Jaceuq 9:10 - Akha

¹⁰ Nawˬ-ahˇsiˬnya-eu tsawˇhaˬdeuˬ, SahˬpaˬMiˬyehˇ nawˬ-ahˇgʼoe-awˇ, nawˬ-ahˇtahˬshaˇ-eu tsawˇhaˬ-ahˇ, nawˇbyehˇdzeh nehˬ-eu maˬbaw-a.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹⁰ Nawq-euq tsawrmyanr-anr siqnya-eu tsawrhaq deuq, nawq-anr ghoe taef-a. Aqjeq mirnae aernar-aq, Ya’we Miqyaer-or! Nawq-anr pov-eu tsawrhaq-anr, nawr maq byaerdzae naeq-a.

Jaceuq 9:10 Iomraidhean Croise

2 Saˬmeuˬlaˆ 22:3

Ngaˬ-euˬ Miˬyehˇ ngaˬ-euˬ lo guˇ, shaˬ zahˬ oe ngeh dzuˇ zaꞈ duˬ ma. Ngaˬ-ahˇ loꞈ piˇ-eu dehˬ daˬ duˬ, ngaˬ-ahˇ ka kʼoꞈ-eu uˬ coeˇ meh. Ngaˬ-euˬ ziꞈ duˬ hawˇ-eu gʼoe duˬ, ngaˬ-ahˇ ka kʼoꞈ-eu yaw sahˇ meh. Yaw haiˬ yaw doeˇ mˇ daˆ laˇ gaˇ, nawˇ ngaˬ-ahˇ ka kʼoꞈ laꞈ-euˬ meh.

1 Laˬsaˬbaˬ 28:9

Kʼoeˇ naˇ, Sawˇlaˬmoˬ-ahˇ aˬ yawꞈ heu loꞈ-ehˇ ehˇ nehˬ-euˬ meh. “Ngaˬ li-oˇ, nawˬ da-euˬ Miˬyehˇ-ahˇ nawˇ siˬ nya-awˇ, nawˬ-euˬ nui ma gʼawˇ mawˇ dawˬ tawˆ luꞈ aˬ yawꞈ-euˬ nui kʼahˇ mˇ-awˬ lehˇ, ngaˇ nawˬ-ahˇ dawˬ biꞈ-eu ma. Aˬ dui-euˬ nui noeˬ nui duˇ dawˬ tawˆ luꞈ aˬ yawꞈ siˬ nya meh. Aˬ yawꞈ jawˇ gaˇ nawˇ jiˆ uˇ leˇ naˇ, aˬ yawꞈ nawˬ-ahˇ ha geuꞈ tehꞈ-a. Ehˇ kʼawꞈ, nawˇ aˬ yawꞈ-ahˇ byehˇ dzeh naˇ, aˬ yawꞈ nawˬ-ahˇ tiˬ ziˇ byehˇ dzeh nehˬ laꞈ tehꞈ-a.

Jaceuq 37:28

Yaw tsaˬyaw dawˇjeˬkeuˆle ni, SahˬpaˬMiˬyehˇgaˬ-eu miˇneh, muiˬ-eu shawˇ-eu tsawˇhaˬdeuˬ-ahˇ, aˬyawꞈbyehˇdzeh-eu maˬbaw-ehˇ, mˬmaˬmaˬbyaˆdah teˬ-eu meh. Ehˇkʼawꞈyaw haiˬ-euˬzaˬdeuˬ-ahˇ, teh dzeh nehˬ-awˇbi shaˬtehꞈ-a.

Jaceuq 37:39

Yaw tsaˬyaw dawˇtsawˇhaˬdeuˬ-ahˇ, SahˬpaˬMiˬyehˇ ka kʼoꞈnehˬ-awˇ, shaˬ-eu zahˬ-eu jeˬkeuˆle ngeh, maˬbyehˇdzeh ni haw piˇ-eu meh.

Jaceuq 5:11

Ehˇkʼawꞈ, nawˬ-euˬlaꞈkʼoeˇjaˆ-eu, nui saˇoꞈ-eu jeˬ mawˇ-euˬ deuˬ, aˬmyah caˇ-awˇja ceuˬtehꞈ-a. Nawˬ-ahˇgaˬ-eu tsawˇhaˬdeuˬ-ahˇ gʼawˬshaˬgaˬ-awˇ haw piˇ nehˬ-awˬ. Maˇmaˇni laˬkʼaˬcehˇ-eu jeˬ, Nawˇbaˬda neh yawꞈmaꞈza meh.

Jaceuq 57:1

Miˬyehˇ-oˇ, ngaˬ-ahˇ gʼawˬ shaˬ gaˬ nehˬ laꞈ-awˬ. Ngaˇ nui saˇ oꞈ ni nawˇ jawˇ gaˇ laˇ-euˬ loꞈ-ehˇ, ngaˬ-ahˇ gʼawˬ shaˬ gaˬ nehˬ laꞈ-awˬ. Nawˬ-euˬ aˬ dahˇ naˇ shmˇ uˬ moˆ, mˬ jeˬ jaˬ lehˇ tsiˇ leˇ ngeh keuˆ ni, ngaˇ awˆ kʼaˇ za-eu ma.

Jaceuq 91:14

Miˬ yehˇ heu loꞈ-ehˇ ehˇ-eu meh. Ngaˬ-ahˇ gaˬ-eu deuˬ-ahˇ ngaˇ ka kʼoꞈ-awˇ, ngaˬ-ahˇ Sahˬpaˬ Miˬyehˇ meh lehˇ kʼaˇ siˬ nya-eu deuˬ-ahˇ ngaˇ haw piˇ ma.

Dawqdaq 18:10

Sahˬpaˬ Miˬyehˇ tsawˇ myahˇ ziꞈ-eu lo guˇ, tsawˇ muiˬ deuˬ-euˬ cehˆ zaꞈ duˬ meh.

Iˇsaˬyaˇ 25:4

Mehꞈ-eu shuꞈ-eu deuˬ hawˇ-eu shaˬ-eu zahˬ-eu deuˬ, nawˇ jawˇ gaˇ cehˆ laˇ-awˇ, guˆ-eu gaˆ-eu jeˬ-ahˇ buˬ-iˇ-euˬ meh. Jaˬ lehˇ lehˇ ma baw ngeh aˬ yawꞈ maꞈ-ahˇ nawˇ haw lahˇ-awˇ, nahˇ tsaˇ kʼaˆ ngeh naˇ shmˇ bi awˆ-euˬ meh. Haiˬ-eu tsawˇ haˬ deuˬ neh mˇ-euˬ yaw doeˇ jeˬ-aˬ, kaˇ pyawˇ-ahˇ ciˬ tahˬ ciˬ tuˆ-eu jaˬ lehˇ lehˇ ma -ahˇ duˇ-awˇ,

Iˇsaˬyaˇ 45:19

Ngaˇ dawˬ zaꞈ maˬ ngehˬ-ehˇ, ngaˬ-euˬ nui kʼahˇ ngaˇ maˬ dehˬ kaˬ taˬ-aˬ. Jawˇ tsaˬ maˬ tsoˆ-eu ngaˬ-ahˇ poˆ-awˬ lehˇ, Iˇsaˬleˬlaˆ tsawˇ haˬ deuˬ-ahˇ ngaˇ maˬ kʼehˇ-aˬ. Ngaˇ Sahˬpaˬ Miˬyehˇ pyeuꞈ-awˇ dawˬ maˇ ngehˬ-eu ma. Yaw tsaˬ yaw dawˇ jeˬ ngaˇ pah mehˬ luꞈ ma.”

Yeˬlaˬmiˇ 29:13

Naw maꞈ ngaˬ-ahˇ poˆ-awˇ, poˆ mawˇ tehꞈ-a. Aˬ jeˬ miˇ neh ehˇ naˇ, naw maꞈ-euˬ nui ma gʼawˇ mawˇ dawˬ tawˆ luꞈ ngaˬ-ahˇ poˆ tehꞈ-a.

Naˬhmˬ 1:7

Sahˬpaˬ Miˬyehˇ muiˬ dui dui meh. shaˬ zahˬ naꞈ-eu aˇ yamˬ laꞈ kʼoeˇ, yawꞈ-euˬ tsawˇ haˬ-ahˇ haw piˇ-awˇ, yawꞈ-ahˇ tahˬ shaˇ leˇ-eu deuˬ-ahˇ, bo saˆ ngehˬ gʼeh dah teˬ-eu meh.

Yoˇhaˬ 17:3

Nawˇ tiˬ gʼaˬ tehꞈ-ehˇ maˇ maˇ ni Miˬyehˇ meh lehˇ siˬ nya-awˇ, nawˬ neh kʼehˇ gʼeh leꞈ-euˬ Yeˬsuˇ Ka li-ahˇ siˬ nya-eu kʼoeˇ-aˬ, mˬ maˬ maˬ byaˆ zaˇ ziˇ dehꞈ-eu jeˬ pyeuꞈ-eu meh.

2 Gawˇliˬtu 4:6

“Yaw zahˇ laꞈ kʼoeˇ yaw shehꞈ bya tehꞈ-a” lehˇ ehˇ-eu Miˬyehˇ hawˇ-eu Ka li-euˬ myaˆ pyawˬ kʼoeˇ taˆ bya doˆ le-euˬ Miˬyehˇ-euˬ yaw shehꞈ kʼahˬ sehˇ-ahˇ nga maꞈ siˬ nya laˇ ni nga maꞈ-euˬ nui ma laꞈ kʼoeˇ yaw shehꞈ bi bya laꞈ-euˬ Miˬyehˇ-aˬ, aˬ yawꞈ tiˬ gʼaˬ tehꞈ meh.

2 Tiˆmoˇseˬ 1:12

Kʼoeˇ-euˬ gʼaˇ duˬ, kʼehˬ-eu kʼaˆ-eu heu deuˬ-ahˇ ngaˇ daˬ luꞈ-eu ma. Ehˇ kʼawꞈ, ngaˇ tiˬ pawꞈ-iˬ maˬ shaꞈ dawˇ. A jeˬ miˇ neh ehˇ naˇ, ngaˇ gʼoe luꞈ-eu gʼaˬ aˬ suˇ gʼaˬ-a lehˇ ngaˇ siˬ nya-awˇ, aˬ yawꞈ neh ngaˬ-ahˇ a nehˬ taˬ-euˬ jeˬ-ahˇ, Aˇ nah kʼoeˇ nah keuˆ laˇ ngeh keuˆ ni aˬ yawꞈ jeˬ hmˬ bo saˆ tehꞈ-a lehˇ ngaˇ siˬ nya ma.

1 Yoˇhaˬ 2:3

Miˬyehˇ neh biꞈ taˬ-euˬ dawˬ deuˬ-ahˇ aˬ dui naˇ haˬ geuꞈ naˇ, aˬ dui aˬ yawꞈ-ahˇ siˬ nya-eu yaw duˬ baw meh.

1 Yoˇhaˬ 5:20

Maˇ maˇ ni gʼeh-eu Miˬyehˇ-ahˇ aˬ dui siˬ nya laˇ ni, Miˬyehˇ-euˬ Zaˬmaˇ oe-awˇ noeˬ siˬ noeˬ mawˇ nya-eu tsawˇ gahˇ biꞈ laꞈ-euˬ meh lehˇ aˬ dui siˬ nya ma. Aˬ yawꞈ-euˬ Zaˬmaˇ Yeˬsuˇ Ka li laꞈ kʼoeˇ aˬ dui jawˇ luꞈ-eu miˇ neh, maˇ maˇ ni gʼeh-eu Miˬyehˇ laꞈ kʼoeˇ aˬ dui jawˇ luꞈ-eu ma. Heu-aˬ, maˇ maˇ ni gʼeh-eu Miˬyehˇ hawˇ-eu mˬ maˬ maˬ byaꞈ zaˇ ziˇ dehꞈ-eu jeˬ pyeuꞈ-eu meh.