬ-euˬ ma. Doe doe-ehˇ jawˇ jawˇ-ehˇ dehꞈ dzeuˇ yaꞈ-euˬ ziˇ baw dui dui-eu ngaˬ poeˬ ngaˬ bawˇ deuˬ hawˇ-eu, ngaˬ da maꞈ yaw dehꞈ dehꞈ yaꞈ-euˬ gaˇ maˬ duˇ ni, ngaˇ yaw dehꞈ dehꞈ-eu aˇ kʼoꞈ nymˇ dzehˬ-awˇ, shaˬ zahˬ ya mˇ myaˬ dzehˬ-euˬ ma.”

Aˇ dahˬ 6:3

Kʼoeˇ ngeh, Sahˬpaˬ Miˬyehˇ heu loꞈ-ehˇ ehˇ-eu meh. “Tsawˇ haˬ zaˬ-ahˇ aˇ kʼoꞈ gʼawˬ myahˇ ni maˬ paˇ bi dehꞈ ma. Aˬ yawꞈ maꞈ-aˬ, gʼawˬ myahˇ ni maˬ gmˬ-eu shiˬ shaˬ jiˇ gʼawˇ mawˇ pyeuꞈ-eu meh. Aˬ kaˇ naˇ, aˬ yawꞈ maꞈ-ahˇ tiˬ yaˇ nyiˬ tseˇ kʼoꞈ taꞈ-ehˇ maˬ paˇ bi dehꞈ dzehˬ ma.”

2 Saˬmeuˬlaˆ 19:35

Ngaˬ-euˬ aˇ kʼoꞈ yehꞈ tseˇ byah laˇ gʼaˬ-awˇ, tiˬ jeˬ-ahˇ-iˬ byawˬ gʼa mawꞈ-eu nui ma maˬ paˇ ahˇ miˇ-a. Dzaˬ-eu dawˇ-eu jeˬ kʼawꞈ, dzaˇ kuiˇ dzaˇ myehˇ maˬ paˇ siˬ laˇ miˇ-a. Aˬ cawˬ caˇ dawˬ caˇ-eu teˇ saˇ kʼawꞈ, maˬ paˇ gaˬ duˬ laˇ miˇ-a. Kʼoeˇ miˇ neh, nawˬ nehˬ-ehˇ le-eu ehˇ-eu-aˬ, maˇ maˇ ni nawˬ-ahˇ laˆ bahˬ leˇ gaˇ duˇ-eu tehꞈ miˇ-a.

2 Saˬmeuˬlaˆ 19:36

Teu naˆ naˆ-ehˇ gʼeh-eu laꞈ sawˬ-ahˇ ngaˇ za-eu maˬ geuˇ nya. Yawˇdaˬ lawˇ baˬ ui cuiˆ le dzeuˇ gʼeh gaˇ keuˆ ni tehꞈ-ehˇ, nawˬ-euˬ mehˬ nah ngaˇ caw teh laˇ ma.

1 Sahˬpaˬ 1:1

Nymˬ-mˇ poˆ jawˇ, sahˬ paˬ Daˬbiˇ tsawˇ mawˬ mawˬ dui dui laˇ-euˬ miˇ neh, aˬ yawꞈ-euˬ zaˬ kʼaˆ deuˬ aˬ yawꞈ-ahˇ aˇ bui sheu dm nehˬ kʼawꞈ, yaw gaˆ maˬ lmˇ leˇ-a.

Yawˇbaˆ 14:10

Ehˇ kʼawꞈ, tsawˇ haˬ zaˬ shiˇ ngeh, dawˬ tawˆ luꞈ aˇ saˬ saˬ-eu meh. Aˬ yawꞈ shiˇ dzeuˇ shaw naˇ, aˬ gaˇ paˇ nmˬ laˇ nya ta.

Yawˇbaˆ 20:8

Yuꞈ maˆ maˆ-eu hawˇ-eu uˬ ciꞈ paw yaw sahˇ laꞈ kʼoeˇ ya mawˇ-eu loꞈ-ehˇ, aˬ yawꞈ byoˆ kʼaꞈ-iˇ-awˇ, tiˬ jawˇ-iˬ maˬ paˇ ya mawˇ meh.

Yawˇbaˆ 24:24

Haiˬ-eu tsawˇ haˬ deuˬ tiˬ kʼehˇ laˇ kʼehˬ ya dehꞈ dzaˬ kʼawꞈ, yaˇ moꞈ loꞈ-ehˇ nyoeˬ-iˇ-awˇ, bi pyehˆ tsehˆ-euˬ cehˇ cehˇ nmˇ loꞈ-ehˇ tehꞈ meh.

Yawˇbaˆ 5:7

Miˬ dzaˬ miˬ dziꞈ kʼoeˇ taˆ paw poˬ daˆ-eu yaw duˬ baw-eu loꞈ-ehˇ, yawˬ ha kʼoeˇ taˆ shaˬ zahˬ keuˆ le ni tsawˇ haˬ zaˬ yawˬ haˇ yawˬ ha mˇ-eu yaw duˬ baw-eu meh.

Jaceuq 78:39

Aˬ yawꞈ maꞈ gʼawˬ myahˇ ni maˬ gmˬ-eu shiˬ shaˬ jiˇ gʼawˇ mawˇ pyeuꞈ-awˇ, baw byoˆ gʼeh-awˇ maˬ gʼoꞈ kʼoꞈ laˇ nya-eu jaˬ lehˇ-ahˇ duˇ gaˇ, aˬ yawꞈ noeˬ keuˆ-eu meh.

Iˇsaˬyaˇ 38:12

Ngaˬ-euˬ ziˇ bi deuˆ tsehˆ dzeh-awˇ, bi gʼeu coˬ-euˬ yaˇ cmˇ hawˇ-eu, saˬ nmˇ-ahˇ bi tehˬ tsehˆ doˆ-euˬ saˬ paˇ loꞈ-ehˇ, Miˬyehˇ ngaˬ-ahˇ ziˇ bi jiˇ le miˇ-a lehˇ noeˬ-euˬ ma.

Uˬ duˬ 27:7

Koꞈ tseˇ kʼoꞈ dzehˬ-iˇ-euˬ kʼaˬ dzeˇ zaˬ aˇ poeˬ pyuˇ maˇ byaˆ tseˇ ngaˬ byaˆ pyeuꞈ-awˇ, zaˬ miˬ zaˬ aˇ poeˬ tseˇ byaˆ meh.

Luˇkaꞈ 12:20

Ehˇ kʼawꞈ, aˬ yawꞈ-ahˇ Miˬyehˇ ehˇ nehˬ-eu, ‘Aˬ dzawˬ aˇ gah-oˇ, nymˇ ciꞈ neh nawˬ-euˬ saꞈ laˇ ngaˇ yuˇ kʼoꞈ ma. Nymˬ-mˇ poˆ jawˇ-aˬ, nawˬ neh poˆ uiˬ taˬ-euˬ myawˬ gahˬ deuˬ aˬ suˇ gʼaˬ-euˬ pyeuꞈ-iˇ nmˇ.’

Dawˬmehˬ 34:7

Moˇseˬ ziˇ jiˇ ngeh, tiˬ yaˇ nyiˬ tseˇ kʼoꞈ kʼawˆ-awˇ, gʼaˬ maˬ juˬ-iˇ-euˬ uˬ taꞈ, myaˆ nuiˆ kʼawꞈ yaw muiˬ paˬ-ehˇ mawˇ nya-eu meh.

Yaˬkoˆ 4:14

Ni shawˬ nah nawˇ yaw dehꞈ dehꞈ-eu aˬ joˆ-ehˇ pyeuꞈ laˇ-eu gaˇ kawˆ nawˇ siˬ nya te loˇ. Naw maꞈ-aˬ, tiˬ kʼehˇ kʼehˬ tehꞈ-ehˇ ya mawˇ-awˇ byoˆ-iˇ-eu iˇ cuꞈ saꞈ kʼoeˬ-ahˇ duˇ-eu meh.

Yawˇshuˆ 14:11

Ehˇ kʼawꞈ, Moˇseˬ ngaˬ-ahˇ pyehˬ gʼeh ngeh loꞈ-ehˇ, nymˬ-mˇ keuˆ ni gʼaˬ kʼaˆ gʼaˬ loeˇ soeˇ-i jaˆ-eu ma. Guiˇ deuˆ-eu gʼaˇ duˬ maˬ ehˇ, aˬ geu jeˬ mˇ-eu gʼaˇ duˬ maˬ ehˇ, ngaˇ gʼaˬ tiˬ loꞈ ahˇ te siˬ.