Jaceuq 9:16 - Akha

¹⁶ SahˬpaˬMiˬyehˇ yaˇkʼaˬdaˇ-awˇ, yawˬhaˇyawˬha pah mehˬ-euˬmeh. yaw haiˬdeuˬlahˇju kʼmˇtaˬ-awˇ, yawˬhaˇyawˬha teuˆpaꞈ-eu meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹⁶ Ya’we Miqyaer aqjox-aer ghae-eu la laer-aq, aqyawf yarkhaq dardov laf-eu gar nae siqlar-eu mae. Tsawrcawv-aq, yawqha-euq aqlaf nae mr-euq jeq-euq lanrju-anr pafler-eu lof-aer pafler-eu mae. Dzardziv dziv-awq. Sela.

Jaceuq 9:16 Iomraidhean Croise

2 Sahˬpaˬ 19:19

Nga maꞈ-euˬ Miˬyehˇ pyeuꞈ-eu Sahˬpaˬ Miˬyehˇ-oˇ, miˇ tsaˬ kʼoeˇ taˆ kʼaˇ jaˆ-eu miˇ kʼahˬ dawˬ tawˆ luꞈ, Sahˬpaˬ Miˬyehˇ nawˇ tiˬ gʼaˬ tehꞈ-ehˇ aˬ diˇ aˬ maˇ Miˬyehˇ pyeuꞈ-eu gaˇ kawˆ ya siˬ duˬ ni, Aˬshuˇliˆ tsawˇ haˬ deuˬ-euˬ aˬ laꞈ laꞈ kʼoeˇ, nga maꞈ-ahˇ nymˬ-mˇ ka kʼoꞈ nehˬ laꞈ-awˬ.”

Yawˇbaˆ 18:9

Aˬ yawꞈ-euˬ kuiˇ nuiꞈ lahˇ ju-ahˇ paꞈ leˇ-awˇ, ziꞈ dah ni bi paꞈ-euˬ meh.

Jaceuq 11:6

Miˬlmˇdoˆ-eu miˬjiˆhawˇ-eu, miˬdzaˬdoꞈ-eu miˬdzaˇdzaˇshuiˇ, tsawˇdoeˇkʼoeˇtaˆtahˬdaˆleꞈ-awˇ, lahˇdui dui-eu jaˬlehˇbaw-awˇ, aˬyawꞈmaꞈ-ahˇkʼehˬnehˬ-eu meh.

Jaceuq 140:9

Ngaˬ-ahˇ muiˇ-eu deuˬ ngaˬ-euˬ kʼoeˇ taˆ taˬ bi gʼaˬ laˇ. Aˬ yawꞈ maꞈ neh ngaˬ-ahˇ yaw doeˇ jahˇ-euˬ jeˬ, aˬ yawꞈ maꞈ kʼoeˇ taˆ paˇ bi keuˆ le-awˬ.

Jaceuq 19:14

Ka kʼoꞈyaw sahˇ SahˬpaˬMiˬyehˇ, ngaˬ-euˬlo guˇpyeuꞈ-eu gʼaˬ-oˇ, ngaˬ-euˬnui noeˬnui duˇ hawˇ-eu, ngaˬneh ngehˬ-euˬtmˇ-euˬ dawˬdeuˬ, nawˇgeuꞈnya-eu jeˬbi pyeuꞈlaꞈ.

Jaceuq 48:11

Ziˇoˬ gawˬ jawˬ-ahˇ jawˇ-eu deuˬ laˬ kʼaˬ cehˇ luꞈ-uˇ. Nawˇ dawˇ coe ni yaˇ kʼaˬ daˇ-eu miˇ neh, Yuˇdaˆ meuˬ deuˬ laꞈ kʼoeˇ laˬ kʼaˬ cehˇ-eu jeˬ byah luꞈ-uˇ.

Jaceuq 5:1

Sahˬpaˬ Miˬyehˇ-oˇ, ngaˬ-euˬdawˬ-ahˇnaˇhaˬlaꞈ-awˇ, ngaˇ mahˇ-eu teˇsaˇ gaˬnehˬlaꞈ.

Jaceuq 7:16

Yawˬha neh mˇ-euˬ yaw haiˬjeˬ, yawˬha-ahˇ paˇgʼoꞈpoˆle-awˇ, yawˬha neh jahˇ-euˬyaw doeˇjeˬ, yawˬha-ahˇ paˇkeuˆle-eu meh.

Jaceuq 92:3

deuˇ-mˬ di, bawˬ law baw-awˇ ja ceuˬ-eu jeˬ, aˇ naˆ ni muiˬ-eu nga.

Doˆ-iˇ 14:10

Iˇjiˇtuˆ sahˬ paˬ hawˇ-eu aˬ yawꞈ-euˬ guiˇ maꞈ deuˬ aˬ yawꞈ maꞈ jawˇ gaˇ oe luꞈ gaˇ Iˇsaˬleˬlaˆ tsawˇ haˬ deuˬ ya mawˇ ngeh, guˆ dui dui-awˇ, caw ba nehˬ laꞈ lehˇ, Sahˬpaˬ Miˬyehˇ-ahˇ guˇ-awˇ shaˇ-euˬ meh.

Doˆ-iˇ 14:31

Iˇjiˇtuˆ tsawˇ haˬ-ahˇ gʼaˬ leˇ-euˬ Sahˬpaˬ Miˬyehˇ-euˬ huiˬ dui dui-eu baoˬ-ahˇ Iˇsaˬleˬlaˆ tsawˇ haˬ deuˬ ya mawˇ ngeh, Sahˬpaˬ Miˬyehˇ-ahˇ aˬ yawꞈ maꞈ guˇ-awˇ, Sahˬpaˬ Miˬyehˇ hawˇ-eu aˬ yawꞈ-euˬ zaˬ kʼaˆ Moˇseˬ-ahˇ ja ceuˬ-euˬ meh.

Doˆ-iˇ 14:4

Aˬ yawꞈ-ahˇ ngaˇ nui ma bi gʼahˇ-awˇ, naw maꞈ-euˬ mehˬ nah bi caw teh ma. Sahˬ paˬ kʼoeˇ gʼaˬ hawˇ-eu aˬ yawꞈ-euˬ guiˇ maꞈ deuˬ-ahˇ ngaˇ guiˇ deuˆ gʼaˬ ngeh, aˬ cawˬ ngaˬ-ahˇ taˬ huiˬ taˬ mahˇ tehꞈ-a. Kʼoeˇ ngeh, ngaˇ Sahˬpaˬ Miˬyehˇ pyeuꞈ-eu gaˇ, Iˇjiˇtuˆ tsawˇ haˬ deuˬ ya siˬ tehꞈ-a.” Iˇsaˬleˬlaˆ tsawˇ haˬ deuˬ-aˬ, aˬ yawꞈ maꞈ-ahˇ kʼaˇ ehˇ nehˬ-euˬ loꞈ-ehˇ mˇ-euˬ meh.

Doˆ-iˇ 7:5

Iˇjiˇtuˆ miˇ kʼahˬ kʼoeˇ taˆ ngaˬ-euˬ aˬ laꞈ cawˬ ja-awˇ, Iˇsaˬleˬlaˆ tsawˇ haˬ-ahˇ Iˇjiˇtuˆ miˇ kʼahˬ laꞈ kʼoeˇ neh sheuˬ doˆ gʼeh ngeh, ngaˇ-aˬ, Sahˬpaˬ Miˬyehˇ pyeuꞈ-eu gaˇ kawˆ Iˇjiˇtuˆ tsawˇ haˬ deuˬ ya siˬ tehꞈ-a.”

Dawqdaq 12:13

Haiˬ-eu tsawˇ haˬ yawˬ ha-euˬ mehˬ luˬ neh kʼmˇ-euˬ lahˇ ju-ahˇ paꞈ leˇ-awˇ, yaw tsaˬ yaw dawˇ tsawˇ haˬ deuˬ guˆ-eu gaˆ-eu jeˬ-ahˇ ya buˬ-iˇ tehꞈ-a.

Dawqdaq 6:2

nawˬ neh ngehˬ-euˬ dawˬ-ahˇ nawˇ teuˆ lahˇ-awˇ, nawˬ neh kʼmˇ-euˬ lahˇ ju-ahˇ nawˇ paꞈ le naˇ,

Iˇsaˬyaˇ 28:13

Kʼoeˇ miˇ neh naw maꞈ-ahˇ Sahˬpaˬ Miˬyehˇ, heu jeˬ mˇ, kʼoeˇ jeˬ mˇ lehˇ, zahˇ sahˇ kʼoꞈ heu, zahˇ sahˇ kʼoꞈ kʼoeˇ lehˇ, tiˬ tiˆ saˇ-i tiˬ tiˆ mehˬ-eu lehˇ gʼeh-eu meh. Naw maꞈ kuiˇ toꞈ aˬ yawꞈ toꞈ yawꞈ sahˬ tiꞈ tiꞈ-awˇ, laˆ tahˬ laˆ naˇ gʼaˬ-awˇ lahˇ ju-ahˇ paꞈ leˇ-eu uˬ taꞈ, aˬ cawˬ neh bi nyehꞈ gʼeh tehꞈ-a.

Iˇsaˬyaˇ 8:15

Tsawˇ haˬ gʼawˬ mya ni sahˬ tiꞈ tiꞈ tehꞈ-a. Aˬ yawꞈ maꞈ coˬ-iˇ-awˇ, tahˬ kʼehꞈ tahˬ geuˆ tehꞈ-a. Aˬ yawꞈ maꞈ lahˇ ju-ahˇ paꞈ leˇ tehꞈ-a.”

Daˬyeˬlaˇ 6:25

Kʼoeˇ naˇ, miˇ tsaˬ kʼoeˇ taˆ kʼaˇ jawˇ-eu tsawˇ jeuˬ tsawˇ ca dawˬ tawˆ luꞈ hawˇ-eu, miˇ kʼahˬ dawˬ tawˆ luꞈ-ahˇ, sahˬ paˬ Daˬliˇ heu loꞈ-ehˇ sahˬ boꞈ boꞈ nehˬ-euˬ meh. “Naw maꞈ dawˬ tawˆ luꞈ nui saˇ oꞈ-awˇ jawˇ saˇ doˆ luꞈ-uˇ.

Yaˇ kʼaˬ daˇ 1:7

Aˬdoˬniˇbeˬzehˇ ehˇ-eu, “Kuiˇ ma laꞈ ma bi toˆ tsehˆ-euˬ sahˬ paˬ shiꞈ tseˇ gʼaˬ, ngaˬ-eu hawˬ jeh uˬ moˆ dzaˬ dzeh dawˇ dzeh gʼoˆ dzaˬ-euˬ meh. Aˬ yawꞈ maꞈ-ahˇ ngaˬ neh jahˇ nehˬ-euˬ jeˬ, Miˬyehˇ ngaˬ-ahˇ paˇ bi keuˆ le laꞈ-euˬ nga.” Aˬ yawꞈ-ahˇ Yeˬluˇsaˬlehˬ meuˬ-ahˇ nyehꞈ kʼoꞈ gʼeh-awˇ, kʼoeˇ gaˇ shiˇ-euˬ meh.

1 Saˬmeuˬlaˆ 17:46

Iˬ nah Sahˬpaˬ Miˬyehˇ-aˬ, nawˬ-euˬ gʼawˇ mawˇ-ahˇ ngaˬ-euˬ aˬ laꞈ laꞈ kʼoeˇ a nehˬ laꞈ tehꞈ-a. Nawˬ-ahˇ ngaˇ deuˆ gʼaˬ-awˇ, nawˬ-euˬ uˬ duˬ ngaˇ toˆ tsehˆ ma. Kʼoeˇ naˇ, shiˇ taˬ-awˇ ga-eu Piˇliˇtiˆ yehˇ deuˬ, aˇ jiˇ hawˇ-eu bawˇ tsahˬ jeˬ zaˬ deuˬ-ahˇ ngaˇ bi dzaˬ ma. Kʼoeˇ ngeh, Iˇsaˬleˬlaˆ tsawˇ jeuˬ nehˬ-ehˇ Miˬyehˇ jawˇ-eu gaˇ kawˆ, miˇ kʼahˬ dawˬ tawˆ luꞈ ya siˬ tehꞈ-a.