Jaceuq 89:8 - Akha

⁸ Baoˬ huiˬ-eu Miˬyehˇ pyeuꞈ-eu Sahˬpaˬ Miˬyehˇ-oˇ, nawˇ loꞈ-ehˇ baoˬ huiˬ-eu tiˬ gʼaˬ-iˬ maˬ jawˇ-a. Sahˬ paˬ Miˬ yehˇ-oˇ, yawˬ jeˬ na luꞈ laꞈ kʼoeˇ nawˇ saˇ jaˇ ziꞈ-eu meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁸ Guirmaf-euq Miqyaer pyeuf-eu Ya’we Miqyaer-or, Nawr lof-aer ghaq khav-eu aqsur ghaq jawr-eu la? Ya’we Miqyaer-or! Nawq-euq sarjax zif-eu jeq, Nawq-euq tiqjawq javluf-eu mae.

Jaceuq 89:8 Iomraidhean Croise

Neˬhaˬmiˇ 1:5

“Mˬ taˆ Miˬyehˇ pyeuꞈ-eu Sahˬpaˬ Miˬyehˇ-oˇ, nawˇ-aˬ huiˬ dui mahˇ dui dui-awˇ, nga maꞈ nawˬ-ahˇ guˆ-eu laꞈ kʼoeˇ yawꞈ luꞈ-eu ma. Nawˬ-ahˇ gaˬ-awˇ nawˬ neh kʼaˇ ehˇ taˬ-euˬ loꞈ-ehˇ mˇ-eu tsawˇ haˬ deuˬ-ahˇ nawˇ dawˬ ma saˇ jaˇ ziꞈ-eu meh.

Yawˇbaˆ 37:22

Laꞈ taˆ paw pyawˬ-ahˇ shuiˇ loꞈ-ehˇ bya doˆ laˇ-awˇ, Miˬyehˇ-euˬ yaw shehꞈ kʼahˬ sehˇ-ahˇ aˬ dui maꞈ zahˬ leˇ miˇ-a.

Yawˇbaˆ 9:19

Gʼaˬ-ahˇ gʼoe-awˇ aˬ yawꞈ nehˬ-ehˇ ngaˇ dawꞈ ceh ceh-eu loˇ. Aˬ yawꞈ nehˬ-ehˇ yaˇ kʼaˬ daˇ-eu nymˇ-ahˇ iˇ ni aˬ suˇ gʼaˬ laˆ luˆ peuˬ nmˇ.

Jaceuq 147:5

Baoˬ jaˆ-awˇ huiˬ dui mahˇ dui dui-eu gʼaˬ-aˬ, aˬ dui-euˬ Sahˬpaˬ Miˬyehˇ meh. Aˬ yawꞈ-euˬ zaˬ siˬ tsawˇ gahˇ-ahˇ aˬ dui maˬ noeˬ miˇ coeˇ-a.

Jaceuq 24:8

Huiˬ-eu Sahˬpaˬ aˬsuˇgʼaˬ-a. Kʼaˆdui dui-awˇ guiˇdeuˆgʼaˬ-euˬ, Baoˬhuiˬ-eu SahˬpaˬMiˬyehˇmeh.

Jaceuq 35:10

Ngaˬ-euˬpuˇnmꞈlaꞈkʼoeˇkeuˆni, SahˬpaˬMiˬyehˇ-ahˇehˇ-eu ma. “Nawˬ-ahˇduˇ-eu aˬsuˇjawˇta. Gʼaˬkʼaˆaˬda laꞈoˆshaˬ-eu, gʼaˬbaˬ-eu deuˬ-ahˇka kʼoꞈ-awˇ, nawˬdzaˬkʼaˆdzaˬgaˇdaˬluꞈ-eu, shaˬzaˬ-ahˇnawˇka kʼoꞈ-eu meh.”

Jaceuq 71:19

Miˬyehˇ-oˇ, nawˬ-euˬ yaw tsaˬ yaw dawˇ jeˬ mˬ-ahˇ keuˆ ni tuˆ-awˇ, huiˬ-eu gaˇ deuˬ nawˇ mˇ yaꞈ-euˬ meh. Nawˬ-ahˇ duˇ-eu tiˬ gʼaˬ-iˬ maˬ jawˇ-a.

Jaceuq 84:12

Baoˬ huiˬ-eu Miˬyehˇ-oˇ, nawˬ-ahˇ gʼoe-eu tsawˇ haˬ deuˬ aˇ naˆ ni laˬ kʼaˬ ya cehˇ-eu nga.

Jaceuq 89:13

Nawˇ aˇ naˆ ni baoˬ huiˬ-eu nga. Nawˇ aˇ naˆ ni gʼaˬ kʼaˆ-eu nga.

Jaceuq 89:6

Sahˬpaˬ Miˬyehˇ-oˇ, mˬ kʼoeˇ taˆ nawˬ-ahˇ duˇ-eu tiˬ gʼaˬ-iˬ maˬ jawˇ-a. Mˬ taˆ zaˬ deuˬ nawˇ loꞈ-ehˇ tiˬ gʼaˬ-iˬ maˬ bym-a.

Iˇsaˬyaˇ 28:22

Ngaˇ ehˇ gaˇ cehꞈ lehꞈ taˬ ka. Naw maꞈ maˬ dzeuˇ-iˇ nya ni ya shaˬ nmˬ-mˇ. Miˇ kʼahˬ kʼahˬ lah ni laˆ cawˆ-eu gʼaˇ duˬ, Baoˬ huiˬ-eu Sahˬpaˬ Miˬyehˇ noeˬ tsehˆ taˬ-euˬ gaˇ kawˆ, ngaˇ ya gaˬ gʼaˬ-euˬ ma.

Yeˬlaˬmiˇ 32:17

“Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ-oˇ, huiˬ dui dui-eu nawˬ-euˬ baoˬ-ahˇ gʼoe-eu laꞈ kʼoeˇ nawˇ aˬ laꞈ cawˬ ja-awˇ, mˬ hawˇ-eu miˇ-ahˇ beh taˬ-euˬ meh. Nawˇ maˬ mˇ nya-eu tiˬ jeˬ-iˬ maˬ jaˆ-a.

Maꞈtehˬ 6:13

Iˬ baˇ muˇ juˇ mehˬ nah, taˬ bi iˇ laꞈ, Yaw haiˬ laꞈ kʼoeˇ, bi dzeuˇ-iˇ laꞈ.’

Dawˬmehˬ 32:31

Muiˇ-eu deuˬ-euˬ miˬ yehˇ kʼoeˇ deuˬ, Iˇsaˬleˬlaˆ Miˬyehˇ naˆ ni, baoˬ maˬ ahˇ-ehˇ gʼaˬ maˬ kʼaˆ-eu, muiˇ-eu deuˬ siˬ duˬ taˬ-euˬ meh.

Dawˬmehˬ 7:21

Kʼoeˇ miˇ neh, tsawˇ haˬ kʼoeˇ deuˬ-ahˇ naw maꞈ taˬ guˆ. Naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ naw maꞈ nehˬ-ehˇ jawˇ meh. Aˬ yawꞈ-aˬ, huiˬ dui dui-eu Miˬyehˇ pyeuꞈ-awˇ, guˆ laˇ paˬ-ehˇ gʼeh-eu meh.

Yawˇshuˆ 22:22

“Baoˬ huiˬ dui dui-eu gʼaˬ-aˬ Miˬyehˇ meh. Aˬ yawꞈ-aˬ, Sahˬpaˬ Miˬyehˇ pyeuꞈ-eu meh. Baoˬ huiˬ dui dui-eu gʼaˬ-aˬ Miˬyehˇ meh. Aˬ yawꞈ-aˬ, Sahˬpaˬ Miˬyehˇ pyeuꞈ-eu meh. Nga maꞈ aˬ jeˬ baˬ da neh heu loꞈ-ehˇ jahˇ-eu aˬ yawꞈ siˬ nya meh. Naw maꞈ-ahˇ kʼawꞈ gaˇ kawˆ heu bi siˬ mawꞈ-eu ma. Nga maꞈ Sahˬpaˬ Miˬyehˇ-ahˇ maˬ jah ni puiˬ-euˬ jeˬ ngeuˇ naˇ, nga maꞈ-ahˇ taˬ paˇ bi dehꞈ laꞈ.

1 Saˬmeuˬlaˆ 15:19

Toˆ-ehˇ ngeuˇ naˇ, aˬ jeˬ miˇ neh aˬ yawꞈ-euˬ ehˇ dawˬ-ahˇ nawˇ maˬ naˇ haˬ geuꞈ teˬ. Aˬ jeˬ miˇ neh naw maꞈ neh deuˆ za-euˬ mˇ myawˬ yuˇ geuꞈ-eu laꞈ kʼoeˇ Sahˬpaˬ Miˬyehˇ nui ma maˬ saˇ-eu jeˬ mˇ teˬ.”

1 Saˬmeuˬlaˆ 2:2

“Sahˬpaˬ Miˬyehˇ loꞈ-ehˇ shawˇ-eu, nui gʼaˬ tiˬ gʼaˬ-iˬ maˬ jawˇ-a. Yawꞈ-ahˇ duˇ-eu gʼaˬ maˬ jawˇ-a. Miˬyehˇ loꞈ-ehˇ haw piˇ nya-eu, nui gʼaˬ tiˬ gʼaˬ-iˬ maˬ jawˇ-a.