Jaceuq 9:18 - Akha

¹⁸ Mehꞈ-eu shuꞈ-eu tsawˇhaˬdeuˬ-ahˇ, SahˬpaˬMiˬyehˇ maˬbyehˇdzeh-ehˇ, shaˬ-eu zahˬ-eu tsawˇhaˬdeuˬ-ahˇ, ya cawˆ-iˇgaˇ maˬbi keuˆ-a.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹⁸ Miqyaer, shaqzaq zanqzaq-anr maq ngaerbyov naeq-aer, Irshaqzaq nae noeqtmq-euq jeq, mqmaq maqbyav yarzir byovtsaev-eu gar maqbi keuv-a.

Jaceuq 9:18 Iomraidhean Croise

Jaceuq 102:17

Byehˇ dzeh taˬ-euˬ aˬ yawꞈ-euˬ tsawˇ jeuˬ shaˇ dawˬ-awˇ, aˬ yawꞈ naˇ haˬ geuꞈ nehˬ tehꞈ-a.

Jaceuq 102:20

Paꞈ kuˆ-ahˇ bi nyehꞈ uˇ taˬ-euˬ deuˬ mahˇ gaˇ aˬ yawꞈ gaˬ-awˇ, biˬ sehꞈ-eu lehˇ gʼeh-eu deuˬ-ahˇ pyehˬ nehˬ-eu meh.

Jaceuq 109:31

Aˬ jeˬ miˇ neh ehˇ naˇ, shaˬ zaˬ zahˬ zaˬ-ahˇ aˬ yawꞈ haw piˇ-awˇ, shiˇ gaˇ keuˆ ni kʼaˆ dzaˬ-eu deuˬ-euˬ laꞈ-ahˇ ka kʼoꞈ doˆ nehˬ-eu meh.

Jaceuq 12:5

Ehˇ kʼawꞈSahˬpaˬMiˬyehˇ ehˇ-eu, “Iˇshaˬzaˬ bi kʼehˬbi kʼaˆ-awˇ, tsawˇteˬzaˬmahˇluꞈ-eu miˇneh, aˬyawꞈmaꞈnoeˬtmˬdui dui-eu, nui saˇoꞈ-eu jeˬ biꞈ-eu lehˇ, nymˬ-mˇ ngaˇzaꞈka le-eu ma.”

Jaceuq 139:19

Miˬyehˇ-oˇ, haiˬ-eu tsawˇ haˬ deuˬ-ahˇ, nawˬ neh bi sehꞈ mawꞈ dui dui nya. Aˬ cawˬ-ahˇ sehꞈ-eu tsawˇ haˬ deuˬ-ahˇ, ngaˇ jawˇ gaˇ neh bi doˆ-iˇ dui dui mawꞈ nya.

Jaceuq 50:22

“Miˬyehˇ-ahˇ maˬ taˬ huiˬ-eu tsawˇ haˬ deuˬ-oˇ, gaˇ kawˆ heu naˇ haˬ-awˇ nui ma laꞈ kʼoeˇ juiˇ taˬ-awˬ. Maˬ ngeuˇ naˇ, ngaˬ neh laˆ cawˆ nehˬ-euˬ jeˬ-ahˇ naw maꞈ ya daˬ-awˇ, ka kʼoꞈ nehˬ-eu gʼaˬ maˬ jawˇ ni ya shaˬ tehꞈ-a.

Jaceuq 71:5

Sahˬpaˬ Miˬyehˇ-oˇ, nawˬ-ahˇ ngaˇ noeˬ tmˬ-eu ma. Nyiˇ ngeh neh nawˬ-ahˇ ngaˇ gʼoe-euˬ ma.

Jaceuq 72:4

Sahˬ paˬ gʼaˬ shaˬ zaˬ zahˬ zaˬ deuˬ-ahˇ dawˇ coe ni yaˇ kʼaˬ daˇ luꞈ-uˇ. Iˇ shaˬ zaˬ deuˬ-ahˇ aˬ yawꞈ caw ba nehˬ-awˇ, aˬ yawꞈ maꞈ kʼoeˇ taˆ nawˬ dzaˬ kʼaˆ dzaˬ-eu deuˬ-ahˇ, aˬ yawꞈ kʼehˬ luꞈ-uˇ.

Jaceuq 9:12

Bi kʼehˬbi kʼaˆ-euˬtsawˇhaˬ-ahˇ, Miˬyehˇtiˬjawˇ-iˬ maˬngehˇ-a, yawꞈmaꞈngoeˇ-eu teˇsaˇgaˬ-awˇ, haiˬ-eu deuˬ-ahˇkʼehˬnehˬ-eu meh.

Dawqdaq 23:18

Nawˇ kʼoeˇ loꞈ-ehˇ dehꞈ naˇ, nawˇ yaw dehꞈ dehꞈ-eu gaˇ ma saˇ lehˆ ni jaˆ tehꞈ-a. -15-

Dawqdaq 24:14

Kʼoeˇ loꞈ-ehˇ duˇ ni, zaˬ siˬ tsawˇ gahˇ-aˬ, nawˬ-euˬ nui ma-ahˇ coeˇ dui dui-awˇ, zaˬ siˬ tsawˇ gahˇ za naˇ, nawˇ mehˬ hu paw yaw dehꞈ dehꞈ daˆ-eu guiˬ lahˬ baw tehꞈ-a. -27-

Luˇkaꞈ 1:53

Mehꞈ-eu shuꞈ-eu tsawˇ haˬ deuˬ-ahˇ, dzaˇ kuiˇ dzaˇ myehˇ tiˬ dehˆ biꞈ-awˇ, smˇ muiˬ smˇ baw aˬ da deuˬ-ahˇ, yawꞈ ngehꞈ-ehˇ teh dzeh nehˬ-eu meh.

Luˇkaꞈ 6:20

Yeˬsuˇ aˬ yawꞈ-euˬ zaˬ lahˇ deuˬ-ahˇ haw-awˇ ehˇ-eu, “Naw maꞈ shaˬ-eu zahˬ-eu tsawˇ haˬ deuˬ guiˬ lahˬ huiˬ-eu meh. Aˬjeˬ miˇ neh ehˇ naˇ, Miˬyehˇ Miˇkʼahˬ naw maꞈ-ahˇ oꞈ-eu meh.

Yaˬkoˆ 2:5

Ngaˇ gaˬ-euˬ aˬ yuiꞈ aˬ nyiˇ Ka li zaˬ deuˬ-oˇ, ngaˇ ehˇ gaˇ naˇ haˬ sheˇ. Jah-eu jeˬ laꞈ kʼoeˇ smˇ muiˬ muiˬ-eu tsawˇ haˬ pyeuꞈ laˇ-awˇ, Miˬyehˇ-ahˇ gaˬ-eu tsawˇ haˬ deuˬ-ahˇ biꞈ-eu gʼaˇ duˬ aˬ yawꞈ neh saˇ jaˇ dzaˬ taˬ-euˬ miˇ kʼahˬ-ahˇ bi uˇ leˇ-eu lehˇ, miˇ tsaˬ heu kʼoeˇ taˆ dehꞈ luꞈ-eu shaˬ-eu zahˬ-eu tsawˇ haˬ deuˬ-ahˇ Miˬyehˇ neh tseˇ doˆ taˬ-euˬ meh.